Pumirma na umano ng two-year contract sa Los Angeles Lakers si NBA Sixth Man of the Year Montrezl Harrell.
Ang nabanggit na development ay nangyari matapos namang umalis sa Lakers ang kanilang back-up big man na si Dwight Howard at lumipat sa Philadelphia 76ers.
Ang 26-anyos na si Harrell ay naging second-round pick ng Houston noong 2015 at naglaro pa ng dalawang seasons sa Rockets bago lumipat sa LA Clippers.
Lumagda ng panibagong kontrata sa Utah Jazz si Filipino-American NBA star Jordan Clarkson.
Ayon sa ulat, pumayag na si Clarkson sa apat na taong kontrata na alok ng Jazz na sinasabing nagkakahalaga ng $52 million o tinatayang nasa P2.4 bilyon.
Dahil dito, nangangahulugan na aabot sa P5.2 milyon kada buwan ang magiging suweldo ng 28-anyos na player sa Utah.
Ang ina ni Clarkson ay isang Pinay mula sa Angeles City, Pampanga.
Nag-alok ang Samahang Basketbol ng Pilipinas (SBP) na mag-host sa susunod na window ng FIBA Asia Qualifiers sa Pilipinas sa February 2021.
Ayon kay SBP President Al Panlilio, nakikipag- usap na sila kay BCDA President Vince Dizon kaugnay sa posibilidad na pagsasagawa ng laro sa Clark, Pampanga.
Pinapurihan ni Panlilio ang PBA bubble sa lalawigan at maaari ito aniyang maging modelo nila para sa darating na FIBA window.
Ang Philippine team ay maglalaro sa November window ng asian qualifiers sa Manama, Bahrain habang ang ibang bubble venues ay Doha, Qatar at Amman, Jordan.
Pinataob ng Barangay Ginebra ang Rain Or Shine sa score na 81-73 sa kanilang laro sa 2020 PBA Philippine Cup na ginanap sa AUF Sports Arena sa Angeles City, Pampanga.
Dahil dito, pasok na ang Gin Kings sa semifinals habang nasibak naman sa torneo ang Elasto Painters.
Kumamada si Japeth Aguilar ng 23 points at nakabuslo si Stanley Pringle ng back-to-back baskets sa dulo ng laro dahilan upang manalo ang kanilang koponan.
Makakaharap ng Gin Kings sa susunod na round ang magwawagi sa hiwalay na playoff series sa pagitan ng San Miguel Beer at Meralco.
Nagsampa ng civil case sa Pasig RTC ang 7 miyembro ng Philippine Olympic Committee (POC) executive board laban sa Philippine Southeast Asian Games Organizing Committee (PHISGOC).
Ito ayon sa POC executive board ay dahil sa kabiguan ng PHISGOC na mabigyan sila ng kopya ng accounting o kung paano ginastos ang pondo sa isinagawang 30th sea games nuong isang taon.
Ang nag iisang respondent sa reklamo ay si Ramon Tat Suzara, Pangulo at Chief Operating Officer ng PHISGOC Foundation Incorporated na bigong makagawa ng report kabilang ang audited financial statements na ino obliga ng POC general assembly resolution noong Septyembre 30 at kailangang maisumite ng Oktubre 30.
Kabilang sa mga lumagda sa reklamo sina POC Chairman Steve Hontiveros, first VICE PRESIDENT JOEY ROMASANTA, Second Vice President Retired Colonel Jeff Tamayo, Treasurer Julian Camacho, Auditor Jonne Go at board members Robert Manaquil at Atty Clint Aranas.
Maliban kay Hontiveros, inaprubahan ng 6 na iba pang board members ang pagsasampa ng civil suit laban sa PHISGOC kung saan tumayong chairman si dating house Speaker Alan Peter Cayetano sa kanilang isinagawang online session nuong Oktubre 30.
Bigo ang anim sa 13 member board na makakuha ng notarized certification ng board resolution mula kay POC Secretary General Atty. Edwin Gastanes bilang legal requirement para maisampa ang kaso sa kabila ng formal query mula kay Mikee Cojuangco-Jaworski, board member ng International Olympic Committee Executive Board sa naging aksyon sa usapin ng secretary general.
Subalit nakakuha ng approval ni Hontiveros na nag preside sa pulong bagamat hindi bumoto para lamang matakpan ang legal na usapin sa resolusyon.
Nagbunyi ang NLEX at ipinakita ang pagmamahal ng team kay Asi Taulava matapos itong umiskor ng 11 points at maipanalo ang laban kontra sa Terrafima sa kanilang final game sa PBA bubble.
