SPORTS

Suko na si British Boxer Amir Khan sa pagpupursigeng makalaban si Senador Manny Pacquiao.

Ito ay matapos burahin ng team Pacquiao si Khan sa mga posibleng makalaban ng senador na ayaw kagatin ang paggigiit ng british boxer na makasagupa siya.

Dahil dito, pina plantsa na lamang ang laban ni Khan sa kapwa british fighter na si Kell Brook.

Ayon kay Boxing Promoter Eddie Hearn ang laban ni Khan kay Brook ay maituturing na malaking boxing event sa Britanya.

Magugunitang mas pinili ni Pacman si Adrien Broner na makalaban bago ang rematch niya kay Floyd Mayweather Jr.

Muling hinamon ng welterweight fighter na si Amir Khan ang kanyang dating sparring partner na si Senador Manny Pacquiao.

Ito’y makaraang umugong ang balitang nais ni Floyd Mayweather Jr ng isang warm-up fight kay Adrien Broner sa Tokyo, Japan bago ang blockbuster rematch kay Pacquiao.

Aminado si Khan na matagal na niyang hinahangad na makasagupa si Pacman na kasalukuyang may hawak ng WBA welterweight belt.

Kung bibigyan anya siya ng pagkakataon ay tiyak na magiging mega-fight din ang sagupaan nila ng pambansang kamao gaya ng laban nito kay ‘Pretty Boy’ noong Mayo 2015.

Maka-ilang beses nang nagkaroon ng negosasyon ang panig ng senador at British boxer para sa sinasabing bakbakan subalit hindi nagkasundo.

Plano ni Kyrie Irving na manatili na lamang sa Boston Celtics.

Ito ay kahit pa nakatakda na siyang maging isang free agent simula sa summer.

Ayon kay Irving, masaya na siya sa piling ng kanyang mga teammates sa Celtics at handa siyang muling pumirma ng kontrata sa kanilang koponan.

Ang 26-anyos na si Irving ay anim na season ding naglaro para sa Cleveland Cavaliers bago ito nakuha ng Celtics noong nakaraang taon.

—-

Maaari pa rin makapaglaro para sa Gilas Pilipinas ang Cleveland Cavaliers guard at Filipino American na si Jordan Clarkson.

Ayon kay National Head Coach Yeng Guiao, oras na mag-qualify ang Pilipinas sa FIBA World Cup sa susunod na taon ay muli aniya nilang hihilingin ang serbisyo ni Clarkson.

Maliban dito, mismong si Clarkson din ay nais na makapaglarong muli para sa Gilas at kumpiyansa itong muli siyang papayagan ng mga opisyal ng NBA.

Ang FIBA World Cup ay gaganapin sa Agosto 31 hanggang Setyembre 15 ng susunod na taon.

—-

Pasok na sa semi-finals ng Bangabandhu Gold Cup sa Bangladesh ang Philippine Azkals.

Ito ay makaraang idispatsa ng Azkals ang koponan ng Laos sa iskor na 3-1.

Kabilang sa mga nakapuntos para sa national team ng Pilipinas sina Jovin Bedic, Misagh Bahadoran at Javier Gayoso.

Samantala, susunod namang makakaharap ng Azkals ang Bangladesh na kabahagi nila sa Group B.

Ang Gold Cup ay inorganisa ng Bangladesh Football Federation na bahagi ng ginagawang paghahanda ng Azkals para sa AFF Suzuki Cup 2018 at AFC Asian UAE 2019.

—-

Dismayado si IBF Superflyweight champion Jerwin Ancajas kahit napanatili niya ang kanyang belt kontra kay Alejandro Santiago ng Mexico.

Aminado si Ancajas na hindi katanggap-tanggap ang draw o split decision matapos ang round 12 ng kanilang sagupaan sa Oracle Arena, sa Oakland, California, USA.

Ayon kay Jerwin, ginawa naman niya ang kanyang makakaya upang makasungkit ng panalo subalit sadyang nakapag-handa si Santiago.

Aniya, batid niyang siya ang nanalo subalit hindi naman siya maaaring makipagtalo sa desisyon ng mga hurado.

Umabot sa isangdaan at dalawampu’t walong (128) surfers ang lumahok sa pagsisimula ng 24th Siargao Cloud 9 Surfing Cup.

Nagmula pa ang mga surfer sa US, Australia, France, England, Hawaii, Indonesia, Japan, Mexico, New Zealand, South Africa, Spain at Tahiti.

Ayon kay World Surf League Australasia General Manager at Event Director Steven Robertson, inaasahan sa palarong ito na mahihikayat ang lahat ng surfer sa buong bansa lalo’t isa ito sa pinakamalaking annual sporting event sa Pilipinas.

Tatanggap naman ng pitumpu’t limang libong ($75,000) dolyar ang mananalo sa kompetisyon na i-aanunsyo sa pagtatapos nito sa Oktubre a-kwatro.

Muling sumikwat ng panalo ang Barangay Ginebra Gin Kings sa nagpapatuloy na elimination round ng 2018 PBA Governor’s Cup.

Nalusutan ng defending champions ang kanilang sister team San Miguel Beermen sa score na 110-102 sa paghaharap nila sa Araneta Coliseum, kagabi.

Nagpakawala ng double-double 29 points at 19 rebounds sina Justin Brownlee at 20 points at 7 rebounds si Aljon Mariano para sa Ginebra.

Kumamada naman ng 25 points sina Christian Standhardinger at 22 points si Arwind Santos para sa SMB.

Nananatili sa ika-apat na pwesto ang Gin Kings sa kartadang 4-1 habang nakapako sa 7th spot ang Beermen sa kartadang 2-2.

—-

Wala pa ring talo ang Adamson University Soaring Falcons sa unang bahagi ng elimination round ng men’s senior basketball tournament sa UAAP Season 81.

Nananatili sa number 1 spot ang Falcons sa kartadang 3-0 makaraang padapain ang University of Santo Tomas (UST) Growling Tigers sa score na 79-71 sa Araneta Coliseum, kahapon.

Mayroon pa lamang isang panalo at dalawang talo ang UST na nasa 7^th spot.

Samantala, tinambakan naman ng Ateneo De Manila Blue Eagles ang host school na National University Bulldogs sa score 72-46.

Dahil dito, umabante ang Ateneo sa 2^nd spot ang Ateneo sa kartadang 2-1.

Magpapares sa unang pagkakataon para sa doubles event ng Laver Cup ang magkaribal na sina roger federer at novak djokovic.

Maglalaro ang dalawa para sa team Europe.

Ayon kay Federer, madalas silang napapanood na nangbabakbakan ni Djokovic ngunit ngayon aniya ay ispesyal na pagkakataon dahil maglalaro sila bilang magkakampi.

Unang makakaharap nina Federer at Djokovic sa doubles event sina Jack Sock ay Kevin Anderson.

—-