SPORTS

Jampacked ang iba’t ibang Kampo Militar sa lahat ng panig ng bansa gayundin sa ilang pasilidad ng Philippine National Police ngayong araw

Ito’y bilang pakikiisa at pagbibigay suporta ng mga nasa unipormadong hanay kay Pambansang Kamao Manny Pacquiao sa kaniyang laban kay Keith Thurman sa MGM Grand Arena sa Las Vegas, Nevada

Ayon kay AFP Chief of Staff Gen. Benjamin Madrigal, binuksan nila ang Security Escort Group Mess Hall at ang AFCOC o AFP Commissioned officers Club na nasa Kampo Aguinaldo para sa libreng Live Screening ng laban

Maliban dito, dinagsa rin ng mga sundalo ang Ricarte Hall ng Philippine Army gayundin ang Multi-Purpose Hall ng Army Hospital at Army Wellness Center habang hindi rin magkamayaw ang mga manonood sa AFP Medical Center Auditorium

Hindi rin mahulugang karayom ang mga nanood sa Gymnasium ng Philippine Air Force sa Villamor Airbase habang binuksan din ang iba’t ibang Airbase sa bansa para sa libreng palabas

Samantala, binuksan din naman ni PNP Chief P/Gen. Oscar Albayalde ang Multi-Purpose Hall ng Kampo Crame para sa mga uniformed and non uniformed personnel na naka-assign duon

Gayunman, nilinaw ng pambansang pulisya na hindi sila magpapaka-kampante sa bakbakang Pacquiao-Thurman at nananatili silang naka-full alert simula pa kahapon bunsod ng SONA ni Pangulong Rodrigo Duterte bukas

Posible namang hindi na patagalin pa ni Pambansang Kamao Senator Manny Pacquiao ang pagpapabagsak sa undefeated na si Keith Thurman sa kanilang laban ngayong araw sa MGM Grand Arena sa Las Vegas.

Ayon sa jogging buddy ni Pacman na si Golden Boy Herrera, maaring umabot lang hanggang round two ang laban at tiyak aniyang agad na mana-knockout si Thurman.

Ito aniya ay dahil sa nais nang makabalik kaagad ng Pilipinas ng fighting senator para dumalo sa State of the Nation Address o SONA ni Pangulong Rodrigo Duterte, bukas.

Mayroon narin aniyang nakaantabay na private plane para kay Pacman kung saan inaasahang alas-3:00 ng hapon bukas, araw ng Lunes, ay darating na ito sa bansa.

Matatandaang, nauna nang umuwi ng bansa ang dalawang kapatid ni Pacman na sina OFW Partlylist Rep. Bobby Pacquiao at Sarangani Rep. Ruel Pacquiao upang masigurong makadadalo sila sa SONA ni Pangulong Duterte.

Pumayag na si Amir Khan sa deal na harapin si Senador Manny Pacquiao sa Riyadh, Saudi Arabia sa huling bahagi ng taon.

Kasunod ito ng pagpapabagsag ni Khan sa Australian Boxer na si Bill Dib sa laban nila sa Jeddah noong July 13 para makuha ang WBC international welterweight title.

Ipinaalam ni Khan sa British Media na itinakda sa November 8 ang sagupaan nila ng pambansang kamao.

Tiwala si Khan na matutuloy ang laban nila ni Pacman na ilang taon nang pinag uusapan, anuman ang maging resulta ng laban ng senador kay Keith Thurman sa araw ng linggo.

Si Pacman ay may record na 61 wins, 7 loss at 2 draws sa 24 na taong professional career nito habang si Khan ay may kartadang 34 na panalo at limang tao.

Pasok na si Filipino-American player Jordan Clarkson sa line up ng national basketball team na sasabak sa FIBA World Cup.

Inanunsyo ito mismo ni Gilas Pilipinas head coach Yeng Guiao sa nalalabing 50 araw bago ang world cup.

Bukod kay Clarkson, pasok na rin sa Gilas pool sina Kiefer Ravena, June Mar Fajardo, Cj Perez, Robert Bolick, Andray Blatche.

Bukod pa ito kina Japeth Aguilar, Raymond Almazan, Mark Barroca, Beau Belga, Poy Erram, Marcio Lassiter, Paul Lee, Gabe Norwood, Roger Pogoy, Stanley Pringle, Troy Rosario, Christian Standhardinger at Matthew Wright.

