Nasawi ang 11 bagong silang na sanggol matapos masunog ang Mame Abdou Aziz Sy Dabakh Hospital sa lungsod ng Tivawan, Senegal.
Ayon sa mga otoridad, mabilis na kumalat ang apoy na sanhi ng short circuit sa neonatal department ng naturang pampublikong ospital.
Nabatid na tatlong sanggol ang nailigtas mula sa insidente.
Samantala, ipinaabot naman ni Tivawan Mayor Demba Diyop, ang kaniyang pakikiramay sa mga magulang at pamilya ng mga nasawing sanggol.
Naihatid na sa huling hantungan ang labi ng Queen of Philippine Movie na si Susan Roces sa Manila North Cemetery (MNC) kaninang tanghali.
Alas4:45 ng umaga nang dumating ang funeral convoy ng yumaong aktres sa MNC.
Nabatid na yumao ito noong Mayo 20 sa edad na 80.
Nasa 700 tao naman ang nagpunta sa sementeryo kung saan karamihan sa mga dumalo ay ang kaniyang mga tagahanga.
Ipinabatid naman ng Manila Police District (MP) na nasa dalawang daan ang ipinakalat na tauhan nito para matiyak ang kaayusan ng libing ni Susan Roces.
Nananatiling stable ang suplay ng patatas sa Cordillera Administrative Region (CAR).
Ito, ang tiniyak ni Department of Agriculture-Car Regional Director Dr. Cameron Odsey, sa panayam ng DWIZ, sa gitna ng global shortage sa patatas na ginagamit sa paggawa ng fast food fries.
Wala aniyang naging pagbabago sa suplay nito kung ikukumpara sa nakalipas na taon.
Sinabi pa ni Odsey na imported ang mga patatas na ginagamit sa fast food restaurants sa bansa.
May paalala ang Department of Education (DEPED) kaugnay sa pagdaraos ng limited in-person graduation at End-of-School-Year (ESOY rites).
Ayon sa DEPED, dapat na gawing simple at marangal ang gagawing mga aktibidad na may kaugnayan dito.
Sinabi ni DEPED Undersecretary for Curriculum and Instruction Diosdado San Antonio na gawing mataimtim at hindi magarbo ang mga isasagawang seremonya gaya ng pagdaraos ng graduation at EOSY rites bago pa man ang pandemya.
Batay sa Memorandum No. 43 series of 2022, pinapahintulutang magsagawa ng limitadong face-to-face EOSY rites at graduation ceremonies ang mga paaralan at iba pang community learning centers na nasa ilalim ng alert level 1 at 2.
Hindi naging perpekto ang performance ng May 9 elections dahil sa mga aberya tulad ng Vote Counting Machines (VCMs).
Ito ang sinabi ni COMELEC Commissioner George Garcia na 8.5 out 10 ang performance rate ng nagdaang eleksyon kung saan mayroon pa aniyang dapat i-improve sa parte ng ahensya.
Binigyang-diin din niya na napabuti ang eleksyon dahil sa mga enhance equipment, trained teachers at technicians.
Nabatid na nasa 1,800 VCMs ang nagka-aberya noong araw ng halalan.
Umabot na sa 219 ang kumpirmadong kaso ng Monkeypox sa buong mundo kung saan ito ay endemic.
Batay sa huling tala ng European Unions’ Disease Agency (ECDC), umabot na sa 71 confirmed cases ang na-detect sa United Kingdom, 51 cases sa Spain at 37 sa Portugal.
15 Monkeypox cases naman ang naitala sa Canada at 9 cases sa United States.
Nagbabala naman ng ECDC na bagaman “very low” risk ang hawaan nito ay dapat pa ring mag-ingat ang publiko lalo na ang mga indibidwal na may multiple sexual partners.
Ipo-proklama ng Commission on Election (COMELEC) ang mga nanalong party-list groups kahit na mayroong pending cases.
Ito ang pahayag ni Comelec Commissioner George Garcia matapos niyang sabihin kamakailan ang posibilidad nang hindi pag-isyu ng Certificate of Proclamation kapag nakasampa ang disqualification case laban sa isang partido.
Nilinaw din niya na desisyon ng poll body na i-proklama ang Gabriela at Kabataan Party-List pero hindi ibig sabihin nito na ma-didismiss na ang kanilang nakabinbing kaso.
Nabatid na mamayang alas-kwatro ng hapon magsisimula ang proklamasyon sa mga naturang grupo.
Nilinaw ng PhilHealth na ang pagtaas ng kontribusyon ay kailagan para ma-sustain ang kanilang operasyon.
Ayon kay Philhealth Vice President for Corporate Affairs Dr. Shirley Domingo, naiintindihan niya na ngayon pa lamang bumabangon ang ekonomiya mula sa pandemya ngunit dapat nilang maipagpatuloy ang mga programa dahil marami ang natutulungan nito.
Noong kasagsagan aniya ng COVID-19 ay gumastos ang Philhealth ng 22 billion pesos para sa COVID benefits pero hindi nagtaas ang premiums noon.
Igiinit din ni Domingo na ang taas-kontribusyon ay naka-linya sa Universal Healthcare Act kung saan nakasaad dito ang mandatong 0.5% increase sa Philhealth contributions kada taon hanggang sa maabot nito ang 5% limit sa taong 2025.
Naglabas na ng suspension order ang Department of Environment and Natural Resources (DENR) ang Mineral Production Sharing Agreements (MPSA) Na ipinagkaloob sa tatlong mining companies sa Masungi Georeserve sa bayan ng Baras, Rizal.
Ito’y sa gitna ng mga pagtutol ng mga residente at environmental group sa mining operation sa nasabing lugar.
Tinukoy ni DENR acting Secretary Jim Sampula ang mga sinuspindeng MPSA ay ibinigay sa rapid city realty and Development Corporation, Quimson Limestone Incorporated at Quarry Rock Group na pawang non-operational simula 2004.
Tinanggal na rin anya ang otorisasyon ng kumpanya na mag- operate upang mawala ang agam-agam at pangamba ng mga residente.
Pinapurihan ng grupong Alyansa Tigil Mina (ATM) ang desisyon ng Marinduque Regional Trial Court Branch 38 na pumabor sa 30 nagsasakdal laban sa Marcopper Mining Corporation.
Kaugnay ito sa naganap na mine spill noong 1993 na nag-iwan ng malaking pinsala sa kapaligiran, komunidad at itinuring bilang pinakamalubhang mining disaster sa bansa.
Ayon sa ATM, makalipas ang dalawang dekadang paghihintay ay natanggap na rin ng mga biktima ang katarungang matagal na nilang inaasam.
Ang desisyon anya ng korte ay isang magandang hudyat para sa iba pang komunidad na labis na naapektuhan ng mining.