Wagi ang TNT laban sa San Miguel sa game 3 ng final series sa PBA Commissioners Cup sa iskor na 115-105.
Dahil sa bagong panalo ay lamang na uli ang TNT sa kartadang 2-1.
Hindi nagpatinag si Ka-tropa import Terrence Jones sa tila psychological warfare ng Beermen at pinangunahan nito ang panalo ng koponan sa ginawang 37 points.
Target ng TNT ang 3-1 lead sa game 4 sa Linggo para isang panalo na lang ay tuluyan nang masungkit ng kampeonato.
Suspendido ng limang laro sa NBA si Michael Beasley, isang free agent at pangalawa sa overall pick sa NBA draft.
Bunga umano ito sa paglabag ni Beasley sa drug policy ng liga.
Magsisimula ang suspension ni Beasley sa sandaling pumirma ito ng kontrata sa isang team.
Naglaro si Beasley sa Los Angeles Lakers nitong nakaraang NBA season bago ipinagpalit kay Mike Muscala sa Los aAngeles Clippers kasama si Ivica Zubac.
Gayunman, nang hindi ito tanggapin ng Clippers, tinapos ni Beasley ang NBA season sa paglalaro sa China.
Mananatili sa Phoenix si Calvin Abueva kahit suspendido ito sa Philippine Basketball Association (PBA).
Ito’y matapos ianunsyo ng Phoenix na wala silang balak i-trade si Abueva sa ibang koponan.
Ayon kay Phoenix Fuel Master Team Governor Raymond Zorilla, nananatili ang kontrata ni Abueva sa kanilang koponan kahit pa ito’y sinuspinde ng PBA.
Aniya, isang ‘fake news’ ang mga ulat na nagbabalak na lumipat sa ibang team si Abueva.
Matatandaang sinuspinde ng PBA si Abueva matapos nito masangkot sa iba’t-ibang kontrobersiya tulad ng pambabastos nito sa girlfiriend ng elite rookie na si Ray Parks.
Nanguna si US Tennis Superstar Serena Williams sa listahan ng Forbes magazine bilang highest paid women sa larangan ng sports.
Pumalo sa 29. 2 million dollars ang kabuuang kita ni Williams sa loob ng isang taon.
Ito na ang ika-apat na taon na sunod na nakuha ni Williams ang pwesto.
Samantala, nasungkit naman ni Naomi Osaka ng Japan ang pangalawang pwesto na may kabuuang kita na 24. 3 million dollars.
Nasa pangatlong pwesto naman si Wimbledon Champion Angelique Kerber na mayroong kita na aabo sa 11.8 million dollars.
Titiyakin ng Team Pilipinas na dadaan sa mahigpit na screening process ang mga atletang isasabak ng host nation sa darating na 2019 South East Asian Games (SEA).
Una nang nakiusap si chef de mission at Philippine Sports Commission (PSC) Chair William Butch Ramirez sa National Sports Associations (NSA) na isalang lamang sa biennial meet ang aniya’y karapat dapat na mga atleta.
Ayon kay Stephen Fernandez, Deputy chef de mission, may binuo na silang criteria na magiging batayaan ng mga NSA’s sa pagpili ng mga atletang kakatawan sa bawat sport.
Kabilang sa mga criteria na ito ang mga nilahukang international competitions ng mga atleta gaya ng nakalipas na SEA games, Asian Games at World Championships.
Sinabi ni Fernandez na hindi nila minamadali ang mga NSA’s na makapagsumite ng kanilang line up para makapamili ng maayos ang mga ito.
Nasa 95% na aniya ng mga NSA’s ang nakapagusmite na ng kanilang listahan ng mga atleta at hinihintay na lamang ang iba na pipili na ngayong linggo.
Hihirit pa ng isang season sa NBA si Vince Carter bago tuluyang magretiro sa liga.
Isang taong kontrata na nagkakahalaga ng $2.4-million ang pinirmahan ni Carter sa Atlanta Hawks.
17.2 points, 4.4 rebounds at 3.2 assists ang nasa record ng career ng 42-anyos na si Carter.
Maliban sa Hawks, nakapaglaro rin si Carter sa Toronto Raptors kung saan sya nagsimula, New Jersey Nets, Orlando Magic, Phoenix Suns, Dallas Mavericks, Memphis Grizzles at Sacramento Kings.
Nagsalita na ang Mexican boxing superstar na si Saul “Canelo” Alvarez matapos bawiin sa kaniya ng IBF o International Boxing Federation ang kaniyang korona bilang IBF middleweight champ.
Ito’y makaraang mabigo ang kampo ni Alvarez na ilatag ang kasunduan sa panig ni Sergiy Dereviyanchenko (ser-gay derev-yan-chen-ko) para sa mandatory title defense nito.
Ayon kay Alvarez, dismayado siya sa naging pasya ng IBF at isa aniya itong malaking kahihiyan hindi lamang para sa kaniya kung hindi maging sa kaniyang mga fans.
Hanggang sa mga sumandaling ito, walang inilalabas na reaksyon ang panig ng Goldenboy Promotions kaugnay sa naging pahayag na ito ni Alvarez.
Dismayado si Golden Boy Promotions CEO Oscar Dela Hoya matapos na tanggalan ang IBF Middleweight Title ni Saul Canelo Alvarez.
Ayon kay Dela Hoya, nasa gitna palamang sila ng negosasyon sa Promoter ng isang Ukranian Slugger para sa isang Mandatory Title Defense.
Aniya, nais lamang ng Ukranian Boxer na mabakante ang titulo dahil hindi naman talaga interesado ito sa naturang Boxing Match.
Ikinokonsidera ni Dela Hoya ang pagsasampa ng kaso sa naturang Boxing Organization.
Maglalaro na sa ilalim ng Chinese Basketball Association (CBA), ang beteranong NBA player na si Lance Stephenson.
Ito’y matapos pumirma ang kampo ni Stephenson ng 4-million dollars one year contract sa Liaoning flying leopards.
Naglaro si Stephenson sa Los Angeles lakers mula 2018-2019.
Naglaro na rin si Stephenson sa iba’t ibang koponan gaya sa Los Angeles clippers, Memphis grizzles, Minnesota timberwolves at New Orleans pelicans.
Nagdadalawang isip na bumalik sa boxing si Floyd Mayweather, Jr.
Ayon ito kay Leonard Ellerbe, adviser ni Floyd Jr. Matapos silang mag usap ng US boxer.
Sa gitna na rin ito ng sagutan nina Floyd jr at senador Manny Pacquiao na tinuya ni Mayweather sa kaniyang posts.
Una nang inihayag ni Ellerbe na sarado na ang isip ni Floyd jr. Sa muling pagbabalik sa boxing o makipag rematch kay Pacman.