SPORTS

May go signal na ang Gilas Pilipinas para mag-training sa Inspire Sports Academy sa Calamba, Laguna.

Kabilang sa mga sasailalim sa training camps ayon sa Samahang Basketbol ng Pilipinas (SBP) ang full time Gilas players na pinili nila mula sa 2019 at 2021 PBA rookie drafts.

Pasok dito anito sina Rey Suerte, Mike at Matt Nieto, Isaac Go ng batch 2019, William Navarro, Jaydee Tungcab, Jordan Heading at Tzaddy Rangel mula sa batch 2021.

Inaasahang makakasama rin sina Ateneo center Ange Kouame, Sj Belangel, Rj Abarrienteso, Carl Tamayo, Jason Credo, Geo Chiu at Lebron Lopez.

Una nang nagsagawa ng training ang Gilas noong Enero para sa FIBA asia cup qualifiers subalit natigil ito nang ipagpaliban ang tournament at isinagawa muli ang training noong Marso subalit natigil na naman nang magpatupad ng mahigpit na quarantine protocols ang gobyerno.

Bagama’t hindi nakasalang kahit isang laro sa NBA G League, malaki pa rin ang maitutulong ni Kai Sotto sa pagsabak niya sa Adelaide 36ers sa Australia.

Ayon kay Adelaide coach Conner Henry, ito’y dahil tiyak na matindi ang pinagdaanang training ni Sotto sa Team Ignite ng G League.

Ang 18-anyos na si Sotto ay matatandaang lumagda ng kontrata sa 36ers noong isang linggo at sasabak ito ngayong taon sa National Basketball League (NBL).

Dahil din sa pagkakapasok ni Sotto sa NBL ay magiging eligible na rin siya para sa 2022 NBA Rookie Draft.

Sinabi rin naman ni Henry na magandang pagkakataon din ito ni Sotto para maihanda ang kanyang sarili para sa NBA draft.

Nasungkit ng Dallas Mavericks ang come-from-behind victory laban sa Los Angeles Lakers sa score na 108-93.

Naghabol ng 17 points ang Mavs sa unang bahagi ng laro.

Ngunit sa tulong ni Luka Doncic at iba pang pambato ng Dallas ay dahan-dahan silang nakabangon at nakuha pa ang panalo sa dulo ng laban.

Kumamada si Doncic ng 18 points at eight rebounds habang nagdagdag si  Dwight Powell ng 25 points at nine rebounds.

“The return of the comeback”

Muling susubok si Filipino cager Kobe Paras para maglaro ng basketball internationally.

Matapos sumama siya sa EastWest Private (EWP), isang sports and entertainment management company na base sa Amerika.

Ito rin ang humahawak kay teen prodigy Kai Sotto at iba pang young Filipino ballers.

Sa isang panayam naman sa dating coach ni Kobe na si Bo Perasol, na suportado siya na umalis si Paras sa bansa dahil walang katiyakan kung kailan papayagan ng gobyerno ang muling pagbubukas ng college basketball sa Pilipinas.

Kobe is too talented to be kept waiting for things to come. I believe it is his obligation to pursue these and showcase his God-given talent. Our program was blessed to have been a part of his journey,” ani Perasol

Dadag pa ni Perasol, nagpasalamat siya kay Kobe na binigyan niya ng pagkakataon ang lumalaking basketball program ng UP at ngalaro siya ng buong puso sa koponan ng Fighting Maroons.

It’s not every season that one gets to convince a talent like Kobe to be part of a growing program like the UP MBT. He took a chance on us and played his heart out. It’s for our new players to begin stepping up where he has left off,” ani Perasol

Sa huli, wala naman sinabi kung saang liga maglalaro si Paras at kasalukuyang nasa Estados Unidos para mahasa pa ang basketball skills ng Filipino cager. — sa panulat ni John Jude Alabado

View this post on Instagram

A post shared by EWP (@eastwestprivate)

Posibleng bumalik na sa laro si Los Angeles Lakers star Anthony Davis.

Ito’y makaraang payagan itong magbalik-ensayo kasunod ng ilang linggong bakasyon at pahinga dulot ng injury sa tuhod.

Ayon kay LA coach Frank Vogel, binigyan na ng go-signal ng mga doktor si Davis na sumalang sa “full on-court activity.”

