Home RONDA PROBINSYA

RONDA PROBINSYA

KASAL, ITINULOY SA GITNA NG BAHA SA HAGONOY 2026

“BAHA KA LANG, KASAL KO TO!”

Sa halip na ipagpaliban, pinili ng mag-asawang sina Mr. at Mrs. Chico na ituloy ang kanilang kasal ngayong araw sa Parokya ng San Juan Bautista sa Hagonoy, Bulacan.

Umabot umano sa beywang ang baha sa loob ng simbahan, dahilan para payuhan ng pamunuan ng parokya ang mag-asawa na ireschedule muna ang seremonya.

Gayunman, nagpasya silang ituloy ang kasal dahil sa ilang personal na dahilan.

Pinaikli pa ng bride ang kanyang wedding gown upang mas madali siyang makalakad sa baha. Dahil wala ring kuryente, portable speaker ang ginamit para sa seremonya.

Sa kabila ng baha, sinikap pa rin ng mga naghanda na maayos at maging espesyal ang kanilang kasal.

Sa huli, walang baha ang naging hadlang para matupad ang pangako ng mag-asawa sa isa’t isa sa harap ng altar.

September 1, 2026 0 comment
0 Facebook Twitter Google + Pinterest
Pagsagip at paglilipat sa mga biktima ng bahan, isinagawa ng Sta. Cruz MPS kasama ang PCG at MDRRMO

Nagsagawa ng magkatuwang na operasyon ng pagsagip at paglikas ang mga tauhan ng Sta. Cruz Municipal Police Station, Philippine Coast Guard (PCG), at Municipal Disaster Risk Reduction and Management Office (MDRRMO) matapos bumaha sa Sitio Pasig, Barangay Gama, nitong Sabado, Agosto 29, 2026.

Bandang ika-2:00 ng hapon nang magsimula ang rescue at evacuation operation na pinangunahan ni Police Major Pablo G. Aggabao, Acting Chief of Police (ACOP) ng Sta. Cruz MPS. Agad na rumesponde ang mga awtoridad matapos mabalitaang lubog na sa baha ang ilang bahagi ng nasabing sitio.

Sa pagdating ng mga rescue team, kaagad nilang tinulungan at ligtas na inilikas ang mga naapektuhang residente mula sa mga bahay na nasalanta ng pagbaha. Isinakay ang mga ito sa mga sasakyan at dinala sa itinalagang evacuation center upang matiyak ang kanilang kaligtasan at proteksyon laban sa patuloy na pagtaas ng tubig baha.

Ayon sa ulat, maayos at mapayapa ang isinagawang operasyon sa kabila ng mahirap na kalagayan. Nagtulong-tulong ang mga kawani ng pulisya, coast guard, at disaster response team upang masigurong walang maiiwan sa mga residenteng nangangailangan ng agarang tulong.

Binigyang-diin ng Sta. Cruz MPS ang kahalagahan ng inter-ahensyang koordinasyon upang mabilis at epektibong maipatupad ang mga hakbang sa pagsagip, lalo na sa oras ng kalamidad. Pinuri rin nila ang kooperasyon ng mga residente na nakinig at sumunod sa mga tagubilin ng mga awtoridad.

Patuloy na nakatutok ang Sta. Cruz Municipal Police Station at ang iba pang ahensya ng pamahalaan sa kalagayan ng mga naapektuhang pamilya. Nananatili silang handang tumugon sa anumang pangangailangan ng komunidad, lalo na sa panahon ng sakuna at emergency.

“Ang kaligtasan ng bawat mamamayan ang aming prayoridad. Patuloy kaming maglilingkod at magpoprotekta sa aming kapwa,” pahayag ni PMAJ Aggabao. | via Jennifer Go (DWIZ Correspondent)

August 29, 2026 0 comment
0 Facebook Twitter Google + Pinterest
6 PATAY, 3 NAWAWALA SA PAGLUBOG NG BANGKA SA MAPANUEPE LAKE

Anim ang patay, tatlong nawawala matapos lumubog ang isang bangkang de-motor sa Mapanuepe Lake, Barangay Buhawen sa San Marcelino, Zambales kahapon, Agosto 27, 2026.

13 katao ang sakay ng bangka nang lumubog ito bandang 4:40 PM habang tumatawid patungong Sitio Lumibao mula sa Buhawen Proper.

