EXPLAINERS

Likas na sa magkakaibigan ang biruan at hamunan, lalo na kapag nagkakasiyahan. Minsan, todo-effort pa tayo sa pag-iisip ng mahirap na challenge para mas masaya ang pagsasama-sama. At kadalasan, ang mga kwentong ganito ay dala-dala natin kahit ilang taon na ang lumipas.
‎
Pero ang lalaking ito mula sa China, may mas literal na dala mula sa nakaraan, isang alaala na hindi niya inakalang tatagal nang tatlong dekada sa loob mismo ng kanyang tiyan.

Kung ano ang misteryosong nasa tiyan ng lalaki, eto.

Isang 68-anyos na lalaki na si Deng na mula sa Chengdu, ang nakararanas ng patuloy na pananakit ng tiyan.

Bumista sa isang hospital si Deng para malaman kung ano nga ba ang dahilan ng kaniyang pananakit ng tiyan.

Agad itong isinailalim sa emergency gastroscopy at nakita dito ang isang makinis, maitim, at halos hindi na makilalang bagay na mukhang matagal nang nanunuluyan sa loob niya.

Batay sa mga doctor, madulas umano ang nasa loob ng tiyan ng lalaki at hindi ito agad mabunot ng ordinaryong endoscope.

Nang tanungin ang lalaki kung may ideya ba siya tungkol sa misteryosong bagay, biglang sumagi sa kaniyang isipan ang naging hamon sa kaniya ng kaniyang mga kaibigan na lunukin ang isang plastic cigarette lighter.

Walang pinagsabihan si Deng sa naging hamunan nila dahil akala niya ay nailabas na ito sa kaniyang katawan pagkalipas ng ilang araw.

Hindi naman nito tinangggi na may nararamdaman siyang kakaiba na parang sumisipa umano ang sakit pero hindi nito naisip na ang dahilan, ay ‘yong lighter mismo.

Matapos kumpirmahin na lighter nga ang foreign object, pinag-aralan ng mga doktor ang pinakamainam na gawin para ito ay makuha.

Hindi maitatangging naging mahirap ang operasyon at sinabing mababa umano ang success rate sa regular endoscopy dahil sa sobrang dulas ng lighter.

Napilitan ang mga doctor na gumamit ng kakaibang solusyon  kung saan binalot ng isang condom-like technique ang lighter bago ito dahan-dahang hinugot palabas.

At hindi pa dito nagtatapos ang twist, kinumpirma ng mga doctor na may gas pa ang lighter at gumagana pa rin ito. Ayon sa medical team, dahil umano ito sa casing ng lighter na polypropylene o abs plastic, na lubhang resistant sa acid kaya kinaya nitong tiisin ang stomach acid nang napakatagal.

Matagumpay na natanggal ang lighter at tuluyan nang nawala sa loob ng tiyan nito na matagal na niyang iniinda.

Ikaw? Umabot ka na ba sa punto na naging extreme ang tinanggap mong challenge?

Sa panahon ngayon, sanay na tayong nakikita ang mag-jowa na twinning sa outfits. Pero ang mag-asawang ito mula sa China? Hindi lang twinning, dahil mukhang pinagbiyak na bato, kaya’t hindi na nakapagtataka na madalas silang mapagkamalang… kambal.

Pero ang napagkakamalang kambal na mag-asawa ay hindi magkapatid, kundi talagang totoong mag asawa.

Sila ay sina Liang Caiyu at He Xiansheng, mula Dongguan, Guangdong province at nagmama-ari ng isang herbal medicine shop.

Ang nakakatuwa, hindi sila sumikat dahil sa kanilang negosyo, kundi dahil sa magkahawig ang ito na akala mo’y nananalamin laman sa isa’t-isa.

Ayon kay Liang, noong una silang magkakilala ay hindi niya man lang napansin na kamukha niya ang taong papakasalan niya, pero matapos ang ilang taon na halos 24/7 na magkasama, unti-unti raw niyang na-realize, na naging kamukha na nga niya ito.

