NATIONAL NEWS

Halos hindi gumalaw sa 58.90 level ang halaga ng piso kontra dolyar kahapon.

Mula sa naitalang halaga na 58.97 kada dolyar, tumaas ito sa 58.91.

Ayon kay Chief Economist Michael Ricafort ng Rizal Commercial Banking Corporation (RCBC), nakakuha ng suporta ang piso mula sa overnight correction ng mga global stocks ng mga bono at ang downward correction ng greenback kasunod ng temporary long-dates bond purchases program ng Bank of England.

Samantala, tinitignan ni Ricafort ang susunod na resistance level ng piso sa pagitan ng 59.00 hanggang 59.25, habang ang agarang suporta ay tinatayang nasa 58.50 hanggang 58.75 levels. —sa panulat ni Hannah Oledan

Isa ang pagma-migrate ng mga health workers sa itinuturong dahilan ng kakulangan sa medical workers sa Pilipinas.

Ito ang inihayag ni DOH Officer In Charge Maria Rosario Vergeire.

Ayon kay Vergeire, nais ng DOH na ma-maintain ang kasalukuyang deployment cap ng mga healthcare workers.

Sa kasalukyan, nakapag set na ang gobyerno ng 7,000 cap sa deployment ng medical workers na nasa abroad.

Nakikipag ugnayan din ang kagawaran sa Department of Migrant Workers and the Department of Labor and Employment hinggil sa mga incentives na maaaring ibigay sa mga healthcare workers upang mapigilan ang kanilang pag-alis sa bansa.

Samantala, sinabi rin ni Vergeire na itinutulak nila sa kongreso ang ilang panukala na naglalayong pagandahin ang kondisyon ng mga medical workers sa Pilipinas. —sa panulat ni Hannah Oledan

Inihayag ng OCTA Research Group na nananatiling low risk sa COVID-19 ang lalawigan ng Cebu.

Batay sa datos ng Department of Health (DOH), mayroong average na 40 cases a day noong nakaraang linggo, mas mababa sa naitalang 200 kaso kada araw noong July 31.

Sinabi ng OCTA na sa kabila ng pag-subside ng bilang ng mga bagong kaso, ang average daily attack rate nito o ang level ng mga kaso na nauugnay sa populasyon ay nanatiling mababa sa 0.77.

Ikinasurpresa naman ni OCTA Fellow Ranjit Rye ang datos mula sa Cebu kumpara sa National Capital Region (NCR) kung saan naitala ang pagtaas sa kaso ng nakakahawang sakit.

Pinayuhan naman ni Rye ang publiko, partikular sa ang mga taga-NCR na patuloy pa ring magsuot ng face mask lalo na kapag lalabas ng bahay. —sa panulat ni Hannah Oledan

Sapat ang suplay ng karne ng baboy at manok para sa darating na kapaskuhan.

Ito ang tiniyak ng Department of Agriculture (DA).

Sinabi ni Agriculture Undersecretary Domingo Panganiban na sa kanilang pagtataya, hindi magkakaroon ng kakulangan sa suplay ng karne ngayong holiday season.

Dagdag pa niya, magiging maayos ang suplay ng baboy sa loob ng 61 araw pagkatapos ng huling quarter ng 2022.

Inaasahan naman ang surplus sa suplay ng karne ng manok sa ika-apat na quarter ng taon.

Wala rin aniyang magiging kakapusan sa suplay ng bigas sa darating na taon.

Samantala, nakapagpanatili ang bansa 60 araw na buffer stock para masiguro ang pagiging matatag ng suplay at presyo ng mga bilihin sa susunod na taon. —sa panulat ni Hannah Oledan

Umabot na sa 11.5 million ang backlog ng Land Transportation Office (LTO) sa paggawa ng license plates.

Inamin ng LTO na umabot na sa 11.5 million ang backlog nito sa paggawa ng license plates para sa mga may-ari ng motorsiklo at sasakyan.

Matatandaang una nang napabalitang nagkaroon ng delay sa serbisyo ang lto noong Agosto matapos nitong magpalit ng IT provider kung saan labis na bumagal ang kanilang pakikipagtransaksyon.

Ayon kay Camarines Sur 3rd District Rep. Gabriel Bordado Martinez, ang mga undelivered license plates ay bayad na ng mga motorista at na-remit na ang bayad sa Bureau of Treasury.

Kaugnay nito, dagdag pa ng kongresista, ang gobyerno ay dapat maglaan ng pondo upang matugunan ang backlog sa mga plaka, idinagdag na ito ay makakaapekto sa mahusay na pagkahuli ng mga lumalabag sa trapiko. —sa panulat ni Hannah Oledan

Pinayuhan ng Department of Agriculture ang mga mamimili na maghanda sa pagtataas ng presyo ng bigas at ilang mga gulay.

Ayon kay Agriculture Undersecretary Domingo Panganiban, maaaring tumaas ng 15% hanggang 20% ang presyo ng kalakalan sa mga palengke.

Ito ay matapos lumobo sa mahigit dalawang bilyon ang pinsala at pagkalugi ng mga magsasaka dahil sa pananalasa ng Bagyong Karding na nanalanta sa mahigit 150,000 ektarya ng mga lupang agrikultural sa Central Luzon.

Kaugnay nito, apektado rin ang nasa mahigit 90,000 magsasaka at mangingisda.

Batay sa datos ng DA, nasa 40 piso ang presyo ng well-milled at regular milled rice at nasa 38 piso naman ito sa mga pamilihan sa Metro Manila.

Samantala, tumaas rin ang presyo ng kada kilo ng pechay baguio at puting patatas sa parehong 80 piso mula pitumpung pisong presyo nito noong Setyembre 27. —sa panulat ni Hannah Oledan

Inaasahan ang 70 pesos hanggang 80 pesos na presyo ng kada kilo ng asukal sa pagsapit ng Nobyembre.

Ito ay dahil posible nang dumating sa bansa ang 150,000 metriko toneladang asukal na inangkat sa bansa.

Ayon kay Agriculture Undersecretary Domingo Panganiban, magiging matatag na ang presyo ng asukal sa merkado.

Samantala, inaasahan naman na babaha ang nasa tatlong milyong bag ng murang asukal na mapapakinabangan ng mga consumer sa Nobyembre. —sa panulat ni Hannah Oledan

Inaprubahan na ng senado sa ikatlo at huling pagbasa ang Senate Bill 1290 o ang “Walkable and Bikeable Communities Act.”

Layunin ng panukala na maglaan ng safe at convenient pathways para sa mga bisiklista at pedestrians.

Ayon kay Senador Pia Cayetano, Chairperson ng Senate Committee and Sustainable Development Goals, Innovation and Futures Thinking at may-akda ng naturang panukala, maraming Pilipino ang nahilig sa pagbibisikleta simula noong ipinatupad ang mga lockdowns dahil sa pandemya.

Dagdag pa ng mambabatas, isinet-up ang mga bike lanes sa buong bansa upang mapadali ang aktibong mobilidad ng publiko.

Samantala, batay sa survey ng Social Weather Stations, sinabi ni Cayetano na one out of four households sa Pilipinas ay may bisikleta.

Kaugnay nito, sinabi pa ng senador na makatutulong din ang naturang panukala sa pagpapagaan ng problema sa trapiko at sa pagbabawas ng carbon emission. —sa panulat ni Hannah Oledan