RONDA PROBINSYA

Patay sa engkwentro ang dalawang miyembro ng New Peoples Army o NPA sa Sitio Mangilit, Barangay Bal-Ason, Gingoog City, Misamis Oriental.

Sa tulong ng pinagsanibpwersa ng mga tauhan ng 58th Infantry Battalion, Philippine Army at 4th Infantry Division ay nasamsam ang ibat-ibang uri ng baril kabilang na dito ang m203 grenade launcher; dalawang ak-47 rifles; tig-isang ar 18 at m-16 rifles kasama ang war reading materials maging ang personal na kagamitan ng mga rebelde.

Nai-turnover na ng mga otoridad ang mga bangkay ng mga miyembro ng NPA sa Local Governmentt Unit upang maiuwi ang mga ito sa kani-kanilang pamilya. —sa panulat ni Angelica Doctolero

Arestado ng mga otoridad ang isang Principal sa Guinobatan Elementary School Leganes, Iloilo matapos magpaputok ng baril.

Ayon sa mga otoridad, walang habas na nagpaputok ng baril si Romeo Valiente, 58-anyos sa loob mismo ng eskwelahan.

Ayon sa mga tauhan ng Leganes PNP, inaresto si Valiente matapos silang makatanggap ng impormasyon na may nagpaputok ng baril sa nasabing paaralan.

Agad naman itong inamin ni Valiente at sianbing may bumato umano sa kanyang kwarto sa nasabing paaralan.

Dito na isinuko ni Valiente ang kanyang 357 Smith And Wesson na baril na wala nang bala at wala at napag-alaman na wala ding hawak na permit to carry firearms si Valiente.

Nakakulong na ngayon ang naturang Principal at nahaharap sa patung-patong na kaso.  —sa panulat ni Angelica Doctolero

Umakyat na 1,607 ang kabuuang bilang ng mga pasaherong nastranded at apektado ng Bagyong Odette sa mga pantalan sa bansa.

Base sa datos ng Philippine Coast Guard, aabot sa 924 pasahero ang stranded sa Eastern Visayas na mayroong 8 vessel at 513 rolling cargoes.

Stranded din sa Bicol Region ang 630 pasahero kasama ng 3 vessel, 2 motorbancas at 333 rolling cargoes habang hindi din pinayagang makabiyahe ang 53 pasahero sa North Eastern Mindanao kasama ng 2 vessel at 33 rolling cargoes.

Samantala, itinigil narin ang operasyon ng mga shipping line sa Batangas Port kahapon dahil sa narin sa sama ng panahon.

Ayon kay Giselle Cayetano, Assistant Manager ng Passenger Terminal And Roro Operations Of Asian Terminals Inc. (ATI), kinansela muna ang biyahe papuntang Visayas at Mimaropa Region maging ang mga barkong papunta sa Odiongan, Romblon at Caticlan, Aklan matapos itaas ang Gale warning signals.

Samantala, bukod sa biyahe sa mga pantalan, kinansela narin ng LTFRB ang biyahe ng mga provincial buses sa Eastern Visayas bunsod ng banta ng Bagyong Odette.

Kabilang sa mga sinuspinde ay ang mga biyahe ng mga public utility buses na patungong Luzon at Mindanao area.

Layunin ng ahensya na maging ligtas ang mga pasahero laban sa banta ng Bagyong Odette.—sa panulat ni Angelica Doctolero

Nangangamba ngayon ang mga residente sa Aklan matapos ang pagpasok ng Bagyong Odette sa Philippine Area of Responsibility o PAR.

Ang ilan sa kanila ay kaniya-kaniya nang tali ng kanilang mga bahay sa mga puno upang hindi tangayin ng malakas na hangin lalo na ang mga nakatira malapit sa baybaying dagat at ilog.

Samantala, isang bahay naman ang nasira at nahulog sa ilog dahil sa naranasang mga pagbaha sa Barangay Casit-An, Libacao, Aklan.

