Aminado ng isang Disease Expert na posible pang tumaas ang bilang ng kaso ng tuberculosis sa bansa.
Ito sinabi ni Dr. Rontgene Solante, sa panayam ng DWIZ, ay sa gitna ng pagtaas ng bilang ng mga apektado ng TB sa Tondo, Manila.
Dagdag pa ni Dr. Solante, patuloy pa rin ang pagtaas ng mga tinatamaan ng influenza-like illnesses.
Ibinahagi rin ni Dr. Solante, ang mga sanhi ng pagdami ng kaso ng tuberculosis kabilang na rito ang pagtira sa mga masisikip na lugar. – Sa panulat ni John Riz Calata
Ikinatuwa ng Bureau of Fire Protection ang pagbaba ng bilang ng mga insidente ng sunog sa bansa ngayong taon.
Sa panayam ng DWIZ, sinabi ni Gab Solano, Ang Senior Inspector ng BFP Fire Safety Information Division sa programang Ronda Pilipinas, na nasa 50 ang bilang ng naitalang sunog mula December 21 hanggang ngayong araw (December 27).
Nilinaw ng opisyal na karamihan sa naitalang sunog ay dahil sa mga naiwanang niluluto; depektibong appliances at mga Christmas lighting bunsod ng kaliwa’t kanang holiday activity at wala itong kaugnayan sa paputok.
Nilinaw naman ni Capt. Solano, na hindi lang buwan ng nobyembre hanggang disyembre ang pagmo-monitor ng bfp sa firecracker related incident kundi maging ang Enero dahil ito ang buwan na may pinaka-maraming gumagamit ng paputok.
Isang grupo ng mga kabataan ang tila masyadong sineryoso at pinaghandaan ang pagsalubong sa nagdaang kapaskuhan upang makapag-caroling!
Kung ano ang buong kwento, alamin.
Sa isang video na in-upload ni Charity Ates sa social media, makikita ang isang grupo na nangangaroling sa mga customer ng isang kainan.
Hindi sila ang tipikal na carolers na makikita sa mga kalsada tuwing kapaskuhan na mayroon lamang hawak na instruments at kakanta.
Dahil ang grupo na ito, kumpleto na nga sa equipment na speaker, microphone, at background music, may kasama pang props at choreography!
Mapaghahalataang hindi basta-basta at talagang pinag-isipang mabuti ng grupo ang kanilang gagawin dahil bukod sa magandang boses ng kanilang main singer, nagpabida rin ang mga ito ng mga acrobatic stunts.
Kaya naman talagang match na match ang inilagay na caption ng uploader na si Charity na “maulaw man sab mo hatag og 20 ani uy” na ang ibig sabihin ay nakakahiya namang magbigay dito ng bente dito oy.
Sa isang pahayag, sinabi ni Charity na lalabas na sana sila mula sa kainan nang bigla na lamang dumating ang grupo at nagpasiklab ng kanilang performance level na pangangaroling.
Dagdag pa niya, hindi maipagkakaila na naaliw ang mga customer sa kainan dahil sa todo bigay na biglaang performance na kanilang nasaksihan habang naghahapunan.
Isa itong patunay na anuman ang kaharapin nating pagsubok ay buhay na buhay pa rin sa mga pilipino ang diwa ng pasko.
Ikaw, kaya mo rin bang mangaroling katulad ng mga nasa viral video?
Dahil sa kalasingan, isang pasahero, itinali ng drayber sa kaniyang katawan!
Ang buong kwento, alamin.
Isang gabi, habang binabaybay ang isang kalsada, makikita sa isang video na pinost ng user na si Benjie Penalosa sa Facebook page na “Visor” ang isang umaandar na motor na kung saan ay kapansin-pansin ang kalagayan ng pasahero sa likuran ng drayber.
Ang angkas kasi nito ay bukod sa walang suot na helmet ay nakatali na rin ang katawan sa rider na kaniya nang sinasandalan dahil nakatulog na pala ito!
Ayon sa ulat, naisipan daw ng drayber na itali sa kaniyang beywang ang nakatulog na pasahero upang hindi ito mahulog.
Iba’t-ibang komento naman ang iniwan ng mga netizen sa nasabing video at ang ilan ay nagbigay pa ng payo na kung iinom sa isang pampublikong lugar ay huwag nang umuwi at humanap na lang ng ligtas na matutulugan, o di naman kaya ay huwag motor ang gagamiting sasakyan pauwi.
Ikaw, ano ang masasabi mo sa buwis buhay na ginawa ng lalaki?
Makakatanggap na ng mas mataas na sahod sa Enero ng susunod na taon ang mga kasambahay sa Metro Manila at Northern Mindanao.
Ito’y matapos na aprubahan ng National Wages and Productivity Commission ang wage order no. 05, na inisyu ng Regional Tripartite Wages and Productivity Board-National Capital Region, para sa P500 umento sa buwanang sahod sa mga kasambahay sa rehiyon.
