NATIONAL NEWS

Mas mabilis na mawala ang immunity ng bakuna sa mga indibidwal na maraming comorbidity.

Ito ang inihayag ni Dr. Nina Gloriani, Vaccine Expert Panel kasabay ng pagbibigay-diin sa halaga ng pagbabakuna.

Ayon kay Gloriani, mas maraming sakit, mas nagiging mababa ang proteksyon na naibibigay ng pagbabakuna kabilang na ang booster shot.

Kaya’t inirerekomenda aniya ng mga eksperto na magpaturok ng booster dose gayung may nakitang paghina talaga ng immunity pagkatapos ng 3rd dose.

Ngunit giit ni Gloriani na dapat unahin ang mga immunocompromised at mga elderly na sinisimulan nang bigyan ng 2nd booster dose.

Posible na ipasa ang isang bagong batas upang muling makapagbigay ng ayuda ang gobyerno sa mga sektor na lubhang naapektuhan ng pandemya.

 Nabatid na mula sa tawag na bayanihan, maaaring tawagin na itong bayan bangon Muli Stimulus Bill ( BBM Bill) na siyang inisyal na pangalan ni presumptive President Ferdinand ‘Bongbong’ Marcos Jr.

 Ayon kay House Majority Leader at re-elected Leyte Rep. Ferdinand Martin Romualdez, na mayroong mga lumapit sa kanya upang itulak ang stimulus package.

 Sinabi naman ni House Committee on Ways and Means Chairperson Joey Salceda na mabibigyan si Marcos ng pagkakataon na gumawa ng adjustment sa budget na mamanahin nito sa papaalis na administrasyon upang maituon ito sa mga mas nangangailangan.

 Samantala, sa ilalim ng Duterte administration ay isina-batas ang bayanihan 1 at 2 upang makapagbigay ng ayuda sa mga apektado ng health pandemic gamit ang mga pondo na kinuha mula sa iba’t-ibang ahensya.

 Umaasa ang Commission on Elections (COMELEC) na kanila nang maipo-proklama sa Mayo 25 ang lahat ng 63 winning party-list groups oras na matapos na ang special elections sa Lanao del Sur.

 Ayon kay COMELEC acting Spokesperson Rex Laudiangco, sa kabila na hindi pa rin makaboto ang mga Pilipino sa Shanghai, China bunsod ng lockdown nakikita nilang hindi na makakapekto pa sa rankings ng mga party-list ang 1,991 votes na aasahan mula dito.

 Matatandaang nakatakda na iproklama ang mga mananalong party-list groups ngayong araw sana ng Huwebes, ngunit ipinagpaliban ito bilang konsiderasyon sa isasagawang special elections sa mga lugar sa bansa na nagdeklara ng failure of election noong Mayo a-nuwebe bunsod ng mga naitalang poll-related violence.

 Samantala, base sa pinakahuling COMELEC tally, top 1 pa rin ang Act-CIS party-list na nakakuha ng higit 2.1 million votes, na sinundan ng 1-rider na mayroong higit isang milyong boto at tingog na nakakuha naman ng 886,000 votes.

Kinontra ng palasyo ang pananaw ng Philippine Election 2022 International Observer Mission na hindi nakatugon ang Pilipinas sa pamantayan ng malaya at patas na eleksiyon.

 Ayon kay acting Presidential Spokesman Martin Andanar, mismong si Pangulong Rodrigo Duterte ang nagsabi noong Mayo 11 sa kanyang Talk to the People na malinis at walang naganap na irregularidad sa naganap na halalan noong Mayo a-nuwebe.

Aniya dapat na igalang ng publiko ang naging resulta ng eleksiyon at bigyan ng pagkakataon ang mga nanalong kandidato na tuparin ang kanilang mga inilatag na plataporma sa taong-bayan.

 Binigyang-diin naman ng tagapagsalita na ipinauubaya na nila sa Commission on Elections (COMELEC) ang pagsagot sa naturang obserbasyon ng Philippine Election 2022 International Observer Mission hinggil sa nakalipas na eleksiyon.

Nilagdaan ni Pangulong Rodrigo Duterte ang labing apat na bagong batas para sa pagtatatag ng District Office ng Land Transportation Office (LTO) at Land Transportation Franchising and Regulatory Board (LTFRB) sa labing tatlong lalawigan sa bansa.

 Batay sa mga pinirmahang batas ng pangulo itatatag ang mga LTO district offices sa Isabela, Bukidnon, Misamis Oriental, Cebu, Capiz, Cebu, Northern Samar, Dinagat Islands, Pampanga, Aklan, Negros Occidental at Laguna.

