RONDA PROBINSYA

NPA leader, nagbalik-loob sa pamahalaan

Nagbalik-loob sa pamahalaan ang isang lider ng New People’s Army (NPA) sa Agusan del Sur.

Kinilala ni Brig. Gen. Romeo Caramat Jr., Police Regional Office-Caraga director, ang surrenderer na si alyas “Jasper” na sinasabing vice team leader ng Sandatahang Yunit Pampropaganda ng North Central Mindanao Regional Committee.

Kasamang isinuko ni Jasper ang kanyang .38 caliber na baril.

Ayon sa dating rebelde, walong taon na siya sa communist movement ngunit wala siyang napala, gayundin ang kanyang pamilya.

May 14, 2022 0 comment

HEADLINES RONDA PROBINSYA

2 patay 3 sugatan sa pagsabog ng dinamita sa Sulu

written by DWIZ 882

Patay ang dalawa katao habang tatlo ang sugatan matapos sumabog ang improvised dynamite sa Panglima Estino, Sulu nitong Huwebes.

Ayon kay Bangsamoro Autonomous Region in Muslim Mindanao Police Chief, BGEN. Arthur Cabalona, kasama sa nasugatan ang isang bata na agad dinala sa ospital.

Batay sa ulat, nasa bahay ang mga biktima ni Baruli Abdurasid na siyang nagtatago nang improvised na dinamita.

Pero bigla na lang nakapagtala ng pagsabog kaya ilan ang nasawi.

Agad namang inaresto ng PNP si Abdurasid na nahaharap sa patong-patong na kaso.

May 14, 2022 0 comment

HEADLINES RONDA PROBINSYA

2 katao, patay matapos mabangga ng van sa Bato, Catanduanes

written by DWIZ 882

Patay ang dalawa katao kabilang ang isang bata at senior citizen matapos mawalan ng kontrol ang isang van sa Bato, Catanduanes.

Ayon sa PNP, galing sa libing sa Gigmoto ang van na patungo sanang Virac nang makabangga ng mga naglalakad.

Dito na nawalan ng kontrol ang sasakyan dahilan para bumangga sa kotse.

Pero hindi pa ito huminto at nagpatuloy sa pag-andar kaya bumangga rin sa isang bahay.

Nasawi ang bata at matandang sakay ng van habang 9 ang sugatan.

Nasa kustodiya na ng PNP ang driver habang patuloy ang imbestigasyon.

May 14, 2022 0 comment

HEADLINES RONDA PROBINSYA

3 patay sa banggaan sa Nasugbu, Batangas

written by DWIZ 882

Patay ang tatlo katao matapos mabangga ng cargo truck ang sinasakyan nilang kotse sa Nasugbu, Batangas, kahapon.

Kinilala ang mga nasawi na sina Roland Adrias, 48- anyos, Rochelle Dimaano, 46- anyos at Rachelle Anne Dimaano, 23- anyos.

Patungo na sa Maynila ang tatlo nang maganap ang aksidente sa Sitio, Barangay Aga dakong alas-4:20 ng madaling-araw.

Isa pang sasakyan ang nabanggang truck bago ito bumangga sa sinasakyan ng tatlo.

Agad na tumakas ang driver ng truck habang dinala sa ospital ang helper nito.

May 11, 2022 0 comment

HEADLINES HOT STORIES OF THE WEEK RONDA PROBINSYA

7 pasahero, na-rescue sa tumaob na bangka sa Tawi-Tawi

written by DWIZ 882

Aabot sa pitong pasahero ang nailigtas matapos tumaob ang sinasakyan nilang bangka sa karagatang sakop ng Bongao, Tawi-Tawi.

Batay sa ulat na nakarating sa Camp Aguinaldo, naglalayag patungong Lato-Lato Elementary School ang tropa ng 2nd Marine Brigade sa ilalim ng Joint Task Force Tawi-Tawi para ibiyahe ang ilang Board of Election Inspectors.

Pero napansin nila ang light signals sa Barangay Lato-Lato at nang puntahan ay nakita ang tumaob na bangka na kinakapitan ng pitong pasahero na boboto sana para sa halalan.

Agad na dinala sa 82nd Marine Corps ang pito para sa medical check-up.

May 11, 2022 0 comment

NATIONAL NEWS RONDA PROBINSYA

Zero election related-incident, naitala sa mga voting precinct sa Navotas

written by Angelica Doctolero

Nakapagtala ng zero election-related incident ang Navotas City kung saan, umabot sa 23,000 residente ang bumoto at nagpunta sa Dagat-Dagatan Elementary School.

