RONDA PROBINSYA

Pumapalo na sa mahigit P737-M ang halaga ng pinsalang idinulot ng bayong Quinta sa sektor ng agrikultura at imprastraktura.

Partikular na naitala ang mga pinsala sa mga rehiyon ng Ilocos, Central Luzon, Bicol, Western Visayas, CALABARZON at MIMAROPA.

Samantala nasa 29 na kalsada at limang tulay ang nananatili pa ring hindi madaanan sa Regions 1, 3, CALABARZON, MIMAROPA, 5, 8 at Cordillera Administrative Region.

Ayon sa NDRRMC, sa bahagi na lamang MIMAROPA nasa dalawang eskuwelahan, isang health facility, isang government facility, 11 pampublikong imprastraktura at tatlong simbahan ang nawasak dahil sa bagyong Quinta.

Aprubado na sa Committee on Local Government ng Senado ang mga panukalang naglalayong hatiin sa dalawang probinsya ang Maguindanao.

Ayon kay Senador Francis Tolentino, chair ng naturang komite, kinakailangan na kasi ang mga pagbabago sa maguindanao dahil kahit pa mayaman ito sa mga likas na yaman, ay nanatili naman itong pinakamahirap na probinsya sa bansa.

Sa pagdinig ng Senado tinalakay ang Senate bills no. 1824 at 1714 nina Tolentino at kapwa senador Cythia Villar, maging ang House bill no. 6413 ni Maguindanao Representative Esmael Mangudadatu na magkakapareho ang layuning hatiin sa dalawa ang naturang lalawigan.

Mababatid sa panukala, ang Northern Maguindanao ay bubuuin ng 12 mga bayan habang 24 na mga bayan naman ang bubuo sa Southern Mindanao.

Kasunod nito, pag-uusapan pa ng Technical Working Group (TWG)  ng komite kung ano ang magiging kapitolyo ng gagawing dalawang lalawigan.

Sa huli, iginiit ni Tolentino, na sa naturang hakbang ay naniniwala siyang magiging daan ito ng pag-unlad ng dalawang lalawigan lalo na ng mga residente nito.

Inatasan ni Pangulong Rodrigo Duterte ang Department of Justice (DOJ) na imbestigahan ang lahat ng nangyayaring korapsyon sa gobyerno.

Ayon sa pangulo maaaring bumuo ng panel of investigators ang ahensya kung kinakailangan.

I hope that all government workers, officials are listening. This is a memorandum from me to Justice Secretary Menardo Guevarra. The subject is investigating corruption allegations in the entire government,” ani Duterte.

Kasabay nito, pinaalalahanan ng pangulo ang mga tiwaling opisyal ng gobyerno na hindi sila maililigtas ng kanilang pagbibitiw sa pwesto.

Ayon sa pangulo, tutukan niya ngayon hanggang sa matapos ang kaniyang termino sa 2022 ang pagsilip sa mga anomalya sa bawat ahensya ng gobyerno.

Sa halip kasi aniya na humina ngayon ang korapsyon, tila tumitindi pa umano ito.

Let me remind everybody in this government na your resignation will not save your neck. Alam mo bakit? You are not allowed to resign if there is a pending case against you,” ani Duterte.

Mag-resign ka man, ‘di ka mag-report, you will be summoned, subpoenaed not because you are already out of government, but because for all intents and purposes you are still a part of government. You are not allowed to resign to escape liability,” dagdag pa ng Pangulong Duterte. —ulat mula kay Jopel Pelenio (Patrol 17)