Arestado ang dalawang katao sa isinagawang Buy-Bust Operation sa Zambales.
Kinilala ang mga suspek na sina Ronaldo Dayrit at partner nitong si Joan Balaque.
Nakuha mula sa mga suspek ang walong plastic sachet na naglalaman ng shabu na may bigat na 0.8 gramo na nagkakahalaga ng P8K.
Nakakulong ang mag-asawang suspek at mahaharap sa kasong paglabag sa Comprehensive Dangerous Drugs Act of 2002. —sa panulat ni Kim Gomez
Patay ang isang lalaki at ang kanyang asawa nang masangkot sa aksidente ang sinasakyan nilang pickup at apat pang sasakyan sa Don Carlos, Bukidnon.
Dead on arrival sa ospital sina Wenefredo Agustin at asawa nitong si Wendelin, kapwa 50-anyos.
Nabatid sa inisyal na imbestigasyon na nawalan ng preno ang sugar cane truck, kaya tumama ito sa likurang bahagi ng fuso drop side truck, aluminum wing van, na tumama sa pick-up at isang motorsiklo sa kabilang linya.
Sa ngayon, nakakulong na ang driver ng truck na may kargang sugar cane at nahaharap sa patong-patong na kaso. —sa panulat ni Kim Gomez
Kalaboso ang tatlong katao matapos mahulihan P1.7M ng hinihinalang shabu sa isang buy-bust operation sa Mabalacat City, Pampanga.
Kinilala ang mga suspek na sina Alvin Cortez, Rosa Linda Dizon, at Orlando Cortez, pawang mga residente ng isang subdivision sa lungsod.
Nasamsam sa mga suspek ang humigit-kumulang na 250 gramo ng hinihinalang shabu, isang weighing scale, gayundin ang dalawang P1K at 98 fake money bill.
Nakumpiska rin ang isang bank passbook, driver’s license, cellphone, bag, at isang pulang toyota vios sedan.
Inihahanda na ang mga kasong paglabag sa Comprehensive Dangerous Drugs Act of 2002 laban sa mga suspek. —sa panulat ni Kim Gomez
Arestado ang isang lalaki matapos nakawin ang pera sa kaha ng pinagtatrabahuhang kumpanya sa Albay.
Kinilala ang suspek na si Martin Francis Bobiles Pacis, 27-anyos, teller ng Online Cockfighting Betting Station (OCBS).
Ayon sa mga otoridad, nagreklamo ang supervisor ng nasabing kumpaniya hinggil sa pagkawala ng P1.2M halaga ng pera sa kanilang kaha.
Lumalabas sa report, na tinangay ni Pacis, ang pera at saka tumakas.
Agad na nagsagawa ng operasyon ang mga otoridad atnabawi ang perang ninakaw ng suspek na nahaharap sa kasong qualified theft. —sa panulat ni Kim Gomez
Patay ang isang lalaki matapos pagbabarilin ng isang riding in tandem sa Cavite.
Kinilala ang biktima na si Ernesto De Guzman 70-anyos, isang magsasaka sa nasabing lungsod.
Batay sa ulat, habang patungo si De Guzman sa libing ng yumao nitong kaibigan sakay ng motorsiklo nang dinikitan ng dalawang lalaking magka-angkas sa motorsiklo saka pinaputukan nang malapitan.
Matapos ang pamamaril, agad na tumakas ang dalawang suspek patungo sa town proper ng bayan ng Talugtug, Nueva Ecija.
Sa ngayon, inaalam pa ng mga otoridad ang motibo sa krimen. —sa panulat ni Kim Gomez
Kalaboso ang tatlong lalaki sa ikinasang buy-bust operation sa Cavite.
Kinilala ang mga suspek na sina Cosme Amistoso alias “ellias”, Melchor Aledia at Melvin Francisco; kapwa nasa drug watchlist.
Ayon sa mga otoridad, nakipag-deal sa isang poseur buyer ang mga suspek kung saan, nang magka-abutan ng droga at pera ay agad silang hinuli.
Nakuha mula sa mga suspek ang 13 plastic sachet ng shabu na nasa 25 gramo na tinatayang P200K ang halaga, isang armscor 12 gauge shotgun at mga bala.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Arestado ang tatlong lalaki matapos mangholdap sa mga biktima sa Isabela.
Kinilala ang mga suspek na sina Mack Jay Venturina, 28-anyos, Randy Ignacio Andres, 46, kapwa construction worker; at Peejay Venturina, 34, dating courier.
Ayon sa ulat, nakatanggap ang mga otoridad ng impormasyon kaugnay sa aktibidad ng suspek sa nasabing lugar.
Nakuha sa tatlong suspek ang nasa P120 at mga appliances na binili gamit ang tinangay na pera sa panghoholdap, isang 9mm pistol, replica ng caliber 45 na baril at dalawang granada.
Nakapiit na ang mga suspek at nahaharap sa patong-patong na kaso. —sa panulat ni Kim Gomez
Patay ang dalawang katao habang tatlo pa ang sugatan matapos mabangga ng isang truck sa Negros Occidental.
Kinilala ang mag-inang nasawi na sina JR Cordero, 30-anyos, at kanyang ina na si Ermie Cordero 58-anyos habang nasugatan naman ang mag-amang Salgado at isang 12-anyos na kapamilya ng nasawing mag-ina.
Ayon sa mga otoridad, binabagtas ng 10-wheeler truck na minamaneho ni Henry Salgado Sr., kasama ang otso anyos na anak nang mabangga nito ang road railings hanggang sa tuluyan itong sumalpok sa bahay ng pamilya Cordero.
Nahaharap ngayon sa patong-patong na kaso ang inarestong suspek. —sa panulat ni Kim Gomez
Hindi na papayagang makapasok ang mga indibidwal na hindi bakunado sa Clark Freeport Zone (CFZ) ngayong Sabado, Enero 15.
Ang mga nakatanggap na ng unang dose kontra COVID-19 at naka-schedule na ang pangalawang dose ay papayagang makapasok.
Ayon sa CFZ, kailangang ipakita ng mga pasahero ang vaccination card o negative COVID-19 test result na papasok sa lugar.
Samantala, ang mga hindi pa nabakunahan na direktang pupunta sa health facility sa CFZ ay papayaga namang makapasok maging sa mga may kumpirmadong flight sa clark international airport basta may airline ticket at pasaporte at kailangang may negative RT-PCR test result. —sa panulat ni Kim Gomez
Inaresto ng mga otoridad ang dalawang indibidwal matapos magpakita ng pekeng vaccination card sa Cotabato City.
Ayon sa mga otoridad, nagtaka sila sa petsa ng 1st at 2nd dose vaccine ng dalawang suspek dahil sampung araw lamang umano ang pagitan nito na dapat ay tatlong buwan pataas.
Dahil dito, maghihigpit na ang lalawigan ng Cotabato sa mga vaccination certificate ng mga indibidwal.
Sa ngayon, nakakulong at haharap sa kaso ang dalawang suspek. —sa panulat ni Angelica Doctolero