SPORTS

Aminado ang British Boxer na si Amir Khan na pinag-iisipan niya ang magretiro sa boksing.

Ito aniya ay kung patuloy na mauudlot ang planong laban kay pambansang kamao Manny Pacquiao.

Ayon kay Khan, nasa punto na siya ng kanyang karera na nais na lamang niyang i-enjoy ang mga huling laban niya bago magretiro.

Kabilang aniya sa kanyang target na makalaban ay si Pacquiao.

Dagdag pa ni Khan, mas mahalaga pa rin sa kanya ang kanyang kalusugan at makasama ang kanyang pamilya.

Magugunitang ilang taon naging Sparring Partner ni Pacquaio si Khan bago ito umalis sa Training Camp ng Pambansang Kamao.

Pumasok sa 5^th pwesto ang Pinay skate boarder na si Margiely Didal sa Street League Skateboarding World Tour na ginanap sa CA Skateparks Training Facility sa Los Angeles.

Ito ay matapos na makakuha si Diaz ng score na 21.2 sa women’s final, mas mataas sa dating world champion na si Leticia Bufoni ng Brazil.

Dahil dito, mas tumaas ng tsansa ni Didal na makapasok at makalaban sa Tokyo 2020 Olympics.

Magugunitang nakuha ni Didal ang 4^th na gintong medalya ng Pilipinas sa Asian Games noong 2018 at inaasahang sasabak din ito sa 2019 Southeast Asian Games.

Nananatiling buo ang suporta ng NBA Star Player na si Ben Simmons sa Australian Basketball Team na lalaban sa Canada at Amerika para sa Exhibition Matches

Ito’y kahit hindi na itutuloy ni Simmons ang pagsama niya sa nasabing koponan para maglaro sa 2019 World Cup and Exhibition Games

Magugunitang mas pinili ni Simmons na pumirma ng kontrata para sa Philadelphia 76ers sa halagang 170 milyong dolyar kaya’t ito aniya ang kaniyang paghahandaan

Umaasa naman si Simmons na makapaglalaro pa siya para sa Australia pagsapit naman ng Tokyo Olympics sa susunod na taon

Isang Argentine Boxer ang nasawi dahil sa Brain Injury at atake sa puso matapos ng kanyang laban sa San Nicolas Argentina.

Kinilala ang nasawing boksingero na si Hugo Santillan na nawalan ng malay sa 10^th round ng kanyang laban kontra kay Eduardo Abreu ng Uruguay.

Sumailalim pa sa operasyon si Santillan para maalis ang pressure sa kanyang utak bunsod ng natamong Trauma sa ulo.

Magugunitang, 2 araw bago nasawi si Santillan, isa ring boksingero mula Russia na kinilalang si Maxim Dadashev ang namatay rin dahil sa Brain Injury matapos ng naging laban nito sa Maryland USA.

Nadagdagan pa ang listahan ng players na umatras sa training camp ng team U.S.A para sa Fiba World Cup.

Isang araw ito matapos ang napaulat na pag urong na rin sa World Cup ni Damian Lillard.

Ayon kay Love, sinabihan na niya si US Coach Gregg Popovich hinggil sa kaniyang desisyong umatras na sa training camp.

Bukod kina Love at Lillard, una na ring nag back out sina two time scoring champion at 2018 NBA Most Valuable Player James Harden, Los Angeles Lakers Big Man Anthony Davis, Tobias Harris, Demar Derozan, Eric Gordon, CJ Mcollum at Bradley Beal.

Kabilang sa mga dahilan ng pag urong ng ilang players ang kanilang retirement at paghahanda sa bagong NBA season.

Inaasahan namang maglalaro sa kampo ng Amerika sina Kyle Lowry ng Toronto Raptors, Boston Celtics Guard Kemba Walker at Milwaukee Forward Khris Middleton.

Opisyal nang pinalawig ng limang taon ang kontrata ni combo guard Jamal Murray sa Denver Nuggets.

Hindi nagbigay ng detalye ang Denver Nuggets hinggil sa halaga ng kontrata ni Murray subalit  una nang iniulat ng The Athletic na aabot ito sa $170-M.

