RONDA PROBINSYA

Nanindigan ang Philippine National Police (PNP) na walang foul play sa pagkasawi ni dating Misamis Occidental Provincial Board Member Ricardo “Ardot” Parojinog.

Ito ang inihayag sa DWIZ ni Police Regional Office 10 o Northern Mindanao PNP Director P/BGen. Rolando Anduyan.

Ayon kay Anduyan, maliban sa pagiging malungkot at balisa ni Parojinog nang ibiyahe ito mula maynila patungog Ozamis City, nabatid na nakararanas umano ito ng pangangati dulot ng allergy.

‘Yun din ang pinagtatanong ko na kung meron ba siyang hiningi ano  na namomoblema sa katawan niya. isa lang ang sinabi ng kapulisan natin na naka-take charge sa kanya. Na noong gabi nagpapaalam siya na uminom ng anti-allergy na gamot then parang nakakaramdam siya ng pangangati. ‘Yun lang ang nabangit na medyo unusual sa mga nararanasan natin. ani Anduyan   

Lumabas na rin aniya ang resulta ng imbestigasyon ng PNP Crime Laboratory sa labi ni Parojinog kung saan, pinagtibay nito na nasawi ang suspek dahil sa sakit at hindi sa anumang pananakit na likha ng tao.

Magugunitang natagpuang patay sa kaniyang selda sa Ozamis City police si Parojinog ilang oras bago ito dalhin sa korte para dumalo sa pagdinig sa kaniyang kaso.

So far ‘yung Crime Lab wala naman nakitaan, kumbaga sugat gawa ng foreign object or material. hindi rin nakitaan ng mga  pasa sa katawan at hindi rin nakitaan ng o kumbaga sinakal o binigti. At dineclare ng health officer natin na cause of death is something kinalaman sa kalusugan. ani Anduyan sa panayam ng DWIZ   

Kumpiyansa ang kampo ng napatay na transgender woman na si Jennifer Laude na itatama ng korte ang naging desisyon nito na palayain si US Marine Lance Cpl. Joseph Scott Pemberton sa pamamagitan ng Good Conduct Time Allowance (GCTA).

Sa panayam ng DWIZ, iginiit ni Atty. Virginia Suarez, abogado ng pamilya Laude na mali ang pakiki-alam ng korte sa paggagawad ng GCTA kay pemberton dahil nasa poder dapat ito ng Bureau of Corrections (BuCor).

Kinuwesyon din ni Suarez ang naging batayan ng korte para pagbigyan ang hirit ng kampo ni Pemberton gayung nag-iisa lamang ito sa kaniyang piitan kaya’t hindi maaaring bigyang katuwiran ang kabaitang ipinakita nito.

May pagmamalabis doon at maraming pagmamalabis nangyari dahil noong nagkaroon ng filing o ano-anong motion na hindi naman kami binibigyan ng kopya. Nago-order ang judge hindi rin kami binibigyan ng kopya that is violation of due process. Doon agad kahit mayroong siyang  jurisdiction mayroon na siyang pagmamalabis doon ang korte naman sa maraming pagkakataon retifies itself at tinatama naman niya kapag pinoint out mo ‘yung pagkakamali. I hope that the judge will correct itself and set aside the order. ani Suarez

Kasunod nito, umaasa rin ang kampo ng pamilya Laude na sasamahan sila ng Department of Justice (DOJ) at ng Office of the Solicitor General sa ginawang panghihimasok ng hudikatura sa trabaho ng ehekutibo.

Sakaling magmatigas ang korte sa naging pasya nito, sinabi ni Suarez na matatagalan pa bago mapalaya si Pemberton dahil posibleng umabot pa ang laban sa Korte Suprema.

Nakita ko sa record kahit sa Office of the Solicitor General  ay nago-oppose doon sa GCTA ni Pemberton kahit ‘yung BuCor nago-oppose sa early release ni Pemberton. kaya hindi ko maintindihan dahil lahat na ito ay hindi kinonsider ng korte at binalewala at binigay niya ang full credit kay Pemberton dahil iyun ang gusto, alegasyon at computation ni Pemberton. ani Suarez sa panayam ng DWIZ   

Kulang pa ng 10 buwan ang pagkakakulong ni US Marine Lance Cpl. Joseph Scott Pemberton sa kaniyang selda sa Kampo Aguinaldo.

Ito ang lumabas sa isinagawang computation ng Bureau of Corrections (BuCor) makaraang hindi tumugma ang kanilang pagtaya sa ginawang computation naman ng Olongapo City Regional Trial Court.

Si Pemberton ang pangunahing suspek sa pagpatay kay Pinay transgender woman na si Jeffrey alyas Jennifer Laude nuong 2014 na hinatulang guilty dahil sa kasong homicide.

Giit ng BuCor, hindi isinama ng korte ang isang taong pagkakakulong ni Pemberton bago ito hatulan nuong Disyembre 2015 kung saan, wala pa ito sa kanilang kostudiya

Ayon pa sa BuCor, tanging ang jailwarden lamang kung saan nakakulong si Pemberton ang maaaring magbigay sa kaniya ng credits sa ilalim ng Good Conduct Time Allowance (GCTA).

Una nang inihayag ng Department of Justice (DOJ) na maghahain din sila ng motion for reconsideration sa korte upang mapigilan ang pagpapalaya kay Pemberton.

Walang “foul play” sa pagkamatay ni dating Ozamiz City Councilor Ricardo “Ardot” Parojinog.

Ito’y ayon kay Philippine National Police Spokesperson Police Brig. Gen. Bernard Banac makaraang matuklasan ng mga imbestigador na cardiac arrest ang sanhi ng pagpanaw ng dating konsehal at wala rin naman aniyang nakitang “sign of violence” sa selda kung saan nakitang wala nang buhay ang biktima.

Matatandaang dinala sa Ozamiz si Parojinog mula sa PNP Custodial Center sa Quezon City para dumalo sa pagdinig ng kanyang mga kasong kriminal sa nabanggit na lungsod.

Binanggit din ni Banac na maglalabas ng investigation report ukol dito ang pulisya sa susunod na linggo.