Pauwi na ang grupo mula sa vaccination drive at 4Ps meeting nang biglang lumubog ang bangka dahil sa sobrang dami ng sakay.

Apat ang nakaligtas. Anim ang nasawi — tatlong matatanda at tatlong bata. Tatlo ang nawawala: 5-taong-gulang, 12-taong-gulang, at isang buntis.

Agad tumugon ang MDRRMO, pulisya, BFP, at 2nd Provincial Mobile Force Company, katuwang ang mga opisyal ng Barangay Buhawen.

Pansamantalang sinuspinde ang search and rescue bandang 6:45 PM dahil sa masamang panahon. Ipagpapatuloy ito kapag ligtas na.

Paalala ng lokal na pamahalaan: iwasan ang pagsakay sa bangkang lampas sa kapasidad upang maiwasan ang ganitong trahedya. | via Jennifer Go (DWIZ Correspondent)

August 28, 2026 0 comment
0 Facebook Twitter Google + Pinterest
Anim na Aeta, kabilang ang tatlong bata, patay matapos tumaob ang isang motor banca sa Zambales

Anim na Aeta ang patay habang tatlo ang nawawala matapos tumaob ang isang motor banca sa Mapanuepe Lake sa Barangay Buhawen, San Marcelino, Zambales noong Huwebes, Agosto 27.

Kinilala ang mga nasawi bilang sina Elvie Tiglao Pabalan; Joanavie Mae Tiglao Pabalan; Sally Serrano Dela Cruz; Evelyn Yurik Lagman; at mga dalawang taong gulang na sina Prince Lenard Serrano Dela Cruz at Cedric Paanan Liwanag.

Habang nawawala naman sina Arlene Paanan Liwanag; Andrea Serrano Dela Cruz, limang taong gulang; at Angelito Serrano Liwanag, labindalawang taong gulang.

Ayon kay Zambales Police Provincial Office Director Colonel Benjamin Ariola, naganap ang trahedya pasado alas-2 ng hapon ngunit alas-3:40 na nang maiparating ito sa Municipal Disaster Risk Reduction and Management Office.

Batay sa salaysay ng mga survivor, malakas na hangin at malalaking alon ang posibleng sanhi ng pagtaob ng bangka.

Samantala, apat na pasahero naman ang nailigtas kabilang ang operator ng banca.—sa panulat ni Reianne Antiquina

August 28, 2026 0 comment
0 Facebook Twitter Google + Pinterest
pusa

Tatlong suspek, kabilang ang isang menor de edad, ang natukoy ng pulisya kaugnay ng viral video kung saan sinilaban, tinadyakan, at pinagtawanan ang isang kuting sa Barangay Mamatid, Cabuyao, Laguna.

Ayon kay PLt. Kyle Gabriel Bautista, hepe ng Cabuyao Police Investigation Section, nag-iinuman umano ang mga suspek nang mapagtripan ang mga kuting.

Inamin umano ng tatlo ang ginawa at kinilala nilang mali ang kanilang ginawa.

Nakarating sa pulisya ang insidente matapos makatanggap ng maraming sumbong mula sa concerned citizens sa kanilang hotline. Agad namang rumesponde ang mga awtoridad.

Mariin namang kinondena ng Philippine Animal Welfare Society (PAWS) ang insidente.

Ayon kay PAWS Executive Director Atty. Anna Cabrera, nakalulungkot at nakakagalit na mga kabataan ang umano’y nasa likod ng naturang kalupitan sa mga hayop.

Nakatakdang sampahan ng reklamo ang mga suspek.

Samantala, tatlong kuting ang nailigtas at kasalukuyang nasa pangangalaga ng isang animal welfare organization.

Sa ilalim ng Animal Welfare Act, maaaring makulong nang hanggang tatlong taon at pagmultahin ng hanggang ₱250,000 ang mga mapatutunayang nagkasala.

August 27, 2026 0 comment
0 Facebook Twitter Google + Pinterest
DALAWANG BATANG NAMIMITAS NG SANTOL, PATAY SA KURYENTE SA SARANGANI

Nasawi ang dalawang 11-anyos na lalaki matapos makuryente habang nangunguha ng bunga ng santol para sa kanilang Nutrition Month activity sa Sarangani.

