Nagpakitang gilas si Jonas Valanciunas ng Memphis Grizzlies na nanguna sa kanilang pagkapanalo kontra Phoenix Suns sa iskor na 120 – 115.
Nagpakawala ng 34 puntos si Jonas at sumikwat pa ng 20 rebounds.
Tumulong din ng 33 puntos si Mike Conley ng Grizzlies dahilan para madaig ang 48 puntos na ginawa ni Devin Booker ng Phoenix.
Samantala, makakaharap naman ng nagwaging Grizzlies ang Los Angeles Clippers bukas habang makakasagupa naman ng Suns ang Cleveland Cavaliers sa Martes.
Nasa Pilipinas ngayon ang boxing superstar na si Floyd Mayweather.
Boxing superstar @FloydMayweather Secretly arrives in Manila for a Private Visit @dwiz882 pic.twitter.com/S3W57p3r8j
— raoul esperas (@raoulesperas) March 30, 2019
Dumating si Mayweather sakay ng kanyang private plane na nanggaling sa Maldives dakong alas tres y medya kaninang madaling araw napaaga ito ng 30 minuto sa kanyang scheduled arrival na alas kwatro ng umaga.
Biglang nagdesisyon ang boxing superstar na sumilip sa bansa kaya’t agad itong nakipag-ugnayan sa kanyang kaibigang negosyante at isa ring piloto dito sa bansa na si Lester Codog kaya agad itong nakakuha ng special booking sa Resorts World Manila.
Isang private visit ang pagbisita ng boksingero.
Anumang oras naman ngayong araw ay lilipad muli ang private plane ni Mayweather para magtungo sa Boracay.
Napag-alaman ayon kay codog na mayroon silang inaareglong pagkikita ni Pinoy boxing champ Manny Pacquiao na naging magkaibigan na matapos ang kanilang naging laban.
Samantala, inaasahang tatagal hanggang a-dos ng abril ang pagbisita ni Mayweather at nakatakda namang bumalik sa Las Vegas sa sumunod na araw.
Nagpakawala ng isang tie-breaking free throw sa nalalabing kalahating segundo ng overtime ng kanilang laban si Karl-Anthony Towns ng Minnesota Timberwolves na naging daan para masungkit nila ang pagkapanalo kontra Golden State Warriors.
Natapos ang makapigil-hiningang labanan ng dalawang koponan sa iskor na 131 – 130.
Kumamada rin si Andrew Wiggins ng 24 puntos para sa Timberwolves.
Nasayang naman ang 37 puntos na naitala ni Stephen Curry para sa Warriors na bigong maipanalo ang laban.
Samantala, sunod na makakaharap ng Timberwolves ang Philadelphia Seventy-Sixers bukas habang makakalaban naman ng Warriors ang Charlotte Hornets sa Lunes.
Dikit ang naging laban sa pagitan ng Boston Celtics at Indiana Pacers ngunit nanaig pa rin ang pwersa ng Celtics sa kanilang laban na nagtapos sa iskor na 114 – 112.
Nanguna sa pagkapanalo ng Celtics si Kyrie Irving na kumamada ng 30 puntos at limang assists.
Nag-ambag din ng 19 na puntos si Al Horford at 16 na puntos naman si Jaylen Brown.
Bigo namang maipanalo ni Bojan Bogdanovic ang Pacers sa kanyang pangunguna na nakapagtala ng 27 puntos.
Samantala sunod na makakaharap ng nanalong Celtics ang Brooklyn Nets bukas.
Pormal nang iniretiro ng San Antonio Spurs ang number 20 jersey ni NBA legend Manu Ginobili.
Nangyari ang seremonya matapos magwagi ang Spurs kontra Cleveland Cavaliers sa iskor na 116-110.
Si Ginobili ang ika-siyam na manlalaro ng Spurs na iniretiro na ang numero.
Bumaha naman ng emosyon sa buong AT&T Center kung saan nagpasalamat si Ginobili sa lahat ng kanyang mga taga suporta.
Matatandaang iginugol ni ginobili ang buo niyang 16 na taong career sa Spurs kung saan nakuha nito ang apat na NBA championships.
Taob sa Philadelphia 76ers ang Brooklyn Nets sa kanilang paghaharap kaninang umaga.
Hindi pinaporma ng Sixers ang kalaban at tinalo ang Nets sa iskor na 123 – 110.
Nanguna sa panalo ng Sixers si Joel Embid na sumikwat ng 39 na puntos, 13 rebounds at anim na assists.
Nag-ambag naman si JJ Redick ng 18 na puntos habang 16 na puntos ang nasikwat ni Ben Simmons.
Kumamada ng tig 28 puntos sina Golden State Warriors stars Stephen Curry at Kevin Durrant na naging daan sa kanilang pagkapanalo kontra Memphis Grizzlies sa iskor na 118 – 103.
Nag-ambag din ng 16 na puntos si Demarcus Cousins para sa Warriors.
Samantala nanguna naman si Jonas Valanciunas sa Grizzlies na nakapagtala ng 27 puntos at si Mike Conley na may 22 puntos.
Sunod namang makakaharap ng nagwaging Warriors ang Minnesota Timberwolves sa Sabado.
Wagi ang Washington Wizards sa kanilang paghaharap kontra Orlando Magic na nagwakas sa iskor na 100 – 90.
Nanguna sa pagkapanalo ng Wizards sina Bradley Beal na tumipa ng dalawampu’t tatlong (23) puntos at Thomas Bryant na may dalawampu’t isang (21) puntos.
Nag-ambag rin sa kanilang pagkapanalo si Jabari Parker na nakapagtala naman ng labing siyam (19) na puntos.
Samantala, pinangunahan naman ni Nikola Vucevic ang magic sa kanyang dalawampung (20) puntos.
Tumulong rin sa Magic sina DJ Agustin na may labing-anim (16) na puntos at Aaron Gordon naman sa kanyang labingtatlong (13) puntos.
Nakatakda namang makasagupa ng Wizards ang koponan ng Charlotte Hornets sa Sabado, habang makakaharap naman ng Magic ang Cleveland Cavaliers bukas.
Winakasan ng Los Angeles Lakers ang kanilang five-game losing streak nang talunin nila ang Chicago Bulls sa iskor na 123-107.
Nanguna sa kanilang pagkapanalo si Lakers star Lebron James na kumamada ng tatlumpu’t anim (36) na puntos at sampung (10) rebounds.
Tumulong din sina Kentavious Cadwell-Pope na may dalawampu’t apat (24) na puntos at Kyle Kuzma na nakapagtala naman ng dalawampu’t isang (21) puntos.
Umiskor naman ng dalawampung puntos si Robin Lopez para sa Chicago habang labingsiyam na puntos naman ang naitala ni Otto Porter.
Samantala nakatakda namang makaharap ng Lakers ang koponan ng Toronto Raptors sa Biyernes.
Taob sa Los Angeles Lakers ang kalabang Chicago Bulls.
Nagawa ng Lakers sa pangunguna ni Lebron James na lunurin ang Bulls sa dalawampung (20) kalamangan kung saan natapos ang laban sa iskor na 123- 107.
Sumikwat si Lebron ng tatlumpu’t anim (36) na puntos at sampung (10) rebounds.
Susunod namang makakatapat ng Lakers ang Toronto Raptors sa Biyernes, oras sa Pilipinas.