RONDA PROBINSYA

Sugatan ang tatlong driver nang magkarambola ang minamaneho nilang mga sasakyan sa General Mariano Alvarez, Cavite.

Ayon sa awtoridad, minamaneho ni alyas Prisco ang kanyang l300 van at binabagtas ang kahabaan ng Brgy Poblacion 5.

Patungong Brgy. Poblacion 1 habang nakasunod naman sa kanya ang minamanehong motorsiklo ni alyas Jefferson kung saan nasa opposite direction namang binabagtas ni alyas Rolly at minamaneho ang isang pang motorsiklo.

Nangyari ang insedente, nanag biglang makasalubong ni alyas Rolly ang isang e-bike dahilan upang maapakan niya ang preno ng kanyang motorsiklo at pumihit sa kabilang lane kaya bumangga ito sa L300 van habang bumangga naman ang nakasunod na motorsiklo ni alyas Jefferson sa nasabing van.

Mabilis na isinugod sa ospital ang tatlong driver para malapatan ng lunas.

Away sa pamilya ang hinihinalang motibo kaya pinagsasaksak ng isang anak ang sariling ina habang natutulog ito sa loob ng kanilang bahay sa Bacoor City, Cavite.

Ayon sa awtoridad, natutulog umano ang biktima na si alyas ‘Amy’, 58-anyos  nang dumating anak na suspek na pinangalang lang sa alyas ‘Roderick’, 39-anyos, kumuha ng kutsilyo at pinagsasaksak ang kanyang ina.

Matapos ang pananaksak ay tumakas ang suspek habang ang biktima ay isinugod sa ospital.

Nabatid na hindi nakakasundo ng suspek ang kanyang pamilya at ito umano marahil ang dahilan ng pananaksak ng suspek sa kanyang ina.

Samantala, nakahanda naman ang kasong frustrated parricide sakalaing mahuli ng mga pulis ang tumakas na salarin.

Dead on the spot ang isang Driver at Bodyguard, samantalang nakaligtas naman sa insidente ang Department Head ng Biñan City matapos na tambangan ang kanilang service vehicle ng dalawang hindi nakikilalang riding in tandem sa Binan, Laguna.

Sa isinagawang imbestigasyon ng pulisya, sakay ng kanilang service vehicle ang Bodyguard na si alyas Ronaldo at ang Biñan City Department Head na si alyas Ed.

Nang biglang paulanan ng bala ang sinasakyan ng dalawa ng hindi pa nakikilalang suspek na sakay ng sa motorsiklo.

Nabatid sa imbestigasyon ng Biñan City Police Station, na mayroong pending case hinggil sa land dispute sa Nueva Ecija ang nasawing biktima.

Gayunman, hindi pa matukoy ng pulisya sa mga biktima ang talagang target ng mga gunman.

Samantala, patuloy ang manhunt operation ng pulisya sa pagkakakilanlan ng mga tumakas na suspek para sa agarang ikadakip ng mga ito.

Sugatan ang isang mag-ama sa Virac, Catanduanes matapos silang magsaksakan sa kanilang bahay dahil umano sa hindi pagkakaintindihan.

Ayon sa pulisya na parehong nakainom ng alak ang mag-ama bago ang insidente.

Biglan na lamang umano nagwala ang padre de pamilya, na kumuha ng kutsilyo sa kusina at sinaksak ang kaniyang anak na lalaki.

Dulot na rin ng kalasingan, sinaksak din nito ang ang kaniyang ama nang maagawa niya ito.

Kapwa namang dinala sa ospital ang mag-ama.

Hindi naman nagsampa ng reklamo ang biktima matapos magkapatawaran.

Hindi na nagawang tapusin ng isang kahero ang paghahapunan niya sa isang restaurant matapos tambangan ng dalawang hindi nakikilalang lalaki sa Sariaya, Quezon.

Kinilala ng pulisya ang biktima na si Michael Badiola, 28-anyos.

Inilarawan naman ng mga saksi ang mga suspek na nakasuot ng puting short, at asul na jacket habang ang isa ay naka-maong na short at itim na t-shirt.

Ayon awtoridad, kumakain ng hapunan sa loob ng restaurant ang biktima at malapitang binaril na kaagad nitong ikinasawi.

Patuloy naman imbestigasyon sa insidente para sa pagkakakilanlan ng mga tumakas na salarin at motibo sa krimen.

