Nakapagtala ang Department of Health (DOH) ng panibagong 1, 672 bagong nahawa sa COVID-19 kahapon.
Ayon sa DOH, pinakamababang daily new cases na ito simula noong July 13.
Bumaba din sa 26,168 ang active cases mula sa 27,497 noong Lunes.
Nadagdagan naman ng 2,900 ang mga gumaling para sa kabuuang 3,790,793 recoveries.
Sumampa din sa 61,773 ang mga COVID-19 death toll matapos madagdagan ng 53 kahapon.
Ang nationwide COVID-19 tally na sa bansa ay 3,878,734.
Patay ang mag-inang Pilipina sa Toronto, Canada matapos pagsasaksakin habang nasa loob ng sasakyan.
Kinilala ng New York Police ang mag-ina na sina Elvie Sig-Od, 44- anyos at Angelica Sig-Od, 20- anyos.
Nangyari ang krimen sa Bathurst St. at Ellerslie Avenue bandang alas-3:30 ng hapon noong Agosto 26.
Agad namang naaresto ng mga otoridad ang suspek sa krimen na si Godfrey Sig-Od, 46-anyos, at dating padre de pamilyang mag-ina.
Nahaharap na si Godfrey sa kasong Two counts of Second-Degree Murder.
Wala pa namang impormasyon ang mga otoridad tungkol sa motibo ng suspek sa pagpatay sa kanyang mag-ina.
Sa ngayon, naglunsad na ng fund raising ang Lord of Glory International Ministries upang makalikom ng pondo para maiuwi sa Pilipinas ang mga labi ng mag-ina.
Nanindigan ang Department of Agriculture (DA) na hindi sila maglalabas ng import permit sa sibuyas.
Sa kabila ito ng mataas na presyo at kakapusan ng puting sibuyas sa bansa.
Ayon kay Agriculture assistant secretary Kristine Evangelista, Hindi magkakaroon ng importasyon sa sibuyas ang Pilipinas lalo’t panahon na ng anihan sa Disyembre.
Patuloy naman ang pakikipag-ugnayan ng kagawaran sa mga magsasaka ng sibuyas na karamihan ay nag-aalinlangang magtanim dahil anila, posibleng magbaha ng imported na sibuyas sa merkado.
Nakikipag-usap din ang DA sa mga institutional buyer tulad ng mga hotel at restaurants, na imbes na puting sibuyas ay locally produced red onions na lamang ang bilhin.
Lumarga na kahapon ang ikalawang bahagi ng imbestigasyon ng Senate Blue Ribbon Commitee, kaugnay sa naunsyaming importasyon ng 300K metriko toneladang asukal ng Sugar Regulatory Administration (SRA).
Present sa pagdinig si Agriculture Undersecretary Leocadio Sebastian at dating SRA administrator Hermenegildo Serafica na dumipensa sa inisyung Sugar Order no. 4.
Giit ng mga ito, itinuturing na urgent ang sitwasyon para masolusyunan ang shortage ng asukal sa bansa.
Sinabi naman ni Sebastian na hindi pa tinatanggap ni Pangulong Bongbong Marcos ang kaniyang pagbibitiw, at pinatawan lamang ito ng 90 araw na preventive suspension.
Samantala, hindi nakadalo sa pagdinig si Executive secretary Vic Rodriguez at ang tatlong bagong appointees ng SRA na nagpositibo umano sa Covid-19.
Umaasa naman ang Chairperson ng Komite na si Senador Francis Tolentino na makadadalo na sa susunod na pagdinig ang mga hindi sumipot na mga resource persons.
Patuloy na lumalakas si Tropical Depression Gardo na huling namataan alas-10 ng gabi sa layong 1,125 kilometers silangang bahagi ng extreme Northern Luzon.
Taglay ni Bagyong Gardo ang lakas ng hanging aabot sa 55 kilometers per hour malapit sa gitna at pagbugsong aabot sa 70 kilometers per hour.
Ayon kay PAGASA weather specialist Grace Castañeda, kumikilos ang bagyo pakanluran-timog-kanluran sa bilis na 10 kilometers per hour pero wala itong direktang epekto sa anomang bahagi ng bansa.
