SPORTS

Nasungkit ng Pilipinas ang kauna-unahang silver medal sa 2018 Asian Games.

Inuwi ito ni Japanese-Filipino Judoka Kiyomi Watanabe laban sa pambato ng Japan na si Nami Nabekura na nakapag-bulsa naman ng gintong medalya.

Una nang naging pambato ng Pilipinas si Judoka sa Southeast Asian Games kung saan nagbulsa ito ng ginto nuong 2013, 2015 at 2017.

Nasa 17^th place na ang Pilipinas sa medal tally kung saan may apat (4) na ginto, isang pilak at 13 na tanso.

#PSCAsiadUpdates: Unang PILAK #ParaSaInangBayan
Kiyomi Watanabe takes the SILVER medal in the Women’s Judo -63kg. against Japanese rival Nami Nabekura!

Mabuhay ang Atletang Pilipino!#LabanAtletangPilipino #TeamPHIsaAsianGames2018 pic.twitter.com/HgXKvRrYJe

— Philippine Sports Commission (@psc_gov) August 30, 2018

Umani ng 17 na medalya ang Pilipinas sa nagpapatuloy na 2018 Asian Games sa Indonesia.

Pinaka-huli sa mga sumungkit ng gintong medalya si Margielyn Didal sa skateboarding competion sa Palembang City.

Ang 19-year-old na Pinay ang kauna-unahang Asian Games Women’s Skateboarding Champion at napabilang sa “golden girls” ng Pilipinas.

Dahil dito, apat (4) na medalya na ang hawak ng Pilipinas at 13 bronze.

Wagi ang Gilas Pilipinas kontra sa Japan sa 2018 Asian Games sa Jakarta, Indonesia.

Tinambakan ng Gilas ang Japan sa score na 113-80 sa kanilang paghaharap kahapon.

Pinangunahan ng Fil-Am at Cleveland Cavaliers point guard na si Jordan Clarkson ang Pilipinas sa pamamagitan ng 22 points, 6 rebounds at 9 assists.

Magugunitang apat na player ng Japan ang agad pinauwi matapos matuklasan ng Japanese Olympic Committee na nagpasok sila ng mga prostitute sa kanilang hotel.

Samantala, sunod namang makakaharap ng Philippine national team ang Syria para sa 5th place.

PSCAsiadUpdates: Congratulations Team Pilipinas for winning in the Men’s Basketball tonight
113 – 80
With the win from Japan, PH will just have to fight for the 5th place in the #AsianGames2018 Men’s Basketball rankings.#LabanAtletangPilipino#TeamPHIsaAsianGames2018pic.twitter.com/dwwyJ5ecUH

— Philippine Sports Commission (@psc_gov) August 28, 2018

 

—-

Muling sumikwat ng bronze medal ang Pilipinas sa 2018 Asian Games sa Indonesia.

Ito’y sa pamamagitan ng mga martial artist na sina Cherry May Regalado sa women’s singles event ng Pencak Silat at Juna Tsukii sa 50 kilogram women’s division ng karate.

Bahagya namang nabuhayan ng loob ang Pilipinas sa boxing sa pag-abante sa quarterfinals ng middleweight fighter na si Eumir Felix Marcial matapos patumbahin si ng Kuon Kun ng Macau.

Gayunman, bigo ang Gilas Pilipinas na makasungkit ng medalya sa basketball matapos na matalo sa South Korea sa score na 91-82.

Sa ngayon ay mayroon ng 15 na medalya ang pilipinas na kinabibilangan ng tatlong ginto at ang nalalabi ay pawang tanso.

Nadagdagan pa ang mga cash gift na matatanggap ni Asian Games gold medalist Hidilyn Diaz.

Napagkasunduan ng mga senador na pagkalooban si Diaz ng dalawang milyong piso bilang pagkilala sa pagbibigay nito ng karangalan sa bansa sa pamamagitan ng gintong medalya sa weightlifting.

Sa kabuuan, umaabot na sa pitong milyong piso ang matatanggap na cash gift ni Diaz.

Una nang nangako ng isang milyong piso ang Siklab Foundation, dalawang milyong piso mula sa Philippine Olympic Committee, dalawang milyong piso mula sa gobyerno at isang milyong piso naman mula kay Philippine Ambassador to Indonesia Lee Hiong Wee.

Bukod sa cash incentive, maghahain naman ng resolusyon si Senador Sonny Angara para kilalanin ang naging pagsisikap ni Diaz at buong Philippine Asian Game delegation.

Samantala, isang hero’s welcome rin ang naghihintay kay Hidilyn sa Pilipinas na inaasahang sasalubungin ng kanyang mga kasamahan sa Philippine Air Force at pamilya sa Mampang, Zamboanga City.

Pagbibigay muli ng reward ni Pangulong Duterte asahan na

Naniniwala si Presidential Spokesman Harry Roque na hindi magpapahuli si Pangulong Rodrigo Duterte sa pagbibigay ng cash reward kay 2018 Asian Games Gold Medalist Hidilyn Diaz.

Ayon kay Roque, tuwang-tuwa ang pangulo sa pagkaka-panalo ni Diaz na inihabol pa nito sa kanyang talumpati kamakalawa sa lungsod ng Cebu.

Nakatitiyak naman anya ang pinay weightlifter na makatatanggap ito ng cash incentive mula sa punong ehekutibo gaya nang ginawa nito noong makasungkit ng silver medal si Hidilyn sa 2016 summer olympics sa Rio De Janeiro, Brazil.

Dalawang milyong piso ang ipinagkaloob na insentibo ng pangulo kay Diaz noong 2016  habang makatatanggap naman ito ngayon ng 6 million peso cash incentive.

(Drew Nacino and Jopel Pelenio)

Nagpaabot ng pagbati ang Malacañang sa mga atletang Pilipino na nanalo ng medalya sa ginaganap na 2018 Asian Games sa Indonesia.

Kabilang sa binati ni Presidential Spokesperson Harry Roque ang mga atletang sina Dustin Jacob Mella, Jordan Dominguez at Rodolfo Reyes na nagwagi ng bronze medal sa Taekwando Poomsae.

Gayundin ang mga miyembro ng Women’s Taekwondo Poomsae na sina Juvenille Fay Crisostomo, Rinna Babanto at Janna Dominique Oliva na nasungkit din ang tansong medalya.

Kasabay nito nagpaabot din ng best of luck ang Malacañang sa lahat ng mga manlalarong na sumasabak sa Asian Games.

Sa ngayon meron nang tatlong bronze medal ang Pilipinas matapos naman masungkit kahapon ni Wushu martial artist Agatha Wong ang ikatlong puwesto sa women’s division.

—-