SPORTS

Agad na nagpamalas ng husay ang Gilas Pilipinas sa tune-up game para sa 2019 Fiba Basketball World Cup na ginanap sa Meralco Gym kagabi.

Ito’y matapos talunin ng koponan ang Adelaide 36ers sa iskor na 92-83.

Gumawa ang Gilas ng 13-2 run kabilang ang dunk ni Japeth Aguilar habang papatapos ang laban.

Bumida naman ang pinakawalang 19 points, 18 rebounds at 9 assists ng naturalized Filipino player na si Andray Blatche.

Hindi rin nagpahuli si Aguilar na nagdagdag ng labing 17 points, 4 rebounds at 3 blocks.

Aabangan naman ang muling paglalaro sa isa pang tune-up game sa Linggo ni Kiefer Ravena matapos itong ma-ban sa Fiba.

Makakabuti sa Philippine Basketball ang pagharap ng Gilas Pilipinas sa team ng Australia sa dalawang tune up games bago ang FIBA World Cup.

Paniniwala ito ni gilas Coach Yeng Guiao mahigit isang taon matapos ang rambulan sa pagitan ng Pilipinas at Adelaide 36ers.

Sinabi ni Guiao na makakatulong ang kanilang friendlies bukas at sa araw ng linggo para makapag move on na ang dalawang panig sa naging pisikal na sagupaan.

Maliban dito inihayag ni Guiao na magandang pagkakataon ang kanilang pagharap sa 36ers dahil isa ang nasabing team sa magagaling na koponan sa national basketball league ng Australia na mayroong apat na championship title.

Tiniyak naman ni 36ers Head Coach Joey Wright na hindi na mauulit ang girian ng dalawang team kasabay ang pagsasabing tutulungan nila ang gilas na maging mas malakas na team bilang paghahanda para sa world cup sa China.

Pasok ang isang Pilipino sa halos 60 basketball officials na pinili ng FIBA Basketball World Cup organizers para magsilbing referee sa nasabing torunament na gagawn sa China.

Ang mga nasabing referee kabilang si Ferdinand Bong Pascual ay nagmula sa 40 federations sa limang continental zones sa buong mundo.

Ang 49 na taong gulang na si Pascual ay una nang nag referee sa 2014 FIBA world cup at 2016 Rio Olympics.

Balik pagsasanay ang Gilas Pilipinas ngayong Lunes matapos ng isang araw na pahinga kahapon.

Ayon kay Gilas Coach Yeng Guiao, kaniyang inaasahang makukumpleto ang grupo ngayong araw sa pagdating na nina June Mar Fajardo, RR Pogoy at Troy Rosario.

Samantala, kontento naman si Guiao sa ipinakikitang dedikasyon ng mga manlalaro ng Gilas gayundin sa takbo ng kanilang ensayo.

Gayunman, hindi pa rin aniya sila magpapa-kumpiyansa at tuloy-tuloy pa rin ng paghasa ng husto sa mga Gilas players.

Dalawang linggo mula ngayon inaasahang bibiyahe na ang Gilas Pilipinas patungong China para sa nakatakdang laban sa Fiba World Cup mula Agosto 31 hanggang Setyembre 15.

Itinanghal na kampeon sa PBA Commissioner’s Cup ang koponang San Miguel Beermen.

Ito’y makaraang mailampaso ng Beermen ang TNT Tropang Texters sa game 6 sa score na 102-98 sa naging laban nito kagabi.

Nanguna sa pagkapanalo ng Beermen ang pinagsanib na puwersa nila five-time Most Valuable Player (MVP) June Mar Fajardo at import na si Chris McCullough na nakapagbuslo ng 35 at 19 na puntos.

Idagdag na rin dito ang 18 puntos na naibuslo ni Christian Standhardinger na siyang naging daan para sa kanilang kampeonato.

Kasunod nito, itinanghal din bilang MVP ng PBA Press Corps Honda sa finals si Terrence Romeo na gumawa ng 10 punto sa huling laro nito.

