RONDA PROBINSYA

Rescue helicopter ng Philippine Air Force bumagsak sa Basilan, 4 patay

BASILAN PHILIPPINE AIRFORSE HELICOPTER CRASH

Patay ang apat katao sa pagbagsak ng isang rescue helicopter ng Philippine Air Force sa Lantawan, Basilan.

Ayon kay Police Lt. Richelle Perez, hepe ng Lantawan Municipal Police Station, bumagsak ang helicopter sa rubber plantation sa lugar.

Kabilang ang mga miyembro ng Isabela City Disaster Risk Reduction and Management Office sa mga unang dumating sa lugar ng pinagbaksakan ng chopper.

Patuloy namang iniimbestigahan ng mga otoridad ang sanhi ng pagbagsak ng naturang chopper.

Sinasabing masama umano ang panahon sa lugar nang mangyari ang insidente.

September 17, 2020 0 comment

RONDA PROBINSYA

Mga OFWs na natulungan ng OWWA Region 2 halos 8,000 na

written by DWIZ 882

Pumalo na sa kabuuang 7,890 ang bilang ng mga Overseas Filipino Workers (OFWs) ang natulungan ng Overseas Workers Welfare Administration na makauwi sa kani-kanilang probinsya sa Region 2.

Sa datos ng OWWA Region 2, ang naturang bilang ng mga nakauwing OFWs sa rehiyon ay natulungan sa pamamagitan ng ‘Uwian na Program’ ng ahensya.

Mababatid na 3,514 na mga OFWs ang napauwi sa Isabela, 2,457 OFWs naman ang nakauwi na sa Cagayan, habang ang nalalabing mga OFWs ay umuwi sa kanilang mga kabahayan sa Nueva Vizcaya, Quirino, at Batanes.

Kasunod nito, tiniyak ng pamunuan ng OWWA na isinailalim nila ang mga napauwing OFWs sa coronavirus disease 2019 (COVID-19) testing at quarantine bago pinahintulutang makauwi sa kani-kanilang probinsya.

September 16, 2020 0 comment

RONDA PROBINSYA

STL balik-operasyon na sa Ilocos Norte, Nueva Ecija

written by DWIZ 882

Balik-operasyon na ngayong araw ang small town lottery (STL) sa Ilocos Norte at Nueva Ecija.

Sa inilabas na kalatas ng pamunuan ng Philippine Charity Sweepstakes Office (PCSO), kasabay ng pagbabalik-operasyon ng STL sa dalawang lalawigan, ipatutupad ang mga safety health protocols kontra coronavirus disease 2019 (COVID-19) batay na rin sa guidelines ng Inter-Agency Task Force.

Batay sa tala ng PCSO, sa Ilocos Norte, mayroon lamang operasyon ng STL sa Lucky Pick Amusement Development Inc.

Habang sa King’s 810 Gaming Corporation lang mayroong operasyon ng STL sa Nueva Ecija.

Pagdidiin ng PCSO, mananatiling suspendido ang operasyon ng STL sa mga lugar na hindi nabanggit.

September 16, 2020 0 comment

HEADLINES RONDA PROBINSYA

Isabela Colleges nagdaos ng face-to-face class, pinagpapaliwanag ng CHED

written by DWIZ 882

ISABELA COLLEGES, INC. COLLEGE SCHOLARSHIP

Pinagpapaliwanag ng Commission on Higher Education (CHED) ang pamunuan ng Isabela Colleges Incorporated dahil sa pagdaraos nito ng face-to-face class.

Ito’y sa bisa ng inilabas na show-cause order ng ahensya.

Nabatid ng CHED na may isang estudyante ng paaralan ang dinapuan ng coronavirus disease 2019 (COVID-19) makaraang dumalo sa isinagawang class orientation sa naturang paaralan.

Batay naman sa isinagawang validation ng CHED, lumalabas na noong ika-29 ng Agosto pa lamang ay nagsasagawa na ng ilang serye ng orientations ang Isabela Colleges.