Samantala, nag intensify o mas tumindi naman ang lakas ni Super Typhoon Hinnamnor na nasa labas ng Philippine Area of Responsibility (PAR) habang patuloy nitong binabaybay ang karagatan na huling namataan sa layong 1,305 kilometers silangan-hilagang silangan ng extreme Northern Luzon.
Taglay ni Super Typhoon Hinnamnor ang lakas ng hanging aabot sa 195 kilometers per hour at pagbugsong aabot sa 240 kilometers per hour.
Kumikilos ito pakanluran-timog-kanluran sa bilis na 30 kilometers per hour at wala rin itong direktang epekto sa anomang bahagi ng bansa.
Inihayag ng Philippine Atmospheric, Geophysical and Astronomical Services Administration (PAGASA) na ganap nang tropical depression ang Low Pressure Area (LPA) sa Silangan ng extreme Northern Luzon.
Inaasahang papasok na bukas sa Philippine Area of Responsibility (PAR) ang Typhoon Hinnamnor na tatawaging bagyong Gardo.
Nabatid na napanatili ng Typhoon Hinnamnor ang lakas habang gumagalaw pa-Kanluran at mayroon itong maximum sustained winds na 165 kilometers per hour at pagbugsong hangin na aabot sa 205 kilometers per hour.
Inihayag ng OCTA Research Group na bumaba sa 5.98% ang COVID-19 average Daily Attack Rate (ADAR) sa National Capital Region (NCR).
Mababatid na ang ADAR ay tumutukoy sa average number ng bagong COVID-19 cases sa isang period kada isandaang libong indibidwal.
Ayon kay OCTA Research Fellow Dr. Guido David, itinuturing na mababa ang ADAR na mas mababa sa 6 batay sa metrics.
Matatandaan na nitong Agosto a-22, ang NCR ay may ADAR na 7.32 per 100,000 individuals.
Samantala, bumaba rin sa 19% ang seven-day average ng bagong COVID-19 cases sa NCR.
Kinikilala at nirerespeto ng pamahalaan ang press freedom sa bansa na nakabatay sa Saligang Batas o konstitusyon sa ilalim ng pamumuno ni Pangulong Ferdinand R. Marcos Jr.
Ito ang inihayag ni Press Secretary Trixie Cruz-Angeles, kasabay ng selebrasyon ng National Press Freedom Day ngayong araw.
Ayon sa kalihim, idineklara at naisabatas noong nakaraang administrasyon ang araw ng pagkilala na ito sa kalayaan ng pamamahayag sa bansa at kay Marcelo H. Del Pilar.
Mababatid na si Del Pilar ay isang bayaning mamamahayag at propagandista noong panahon ng pananakop ng mga kastila na siya ring tinuturing na ama ng pamamahayag sa bansa.
Ipinahinto ng Supreme Court (SC) pansamantalang ang pagpapatupad ng No Contact Apprehension Policy (NCAP).
Ayon sa SC, ang inilabas na temporary restraining order laban sa polisiya ay “effective immediately and until further orders from the court”.
Iginiit pa ng SC Briefer, ipinagbabawal ang anumang paghuli sa pamamagitan ng NCAP at ordinansang may kaugnayan dito.
Samantala, itinakda ng SC ang oral argument para sa kaso sa Enero a-24 sa susunod na taon.
Halos 900 estudyante sa private schools ang lumipat na sa public schools simula nang maranasan ng bansa ang COVID-19 pandemic.
Ayon ito kay Dr. Anthony Tamayo, Chairman ng Coordinating Council of Private Educational Associations (COCOPEA) kaya’t maraming pribadong paaralan na rin ang nagsasara.
Ipinabatid naman ni Atty Joseph Noel Estrada, Managing Director ng COCOPEA na bumaba ang enrollment sa 60% ng private schools.
Dahil dito, umapela si Estrada sa gobyerno na i-consider ang private schools bilang complementary o isulong din ang kalidad tulad nang sa public school system.
Hindi aniya dapat makita ang kumpetisyon ang private sector subalit nagku-compliment nga sa public schools kaya’t sa halip na magtayo ng mga gusali mas magandang mabigyan ng vouchers ang mga estudyante para naman mapunan ang mga bakanteng silid aralan sa private schools para hindi na magsara ang ilan sa mga ito.