Muling napanumbalik ng San Miguel Beermen ang kanilang lakas matapos mapatumba ang koponan ng Blackwater nitong Biyernes
Nakaranas ng magkakasunod na pagkatalo ang Beermen mula nang magsimula ang PBA Commissioner’s Cup Season kaya’t kinailangan nitong kumuha ng import sa katauhan nila Charles Rhodes at June Mar Fajardo at Marksmanship Marcio Lassiter
Magugunitang nanalo ang Beermen kontra sa Blackwater sa iskor na 172-106
Nilinaw ng Samahang Basketball ng Pilipinas ang hindi nila pagsama kay Fil-Am Guard Remy Martin sa Gilas Pilipinas pool.
Ayon kay SBP President Al Panlilio, nag-ugat ito sa isyu ng eligibility at hindi dahil sa hindi deserving si Martin na mapabilang sa Gilas.
Tatalakayin naman nila sa susunod na pulong ng FIBA ang eligibility ng mga manlalaro nito.
Kasunod nito, nagpasalamat naman si Panlilio kay Martin dahil sa pagiging bukas nito sa diyalogo para malinawan ang usapin sa lalong madaling panahon.
Umalis na kagabi patungong Estados Unidos si Pambansang Kamao Sen. Manny ‘Pacman’ Pacquiao kasama ang training team nito para ipagpatuloy doon ang ensayo para sa nalalapit nitong laban kontra Keith Thurman.
Diretso sa Los Angeles, California ang Team Pacquiao kung saan naghihintay na sa wild card gym si Coach Freddie Roach.
Inaasahang tututukan sa training ng pambansang kamao ang higit na pagpapalakas ng kanyang road work at foot works.
Sinabi naman ng strength at conditioning coach ni Pacquiao na si Justin Fortune na kasado na rin ang dekalidad na sparring partner ng “fighting senator.”
Inihayag naman ni Head Coach Buboy Fernandez, sa ngayon nasa 75 percent na ang improvement ng kondisyon ni Pacman at patuloy aniya itong gumaganda.
Nakatakdang magharap sina Pacquiao at Thurman sa July 21 sa MGM Grand Garden Arena, Las Vegas, Nevada.
Inanunsyo na ni San Antonio Spurs guard Tony Parker ang pagreretiro niya matapos ang 18 seasons sa NBA.
Sinabi ng 37 anyos na si Parker na hindi na siya ang isang dating Tony Parker at hindi na siya makakalaro sa championship matapos ang 20 taong basketball career.
Si Parker na six time all-star sa NBA ay pangulo ng ASVEL Basket na isang basketball team sa France na naka-base sa Lyon.
Posibleng makapaglaro na sa game 5 ng NBA finals si Golden State Warriors star player Kevin Durant.
Ayon kay Golden State Coach Steve Kerr, nakasama na nila sa ensayo nitong linggo si Durant kung saan naging maganda aniya ang ipinakitang performance nito.
Kanila aniyang ibabatay sa naging laro ni Durant sa practice game kung maaari na itong isabak muli sa laban.
Si Durant na nanalo ng back to back MVP Awards sa dalawang season ng NBA ay hindi nakapaglaro sa final series dahil sa injury sa binti.
Muling maghaharap ang Pilipinas at South Korea sa FIBA Asia Cup Qualifiers sa 2021
Ito’y makaraang kapwa mapabilang sa group a ang dalawang bansa kasama ang Indonesia at Thailand matapos ang isang seremoniya na ginawa sa India
Si dating Gilas Pilipinas Captain Jimmy Alapag ang siyang bumunot ng pangalan ng bansa sa unang draw
Kasalukuyang nasa number 4 team sa Asya Ang Pilipinas na siyang highest ranked team sa group a habang number 5 naman ang South Korea
Magugunitang nuong 2017 FIBA Asia Cup, pinataob ng South Korea ang Pilipinas sa Semifinals
Ang top 2 teams sa bawat isa sa anim na grupo ay awtomatikong aabanse na sa 16 country Asia Cup
Nagsimula na ang sparring session ni fighting-senator Manny Pacquiao para sa nakatakda niyang laban kontra kay Keith Thurman.
Sa pangalawang araw ng kanyang sparring session, kitang kita ang focus ni Pacquiao para puspusang makapaghanda sa kanyang darating na laban.
Sparring partner ng fighting senator ang 24 anyos na si Tim Tszyu, anak ni Australian boxing legend na si Kostya Tszyu.
Napili si Tszyu dahil copy-cat o katulad ito ng istilo ni Thurman na nakatakdang kalabanin ni Pacquiao sa Hulyo 21, araw dito sa Pilipinas.
Muling nasungkit ng Toronto Raptors ang panalo sa Game 3 laban sa Golden State Warriors ng NBA Finals sa score na 123 – 109.
Ito’y kahit na sa home court ng Warriors ginanap ang Game 3.
Sinasabing isa sa naging dahilan ng pagkatalo ng Warriors ang hindi paglalaro ng mga star players na sina Kevin Durant, Klay Thompson at Kevon Looney dahil sa tinamong injury.
Samantala, 2-1 na ang score sa serye, pabor sa Raptors.
Gaganapin naman ang Game 4 ng NBA Finals sa Sabado.
Nakabawi ang Golden State Warriors sa Game 2 ng NBA Finals kung saan naitala sa 109-104 ang final score.
Naging dikitan pa ang laban matapos lumamang ang raptors sa unang dalawang quarter ng laro.
Pagsapit naman ng 3rd Quarter ..malaking puntos ang naitala ng Warriors kayat nakalamang ito sa laban samantalang nagdikit ang sagupaan sa 4th Quarter at umabot pa sa pagkakataong 2 puntos lamang ang lamang ng warriors ..ilang segundo bago matapos ang laban.
Nakahinga na ng maluwag ang Barangay Ginebra Gin Kings matapos ang makapigil hiningang pagkapanalo nito kontra sa palabang Northport.
Ito’y makaraang maitala ang gahiblang panalo ng Gin Kings sa Northport sa PBA Commissioner’s Cup noong Sabado sa score na 73-70.
Nanguna ang import na si Justin Brownlee sa panalo ng Ginebra dahil sa ambag nitong 32 puntos, 8 assist at 5 steals habang sila Greg Slaughter at Scottie Thompson naman ay nakapagtala ng 16 at 11 points.
Sa kabila ng gitgitang labanan, hindi pa rin kuntento rito si Ginebra Coach Tim Cone at pinuna pa nito ang mga turn-overs na ginawa ng kaniyang mga players.
Dahil dito, hawak ng Ginebra ang 2-1 na kartada kung saan, sunod namang makakalaban nito ang Rain or Shine Elasto Painters sa Hunyo 7 sa Smart Araneta Coliseum.