Nabatid na naging madali ang proseso ng pagboto sa kabila ng mga isyu sa Vote Counting Machines (VCMs.)

Ayon kay Master Sgt. Alano Javier Quisto ng Navotas City Police Station, simula pa lang ng halalan kahapon, zero na ang naitala nilang election-related incidents gaya ng pamamahagi ng sample ballots o flyers.

Sinabi ni Quisto na agad na inaksyonan at pinalitan ang mga hindi gumaganang VCM sa nabanggit na polling precinct.

May 10, 2022 0 comment

HEADLINES HOT STORIES OF THE WEEK RONDA PROBINSYA

3 security guard patay sa pamamaril sa malapit sa voting precinct sa Maguindanao

written by Drew Nacino

Tatlong kawani ng Barangay Peacekeeping Action Team (BPAT) na nagbabantay sa isang voting precint ang patay matapos pagbabarilin sa bayan ng Buluan, Maguindanao.

Kinilala ni Maguindanao Police Provincial Office Director, Col. Jibin Bongcayao, ang mga biktimang sina Misuari Dimapalao, Sajid Kamama at Tata Bulilo habang sugatan si Jadid Ulangkaya.

Ayon kay Bongcayao, pasado alas-8 kahapon ng umaga nang maganap ang insidente dahilan para kumaripas palayo ang daan-daang botante sa naturang lugar at maantala ang botohan sa Buluan Central School.

Nakasakay sa isang itim na sports utility vehicle ang mga hindi nakilalang salarin nang pagbabarilin ang mga biktima.

Nakikipag-ugnayan na anya ang pulisya sa mga testigo upang matukoy at matunton ang mga nasa likod ng krimen.

May 10, 2022 0 comment

NATIONAL NEWS RONDA PROBINSYA

Tensyon sa pagitan ng Cotabato City Police at election officer dahilan ng pagkaantala sa pagbiyahe ng mga VCM

written by Angelica Doctolero

Nagresulta sa pagkaantala sa pagbiyahe ng mahigit 90,000 vote counting machines sa iba’t ibang polling places ang nangyaring tensyon sa Cotabato City.

Ayon kay Bangsamoro Autonomous Region in Muslim Mindanao (BARMM) interior minister attorney Naguib Sinarimbo, nagsimula ang tensyon sa pagitan ng Cotabato City Police na tumangging sumama o mag-escort sa election officer na magde-deliver ng VCMs sa mga presinto nitong Sabado ng hapon.

Samantala, nakatakdang sumailalim ngayong linggo sa final testing and sealing ang mga VCM para sa gaganaping eleksyon bukas.

May 8, 2022 0 comment

NATIONAL NEWS RONDA PROBINSYA

6-taong gulang na lalaki, patay matapos aksidenteng mabaril ng kaniyang pinsan sa Pangasinan

written by DWIZ 882

Patay ang 6 na taong gulang na lalaki matapos aksidenteng mabaril ng kaniyang pinsan sa barangay Don Montano sa bayan ng Umingan, Pangasinan.

Idineklarang dead-on-arrival sa ospital ang bata.

Ayon sa awtoridad, naglalaro ang 13 anyos na lalaki ng kalibre .22 na pistol na nakita lang niya sa cabinet.

Inakala niya pa itong laruan kaya itinutok sa kaniyang batang pinsan.

Dito na pumutok ang baril saka duguang bumagsak ang bata.

Na-trauma naman sa nangyari ang suspek na batang lalaki.

May 8, 2022 0 comment

NATIONAL NEWS RONDA PROBINSYA

4 na tauhan ng mag-asawang kandidato sa halalan sa Ilocos Sur, patay sa barilan

written by DWIZ 882

Patay ang 4 na tauhan ng mag-asawang tumatakbong mayor at vice mayor matapos magkabarilan sa Magsingal, Ilocos Sur.

Ayon sa PNP, rumesponde ang mga biktima sa barangay patong nang makatanggap ng impormasyong may nagaganap na vote-buying sa lugar.

Pero nauwi ito sa tensyon na ikinasawi ng 5 at 2 tauhan nang tumatakbong mayor na si Alrico Favis at asawang vice mayoral candidate na si Ina Favis.

Wala pa namang pahayag ang mag-asawa sa nangyari na iniimbestigahan na ng PNP.

May 8, 2022 0 comment

Newer Posts

Older Posts