Nakabawi ang San Miguel Beermen sa game 2 ng PBA Philippine Cup Finals.
Ito ay matapos payukuin ng defending champion na San Miguel ang kalabang Magnolia Hotshots sa iskor na 108-101.
Malakas ang naging pagbabalik ng Beermen sa pangunguna ni Chris Ross na sumikwat ng 15 puntos, anim na rebounds at tatlong assists.
Sinegundahan naman ito ni Junmar Fajardo na sumikwat ng 14 na puntos.
Ang game 3 ng salpukang San Miguel at Magnolia ay gaganapin sa the Big Dome bukas.
Nakahanda nang idipensa ng Pinoy boxer na si Jerwin Ancajas ang kanyang IBF Superflyweight title sa darating na Linggo, Mayo 5.
Ito’y kung saan makakalaban niya ang Japanese challenger na si Ryuichi Funai.
Dalawang taon na namayagpag si Ancajas sa kanyang dibisyon hawak ang 30 wins 1 loss 2 draws at 20 knockouts na fight record.
Ito ang ika-pitong pagkakataon na ididipensa ni Ancajas ang kanyang korona.
70 porsyento nang kumpleto ang state of the art sports complex na itinatayo sa New Clark City sa Capas, Tarlac para sa 30th Southeast Asian Games.
Sa buwan ng Agosto, tinatarget ng developer na MTD Philippines, BCDA at Department of Transportation (DOTr) na matapos ang nasabing venue.
Bahagi ng New Clark City National Government Administrative Center ang 20,000 seat athletics stadium, 2,000 seat aquatics center at athletes village.
Mayruon ding 1.4 kilometer park ang nasabing venue sa kahabaan ng Cutcut river na may bikeways, jogging paths at amphitheaters.
Halos 60 sports ang bahagi ng sea games kung saan maglalaro ang halos 10,000 atleta mula sa labing isang bansa at ang Clark ang magiging sentro ng sea games mula November 30 hanggang December 11.
Naitabla ng Portland Trail Blazers ang serye sa tig isang panalo matapos manalo sa game 2 kontra Denver Nuggets.
Naitala sa 97-90 ang final score sa game 2 bakbakan ng Nuggets at Trail Blazers na nakaganti umano sa unang pagkatalo nila nang gumana ang matinding depensa ng grupo.
Nalimitahan ng Portland ang Denver lalo na ang superstar nitong si Nikola Jokic sa 16 points mula sa dating 37 points performance sa game 1.
Nagtala naman ng double figures ang anim na players ng Trail Blazers sa pangunguna ni CJ Mccollum na gumawa ng 20 points.
Ang game 3 ay nakatakdang isagawa sa Sabado sa teritoryo ng Portland.
Umabante na ang defending champion Golden State Warriors sa western conference semi-finals ng NBA.
Pinatalsik ng Golden State ang Los Angeles Clippers sa game 6 ng unang sigwada ng playoffs sa score na 129-110 upang isarado sa 4-2 ang kartada sa best of seven series.
Tinanghal namang player of the day si warriors forward Kevin Durant matapos magpakawala ng 50 points at 6 rebounds habang kumamada ng 29 points at 5 rebounds si Danilo Gallinari para sa clippers.
Makakasagupa ng Golden State ang Houston Rockets sa game 1 ng semi-finals sa homecourt ng warriors sa Oracle Arena, California sa Lunes.
Naipilit ng Rain or Shine ang do or die game seven kontra Magnolia sa semi-finals ng PBA Philippine Cup.
Ito matapos nilang maigupo ang Magnolia sa mahigpit na labanang nagtapos sa score na 91-81.
Isinara ni Rey Nambatac ang Game 7 sa pamamagitan ng kanyang apat na three point shots sa 4th quarter.
Naging malaking tulong rin sa Elasto Painters si James Yap na nakapagbuslo ng 16 points.
Umatras na si Kell Brooks sa hamon ni British boxer Amir Khan na maglaban sila.
Ito ay matapos pahiyain ni Terrence Crawford si Khan sa kanilang laban kahapon.
Dahil ditto, sinabi ni Brooks na mas pinili niya si Crawford na makalaban.
Dapat aniya ay may ibubuga ang makakalaban niya at hindi tulad ni Khan.
Muli na namang nasungkit ng Houston Rockets ang pagkapanalo kontra koponan ng Utah Jazz sa kanilang game 3 playoff series sa NBA.
Namayagpag sa Rockets si James Harden na kumamada ng 22 puntos at sampung assists.
Nag-ambag din sa kanilang pagkapanalo si Chris Paul na nakapagtala ng 18 puntos at apat na assists.
Bigo namang maipanalo ng 34 puntos ni Donovan Mitchell na siyang nanguna sa koponan ng Jazz.
Samantala, sunod na magkakaharap ang dalawang team sa darating na Martes.
Tabla na sa standings ang Denver Nuggets at San Antonio Spurs makaraang pataubin ng Nuggets ang Spurs sa kanilang laban na nagtapos sa iskor na 117 – 103.
Kapwa nakasikwat na ng tig-dalawang panalo ang parehong koponan sa kanilang game 4 ng NBA playoffs series.
Kumamada ng 29 na puntos si Nikola Jokic ng Nuggets na siyang nanguna sa kanilang pagkapanalo.
Nag-ambag din ng 24 na puntos si Jamal Murray habang 18 puntos naman ang naitala ni Torrey Craig.
Samantala, bigo mang manalo ay nakapagtala pa rin ng 24 na puntos si Lamarcus Aldridge at 19na puntos si Demar Derozan sa kampo ng Spurs.
Sunod namang maghaharap ang dalawang koponan para sa kanilang game 5 sa darating na Miyerkules.
Binuhat ni Russell Westbrook ang Oklahoma City Thunder upang makuha ang kanilang unang panalo sa laban sa Portland Trail Blazers, sa iskor na 120-108.
Kumamada ang former NBA MVP ng 33 points at 11 assists para tapyasan ang kanilang deficit sa serye sa kartadang 2-1.
Humanga naman si Paul George na tumipa ng 22 points sa ginawang pamumuno ni Westbrook upang masungkit ang kanilang napakahalagang panalo.
Nag-ambag din sa Thunder sina Jerami Grant na may 18 points at si Dennis Schroder na umiskor ng 17 points.
Nanguna naman sa Blazers si Damian Lillard na nagbuslo ng 32 puntos.
Samantala, susubukan naman ng Thunder na itabla ang serye sa nagpapatuloy na first round ng Western Conference playoffs na gaganapin sa kanilang teritoryo bukas, araw ng Lunes.