SPORTS

Pasok bilang contenders para sa Kia Most Valuable Player award sina Golden State Warriors standout guard Stephen Curry at centers Nikola Jokic ng Denver Nuggets at Joel Embiid ng Philadelphia 76ers.

Ayon sa liga, sina Curry, Jokic, at Embiid ang mga finalists para sa nasabing parangal.

Pag-aagawan din ang NBA Coach of the Year, Kia NBA Defensive Player of the Year, Kia NBA Most Improved Player, Kia NBA Rookie of the Year at Kia NBA Sixth Man.

Kabilang naman sa Sixth Man contenders sina Jordan Clarkson at Joe Ingles ng Jazz at Derrick Rose ng Knicks.

Pinagpipilian bilang coach of the Year sina Quin Snyder, Utah Jazz; Tom Thibodeau, New York Knicks; at Monty Williams, Phoenix Suns habang Defensive Player of the Year naman sina Rudy Gobert, Jazz; Draymond Green, Warriors; at Ben Simmons, 76ers.

Ang mga kandidato naman bilang Most Improved Player sina Jerami Grant, Detroit Pistons; Michael Porter Jr., Denver Nuggets; at Julius Randle, New York Knicks habang ang finalists para sa Rookie of the Year ay sina LaMelo Ball, Charlotte Hornets; Anthony Edwards, Minnesota Timberwolves; at Tyrese Haliburton, Sacramento Kings.

Wala pang pahayag ang NBA kung kailan i-aanunsiyo ang mga winnners sa mga nasabing parangal.

Nagretiro na si PBA Veteran JayR Reyes matapos ang 14 na taon sa liga.

Ang anunsiyo ay ginawa ng four-time PBA champion ilang araw bago ang pag-arangkada ng league training.

Bago namaalam sa PBA, mahigit isang dekada ring naglaro si Reyes sa ilang teams sa liga tulad ng Rain or Shine, Alaska, Meralco, Barangay Ginebra, San Miguel at Phoenix LPG.

Nasungkit ng Philadelphia 76ers ang no.1 seed sa Eastern Conference matapos padapain ang Orlando Magic sa score na 122-97.

Kumamada si Seth Curry ng 20 points habang nagdagdag si Shake Milton ng 15 points para sa Sixers.

Sa isa pang laro, inilampaso ng Utah Jazz ang Oklahoma City Thunder sa score na 109-93.

Pinadapa ng Portland Trail Blazers ang Los Angeles Lakers sa score na 106-101 sa kanilang laro sa NBA.

Kumamada si Damian Lillard ng 38 points habang nagdagdag si CJ McCollum ng 21 points para sa Trail Blazers.

Dahil sa nasabing panalo, umakyat ang Portland sa ika-anim na puwesto sa NBA standings habang nalaglag naman ang Lakers sa ika-pitong puwesto.

Samantala, si Anthony Davis naman ang nanguna sa Lakers sa pamamagitan ng kanyang 36 points habang hindi pa rin nakapaglaro si LeBron James dahil sa injury.

Inaasahang aabot sa halos 70 fans ang manunuod sa laban ni Canelo Alvarez at Bily Joe Saunders sa araw ng linggo.

Ito ang iginiit ni boxing promoter Eddie Hearn na maaaring mapuno ang AT & T stadium sa Texas.

Ayon kay Hearn, hindi lamang sila ang unang magkakaroon ng live audience at walang dapat ikabahala dahil walang naitalang hawaan sa mga nagdaang ginanap na sporting events sa naturang lugar.

Mayroong 55 pano, isang talo at 2 draw ang 30 gulang na si Alvarez habang si Saunders ay mayroong 30 panalo, walang talo at 14 na knockouts pagdating sa boxing.— sa panulat ni Rashid Locsin

Susubukan ng Filipino-American na si Remy Martin ang kanyang kapalaran sa professional basketball.

Ito’y matapos magdeklara si Martin na lalahok siya sa 2021 NBA draft makaraan ang apat na taon sa Arizona State.

Sa social media account ng Arizona Sun Devils, inanunsiyo ni Martin ang kanyang intensiyon na sumali sa draft ngayong taon.