Alinsunod sa inilabas na show-cause order ng CHED, inatasan nito na magpaliwanag ang pamunuan ng paaralan sa loob ng 10 araw hinggil sa pangyayari.

September 16, 2020 0 comment

HEADLINES RONDA PROBINSYA

Returning residents pinayagan na sa Western Visayas

written by Judith Estrada-Larino

Nagbigay na ng go-signal ang Inter-Agency Task Force (IATF) para sa partial lifting ng suspensyon ng mga bumabalik na residente ng Western Visayas.

Dahil dito, uubra nang makabiyahe mula Metro Manila ang mga talagang residente sa Region 6 na sumasakop sa mga lalawigan ng Guimaras, Iloilo, Negros Occidental at Antique kabilang ang Iloilo City.

Una nang ikinasa ang temporary suspensyon para maiwasan ang pagkalat ng coronavirus disease 2019 (COVID-19).

Hindi naman kabilang sa maaari nang makabiyahe pa-Western Visayas ang mga turista at casual visitors.

September 16, 2020 0 comment

HEADLINES RONDA PROBINSYA

5 dating miyembro ng NPA sumuko sa pamahalaan

written by DWIZ 882

Isasailalim sa debriefing at profiling ang 5 miyembro ng New People’s Army (NPA) upang maipasok sa Enhanced Comprehensive Local Integration Program (E-CLIP) ang nasa limang dating miyembro ng NPA.

Ito’y ayon sa Army’s 202nd Infantry Brigade matapos ang ginawang pagsuko ng mga dating rebelde sa Pamahalaan sa Kalayaan, Laguna kamakailan.

Kabillang ang mga sumuko sa Sub-Regional Military Area 4A at 4C ng New People’s Army na nag-ooperate sa bahagi ng Batangas, Cavite, Rizal at Quezon (Calabarzon).

Ayon kay Brigade Commander B/Gen. Alex Rillera, nangyari ang negosasyon sa Brgy. San Antonio kung saan kasamang isinuko ng mga ito ang 3 nilang armas.

Hindi na isinapubliko ng Militar ang pagkakakilanlan ng mga sumukong rebelde upang maiwasang gantihan sila ng mga dating kasamahan.

September 15, 2020 0 comment

HEADLINES RONDA PROBINSYA

3 Opisyal ng PNP isinailalim sa balasahan

written by DWIZ 882

Muli na namang nagpatupad ng panibagong balasahan sa hanay ng Philippine National Police (PNP) bunsod na rin ng pagreretiro ng ilang matataas na opisyal nito.

Kabilang sa mga napasama sa rigudon si P/BGen. Romeo Caramat Jr ng PNP Drug Enforcement Group at siyang nasa likod ng pagkakasabat sa mahigit P8 bilyong halaga ng shabu sa Bulacan at Cavite nuong Hunyo.

Itatalaga si Caramat sa Police Regional Office 13 ( CARAGA PNP) bilang Regional Director kapalit ng magreretiro nang si P/BGen. Joselito Esquivel sa Huwebes, Setyembre a-17.

Papalit naman kay Caramat bilang Direktor ng PNP DEG si P/BGen. Armand De Leon na nagmula sa Police Regional Office 11 (Davao Region PNP).

Habang si P/Col. Lorenzo Deltran ang papalit sa lilisaning puwesto ni De Leon sa Davao region PNP mula sa Police Regional Office 4B o MIMAROPA kung saan siya nanggaling.

September 15, 2020 0 comment

RONDA PROBINSYA

Task group na tututok sa pagpatay sa isang online journalist sa Sorsogon pinagana na

written by DWIZ 882

Bumuo na ng Special Investigation Task Group (SITG) ang Police Regional Office 5 o Bicol PNP at Sorsogon Provincial Police Office.

Ito’y kaugnay sa nangyaring pagpatay sa online journalist na si Joubert “Polpog” Bercasio ng Balangibog TV sa Sorsogon City kagabi.