Tinorture muna bago pinatay ang 15-anyos na grade 10 student na natagpuang naaagnas sa tubuhan sa La Carlota City, Negros Occidental.

Base ito sa lumabas na autopsy report ayon sa La Carlota City Police Station, kung saan nagtamo ng sugat sa iba’t ibang bahagi ng katawan ng biktima na pinaniniwalaang dahilan ng kanyang pagkasawi.

Gayunman, hindi naman makumpirma kung ginahasa ang biktima dahil nasa state of decomposition na ang katawan nito nang madiskubre sa taniman ng tubo.

Ini-report na nawawala ang biktima noong Hulyo a-30 ng kanyang pamilya matapos na hindi na umuwi pagkatapos pumasok eskwelahan.

Nagpapatuloy pa ang imbestigasyon ng pulisya sa kaso.

Love triangle ang isa sa tinitingnang motibo ng mga awtoridad sa pamamaslang sa isang durg ex-convict sa Cebu City.

Kinilala ng awtoridad ang biktima na si Rico Oquiño, 25-anyos, isang Jeepney Conductor habang pinangalan naman ang pinaghihinalaang suspek na isang si Jephosin Cantunao, 30-anyos.

Ayon sa awtoridad, pumunta si Cantunao sa bahay ng biktima para magbigay umano ng pera sa anak nito sa dating kinakasama na kasalukuyang karelasyon ng biktima.

Ngunit nagka-alitan ang dalawa sa hindi pa malamang dahilan na nagresulta sa pagbabanta ng suspek sa huli.

Sa pagsusuri sa labi ni Oquiño, tadtad ito ilang ng saksak sa katawan.

Narekober din sa pinagyarihan ng krimen ang pitong sachet ng hinihinilang shabu at pera sa bulsa ni Oquiño kasama ng motorsiklo nito malapit sa katawan ng biktima.

Target na ng manhunt operation si Cantunao na maaring maharap kaukulang kaso sakaling mapatunayan na siya ang pumatay kay Oquiño.

Dead on the spot ang isang lalaki matapos masumpak ng kaniyang nakaalitan sa Pili, Camarines Sur.

Ayon sa awtoridad, nagkaroon ng hindi pagkaka-unawaan ang dalawang lalaki na nauwi sa pamamaril.

Iitakin sana ng biktimang si Benjie Batucan ang suspek ngunit naunahan ito ng salarin at sinumpak siya.

Kaagad na nasawi ang biktima matapos magtamo ng apat na tama ng sumpak.

Nabatid na matagal nang may away si Batucan at ang suspek dahil sa habit ng biktima na pandudura.

Hawak na ng awtoridad ang salarin at nahaharap sa kasong homicide.

Patay ang isang 48-anyos na babae sa Daet, Camarines Norte matapos umanong siyang balibagin ng kanyang mister.

Ayon sa awtoridad, naganap umano ang insidente sa labas ng isang Garbage Hauling Facility sa Barangay Dogongan kung saan parehong nagtatrabaho ang biktima at ang kanyang 46-anyos na asawa bilang mga basurero.

Sa salaysay ng isang saksi, nag-away ang mag-asawa bago umano binuhat ng mister ang kanyang misis at binalibag, dahilan para tumama ang ulo nito sa lupa. Nagresulta ito sa matinding pinsala sa ulo.

Itinanggi naman ng asawa ang mga akusasyon.

Nasa kustodiya na ng pulisya ang suspek at nahaharap sa kasong parricide.

Isang 43-anyos na barangay tanod ang nasawi nang ito ay pagbabarilin ng isang 58-anyos na tricycle driver sa Balaoan, La Union.

Kinilala ng mga awtoridad ang nasawing biktima na si Eduardo San Jose.

Batay sa imbestigasyon, bago naganap ang krimen ay kapwa nakikipaglamay ang biktima at suspek na si William Subang nang magkainitan sa hindi pa malamang kadahilanan na nauwi sa pagtatalo.

Sa gitna ng mainitang pagtatalo ay bumunot ng baril si Subang at binaril ang biktima.

Nakatakbo pa si San Jose, subalit hinabol pa ng suspek at nang madapa ay muling binaril ng suspek.

Naaresto ng mga pulis ang suspek at nakuha ang baril sa isang pursuit operation.