SPORTS

Kaagad pinareresolba ng IOC International Olympic Committee at OCA o Olympic Council of Asia ang gusot sa POC Philippie Olympic Committee.

Sa ipinadalang sulat ng POC ..nagbanta ang Olympic Governing body na hindi magdadalawang isip ang IOC at OCA na magpataw ng mabigat na kaparusahan kapag hindi naresolba ang problema.

May malaking epekto anito sa reputasyon ng Pilipinas at sa ibang bansa ang nangyayaring internal at personal na alitan sa loob ng POC.

Ibinabala pa nito ang posibleng epekto sa gaganaping International Sports Events kabilang na ang Olympic Games sa Tokyo 2020 bukod pa sa hosting ng bansa ng 30th Southeast Asian Games mula November 30 hanggang December 11.

Magugunitang nagsimula ang alitan nang tanggalin ni dating POC President Ricky Vargas si Peping Cojuangco at iba pang mga opisyal nang magkaruon ng awayan nuong may 27 sa ginawa nilang General Assembly.

Inilampaso ng 15 taong gulang na si American qualifier Cori Gauff si five-time Wimbledon champion Venus Williams sa unang round ng Wimbledon 2019.

Walang pagsidlan ang saya ni Gauff nang makaharap at matalo pa niya ang idolong si Williams sa score na 6-4, 6-4.

Nasa 313 ang world ranking ni Gauff sa tennis habang si Williams ay nanalo na ng apat na Grand Slam title, ang dalawang Wimbledon title bago pa man ipinanganak si Gauff.

Pinataob ng Phoenix ang Barangay Ginebra sa score na 111-103 sa kanilang laro sa 2019 P.B.A. Commissioner’s Cup na ginanap sa Araneta Coliseum.

Kumamada si Matthew Wright ng 32 points para sa Pulse.

Nagdagdag naman si Import Richard Howell ng 31 points para sa kanilang koponan.

Dahil dito, tabla na ang Phoenix at Ginebra sa standings taglay ang 4-4 record.

Sa isa pang laro, dinurog ng NLEX ang Rain or Shine sa score na 100-97.

Posibleng lumipat si NBA Star Klay Thompson sa ibang koponan mula sa kasalukuyan nitong team na Golden State Warriors.

Batay sa mga ulat, ito ay kung hindi na alukin ng Warriors si Thompson ng limang taong max deal na nagkakahalaga ng  190 milyong dolyar.

Kaugnay nito, sinabi naman ni Thompson na pag iisipan pa niya ang alok ng Lakers at Clippers sakaling walang i-alok na offer sa kanya ang Golden State Warriors sa ngayong darating na Hulyo.

Hindi nababahala si Gilas Pilipinas Coach Yeng Guiao sa sunud-sunod na pag-atras ng ilang manlalaro para sumabak sa 2019 FIBA Basketball World Cup.

Una nang umatras para maging bahagi ng Philippine Team sina Scottie Thompson, Ray Parks Jr. at Jayson Castro.

Ayon kay Guiao, may iba pang manlalaro silang kukunin para ipalit sa mga umatras na players ng Gilas.

Kabilang dito ang mga rookie basketball players na sina Cj Perez at Robert Bolick.

Nakatakdang magsagawa ng bidding para sa hosting ng 2034 Football World Cup o FIFA World Cup ang mga bansa sa Southeast Asia.

Ito ang napagkasunduan sa idinaos na ASEAN leaders meeting sa Bangkok, Thailand.

Taong 2002 nang huling nag host ng FIFA World Cup ang ASEAN countries na Japan at South Korea.

Gagawin naman sa Qatar ang 2022 FIFA World Cup.

Kabilang sa mga inaasahang maglalaban para makuha ang hosting ng FIFA ang Cambodia, Indonesia, Laos, Malaysia, Myanmar, Pilipinas, Singap0ore, Thailand, Vietnam at Brunei.

Inilampaso ng San Miguel Beer ang Alaska sa Score na 119-107 sa kanilang laro sa 2019 PBA Commissioner’s Cup Sa Cuneta Astrodome kagabi.

Naging bida si Alex Cabagnot sa panig ng Beermen makaraang umiskor ng 31 points at 6 assists.

Dahil dito, umakyat na ang rekord ng SMB sa 2 panalo laban sa 3 talo sa kasalukuyang Torneo.

Kumamada naman sina Charles Rhodes at Marcio Lassiter ng pinagsamang 46 points para sa San Miguel.

Minamadali na ng LA Lakers ang pagkumpleto sa kanilang binubuong “Super Team” habang nalalapit na ang moratorium sa free agency sa NBA.

Una nang lumabas ang balitang nakuha na ng Lakers si Anthony Davis mula Pelicans sa blockbuster trade.

Nakatakda umanong isapinal sa Hulyo  6 ang salary deal kay Davis na ipapartner kay NBA Superstar Lebron James.

Pupuspusan na rin ang negosasyon ng Lakers sa iba pang mga teams para magkaroon na ng deal sa 3 natitira pang players.

Walang magiging epekto sa hosting ng Pilipinas ng 2019 Southeast Asian Games ang pagbibitiw ni Philippine Olympic Committee President Ricky Vargas.

Ayon ito kay Congressman Elect Alan Peter Cayetano, chairman ng Philippine Southeast Asian Games Organizing Committee Foundation, bagamat nalulungkot siya sa naging hakbang ni Vargas.

Kaugnay nito, nanawagan si Cayetano sa sports leaders na magkaisa para maging matagumpay ang hosting ng bansa ng SEA Games na isang malaking karangalan sa Pilipinas.

Ang SEA games ay itinakda sa Nobyembre 30 hanggang Disyembre 11.

Inaasahang aabot sa 200 milyong mamamayan ng Toronto ang makikiisa sa victory parade ng 2019 NBA Champion Toronto Raptors.

Ayon sa head community affairs ng vvent na si Mike Barlett, nasa mahigit apat na kilometro ang tura ng motorcade na magsisimula mula Princes Gates ng Exhibition Place at magtatapos sa Nathan Phillips Square.

Ang mga players ng Raptors ay sasakay sa double decker na bus kasama ang Larry o Brien Trophy.

Hinimok din ni Barlett ang mga sasama sa motorcade na magsuot ng mga nakakulay na jersey ng koponan.

Idineklara naman ni Toronto Mayor John Troy ang araw na ito bilang ‘We The North Day’ bilang pagpupugay sa tagumpay ng Raptors.