Hindi lamang siya ang kumbinsido kundi maging ang kanilang followers, kung saan napaisip pa raw ang mga ito kung may milagro bang naganap.

Bagama’t introvert si Xiansheng, napapayag siya ng asawa na sumali sa mga nakakatawang promo clips online kung saan minsan pa ay nagko-cross-dress ang couple na ito para lang mas lalo nilang ipakita ang kanilang ‘’uncanny resemblance’’.

Hindi nagtagal, ang kanilang Douyin page ay dinayo hindi lang ng customers kundi ng mga taong curious kung paano nagkaroon ng “identical husband and wife.”

At siyempre, hindi nawawala ang iba’t ibang komento at biro online, kung saan ang ilan ay nagsasabi na magpa-DNA test sila habang nagtatanong naman ang iba kung paano raw kapag nadiskubre ng dalawa na magkapatid pala sila.

Samantala, patuloy naman sa pagdami ang followers ng identical na mag-asawa habang hinahanap ng internet ang sagot sa tanong na gaano ba katagal bago maging kamukha mo rin ang mahal mo sa buhay?

Ikaw, gusto mo bang kamukha mo rin ang iyong asawa o mas gugustuhin mong huwag nalang?

Napapadalas ang ulat na maraming magkarelasyon ang nasisira dahil sa pangangaliwa ng kanilang mga partner, kanya-kaniyang diskarte naman ang mga couples kung paano nila malalaman kung faithful ba ang kanilang kinakasama.

Katulad na lang ng babae sa kwentong ito na ginamit ang AI para malaman kung niloloko ba siya ng kaniyang asawa.

Paano nga ba ito ginawa ng babae at sa paanong paraan naman ito na-predict ng isang AI? Eto.

Isang hindi pinangalanang babae mula sa Greece ang nag-file ng divorce matapos niyang malaman na may kabit ang kaniyang asawa

‎Matapos kasi nitong mag latag ng larawan ng leftover coffee nila ng kaniyang asawa sa Chatgpt, isang prediksiyon ang lumabas, nagtaksil daw ang kaniyang asawa.

Ang mag asawang ito ay labindalawang taon nang kasal at may dalawang anak na, gayunpaman, kirot at sakit ang kaniyang naramdaman matapos umano nitong mabasa na mayroong misteryosong babae ang kaniyang asawa, nakalagay rin na may intial ‘’E’’ ang sinasabing kabit ng lalaki at sinabi pang destined partner ito ng kaniyang asawa.

‎sa kabilang panig naman, itinanggi ng asawa sa isang panayam ang paratang na ito raw at “baseless,” ang akusasyon laban sa kaniya, at sinisisi ng lalaki ang babae sa sobrang pagkahumaling sa viral trends.

Noong una, tinawanan niya lamang ito, pero sa panig ng babae, sinabi niyang aalis na ito at ipapaalam sa mga anak ang plano nilang mag-divorce.

Doon naman napagtanto ng lalaki na seryoso at hindi nagbibiro ang babae
‎
Dahil dito, humingi siya ng pormal na divorce papers sa loob ng tatlong araw at ‎‎hindi pumayag ang babae sa mutual separation;

Ngunit may pahabol pa rin ang lalaki, aniya, hindi raw ito ang unang beses na nahaharap ang babae ng mga mistikong paniniwala. May isang pagkakataon pa raw na kumonsulta ito sa isang astrologer at isang taon muna ang lumipas bago makalimutan ang prediksiyon.

‎Nilinaw naman ng lawyer ng lalaki na ang AI-generated coffee reading ay hindi legal na ebidensya at mananatiling itong inosente hangga’t hindi ito napapatunayan
‎
‎Habang marami ang na-hook at na-curious sa debate sa social media, binigyang-diin ng mga legal na eksperto na ang mga claims mula sa AI ay walang katayuan sa korte.
‎
Kung ikaw ang tatanungin, maniniwala ka rin ba agad sa sinasabi ng chatgpt? O isa ka rin sa gumagamit ng Chatgpt para mag sumbong kung ano ang iyong nararamdaman?

