SPORTS

Hindi madali para kay Los Angeles Lakers Head Coach Frank Vogel na idepensa ang championship crown  ngayong papasok na bagong season ng NBA.

Sinabi ni Vogel, na maliban kasi sa mahabang inilaro ng kanilang koponan, marami narin aniyang mga team ang nagpalakas habang nasa off season ang liga.

Aminado naman si Lakers General Manager Rob Pelinka na isa sa pinakamahirap na tungkulin sa larangan ng palakasan, ay ang kampanya upang depensahan ang korona.

Pero kumpiyansa si Coach Vogel na mas lamado parin ang kanilang team dahil hawak parin nila ang pinakamalalakas na player na sina NBA superstars Lebron James at Anthony Davis.

Marami man aniya ang nawalang manlalaro sa Lakers, marami naman aniyang pumalit na tigasin tulad nina veteran players Dennis Schröder, Montrezl Harrell, Wesley Matthews at Marc Gasol.

Pagmamalaki ni Vogel, sa lineup na mayroon sila ngayon, tiyak aniyang mas lalakas pa ang kanilang koponan bilang isang defensive team.

Hindi dumalo ng press conference para sa media week ng NBA season si Brooklyn Nets guard Kyrie Irving bilang pag-iingat kontra COVID-19.

Dahil dito, naglabas ng pahayag si Irving para aniya mas malinaw na maiparating ang kanyang mensahe.

Ani Irving, makasisiguro ang kanyang mga taga-suporta na kanilang gagawin ang lahat para makamit ang inaasam-asam na panalo.

Samantala, kaugnay ng hindi pagdalo ni Irving sa naturang press conference, iginiit nito na ito’y dahil sa banta ng COVID-19, kung kaya’t-nagpapatupad lang ito ng ibayong pag-iingat.

Pumayag na si all NBA forward Anthony Davis sa 5 year $190-M maximum contract na manatili sa defending champion na Los Angeles Lakers.

Kabilang sa kasunduan ang early termination option bago ang ika-5 taon sa 2024-2025.

Inaasahang mapipirmahan sa lalong madaling panahon ni Davis ang kontrata kung saan siya ngayon ay free agent.

Magugunitang matapos ang paglipat ni Davis mula sa New Orleans Pelicans at patungong Lakers ay nakuha nila ang 2019-2020 NBA championship.

Una na ring pinalawig ng Lakers ang kontrata ni Lebron James ng 2 taon sa halagang $85-M.

Apatnaput walong (48 ) NBA players ang nagpositibo sa COVID-19.

Ipinabatid ito ng NBA sa gitna na rin nang paghahanda ng liga sa pagbubukas ng 2020-2021 season sa Disyembre 22.

Ayon sa NBA nakapag-test na ito ng 546 players bilang bahagi ng initial return to market testing phase na ikinasa ng liga sa pagitan ng Nobyembre24 hanggang 30.

Ang mga magpo-positibo sa COVID-19 ay kaagad isasailalim sa isolation hanggat hindi pa naki-clear base na rin sa mga panuntunan ng liga.

Binasag ni Wesley So ang sana’y pagdiriwang ng kaarawan ni Magnus Carlsen na tinalo nito sa skilling open finals.

Una nang nanalo si Carlsen sa unang paghaharap nila subalit bigong maka-abante sa final play off matapos mapasakamay ni So ang panalo sa games 2 at 3.

Dahil sa kanyang panalo mag-uuwi si so ng $30K.

Noong isang taon ay pinadapa rin ng Pinoy American grandmaster si Carlsen kaya’t nakuha ni So ang World Fischer Random Chess Championship.

Si So ay naging kinatawan ng Pilipinas sa international competitions bago nagtungo sa Amerika noong 2014.

Nakabuena-mano ng panalo ang Barangay Ginebra sa 2020 PBA Philippine Cup Finals laban sa TNT Tropang Giga.

Ito’y makaraang masungkit ng Gin Kings ang overtime victory sa Game 1 ng kanilang best of 7 series sa score na 100-94 sa AUF Gym sa Angeles City.

Si Japeth Aguilar ang bumida sa panig ng Ginebra matapos makasikwat ng 25 points at 16 rebounds habang nag-ambag naman si Stanley Pringle ng 24 points, 7 rebounds, at 7 assists.

Gaganapin ang Game 2 ng serye sa Miyerkules sa nasabi pa ring venue.

Sinimulan nang isailalim sa araw-araw na COVID-19 tests ang mga manlalaro ng NBA ngayong weekend.

Ito ay bilang paghahanda para sa inaasahang pagsisimula na ng 2020-21 season ng NBA.

Batay sa ulat, inaasahang magsisimula ang 2020-21 season ng nba sa December 22 pero magkakaroon muna ng laban para pre-season simula December 11.

Habang ilulunsan naman ang training camps ng mga koponan sa susunod na linggo.

Inaasahan namang iaanunsyo ng NBA ang schedule ng laban para sa bagong season sa mga susunod na araw.

Magugunitang tinapos ng NBA ang kanilang 2019-20 season sa pamamagitan ng bubble games sa Orlando matapos na maantala ito noong Marso dahil sa COVID-19 pandemic.

Makakaharap ng defending champion Los Angeles Lakers ang Los Angeles Clippers sa pagbubukas ng NBA pre-season schedule bilang bahagi ng 49-game exhibition slate ng liga.

Ayon sa NBA, ang tuneup games ay aarangkada mula Disyembre 11 hanggang Disyembre 19 bago ang pagbubukas ng 2020-21 season sa Disyembre 22.

Bawat koponan ay sasalang sa tig-dalawang pre-season games, isa sa home court nila at isa sa bakuran ng kanilang kalaban.

Mas marami namang exhibition games ang sasabakan ng Lakers kung saan bukod sa Clippers sa Disyembre 11 at 13 ay magkakaroon din ito ng road games sa court ng Phoenix sa Disyembre  16 at 18.

Samantala, makakasagupa naman ng Toronto Raptors sa hiwalay na pre-season game ang Miami Heat sa Tampa, Florida.

Sinasabing hindi magkakaroon ng laro sa home court ng Raptors bunsod ng mahigpit na restrictions sa Canada dulot ng COVID-19 pandemic.

Kasalukuyang nilalapatan ng lunas sa Japan si Thirdy Ravena matapos tamaan ng COVID-19.

Ayon sa San-en NeoPhoenix na siyang team ng dating UAAP star sa Japan B. league, noong Huwebes pa nanghihina si Ravena at dahil mataas ang temperature nito ay nagpasailalim agad ito sa PCR test sa Toyohashi City Health Center.

Sinasabing kahapon lamang lumabas ang resulta ng test kung saan nagpositibo nga sa virus ang basketbolista.

Kahit walang nararanasang sintomas, isinalang na rin sa PCR test ang lahat ng empleyado, manlalaro, at staff ng NeoPhoenix.

Kanselado na ang NBA All-Star Games dahil sa ng coronavirus disease 2019 (COVID-19) pandemic.

Ang All Star Games ay una nang itinakda sa Pebrero 12 hanggang 14, 2021 sa indianapolis subalit ini reschedule na lamang sa 2024.

Ayon kay NBA Commissioner Adam Silver dismayado silang hindi natuloy ang All Star Game subalit pursigidong matuloy na ito sa 2024 sa pag-host ng Indiana Pacers.

Magiging host naman sana ang Cleveland sa 2022 All-Star Game at sa 2023 ang Salt Lake.

Samantala tuloy na sa Disyembre 22  ang pagbubukas ng 2020-2021 NBA regular season.