Matatandaang isa ang 22-anyos na 6-foot point guard sa mga ikinokonsidera para sa Gilas Pilipinas pero hindi ito naisakatuparan dahil sa

eligibility issues.

Positibo ang walong miyembro ng Tokyo olympics torch relay sa Kagoshima, Japan.

Ang mga naturang miyembro na nagpositibo sa sakit ay responsable sa pagkontrol ng traffic sa nasabing bansa.

Ayon sa mga otoridad, ang tatlo sa kanila ay nasa lungsod ng amami, at ang ilan naman ay nagtatrabaho sa Kirishima City.

Bagama’t nakasuot ng mga mask ang mga ito ay dinapuan pa rin ng virus.

Samantala, posibleng closed doors o walang audience  ang gaganaping 2021 Tokyo Olympics.

Habang magkakaroon pa ng pagpupulong para sa mga manunuod na domestic fans sa naturang olympics sa darating na buwan ng Hunyo.—sa panulat ni Rashid Locsin

Inihayag ni volleyball player Jia Morado na ang health and safety concern ang dahilan kung bakit hindi sya sumipot sa tryout para sa binubuong national team ng Philippine National Volleyball Federation (PNVF).

Sa liham na pinost ni Morado sa kanyang twitter account, sinabi nitong nais niyang makibahagi sa itinakdang tryouts schedule ng PNVF sa Subic ngayong linggo, ngunit nagpasya umano syang wag na munang dumalo dahil sa health crisis issues na kinakaharap ng lahat na dulot ng mapanganib na COVID-19.

Pahayag pa ni Morado, na miyembro ng Philippine team noong 2019 Southeast Asian games, na inabisuhan na umano sila na kailangan nilang sumailalim sa 14 days quarantine period bago ang isasagawang tryouts, subalit natanggap aniya ang letter sa ikalabing isang araw na bago ang nakatakdang iskedyul.

Dahil dito, nakaramdam umano ng pagkabahala sa kanyang kaligtasan si Morado at maging ang kanyang pamilya na kasama nito sa bahay.

Binanggit pa nito na dalawang lugar din ang kailangan nilang puntahan para sa tryout kung saan para kay Morado, ay nakababahala dahil sa posibleng maging turning point para sa kaso ng hawaan.

Bunsod nito, binigyang diin ni Morado na nirerespeto niya ang desisyon ng kanyang mga teammates na nagdesisysong pumunta o umattend sa nakatakdang tryouts sa kabila ng banta ng pandemya.

Paliwanag pa ng manlalaro, ginawa umano niya ang desisyon matapos na konsultahin ang kanyang doktor at ang mga miyembro ng kanilang pamilya na kabilang sa mga nasa high risk categories o iyong mga madaling kapitan ng virus.

Nilampaso ng Portland trail blazers ang top team na Brooklyn nets sa Eastern sa iskor na 128-109.

Ito’y matapos samantalahin ng blazers ang hindi paglalaro nina kevin durant at james harden sa basketball court.

Nagtala ng 32 puntos , 9 asissts at 7 rebounds si Damian Lillard para sa kanilang ika-35 na panalo.

Sa second half ay tumipon  pa ng 22 points si Lillard kung saan ginamit ang third quarter para maipanalo ng blazers laban sa nets.

Kahit si kyrie irving na may 28 points ay hindi na kinaya pang dalhin ang Brooklyn.

Sa ngayon pilit na kumakapit sa no.7 slot ang Blazers sa Western Conference Playoff.— sa panulat ni Rashid Locsin

Kumpiyansa si Fil-American NBA player Jordan Clarkson na makakabalik pa rin siya sa Gilas Pilipinas.

Ayon sa guard ng Utah Jazz, hindi niya inaalis ang posibilidad na makapasok muli sa koponan sa mga susunod na torneo.

Matatandaang huling nakasama ng mga Pinoy si Clarkson noong 2018 Asian Games sa Jakarta kung saan nakuha ng Gilas ang ikalimang puwesto.

Samantala, nagpasalamat naman sa mga Filipino fans si Clarkson matapos humakot ng maraming All-Star votes noong nakaraang taon.