Gaganaping sa China ang FIBA World Cup simula August 31 kung saan ka grupo ng Pilipinas ang basketball powerhouse na Serbia kasama ang Angola at Italy.

Target ng Pilipinas na masungkit ang 2 gintong medalya sa darating na 2019 Southeast Asian o SEA Games na gagawin sa bansa sa Nobyembre.

Ayon kay Philippine Tennis Association Vice President Martin Misa, nais nilang higitan ang 2 pilak na medalyang nasungkit ng Pilipinas noong 2017 SEA Games na ginawa sa Malaysia.

5 events ang nakatakdang salihan ng Pilipinas sa Manila SEA Games at umaasa silang makukuha naman ng mga atletang kalahok ang kanilang target.

Sa kasalukuyan, sumasabak sa iba’t ibang torneyo ang kanilang mga lalaking manlalaro habang ngayong araw na tutulak pa-Malaysia ang kanilang women’s team para sa $20,000 tournament.

Bukas si dating NBA MVP Russell Westbrook ng Oklahoma Thunder na mailipat sa ibang team lalo na sa Miami Heat.

Kasunod na rin ito nang pag-‘ober da bakod’ ng teammate ni Westbrook na si Paul George sa Brooklyn Nets para maka-tandem si Kawhi Leonard.

Sinasabing si Westbrook ay kinausap ng kanilang general manager na si Sam Presti na maaari itong i-trade para wakasan na ang 11 taong pananatili sa Thunder.

Sa ngayon ay nagpapatuloy ang diskusyon ng agent ni Westbrook na si Thad Foucher sa ibang team na nagnanais makuha ang serbisyo nito.

Ang 30-anyos na basketbal superstar ay mayroon pang natitirang kontrata sa Oklahoma na $170-million mula sa four-year contract.

Pinalitan na ng Rain or Shine ang kanilang import na si Denzel Bowles.

Ito ay matapos magtamo ng injury sa tuhod si Bowles sa kanilang naging laban kontra Alaska Aces noong Sabado.

Nagtamo si Bowles ng injury sa tuhod nang makabanggaan si Jeron Teng sa 2^nd quarter ng laban para sa 2019 PBA Commissioners Cup.

Batay sa ulat, kinuha na ng Rain or Shine si Carl Montgomery na dating naglaro sa Malaysia bilang kapalit ni Bowles.

Inaasahang maglalaro na si Montgomery sa susunod na laban ng Rain or Shine kontra Magnolia Hotshots sa Miyerkules.

Naka-abanse na sa 4^th na round ang Tennis Super Star na si Roger Federer sa pagpapatuloy ng Wimbeldon Cup sa London

Ito’y makaraang pataubin ni federer ang kaniyang kalabang si Swiss Tennis Star Lucal Pouille sa loob lang ng 2 oras at 5 minuto

Nasa ika-133 edisyon na ang 2019 Wimbeldon Cup na ginagawa sa England Lawn Tennis at Croruqt Club sa London

Susunod na makakaharap ni Federer sa nasabing Torneyo ang Italian 17th seed na si Matteo Berretini

Kumpiyansa ang veteran boxing coach na si Freddie Roach na mananaig pa rin ang kaniyang alagang si Fighting Senator Manny Pacquiao sa magiging laban nito kay Keith Thurman sa Hulyo 21.

Inihayag iyan ni Roach makaraang kumpirmahin nito na unti-unti nang binabawasan ng kanilang team ang sparring session ni Pacman habang nalalapit ang kaniyang laban.

Halos maabot na aniya kasi ni Pacman ang rurok ng kaniyang conditioning kung saan, nakatapos na ito ng 12 rounds kaya’t gagawin na nila itong 8 hanggang 4 na rounds na lang sa mga susunod na araw.

Pinaghihinay-hinay ng Team Pacquiao ang senador lalo na sa pagtakbo upang hindi ito maburn-out sa kaniyang ginagawang workout.

Pasok na di umano sa Utah Jazz ang veteran forward na si Jeff Green.

Sinasabing umaabot sa $2.5-M ang naikasang kontrata ni Green sa Utah Jazz sa loob ng isang taon.

Umaasa ang Utah Jazz na mapupunan ni Green ang iniwang puwesto ni Derrick Favors matapos itong ipagpalit sa New Orleans Pelicans.