Umabante ang Golden State Warriors sa Western Conference Finals matapos talunin ang Houston Rockets sa kanilang paghaharap sa semi-finals series.
Ito’y sa kabila ng hindi paglalaro ni Kevin Durant dahil sa kaniyang calf injury.
Nagdala sa koponan ay ang pinakawalang 33 puntos ni Stephen Curry.
Nagtapos ang laban sa iskor na 118-113.
Kinumpirma ni fighting Senator Manny “Pacman” Pacquiao ang kanilang paghaharap ni Keith “One Time” Thurman sa darating na Hunyo.
Sa kaniyang social media, inanunsyo ni Pacquiao na makakasagupa niya sa June 20 si Thurman.
Ang naturang laban ang unang pagkakataon na nadipensahan ng Pinoy boxing icon ang kanyang regular WBA welterweight belt na kanyang napanalunan kontra Lucas Matthysse noong Hulyo 2018.
Si Thurman naman ay huling sumabak sa boxing ring nuong Enero lamang din taong kasalukuyan.
Desidido ang pamunuan ng Philippine Basketball Association (PBA) na kasuhan ang lalaking nakasuot ng Spiderman costume at nanggulo sa laban ng San Miguel Beermen at Magnolia Hotshots para sa game 5 finals kagabi.
Ayon kay PBA Commissioner Willie Marcial, hindi nila palalampasin ang ginawang pag-eksena ng hindi na pinangalanang lalaking fan.
Ito aniya ay para hindi na muling maulit pa ang insidente.
Magugunitang natigil ang laro sa pagitan ng Beermen at Hotshots sa natitirang tatlong minuto ng fourth quarter nang biglang magtatakbo ang nasabing lalaki sa loob ng court at nabangga pa si June Mar Fajardo.
Agad namang inaresto ang nasabing lalaki na nagsabing nais lamang nitong palaganapin ang pagmamahalan at matalinong pagboto sa eleksyon kaya umeksena sa PBA finals.
Nabulabog ang game 5 ng PBA Philippine Cup sa pagitan San Miguel Beermen at Magnolia Hotshots.
Ito ay makaraang umagaw ng eksena ang isang fan na nakasuot ng Spiderman costume na nagtatakbo sa gitna ng court bitbit ang placard na may mensaheng “vote love”.
Nangyari ito sa nalalabing tatlong minuto ng fourth quarter kung saan ay bumangga pa ang lalaking naka-Spiderman kay June Mar Fajardo dahilan upang matumba ang sentro ng San Miguel.
Agad namang dinampot ng security personnel si Spiderman na lamang iparating sa lahat ang matalinong pagboto sa eleksyon at nasa niyang magmahalaan ang lahat.
Samantala, nasilat ng Hotshots ang panalo sa Beermen sa iskor na 88-86.
Hawak na ngayon ng Magnolia ang 3-2 advantage at isang hakbang na lang para masungkit ang kampeonato.
Tiniyak ng Milwaukee Bucks ang agarang paghahanda sa inaasam na kampanya sa Eastern Conference Finals matapos tuldukan ang semifinal series sa Boston Celtics sa game 5 sa final score na 116-91.
Hinihintay na lamang ng Bucks kung sino sa Toronto Raptors at Philadelphia Seventy Sixers ang mananalo sa serye nila kung saan nakatalong panalo na ang Toronto at dalawa naman ang Seventy Sixers.
Itinuturing naman ni Bucks forward Giannis Antetokounmpo na kapwa mapanganib ang dalawang team kayat paghahandaan nila sinuman ang manalo sa dalawang ito.
Ito ang unang beses nang pagtuntong sa east finals ng Bucks makalipas ang 18 taon o mula nuong 2001.
Samantala, sinisi naman ni Celtics Head Coach Brad Stevens ang sarili matapos mabigo ang koponan na makausad sa susunod na round.
Inamin ni Stevens na hindi niya nagamapnan ng maayos ang kaniyang trabaho kaya’t gagamitin niya ang panahon para alamin kung ano pa ang mga kailangang ayusin sa strategy ng team.
Sa ngayon ay pagtutuunan ng celtics ng atensyon ang summer kung kailan ang mga players nilang sina Kyrie Irving, Al Horford at Marcus Morris ay maaring maging unrestricted free agents bukod pa sa ilang mga usaping kailangang sagutin ng team.
Wagi ang Houston Rockets kontra Golden State Warriors sa game 4 ng western conference semifinals ng NBA.
Gumawa ng 38 points at 10 rebounds si James Harden at sumuporta naman sina Eric Gordon na gumawa ng 20 points at PJ Tucker na kumana ng 17 points para tapusin ang sagupaan sa final score na 112-108.
Dahil dito kapwa may dalawang panalo na ang Rockets at Warriors sa kanilang best of seven series.
Gaganapin ang game 5 ngayong araw na ito sa Oakland, California.
Nakabawi ang San Miguel Beermen sa game 2 ng PBA Philippine Cup Finals.
Ito ay matapos payukuin ng defending champion na San Miguel ang kalabang Magnolia Hotshots sa iskor na 108-101.
Malakas ang naging pagbabalik ng Beermen sa pangunguna ni Chris Ross na sumikwat ng 15 puntos, anim na rebounds at tatlong assists.
Sinegundahan naman ito ni Junmar Fajardo na sumikwat ng 14 na puntos.
Ang game 3 ng salpukang San Miguel at Magnolia ay gaganapin sa the Big Dome bukas.
Nakahanda nang idipensa ng Pinoy boxer na si Jerwin Ancajas ang kanyang IBF Superflyweight title sa darating na Linggo, Mayo 5.
Ito’y kung saan makakalaban niya ang Japanese challenger na si Ryuichi Funai.
Dalawang taon na namayagpag si Ancajas sa kanyang dibisyon hawak ang 30 wins 1 loss 2 draws at 20 knockouts na fight record.
Ito ang ika-pitong pagkakataon na ididipensa ni Ancajas ang kanyang korona.
70 porsyento nang kumpleto ang state of the art sports complex na itinatayo sa New Clark City sa Capas, Tarlac para sa 30th Southeast Asian Games.
Sa buwan ng Agosto, tinatarget ng developer na MTD Philippines, BCDA at Department of Transportation (DOTr) na matapos ang nasabing venue.
Bahagi ng New Clark City National Government Administrative Center ang 20,000 seat athletics stadium, 2,000 seat aquatics center at athletes village.
Mayruon ding 1.4 kilometer park ang nasabing venue sa kahabaan ng Cutcut river na may bikeways, jogging paths at amphitheaters.
Halos 60 sports ang bahagi ng sea games kung saan maglalaro ang halos 10,000 atleta mula sa labing isang bansa at ang Clark ang magiging sentro ng sea games mula November 30 hanggang December 11.
Naitabla ng Portland Trail Blazers ang serye sa tig isang panalo matapos manalo sa game 2 kontra Denver Nuggets.
Naitala sa 97-90 ang final score sa game 2 bakbakan ng Nuggets at Trail Blazers na nakaganti umano sa unang pagkatalo nila nang gumana ang matinding depensa ng grupo.
Nalimitahan ng Portland ang Denver lalo na ang superstar nitong si Nikola Jokic sa 16 points mula sa dating 37 points performance sa game 1.
Nagtala naman ng double figures ang anim na players ng Trail Blazers sa pangunguna ni CJ Mccollum na gumawa ng 20 points.
Ang game 3 ay nakatakdang isagawa sa Sabado sa teritoryo ng Portland.