RONDA PROBINSYA

Isang 43-anyos na barangay tanod ang nasawi nang ito ay pagbabarilin ng isang 58-anyos na tricycle driver sa Balaoan, La Union.

Kinilala ng mga awtoridad ang nasawing biktima na si Eduardo San Jose.

Batay sa imbestigasyon, bago naganap ang krimen ay kapwa nakikipaglamay ang biktima at suspek na si William Subang nang magkainitan sa hindi pa malamang kadahilanan na nauwi sa pagtatalo.

Sa gitna ng mainitang pagtatalo ay bumunot ng baril si Subang at binaril ang biktima.

Nakatakbo pa si San Jose, subalit hinabol pa ng suspek at nang madapa ay muling binaril ng suspek.

Naaresto ng mga pulis ang suspek at nakuha ang baril sa isang pursuit operation.

Kalunos-lunos ang sinapit ng isang senior citizen matapos na mabangga ng isang kotse sa Legazpi City, Albay.

Ayon sa Legazpi City Police Station, naglalakad umano sa tabi ng kalsada ang matanda nang mabangga ng kotse na minamaneho ng isang Nurse.

Sa lakas nang pagkakabangga ay tumalsik ng ilang metro ang biktima na agaran nitong ikinamatay.

Lumalabas sa imbestigasyon, bago nabangga ang biktima ay unang sumalpok ang kotse sa isang poste ng kuryente saka dumeretso ito sa naglalakad na biktima.

Inamin naman ng suspek na nakatulog siya habang nagmamaneho dahil sa pagod at puyat galing sa pag-duty sa isang hospital na naging dahilan ng aksidente.

Samantala, nahaharap sa kasong reckless imprudence resulting in homicide ang driver.

Nauwi sa aksidente ang pag-shortcut sana ng isang jeep sa Antipolo, Rizal, kung saan, walo katao ang sugatan nang masagasaan nito ang siyam na sasakyan bago bumangga sa mga concrete barrier.

Ayon sa awtoridad, binabaybay ng pampasaherong sasakyan ang Sumulong Highway sa Barangay Dela Paz nang mawalan ng preno ang jeepney at sumalpok sa barrier.

Dinala sa ospital ang jeepney driver na si Roy Franco at pitong driver ng mga sasakyan na naaksidente para gamutin ang mga natamo ng mga ito.

Sa insedente, sinampahan si Franco ng reckless imprudence resulting in multiple damage to property with physical injury.

Samantala, nagkasundo si Franco at ang mga sugatang driver na ayusin ang idinulot nitong perwisyo.

Isang saksak sa likod ang tinamo ng isang 16-anyos na estudyante mula sa kainuman nitong kapwa estudyante rin makaraang magkapikunan habang nag-iinuman sa Tanza, Cavite.

Kinilala ng awtoridad ang biktima na si Rainyl Hatol.

Habang naaresto naman ang suspek at nahaharap sa kasong frustrated homicide na kinilala sa alyas Carl, 18-anyos

Sa imbestigasyon ng pulisya, kapwa na lasing ang biktima at suspek  nang magkaroon ng pagtatalo.

Sa gitna ng pagtatalo ay nakakuha ng patalim ang suspek at sinaksak ang biktima sa likod.

Agad itong naitakbo sa pagamutan habang naaresto rin ang suspek sa tulong ng mga Barangay Official ng nasabing lugar.

Dead on the spot ang isang senior citizen matapos masagasaan siya ng isang truck sa Tangub, Bacolod City.

Ayon sa awtoridad, tumatawid ang bitkima ng bigla itong salpukin ng truck.

Depensa ng driver sa pulisya, hindi niya nakita ang biktima sa daan ddahilan para mabundol nito senior citizen.

Nasa kustodiya na ng pulisya ang driver at nahaharap sa kaukulang reklamo.

Dead on the spot ang isang babae nang barilin ng kanyang live-in partner sa gitna ng kanilang mainitang pagtatalo sa Rodriguez, Rizal.

