RONDA PROBINSYA

Kalaboso ang tatlong tulak ng droga sa isinagawang buy-bust operation sa Pampanga.

Kinilala ang mga suspek na sina Orlando Cortez, Rosa Linda Dion at Alvin Cortez; pawang mga residente ng Xevera Subdivision, Mabalacat City.

Nakuha sa mga suspek ang tatlong medium size plastic na naglalaman ng 259 na gramo ng shabu na nagkakahalaga ng 1.7 milyong piso, isang cellphone, BDO passbook, kulay pulang Toyota vios at mga drug paraphernalia.

Nakatakdang sampahan ng kaso ang mga nadakip na suspek. —sa panulat ni Kim Gomez

Arestado ang dalawang lalaki, kabilang ang isang nagpakilalang aktor, matapos umanong mahuling nagbebenta ng COVID-19 antigen test kits sa Barangay Socorro, Quezon City.

Kinilala ang mga suspek na sina Harold Lo, 26 taong gulang, at Henry Lo, 56 taong gulang, na sinasabing nagpakilalang bit player o extra sa teleserye na “Ang Probinsyano.”

Nasabat mula kay Lo ang limampung kahon ng antigen test kits na nagkakahalaga ng 200,000 piso.

Sasampahan ang mga suspek ng reklamong paglabag sa Republic Act 9711 o Food and Drug Administration Act.

Patay ang apat na suspek sa pambobomba sa isang bus sa Aleosan, North Cotabato matapos umanong manlaban sa mga sundalo sa bayan ng Carmen.

Kinilala ang tatlo sa mga nasawi na sina Dawlah Islamiya terrorist group leader Norodin Hassan, Abdonilla Hassan at Abdunha Hassan.

Ayon kay Maj. Gen. Juvymax Uy, kumander ng 6th Infantry Division at Joint Task Force Central, kumpirmadong ang grupo ni Hassan ang sangkot sa pagpapasabog at panununog ng isang yunit ng Mindanao Star Bus.

Binabaybay ng bus ang Cotabato-Davao Highway sa Barangay San Mateo nang biglang sumabog ang bomba sa loob nito na ikinasawi ng isang bata at ikinasawi ng anim na iba pa.

Pangingikil ang sinasabing ugat sa naturang pambobomba.

Arestado ang apat na katao sa isinagawang buy-bust operation sa Navotas City.

Kinilala ang mga suspek na sina John Mervin Luchico alyas Nog-Nog, 30 anyos, Rommel Tablan, 24 anyos, Fe Ramirez, 63 anyos,  at Ruben Cañeda, 54.

Nasamsam sa mga suspek ang 30.2 gramo ng shabu na katumbas sa mahigit dalawang milyong pisong halaga.

Nakatakdang sampahan ng kaso ang mga nadakip na suspek. —sa panulat ni Kim Gomez

Nasabat ng mga pulis ang 680,000 pisong halaga ng shabu mula sa dalawang suspek sa ikinasang buy-bust operation sa Caloocan City.

Arestado sina Marlon Mendoza, 25 anyos; at Paul Romeo Llacer, 26 anyos.

Nakumpiska sa mga suspek ang mahigit 100 gramo ng shabu; 7,500 buy-bust money, isang sachet na may hindi pa matukoy na halaga ng white crystalline substance, isang black belt bag, at isang motorsiklo.

Sina Mendoza at Llacer, ay sasampahan ng kasong paglabag sa Republic Act 9165 o Comprehensive Dangerous Drugs Act of 2002. —sa panulat ni Kim Gomez

Binawian ng buhay ang isang 44 anyos na lalaki matapos barilin ng hindi pa nakikilalang mga suspek sa Cotabato City, Mindanao.

Kinilala ang biktima na si Yusop Abas Kusain, residente ng Barangay Rosary Heights 5.

Ayon sa imbestigasyon, naglalakad lamang ang biktima nang bigla itong lapitan ng dalawang suspek at pagbabarilin.

Naisugod pa sa ospital si Kusain ngunit idineklarang dead on arrival.

Patuloy naman ang imbestigasyon sa naturang insidente. —sa panulat ni Airiam Sancho

Sa Lipa, Batangas na nadakip ng mga awtoridad ang isang construction worker na wanted sa bayan ng Pateros sa kasong paglabag sa anti-VAWC law o anti-violence against women and their children act.

Kinilala ang akusado na si John Dale Funelas, 22 taong gulang, at residente ng Brgy. Inuslaban sa Lipa.

Nakatanggap ng impormasyon ang pulisya na nagtatago si Funelas sa Lipa dahilan upang puntahan ito ng mga awtoridad at isinilbi ang warrant of arrest na inilabas ni Judge Joy Casihan Dumlao ng Pateros, RTC Branch 262.

Tatlong libong piso ang itinakdang piyansa ng korte laban kay Funelas na ngayo’y nakakulong na sa custodial facility ng Pateros PNP.

Nasawi ang isang mag-ina matapos araruhin ng 10-wheeler truck ang kanilang bahay sa Barangay Antipolo, Pontevedra, Negros Occidental.

Kinilala ang mga biktima na sina JR Cordero at Ermie Cordero.

Kritikal naman ang truck driver na si Henry Salgado Sr. habang nagtamo ng minor injuries ang kanyang anak na lalaki.

Ayon kay Pontevedra acting police chief Capt. Hancel Lumandaz, patuloy pa ring iniimbestigahan ang insidente.

Tinatayang mahigit 800 loose firearms ang nasabat ng mga awtoridad sa Zamboanga Peninsula.

Ayon kay Regional Police Director Brig. Gen. Franco Simborio, ang Zamboanga City police ay nakarekober ng 245 na mga armas na sinundan ng Zamboanga del Sur, 284; Zamboanga del Norte, 178; Zamboanga Sibugay, 127, at Isabela City sa Basilan, 29.

Sinaksihan naman ng isang kinatawan mula sa Commission on Elections (COMELEC) ang pag-turnover ng mga baril.

Samantala, sinabi naman ni Regional Police Public Information Officer Maj. Shellamie Chang na ginawa ang hakbang upang maiwasan ang pagkalat ng loose firearms lalo na ngayong panahon ng eleksiyon.

Arestado ang isang hindi pinangalanang suspek ng mga tauhan ng Philippine Drug Enforcement Agency (PDEA) at ng Bureau Customs Anti-Illegal Drug (BOC-AID) sa Pampanga.

Ayon sa ulat ng mga operatiba, taliwas sa naging deklarasyon ng suspek na expo marker pens, one pack dart flights, at pop boy sapagkat tumambad sa mga examiner ang tatlong transparent plastic sachets ng shabu at liquid marijuana sa loob ng package na tinatayang aabot sa P90K ang halaga.

Nakatakda naman kasuhan ang claimant dahil sa paglabag sa RA 10863 o Customs Modernization And Tariff Act (CMTA) na may kaugnayan sa RA 9165 o Comprehensive Dangerous Drugs Act of 2002. —sa panulat ni Kim Gomez