Subalit tumatak kay Romero ang 29 na puntos na naibuslo nito noong game 2 na siyang pinakamagandang performance nito.

Sasabak na muli sa paglalaro ang golf superstar na si Tiger Woods matapos itong hindi sumali sa Northern Trust Tournament noong nakaraang linggo dahil sa sakit sa likod.

Ayon kay Woods, mas maganda na raw ang pakiramdam niya at handa na siyang muling sumabak sa golf field at maglaro sa FedEx Cup Play Offs ngayong taon.

Dumating si Woods sa Medinah, Illinois kung saan gaganapin ang nasabing golf tournament.

Kasalukuyang nasa ika-tatlumput tatlong ranggo si woods sa FedEx Cups at kailangang ipanalo ang mga laban dahil ang top 30 lamang ang aabante sa advance round.

Gumawa ng kasaysayan ang Junior NBA Asia-Pacific boys team sa Junior NBA Global Championship ngayong taon.

Natalo ng koponan ang team USA at itinanghal bilang kauna unahang international team na nakatalo sa grupo.

Kabilang ang mga Pilipinong manlalaro na sina Kobe Demisana at Lionel Rubico sa may malaking ambag sa pagkapanalo ng koponan.

Sa kabila ng injury, hindi naman nagpapigil ang Pilipino basketball player na si Roy Reyes na tumulong sa kanilang pagkapanalo.

Ginanap ang tournament sa ESPN Wide World of Sports Complex sa Estados Unidos noong nakaraang linggo.

Kaagad na sasabak ang Gilas Pilipinas sa ensayo at susulitin ang dalawang linggo bago ang pagsisimula ng Fiba World Cup na hahanapin sa China sa katapusan ng buwang ito.

Ayon kay Gilas Coach Yeng Guiao, wala silang sasayanging panahon lalo na’t mahigit dalawang linggo na lamang ang natitira bago ang world cup.

Mayroong mga aral silang natutunan sa mga laro nila sa Spain at kanila itong i a apply para sa bubuuing bagong strategy.

Isasapinal na rin ni Guiao sa natitirang mga araw ang 12 manlalarong opisyal na magiging bahagi ng Gilas Pilipinas Team.

Pauwi na ang Gilas Team matapos ang matagumpay na walong araw na training camp sa Spain.

Bilib si Mexican Legend Juan Manuel Marquez kay Senador Manny Pacquiao na aktibo pa rin sa boxing ring sa edad na 40 taon.

Sinabi ni Marquez na taglay pa rin ni Pacman ang bilis at lakas nito nang ipatikim kay American boxing champion Keith Thurman ang unang talo sa kanilang sagupaan noong Hulyo.

Subalit para sa tinaguriang ‘El Dinamita’ ang dapat na nanalo ay si Thurman na maraming suntok na pinakawalan at tumama sa katawan ng fighting senator.

Si Marquez ay pasok sa boxing greats na kinilala sa 2019 induction class na kinabibilangan nina Bernard Hopkins, Terrible Terry Norris, Joel Casamayor, Leroy Haley, Wayne Mc Cullough, Hasim Rahman, Humberto Chiquita Gonzalez, Vinny the Pazmanian Devil Paz, Ronald Winky Wright at Bobby School boy Chacon.

Kuntento si Gilas Pilipinas Coach Yeng Guiao sa performance ng Gilas Pilipinas sa isinagawang training camp sa bansang Spain.

Aniya, nakadagdag sa pagpapalakas ng koponan ang nangyaring pagkatalo sa Congo.

Ginamit niya ito para makita ang kahinaan at kalakasan ng mga miyembro ng Gilas.

Nakatakdang bumalik sa Pilipinas bukas ang mga miyembro ng Gilas para ipagpatuloy ang kanilang ensayo at para makumpleto na ang kanilang line up.

Tumagal ng halos walong araw ang isinagawang training camp sa Spain ng Gilas Pilipinas.