Nakapagtala si Taulava ng apat na rebounds at gumawa ng isang triple points para sa kanyang final field goal sa naturang laro dahilan kaya’t nakaungos ang Road Warriors laban sa dyip sa halos dalawang minuto na lamang na nalalabi sa bakbakan.
Para ipagdiwang ang performance ng 47 taong gulang at pinakamatandang active player sa liga si Taulava ay sabay-sabay na sinabuyan ng kaniyang team mates ng energy drinks.
Pinangunahan ni Kiefer Ravena ang malaking puntos ng NLEX matapos amgtala ng 23 points at 5 rebounds samantalang 16 points naman ang iniambag ni Raul Soyud.
Naitala sa 127-101 ang final score sa naturang bakbakan ng road warriors at dyip.
Nagkasundo ang NBA at players union sa mga ikakasang parameters hanggang sa idaraos na 2020-2021 NBA season.
Nakasaad sa nasabing kasunduan na inaprubahan na ng board of governors ng liga ang hinggil sa bilang ng mga laro, petsa nang pagbubukas ng bagong season, salary cap figures at free agency key dates.
Ang bagong season ay sisimulan sa Disyembre 22 at itinakda lamang ang 72 regular season games taliwas sa mga nakaugaliang pagbubukas ng NBA season na karaniwang sa panahon ng halloween at 82 regular season games.
Ang pagbubukas ng bagong NBA season ay magbibigay daan sa liga na magkaroon ng taunang Christmas day showcase ng mga laro.
Ang salary cap ay nananatili pa rin sa $109.1-M para sa bagong season at luxury tax threshold na $132. 7-M.
Ang free agents ay papayagan namang magsimula ng negosasyon sa mga team sa Nobyembre 20 at lumagda ng mga kontrata simula Nobyembre 22 samantalang ang NBA draft ay itinakda sa Nobyembre 18.
Isinalba ni Chris Newsome ang Meralco Bolts para maisahan ang Terrafirma sa kanilang pagtutuos sa PBA Philippine Cup Elimination tungo sa final score na 95-93.
Tila makapigil hininga ang ginawang paghabol ng Terrifirma para mag-tie sa score na 93 sa nalalabing 3 minuto na lamang ng 4th quarter.
Hindi naman hinayaan ni Newsome na makaungos ang dyip kaya’t bago pa man ang buzzer beater ay naselyuhan na nito ang ika-6 na panalo ng Meralco sa PBA bubble.
Si Newsome ay gumawa ng 12 points para sa bolts at 15 points naman si Raymond Almazan.
Ang Meralco ay ka-tie ang Alaska sa 4th spot sa kartadang 6 na panalo at 4 na talo at tatapusin ang elimination round campaign nito laban sa North port sa Miyerkules.
Pumanaw na si dating NBA-All Star Player Eddie Johnson sa edad na 65.
Ayon sa mga prison officials, namatay ang dating manlalaro sa loob ng kanyang selda pero hindi nito sinabi kung ano ang sanhi ng pagkamatay ng manlalaro.
Si johnson ay mas kilala bilang si ‘Fast Eddie’ na naging manlalaro ng atlanta hawks mula 1977 hanggang 1986, at 2 beses ding naging bahagi ng nba all star mula 1980 hanggang 1981.
Matapos mamayapag ang kanyang career, nasangkot si Johnson sa iba’t-ibang krimen gaya ng cocaine possession, kaya’t pinatawan siya ng NBA ng lifetime ban noong 1987.
Noong 2006, hinatulan ng panghabambuhay na pagkakakulong si Johnson dahil naman sa panghahalay sa isang 8 taong gulang na babae.
Nananatiling “manageable” o kaya pang kontrolin ang sitwasyon sa ginaganap na Phlippine Basketball Association (PBA) Bubble sa Clark Pampanga.
Ito ang inihayag ni Presidential Spokesperson Harry Roque matapos maiulat na positibo sa COVID-19 ang isa sa mga manlalaro ng PBA.
Ayon kay Roque, natugunan ng PBA at Bases Conversion And Development Authority (BCDA) ang sitwasyon sa loob ng PBA bubble.
Iginiit pa ni Roque na wala na ring pangangailangan pang magkasa ng imbestigasyon ang IATF lalo na’t nagsagawa na rin naman aniya ng contact tracing.
Dagdag ni roque, magpapatuloy pa rin ang PBA bubble sa kabila ng pangyayari.
Magugunitang inanunsyo ng PBA noong linggo na isang miyembro ng blackwater elite ang nagpositibo sa COVID-19.
Gayunman, nagnegatibo naman ang nabanggit na player sa antigen test at ikalawang round ng RT-PCR test, kahapon.