Kadalasan sa isang museum tour, patok ang iba’t ibang obrang nilikha ng mga kilalang artists, at sa bawat museo, may mga pakulong hindi mo aakalin at mamamangha ka nalang.

Pero ibahin niyo itong kakaibang museum na dinarayo dahil hindi ang mga naka-display ang pinupuntahan, kundi ang tour guide?

Nag viral ang isang art museum sa Germany matapos na makita na ang guide umano rito, mainitin ang ulo at sinusungitan ang mga turistang dumadalaw.

Ang detalye sa likod ng ‘masungit’ na tour guide, eto.

Sikat at dinarayo ang Düsseldorf’s Kunstpalast Art Museum na naglalaman ng iba’t ibang Classical Antiques.

Ngunit dahil nakikilala na ang tour guide dito, tila para bang napunta na sa kaniya ang interes ng mga turista.

Sa loob kasi ng 70-minuto, makakasama mo sa paglilibot ang tinatawag nilang ‘’Grumpy Guide’’, ang supladong tour guide na ginagawang ignorante ang mga turista, pero sa halip na ma-offend ang mga ito ay mas nag-eenjoy pa sila.

Bagamat parang weird, ito raw ay isang pakulo lamang, dahil ang lalaki sa likod nito, isang performance artist, na nagngangalang Carl Bendi at ang nakakasama raw umano ng mga turista, ay ang alter ego niya na si Joseph Langelinck.

Aniya, hindi naman umano nito inaatake ng personal at direkta ang mga turista at pawang walang katotohan ang kaniyang sinasabi, subalit pilit niya itong sinisikap na gawin para ipadama sa mga bisita ang kanilang pagiging ignorate sa sining, na parte lamang ng kaniyang character at alter ego.

Dagdag pa nito, ang format ng komedya kung saan ang masamang mood o agresibong ugali ng performer ay susi sa palabas kung saan hindi ito ang nakasanayan nating makita sa mga museo.

‎Bagamat tila suplado at iba ang tono ng papanalita, naging popular ang tour dahil lahat ng kanilang twice a month session ay agad na nabibili at may bookings na rin hanggang 2026.

‎Sa likod naman ng kontrobersiya at samo’t saring komento, isa lang ang intensiyon ng karakter, ito ay baguhin ng ibang tao ang kanilang pananaw pagdating sa art museums na hindi laging seryoso at may respeto, minsan puwede ring may humor.

Ikaw ba? Mas gugustuhin mo bang mainitin ang ulo ng tour guide mo o mas gusto mo ‘yong kalmado at engaging na tour guide?

Minsan, wala na talaga tayong oras para sa matagalang pagligo, lalo na kung late na nagigising!

Pero sa Japan, panic no more, kasi mayroon silang bagong kagamitang panligo na pwedeng gamitin sa loob ng 15 minutes.

Kung ano nga bang kakaibang imbensyon ang inilabas ng Japan? Eto.

Matapos ang successful debut ng Human Washing Machine sa Expo 2025 sa Osaka, ipinakilala ng Japan Science Inc. Ang kanilang imbensyon para sa mga nagbabalak na mas mapadali ang kanilang ‘’ligo’’ experience.

Ang human washing machine ay isang capsule-style device kung saan ang mga gagamit nito ay makakapag-relax dahil hindi na nila kailangan gumalaw para maligo.

Ayon sa Company Spokesperson na si Sachiko Maekura, hindi lang katawan natin ang nililinis nito kundi pati na rin ang ating kalusugan dahil namo-monitor din nito ang ating heartbeat.

Nakuha naman ng isang hotel sa Osaka ang first unit ng human washing machine kung saan binabalak nila itong gawin bilang isa sa mga unique services na pwedeng ma-avail ng kanilang guests.

Batay sa ulat, isa sa bumili rito ang electronics retailer na si Yamada Denki kung saan ang demonstration unit display ay magsisimula sa December 25 na pwedeng maranasan din ng mga bisita.