 Sa ilalim ng mga naturang bagong batas, inaatasan ng punong ehekutibo ang kalihim ng Department of Transportation (DOT) na isama sa kanilang programa ang pagsisimula ng operasyon ng mga bagong lto at LTFRB District offices.

 Samantala, nabatid na isasama sa taunang pambansang budget ang pondo upang maging operational ang mga bagong tanggapan.

 Naipadala na sa senado ang mahigit 88% ng lahat ng Certificates of Canvass (COCs) na naglalaman ng boto para sa pagkapangulo at bise presidente.

 Ayon sa Senate Public Relations and Information Bureau (PRIB), natanggap na nila ang 153 o 88.44% ng kabuuang 173 COCs ngayong araw.

 Nabatid na ang mga COC na ipinadala sa senado ay mula sa Sulu, United States, at Australia.

 Nakatakda namang ilipat ng senado ang mga COC at Election Returns (ERs) sa House of Representatives, madaling araw ng Mayo 23.

 Samantala sa Mayo 24 naman nakatakdang simulan ng kongreso na nag-convene bilang National Board of Canvassers (NBOC) ang pag-canvas ng mga boto sa pagkapangulo at bise presidente.

Iginiit ni Infectious Diseases Expert Dr. Rontgene Solante na hindi pa dapat ikabahala ang naitatalang mga kaso ng Omicron subvariant na BA.2.12.1 sa bansa.

 Ayon kay Solante, hindi pa nakababahala ang 17 kasong naitala dahil wala pa namang pagtaas ng kaso sa bansa, bagama’t sumasang-ayon ito na ang kasalukuyang tally ay maaaring isang under-estimation.

 Mahirap din aniyang tantsahin kung gaano katagal ang proteksyong dala ng booster shot laban sa COVID-19.

 Samantala, muli namang hinimok ng eksperto ang mga immunocompromised na magpaturok na ng pangalawang booster shot upang masiguro ang kanilang proteksyon.

Inihayag ni Senador Christopher “Bong” Go na umaasa siyang ipagpapatuloy ng susunod na senate president ang mga inisyatibo ng administrasyong Duterte.

Ayon kay Go, dapat magpasa ang susunod na lider ng senado ng mga batas na nakatutok sa kapakanan ng mga pilipino sa gitna ng patuloy na pandemya.

Binigyang-diin naman ni Go na mananatiling independent ang senado kahit lumutang ang “supermajority” sa susunod na kongreso.

Samantala, bukas naman aniya siya na muling pamunuan ang Senate Committee on Health and Demography na kanyang pinamunuan sa loob ng tatlong taon.

Nagbabala ang National Task Force against COVID-19 (NTF) sa publiko na mag-ingat laban są mga sakit na karaniwang lumalabas tuwing panahon ng tag-ulan.

 Ayon kay NTF Medical Adviser Dr. Rontgene Solante, ngayong opisyal ng naideklara ang pagpasok ng panahon ng tag-ulan sa bansa ay hindi lamang COVID-19 ang dapat pag-ingatan ng mga mamamayan.

 Binigyang-diin ni Solante na mahalagang mag-ingat ngayong panahon ng tag-ulan para ligtas sa sakit na dengue, influenza at leptospirosis.

 Dagdag pa ng doktor mahalagang mag-ingat dahil marami na ang lumalabas na mga tao ngayon kasabay ng mga pag-ulan hudyat ng pagpasok ng wet season.

Hindi dapat ikabahala ang mga naitatalang kaso ng subvariant ng Omicron na BA 2.12.1 sa bansa.

Ito ay ayon kay Dr. Rontgene Solante, Infectious Diseases Expert na maaari aniyang ang kasalukuyang tally ay underestimation lamang.

Dagdag ni Solante na hindi pa ito nakakabahala dahil wala pang nakikitang pagtaas ng mga kaso sa ilang bahagi ng bansa at patuloy naman aniya nilang mino-monitor ang naturang kaso.

Ipinabatid pa ni Solante na kung magkakaroon man aniya ng pagtaas ng kaso ay sanhi umano ito ng mabilis na hawaan ng nasabing subvariant ng Omicron.

Aniya, mahirap pa rin malaman kung gaano katagal na magagarantiya ng mga booster shot ang proteksyon laban sa COVID-19, ngunit tiyak siya na ito ay sa loob ng tatlo hanggang apat na buwan pagkatapos ng inoculation ng isang tao ay protektado siya laban sa matinding impeksyon.

Samantala, hinimok niya ang mga immunocompromised na kumuha ng kanilang pangalawang booster shot habang kaya pa ng mga ito.