Magugunitang hindi nakalaro si Davis mula pa noong Pebrero bunsod ng injury sa tuhod.

Gayunman, hindi pa sigurado kung isasabak agad ng Lakers si Davis sa kanilang susunod na laro laban sa Utah Jazz dahil ayaw umano nilang biglain ang pagbabalik ng kanilang bigman sa hardcourt.

Tuloy-tuloy ang pagsasanay ni Kai Sotto habang pinag-aaralan ng kampo nito ang mga susunod na hakbangin para sa kanyang basketball career.

Kasunod na rin ito nang pagpopost ni Sotto ng video sa kanyang instagram stories nang pagwowork out kasama si dating NBA player Amar’e Stoudemire.

Ang 18 anyos na si Sotto ay nagtungo sa amerika kasama ang kanyang pamilya noong 2019 para tuparin ang kanyang NBA dream.

Sumali si Sotto sa NBA G league select team na ignite noong isang taon kasama ang ilang draft prospects tulad ni Fil am player Jalen Green.

Pebrero nang kumalas si Sotto sa ignite kasunod nang pagbiyahe sa Pilipinas para maglaro sa Fiba Asia cup qualifiers na kalauna’y nakansela rin dahil sa pandemya.

Una nang bumilib si Gilas Pilipinas Program Director Tab Baldwin kay Sotto sa maikling panahong nakasama ito sa training bubble sa national team.

Tuloy na ang final window ng FIBA Asia cup qualifiers sa darating na buwan ng hunyo na gaganapin sa Clark, Pampanga.

Ayon sa FIBA Regional Office Asia na maliban sa Clark na syang magho-host ng group A, B, at C, sa Ammad, Jordan naman isasagawa ang paghaharap ng mga koponan na nasa group E at F.

Itinakda sa June 16 hanggang 20 ang mga laro sa Pilipinas habang sa June 12 hanggang 14 naman ang schedule games sa bansang Jordan.

Pahayag ng FIBA regional office, inorganisa ang mga laro ng FIBA Asia alinsunod sa health and safety protocols.

Madedetermina sa mga games na ito kung sino pa ang mga maaring makasama ng Bahrain at Lebanon na pawang kwalipikado na sa tournament na ito.

Binubuo naman ang group a ng Philippines, Korea, Indonesia, at Thailand.

Isang panalo na lamang ang kinakailangan ng Gilas Pilipinas upang ma-qualify sa FIBA Asia cup na nakatakdang ganapin sa buwan ng Agosto sa Jakarta, Indonesia.

Kasama naman sa group B ang mga bansang Taipei, Japan, Malaysia, at China habang nasa group C naman ang Australia, New Zealand, Guam, at Hong Kong.

Handang-handa na si IBF junior bantamweight champion Jerwin Ancajas sa kanyang laban kay Mexican banger Jonathan Javier Rodriguez bukas.

Ang bakbakan nina Ancajas at Rodriguez ay magaganap sa Mohegan Sun Casino Resort sa Uncasville sa Connecticut.

Kung papalarin laban kay Rodriquez, nais ni Ancajas na makasagupa sa ibabaw ng ring si dating pound-for-pound king Roman “Chocolatito” Gonzalez.

Nakatanggap ng naturalization offer si Filipina volleyball star Jaja Santiago mula sa Saitama Ageo Medics ng Japan.

Ayon kay Santiago, nangako ang kanyang koponan na tutulungan siya nito para maging naturalized player.

Isiniwalat ng 25-anyos na middle blocker na nakatanggap din siya ng offer mula sa iba pang team sa Turkey at China ngunit mas pinili niya ang Saitama bunsod na rin ng COVID-19 pandemic.

Matatandaang ginabayan ni Santiago ang Ageo sa pagsungkit ng kanilang korona sa Division 1 V.Cup noong nakaraang linggo kaya’t itinanghal siya bilang kauna-unahang Pilipino na nakasikwat ng volleyball championship sa isang pandaigdigang liga.

Muling inilampaso ng Utah Jazz ang Orlando Magic sa score na 137-91 sa kanilang laro sa Salt Lake City.

Humakot si Donovan Mitchell ng 22 points habang nagdagdag ng pinagsamang 17 points si Joe Ingles.

Malaki rin ang naging ambag ni Fil-Am Jordan Clarkson sa panalo ng Jazz matapos kumamada ng 15 points para sa kanilang koponan.