Ayon kay Tim Connelly, pangulo ng basketball operations ng Nuggets, mula pa noong 2016 ay bilib na sila sa kakayahan ni Murray at hindi yun nagbabago magpahanggang ngayon.

Pasok na sa Phoenix Suns ang power forward na si Cheick Diallo.

Bagamat hindi isinapubliko ng Phoenix ang halaga ng kontrata, napag-alamang isa itong multi-year free-agent contract.

Huling naglaro sa New Orleans Pelicans si Diallo kung saan nagtala sya ng career high na 6.0 points at  5.2 rebounds.

Una rito, iniulat ng Yahoo Sports ang 1.6M-deal ng Phoenix at ni Diallo para sa 2019 hanggang 2020 at 1.8-M sa kasunod na season.

Wala pa sa isip ni Fighting Senator Manny Pacquiao ang magretiro na sa boksing.

Ito ang ipinahiwatig ni Pacquiao kasunod lamang ng kanyang pagkapanalo kontra kay Keith Thurman.

Sa post interview matapos ang laban, sinabi ng pambansang kamao na pinag-isipan niyang bumalik sa parisukat na lona sa susunod na taon.

Binanggit din ni Pacquiao ang planong dumalo sa nakatakdang welterweight title fight sa pagitan nina Errol Spence Jr. at Shawn Porter sa Setyembre.

Samantala, nagpahayag naman si Thurman ng kagustuhan na muling makaharap sa isang rematch si Pacquiao.

Kapwa nagbubunyi naman ngayon ang mga nasa hanay ng AFP o Armed Forces of the Philippines at ng PNP o Philippine National Police sa pagkapanalo ni Pambansang Kamao Manny “Pacman” Pacquiao.

Ayon kay AFP PAO o Public Affairs Office Chief Col. Noel Detoyato, pinatunayan ni Pacquiao ang kagalingan at katatagan ng mga Pilipino.

Ang hindi matatawarang dedikasyon at pagsusumikap ni Pacquiao ay magsisilbing inspirasyon aniya para sa mga Pilipino na modelo ng pagmamalasakit sa buong mundo.

Nakikiisa rin ang pambansang pulisya sa kasiyahan ng mga Pilipino sa naging pagkapanalo ni Pacquiao laban kay Keith Thurman.

Ayon kay PNP Chief P/Gen. Oscar Albayalde, isang tunay na inspirasyon si Pacman sa lahat ng Pilipino na gawin at pag-ibayuhin ang kanilang trabaho.

Napatunayan ni Pambansang Kamao at Fighting Senator Manny “Pacman” Pacquiao na hindi hadlang ang edad upang masungkit muli ang matamis na tagumpay

Ito’y makaraang masungkit ni Pacman ang Korona bilang WBA Super World Welterweight Champion sa 30 anyos niyang kalaban at Undefeated Boxing Champ na si Keith Thurman via split decision sa kanilang laban sa MGM Grand Arena, Las Vegas, Nevada sa Amerika

Hindi nagpatinag ang 2 boksingero sa kanilang pagpagpapasiklab at pagpapakita ng bangis sa parisukat na lona dahil sa lakas ng mga binitawan nilang mga suntok

Bagama’t nagkakapaan pa ang 2, naka-buena mano na agad si Pacman nang pabagsakin nito si Thurman sa huling 18 segundo ng round , dahilan upang ma-domina ni Pacquiao ang laban hanggang sa round 5

Subalit hindi na naka-tiis at inilabas na ni Thurman ang kaniyang bangis sa round 6, 7, 9 at 10.. Bagay na hindi sumapat nang muling umarangkada ang bangis ni Pacman sa round 8 na nagtuluy-tuloy na hanggang sa round 12

Gayunman, kahit idineklarang panalo ang pambansang kamao.. Hindi matanggap ng ilan ang naging desisyon ng mga hurado dahil ibinigay nitong puntos pabor kay Thurman

Dahil dito, naitala ng 40 taong gulang na si Pacquiao sa kaniyang kartada ang 67 panalo, 7 talo at 2 draw