Dahil dito, magiging P7,000 pesos na ang buwanang minimum wage ng mga kasambahay sa Metro Manila.
Inaprubahan naman ng NWPC ang P1,000 dagdag-sahod ng mga kasambahay sa Region 10, kaya’t aabot na sa P6,000 pesos ang monthly minimum wage ng mga ito.
Samantala, nasa P23 naman ang taas-sahod para sa mga manggagawa na nasa non-agriculture sector, habang P35 naman sa agriculture sector na ibibigay sa loob ng dalawang tranches.
Dahil dito, aabot na sa P446 hanggang P461 pesos ang minimum wage rate sa Northern Mindanao.
Nagbabala ang International Monetary Fund na t36% ng mga trabaho sa Pilipinas ang lantad o sinasabing mapapalitan ng articial intelligence.
Ayon sa IMF, aabot sa apat kada sampung trabaho ang exposed sa AI at may potensyal itong palitan ang mga empleyado o pagaanin ang kanilang trabaho.
Sinasabing mas apektado ng makabagong teknolohiya ang mga kababaihan dahil nasa industriya ang mga ito ng clerical support, service at sales.
Tinataya namang minimal lamang ang epekto ng AI sa mga trabaho ng kalalakihan dahil nasa industriya ang mga ito ng kalakalan, agrikultura, machine operations, at elementary occupations o trabaho tulad ng paglilinis, restocking ng supplies at basic maintenance sa mga hotel, opisina at iba pang estbalisyemento. – Sa panulat ni Laica Cuevas
Bahagyang bumaba ang bilang ng mga registered live birth noong 2023.
Sa tala ng Philippine Statistics Authority, mayroong 1, 448,522 na registered live births noong 2023, mas mababa ng .5% mula sa 1,455,393 noong 2022.
Batay sa datos, mayroong average na 3,969 na sanggol ang ipinanganak araw-araw noong nakaraang taon, bahagyang mas mababa kaysa sa average na 3,987 na sanggol na ipinanganak araw-araw noong 2022.
57.5% ng mga ito ang nagmula sa Luzon at pinakamarami sa Calabarzon, sinundan ng National Capital Region.
Samantala, lumabas din sa ulat na na karamihan sa mga ipinanganak na sanggol ay bunga ng mga magulang na hindi kasal. - Sa panualt ni Laica Cuevas
Mahigpit na binabantayan ng Department of Agriculture ang presyo ng mga lokal na prutas sa gitna ng inaasahang pagtaas ng demand dahil sa pagdiriwang ng bagong taon.
Kabilang sa minomotor ng kagawaran ang presyo ng pakwan; melon; pomelo; avocado; mangga at papaya.
Batay sa monitoring ng D.A. sa mga pamilihan sa Metro Manila, naglalaro sa 60 hanggang 90 pesos ang kada kilo pakwan; 60 hanggang 140 pesos ang kada kilo ng melon habang ang presyo ng mangga ay umaabot ng 150 hanggang 300 pesos kada kilo.
Tradisyon na para sa mga Pilipino ang paghahanda ng labingdalawang bilog na prutas tuwing bisperas ng bagong taon dahil sa paniniwalang sumisimbolo ito sa kasaganaan at magandang kapalaran. – Sa panulat ni Kat Gonzales
Plano ng Department of Agriculture na tanggalin ang brand labels sa imported rice.
Ito’y upang matigil ang pagmamanipula ng ilang retailers at traders sa presyo nito.
Ayon kay Agriculture Sec. Francisco Tiu Laurel Jr., naniniwala silang ginagamit ng ilang industry players ang mga brand label ng bigas upang maibenta ito sa mas mataas na presyo, matapos ang kanilang pagbisita sa mga pamilihan.
Maliban dito, balak din ng kalihim na alisin ang mga label tulad ng “premium” at “special” sa mga imported na bigas.
Samantala, kabilang din sa mga hakbang na pinag-aaralan ng ahensya ang posibleng pagpapahintulot sa pagpapalabas ng buffer stocks ng national food authority upang mapatatag ang presyo ng bigas;
Gayundin ang mungkahing payagan ang mga government corporation, tulad ng Food Terminal Inc., na mag-angkat ng bigas para makipag-kumpitensya sa mga private importer.
Kinalampag ng Commission on Audit ang Department of dahil sa mga naantalang construction ng school facilities sa malalayong lugar.
Batay sa 2023 COA audit report, 76 mula sa 98 mga pasilidad na nagkakahalaga ng 1.4 billion pesos ang hindi nakumpleto kahit bayad na ang mobilization fees nito.
Ayon sa COA, nakapaloob sa last mile schools program (LMSP) ang mga proyekto at pinondohan gamit ang DEPED budget noong 2021.
Sinimulan ang LMSP noong 2019, at layon nitong tugunan ang kakulangan sa mga paaralan sa geographically isolated and disadvantaged areas. – Sa panulat ni Laica cuevas