Ayon kay Police Regional Office 5 Director P/BGen. Bartolome Bustamante, kaniya nang inatasan ang Provincal Director ng Sorsogon PNP na si P/Col. Roque Bausa na makpag-ugnayan sa Task Force Usig.

Dakong alas Otso kagabi nang pagbabarilin ng mga nakamotorsiklong salarin si Bercasio sa Seabreeze Homes, Barangay Cabid-an ng nasabing lungsod.

Nabatid mula sa mga saksi na limang putok ng baril ang kanilang narinig bago hinarurot ang isang motorsiklo at iniwan ang biktima na naliligo sa sariling dugo.

Puspusan na ang pagtukoy ng mga awtoridad sa kung sino ang nasa likod ng pananambang at kung ano ang motibo ng mga ito sa krimen.

September 15, 2020 0 comment

NATIONAL NEWS RONDA PROBINSYA

Nagpapakilalang consumer group leader na naninira ng isang power utility, dating empleyado ng kalaban nito

written by DWIZ 882

Kinuwestiyon ni Koalisyon Bantay Kuryente (KBK) Pres. Halley Alcarde ang tunay na intensyon ng dating empleyado ng Panay Electric Company(PECO) na si Jose Allen Aquino.

Ito’y dahil sa pagpapakilala nito na miyembro ng KBK para naman siraan ang distribution utility na MORE Electric and Power Corporation (MORE Power) sa Iloilo City.

Ayon kay Alcarde, si Aquino ay dating kawani ng PECO na nag-resign dahil hindi nito nagustuhan ang pamamalakad ng kanilang kumpanya na makailang beses din nyang binabatikos.

Nang mawala sa PECO ay bumuo si Aquino ng grupong Power Service Cooperative (PSC) na kalaunan ay nagtangkang kumuha ng kontrata sa MORE Power ngunit hindi ito naaprubahan.

Makikita sa Facebook page ng PSC na ang deskripsyon sa grupo ay isa itong service cooperative na ang founding members ay mga dating kawani ng PECO kasama si Aquino.

Makikita din sa FB page ng PSC ang mga litrato ng naging product presentation nito sa MORE Power noong Setyembre 17, 2019.

Napag-alaman din na makatatlong beses kumandidato sa pagka City Councilor sa Iloilo si Aquino ngunit hindi ito nanalo.

Dahil hindi natanggap sa MORE Power, nakikipagkuntsaba na itong si Mr. Aquino sa PECO para lituhin at linlangin ang mga power consumers ng Iloilo”, pahayag ni Alcalde.

Nabatid mula sa PSC officers na pinag-resign na nila si Aquino sa kanilang grupo.

The PSC Board of Directors made him to file a resignation letter with the coop to allow him focus on his energy watch activities and not to prejudice coop’s operations”, ayon sa PSC officers.

Sa pagpapakilala na kasapi ng consumer group na KBK ay nagsisilbing “attack dog” ng PECO si Aquino laban sa MORE Power sa pamamagitan na rin ng pagpapalabas nito ng mga fake news.

September 14, 2020 0 comment

HEADLINES RONDA PROBINSYA

Mga taga-Metro Manila na pupunta sa Tagaytay hihingan pa rin ng travel pass — JTF

written by Judith Estrada-Larino

Kakailanganin pa rin ang travel pass papuntang Tagaytay City mula sa Metro Manila.

Binigyang diin ito ni Joint Task Force COVID Shield commander Police Lt. General Guillermo Eleazar nang dagsain ng local tourist ang Tagaytay City nitong weekend.

Una nang binuksan ng Tagaytay City ang pintuan nito sa local tourists partikular mula sa metro manila.

Sinabi ni Eleazar na kung galing ka ng Metro Manila may dahilan kung bakit ka tutungo ng Cavite at kung walang valid reason, kailangan pa rin ng travel authority.

Maliban na lamang ito aniya kung babaguhin ng National Task Force ang polisiya hinggil dito. —ulat mula kay Jaymark Dagala (Patrol 9)

September 14, 2020 0 comment

Newer Posts

Older Posts