Kinilala ang mga biktima na sina Alex Palmes at Clyde Glenn Tercio.

Ayon sa ulat, aksidente umanong dumikit sa live wire ang panungkit ng mga biktima at una umanong nakuryente si Alex at sumunod si Clyde sa tangkang tulungan ang kaniyang kaibigan.

Agad namang isinugod sa ospital ang dalawang bata ngunit idineklara silang dead on arrival ng mga sumuring doktor.

#DWIZ #DWIZNews #DWIZ882AM

August 7, 2026 0 comment
0 Facebook Twitter Google + Pinterest
LALAKI, PATAY SA SAKSAK DAHIL SA ALITAN SA TAYA SA BASKETBALL SA DANAO CITY

Dahil sa basketball, patay ang isang 30-anyos na lalaki matapos umanong masaksak ng icepick kasunod ng pagtatalo tungkol sa tayaan sa isang basketball game sa Danao City, Cebu.

Kinilala ang biktima sa alyas na Chris, na nagsilbing referee sa naturang laro. Ayon sa imbestigasyon, Kinumpronta ng suspek na si alyas Nick, 27-anyos ang biktima tungkol sa taya matapos ang laro.

Nauwi sa mainitang pagtatalo at suntukan ang kanilang alitan. Sa gitna ng komosyon, umano’y bumunot ng icepick ang suspek at sinaksak ang biktima.

Nakatakas ang suspek matapos ang insidente at nagpapatuloy ang hot pursuit operation ng pulisya para sa kanyang agarang pag-aresto.

August 6, 2026 0 comment
0 Facebook Twitter Google + Pinterest
capiz

Nauwi sa umano’y mass hysteria ang away ng dalawang mag-aaral sa Jamindan National High School sa Capiz matapos makaranas ng pagkahilo at hindi magandang pakiramdam ang halos 20 estudyante.

Ayon sa pulisya, naganap ang insidente bandang 9:45 ng umaga nang magkasuntukan ang dalawang mag-aaral na nasa edad 14-anyos at 16-anyos sa loob ng paaralan.

Kasunod nito, ilang estudyante ang nakaranas ng pagkahilo at iba pang sintomas na pinaniniwalaang dulot ng matinding takot at tensyon.

Agad namang rumesponde ang mga guro at emergency responders upang matulungan ang mga naapektuhan.

Samantala, dinala ang dalawang menor de edad sa Women and Children Protection Desk ng Jamindan Municipal Police Station para sa kaukulang imbestigasyon.

August 6, 2026 0 comment
0 Facebook Twitter Google + Pinterest
Nawawalang cellphone ni Lans, naibalik ng PNP Malay

Naibalik ng mga tauhan ng Malay Municipal Police Station sa Aklan ang nawawalang mobile phone ng content creator na si Louise Anne Nagal, o mas kilala bilang “Lans.”

Nabatid na nagbabakasyon si Nagal sa Boracay nang mawala ang kanyang cellphone, ngunit natunton ito sa tulong ng isang lokal na residente.

Personal namang ibinalik ng Malay PNP ang phone ni Lans.

Pinuri naman ni Malay Chief of Police Lt. Col. Orlando Carag Jr. ang kanyang mga tauhan sa mabilis na pagresponde sa insidente. | Sa panulat ni Anjo Riñon

August 5, 2026 0 comment
0 Facebook Twitter Google + Pinterest
B11.

Kalaboso ang isang albularyo sa General Trias City, Cavite matapos makumpiskahan ng tatlong hindi lisensiyadong baril sa isinagawang operasyon ng Criminal Investigation and Detection Group (CIDG).

Ayon sa CIDG, isinagawa ang operasyon matapos makatanggap ng impormasyon na umano’y ipinagmamalaki ng suspek ang kaniyang mga baril habang nag-aalok ng mga anting-anting at hinihikayat ang mga kliyente na sumali sa grupong “Haring Bakal.”

Batay sa video na hawak ng CIDG, ginagamit umano ng suspek ang pagpapaputok ng baril upang patunayang mabisa ang mga anting-anting na kaniyang ibinebenta.

Nahaharap ang suspek sa kasong paglabag sa Republic Act No. 10591 o Comprehensive Firearms and Ammunition Regulation Act.

August 4, 2026 0 comment
0 Facebook Twitter Google + Pinterest