Ayon kay Punong Barangay Alicio Zonio Zubista, sunod-sunod ang mga araw ng pagbuhos ng ulan dahilan ng unti-unting pagguho ng lupa sa gilid ng Aklan River.

Wala namang nasaktan sa nangyaring insidente habang nagsasagawa na ng preemptive evacuation sa nabanggit na lugar. —sa panulat ni Angelica Doctolero

Nasawi ang isang tanod sa Villasis, Pangasinan matapos siyang pagbabarilin sa harap mismo ng barangay hall.

Kinilala ang biktima na si Wilson Remoblas, tanod sa barangay Piaz.

Nakunan ng CCTV ang pagdating ng mga lalaki sa barangay hall na nagpaparesponde sa isang kaguluhan.

Ngunit nagkaroon ng komosyon nang bigla na lamang magpaputok ang isang lalaki na sinita ng tanod na humantong sa pamamaril.

Tinamaan ng bala sa dibdib at tiyan ang biktima na ikinasawi nito.

Sasampahan ng kasong murder ang suspek.

Arestado ang isang lalaki sa ikinasang buy bust operation ng mga otoridad sa Barangay Cembo, Makati nitong Lunes.

Batay sa ulat, nagpanggap na buyer ng shabu ang isang operatiba kung saan bumili ito ng 500 pisong halaga ng hinihinalang shabu sa suspek.

Maliban sa buy bust money, nakuha rin sa suspek ang 11 pakete ng iligal na droga na nagkakahalaga ng mahigit 62,000 pesos, cellphone at isang maliit na case.

Nahaharap sa kasong paglabag sa Comprehensive Dangerous Drugs Act ang suspek.

Nasawi ang isang kawani ng Leyte Province Capitol matapos pagbabarilin ng apat na suspek na sakay ng dalawang motorsiklo sa barangay 110, Utap, Tacloban City, nitong Martes.

Kinilala ang biktima na si Gil Bobaris, 60-anyos, residente ng barangay San Ricardo Babatngon sa Leyte habang nakaligtas naman ang kasamahan nito na si Victorio Pineda, 51-anyos.

Ayon sa mga otoridad, nangyari ang insidente bandang alas-9:30 ng umaga. Nasa sasakyan umano ang dalawang kawani nang pagbabarilin ng mga suspek na agad namang tumakas.

Patuloy ang imbestigasyon ng pulisya sa insidente.

Arestado ang isang lalaki matapos madiskubre ng mga otoridad ang high-grade marijuana sa i-rereceive sanang package nito sa Clark, Pampanga.

Ayon sa otoridad, idineklarang kubrekama ang laman ng package na mula sa America na hindi tugma sa lumabas na resulta ng x-ray scan nito.

Aabot sa mahigit 675,000 pisong halaga ang nakumpiskang marijuana na nai-turnover na sa PDEA.

Kakasuhan ng paglabag sa Customs Modernization and Tariff Act at Comprehensive Dangerous Drugs Act ang nahuling consignee. —sa panulat ni Joana Luna

Kulong ang pitong indibidwal matapos bugbugin ang pulis na rumesponde sa naganap na riot sa Tondo, Maynila.

Kuwento ni Police Corporal Marvin Floyd Aguilar, sinubukan lang aniyang pumagitna sa nagkakainitang grupo nang bigla na lang siyang sinuntok ng isa sa mga ito at tutukan ng baril.

Batay sa ulat, nang hindi mapaputok ng lalaki ang baril, doon na binaril ni Aguilar ang paa nito.

Naitakbo naman agad ang suspek sa ospital, habang inaresto ang anim pang kasamahan nito.

Haharap sa kasong Direct Assault, Attempted Murder, Murder, Breach of Peach, Drinking in Public Places at Illegal Possession of Firearms and Ammunition ang nahuling grupo. —sa panulat ni Joana Luna