Kinilala ng awtoridad ang biktima na si Gelli Abogado habang pinaghahanap na ng mga awtoridad ang tumakas na suspek na kinilala lang na si alyas “Jasper”.

Ayon sa Rodriguez Municipal Police, naganap ang krimen sa loob ng tanahan ng mag-live-in partner.

Ayon sa saksi, nakarinig umano sila ng pagtatalo sa pagitan ng mag-asawa mula sa loob ng kanilang kuwarto. Maya-maya ay nagulantang na lang sila nang makarinig ng putok ng baril.

Nang alamin ng saksi kung ano ang nangyari ay nakita umano nito ang biktima na nakahandusay sa higaan at may tama ng bala sa ulo habang ang suspek ay may hawak na baril at mabilis na nagtatakbo patakas sa lugar.

Dahil sa tutol sa kaniyang relasyon sa isang 23-anyos lalaki, isang 16-anyos ang nanaksak ng kaniyang magulang sa Iligan City.

Ayon sa awtoridad, sinugod ng saksak ng suspek ang kanyang mga magulang.

Agad na dinala sa ospital ang mga biktima kung saan masusing minomonitor ang mga ito.

Samantala, inirekomenda ng pulisya ang na sumailalim sa psychiatric exam ang menor de edad sa ginawa nitong krimen.

3 ang nasawi habang 29 na pasahero ang sugatan matapos magbanggaan ang isang pampasaherong bus at isang wing van sa Naawan, Misamis Oriental.

Ayon sa pulisya, binabagtas ng bus na nagmula sa cagayan De Oro City at patungong Dipolog City sa naturang lugar nang nagpalit umano ng linya ang bus na sanhi upang bumangga sa nasabing van.

Dahil sa matinding salpukan, nahulog ang bus na may sakay na 51 katao sa isang bangin sa tabi ng highway.

Depensa ng driver ng bus, may batong inihagis sa kanilang sasakyan kaya iniwasan niya ito ngunit hindi niya inaasahan ang susunod na pangyayari.

Hawak na ng pulisya ang van maging ang driver nito na si na nahaharap sa kaukulang kaso.

Lima ang sugatan nang magsalpukan ang dalawang motorsiklo sa kahabaan ng national highway sa Brgy. Arpili, Bayan ng Balamban, Southern Cebu.

Sa limang indibidwal na nagtamo ng mga pinsala, dalawa ang iniulat na nasa kritikal na kondisyon.

Kinilala ng mga rescuer, ang mga nasugatan ay sina Junry Capangpangan, Nelson Ilustrisimo, Carl Louie Navasca, Joshua Bachicha, at Nedlene Caldoza.

Ayon sa awtoridad, nangyari ang aksidente nang tumawid ang isang motorsiklo patungo sa Toledo City sa kabilang linya, na humantong sa banggaan ng isa pang motorsiklo.

Lahat ay isinugod ng mga tauhan ng Emergency Medical Service (EMS) sa ospital para magamot.

Isang 19-anyos na lalaking pahinante ang malubhang nasugatan nang saksakin ng boteng basag ng kainuman sa San Jose Del Monte, Bulacan.

Kinilala ang sugatang biktima na si Laurence Samong, isang Delivery Helper habang ang suspek na si Ronnie Mendoza, 30-anyos.

Ayon sa pulisya, galing sa inuman sa ang biktima, suspek at mga kasamahan ng mga ito sa trabaho.

Ngunit dala ng kalasingan, nagtalo sina Samong at Mendoza hanggang sa magkaroon ng komosyon na naawat naman ng mga kasamahan.

Tila hindi maka-move on si Mendoza kaya’t nauna itong umuwi sa barracks at kumuha ng basag na bote at sinaksak sa dibdib at mabilis na tumakas sa lugar.

Agad dinala ang biktima sa pagamutan para sa paunang lunas habang nasukol kalaunan ng mga otoridad ang suspek na nahaharap sa kasong frustrated murder.