SPORTS

Napili na ang officiating pool para sa NBA Finals.

Sa ika-labing anim na pagkakataon, muling napasama si Mike Callahan sa 12 referees para sa best of seven series sa pagitan ng Golden State Warriors at Toronto Raptors.

Pang labing dalawang NBA Finals naman ito ni Scott Foster samantalang ito ang kauna unahang pagkakataon na magiging referee sa finals si Eric Lewis.

Ayon kay NBA President League of Operations Byron Spruell, napili ang NBA finals referees base sa kanilang skills, focus at teamwork.

—–

Hindi makakapaglaro sa game 1 ng NBA finals si Golden State Warriors (GSW) forward Kevin Durant.

Ito ang inanunsyo mismo ni GSW coach Steve Kerr dahil pa rin sa iniindang injury ni Durant sa kanyang binti.

Magugunitang nagkaroon ng injury sa kanang binti si Durant sa game 5 ng kanilang laban kontra Houston Rockets para sa Western Conference Final noong Mayo 8.

Samantala, sinabi ni Kerr na hindi pa rin tiyak kung makakasama rin sa game 1 si GSW center DeMarcus Cousins dahil naman sa injury nito sa kaliwang paa.

Gaganapin ang game 1 ng NBA final sa Biyernes ng umaga, oras sa Pilipinas sa home court ng Toronto Raptors.

Inilabas na ng NBA ang three man lists ng finalists para sa kanilang 2018-2019 regular season awards.

Napasama sa finalist ng NBA Most Valuable Player at Defensive Player of the Year awards sina Milwaukee Bucks forward Giannis Antetokounmpo, Oklahoma City Thunder forward Paul George at Houston Rockets guard James Harden.

Sina Antetokounmpo at George ay hindi pa nakakakuha ng NVP awards.

Habang si Harden naman ang naging MVP noong 2017-2018 season at runner up ni Thunder guard Russel Westbrook noong 2016-2017 season.

Hawak na ng Milwaukee Bucks ang unang panalo sa Eastern Conference Finals ng NBA kontra Toronto Raptors.

Naungusan ng Bucks ang Raptors sa game one ng best of seven series sa score na 108-100 sa kanilang paghaharap sa homecourt ng Milwaukee sa Fiserv Forum Stadium, Wisconsin.

Nagpakawala ng 29 points si Brook Lopez upang iangat ang Milwaukee habang nagpaulan ng 31 points si Kahwi Leonard para sa Toronto.

Muling maghaharap ang dalawang koponan sa game 2 sa balwarte pa rin ng Bucks, bukas.

Samantala, magsasagupaan sa game 2 ng Western Conference Finals ang defending champion Golden State Warriors at Portland Trail Blazers ngayong araw.

—–

Umabante ang Golden State Warriors sa Western Conference Finals matapos talunin ang Houston Rockets sa kanilang paghaharap sa semi-finals series.

Ito’y sa kabila ng hindi paglalaro ni Kevin Durant dahil sa kaniyang calf injury.

Nagdala sa koponan ay ang pinakawalang 33 puntos ni Stephen Curry.

Nagtapos ang laban sa iskor na 118-113.

—–

Kinumpirma ni fighting Senator Manny “Pacman” Pacquiao ang kanilang paghaharap ni Keith “One Time” Thurman sa darating na Hunyo.

Sa kaniyang social media, inanunsyo ni Pacquiao na makakasagupa niya sa June 20 si Thurman.

Ang naturang laban ang unang pagkakataon na nadipensahan ng Pinoy boxing icon ang kanyang regular WBA welterweight belt na kanyang napanalunan kontra Lucas Matthysse noong Hulyo 2018.

Si Thurman naman ay huling sumabak sa boxing ring nuong Enero lamang din taong kasalukuyan.

—–

Desidido ang pamunuan ng Philippine Basketball Association (PBA) na kasuhan ang lalaking nakasuot ng Spiderman costume at nanggulo sa laban ng San Miguel Beermen at Magnolia Hotshots para sa game 5 finals kagabi.

Ayon kay PBA Commissioner Willie Marcial, hindi nila palalampasin ang ginawang pag-eksena ng hindi na pinangalanang lalaking fan.

Ito aniya ay para hindi na muling maulit pa ang insidente.

Magugunitang natigil ang laro sa pagitan ng Beermen at Hotshots sa natitirang tatlong minuto ng fourth quarter nang biglang magtatakbo ang nasabing lalaki sa loob ng court at nabangga pa si June Mar Fajardo.

Agad namang inaresto ang nasabing lalaki na nagsabing nais lamang nitong palaganapin ang pagmamahalan at matalinong pagboto sa eleksyon kaya umeksena sa PBA finals.

—–

Nabulabog ang game 5 ng PBA Philippine Cup sa pagitan San Miguel Beermen at Magnolia Hotshots.

Ito ay makaraang umagaw ng eksena ang isang fan na nakasuot ng Spiderman costume na nagtatakbo sa gitna ng court bitbit ang placard na may mensaheng “vote love”.

Nangyari  ito  sa nalalabing  tatlong minuto ng  fourth quarter  kung saan  ay  bumangga pa  ang lalaking naka-Spiderman     kay  June Mar Fajardo  dahilan upang matumba  ang sentro ng San Miguel.

Agad namang dinampot ng security personnel si Spiderman na lamang iparating sa lahat ang matalinong pagboto sa eleksyon at nasa niyang magmahalaan ang lahat.

Samantala, nasilat ng Hotshots ang panalo sa Beermen sa iskor na 88-86.

Hawak na ngayon ng Magnolia ang 3-2 advantage at isang hakbang na lang para masungkit ang kampeonato.

——

Tiniyak ng Milwaukee Bucks ang agarang paghahanda sa inaasam na kampanya sa Eastern Conference Finals matapos tuldukan ang semifinal series sa Boston Celtics sa game 5 sa final score na 116-91.

Hinihintay na lamang ng Bucks kung sino sa Toronto Raptors at Philadelphia Seventy Sixers ang mananalo sa serye nila kung saan nakatalong panalo na ang Toronto at dalawa naman ang Seventy Sixers.

Itinuturing naman ni Bucks forward Giannis Antetokounmpo na kapwa mapanganib ang dalawang team kayat paghahandaan nila sinuman ang manalo sa dalawang ito.

Ito ang unang beses nang pagtuntong sa east finals ng Bucks makalipas ang 18 taon o mula nuong 2001.

Samantala, sinisi naman ni Celtics Head Coach Brad Stevens ang sarili matapos mabigo ang koponan na makausad sa susunod na round.

Inamin ni Stevens na hindi niya nagamapnan ng maayos ang kaniyang trabaho kaya’t gagamitin niya ang panahon para alamin kung ano pa ang mga kailangang ayusin sa strategy ng team.

Sa ngayon ay pagtutuunan ng celtics ng atensyon ang summer kung kailan ang mga players nilang sina Kyrie Irving, Al Horford at Marcus Morris ay maaring maging unrestricted free agents bukod pa sa ilang mga usaping kailangang sagutin ng team.

—–

Wagi ang Houston Rockets kontra Golden State Warriors sa game 4 ng western conference semifinals ng NBA.

Gumawa ng 38 points at 10 rebounds si James Harden at sumuporta naman sina Eric Gordon na gumawa ng 20 points at PJ Tucker na kumana ng 17 points para tapusin ang sagupaan sa final score na 112-108.

Dahil dito kapwa may dalawang panalo na ang Rockets at Warriors sa kanilang best of seven series.

Gaganapin ang game 5 ngayong araw na ito sa Oakland, California.

—–