Dahil kakalunsad lang nito, nagbabalak ang kumpanya na gumawa lamang ng 50 units na nagkakahalaga ng 60 million yen o humigit-kumulang 22,000,000 ang isang equipment.

Nakuha naman nito ang atensyon ng nakararami sa loob ng 6-months, na nagtapos noong oktubre kung saan umani ito ng 27 million na bisita.

Ikaw? Agree ka ba kung magkakaroon ng ganitong equipment ang pilipinas? O mas gusto mo pa rin ang traditional way na paliligo?

Kung mayroong taong kuntento na sa self love, mayroon ding tao na sobra-sobra naman ang takot na maubusan ng makikilala sa mundo, kagaya na lang ng lalaki sa kwentong ito kung saan sobra pa sa sampu ang kaniyang naging girlfriend.

Paano nga ba ito nangyari? Narito ang kwento.

Noong 2015, isang lalaki na pinangalanang si Mr. Yuan mula sa Changsha, Hunan province ang naging instant sikat matapos mapaulat ang kaniyang pagiging babaero matapos nitong pagsabay-sabayin ang 17 babae.

Nalaman umano ito ng mga babae nang kontakin ng doktor ng isang ospital ang mga kamag-anak ni Yuan nang maaksidente ito at isa-isa silang nagsidatingan para dumalaw at pumunta kay yuan.

Ayon sa salaysay ni Xiao Li, isa sa girlfriend ni Yuan sa loob ng 18 buwan, sobra ang kaniyang pag-alala nang mabalitaang naaksidente ang kaniyang nobyo kaya agad-agad siyang pumunta sa ospital.

Pero halos wala na raw siyang mailabas na luha nang makitang nagsidatingan ang maraming babae para bisitahin si Yuan.

Isa pang girlfriend ni Yuan ang nagsabi na sinisimulan niya nang planuhin ang kanilang magiging kasal.

Batay naman sa isinagawang imbestigasyon ng mga otoridad, napag-alaman din na sinusuportahan din si Yuan ng kaniyang ibang nobya ng siyam na taon sa pamamagitan ng pagbibigay ng pera.

Gayunpaman, marami ang humanga sa galing ni Mr. Yuan sa multitasking dahil napag-sabay-sabay umano nito ang maraming babae sa kaniyang buhay, pero mayroon ding bumatikos sa kaniya dahil sa panlolokong ginawa nito sa halos 20 babae na akala mo ay mauubusan siya ng makakarelasyon.

Ikaw, anong gagawin mo kung malaman mong isa ka sa babaeng pinagsabay ng iyong partner? Papatawarin mo ba siya o kakasuhan?

Marami na tayong naririnig na dahilan ng mga lalaki para hindi masamahan ang kanilang misis na mag-shopping o kahit lakarin ang mga bagay-bagay.

Pero mayroon din namang mga kalalakihan na nais makasama ang kanilang asawa araw-araw, ngunit ibahin mo ang lalaki sa kwentong ito dahil umabot sa sukdulan ang kaniyang plano na takasan ang kaniyang misis.

Kung bakit ito nagawa ng lalaki? Eto.

Noong September 2, 2016, nagtungo si Lawrence Ripple na noo’y 70-anyos sa isang bangko sa Kansas City hindi para mag-withdraw o mag-deposit ng pera kundi para magnakaw.

Binigay umano ni Lawrence sa teller ang isang kapirasong papel na may nakasulat na “I have a gun, give me money.”

Dala ng takot, inabot ng teller ang $2,924 o mahigit 171,000 pesos kay Lawrence.

Pero labis na ikinagulat ng mga staff ng bangko ang ginawa ni Lawrence dahil imbes tumakas, tahimik na umupo si Lawrence sa lobby ng bangko at hinintay ang pagdating ng mga pulis.

Pagdating ng mga otoridad sa bangko, kusang isinuko ni Lawrence ang perang ninakaw at inaming sadya ang kaniyang ginawa.

Nang tanungin si Lawrence kung bakit niya ‘yon nagawa, dahilan nito ay mas gugustuhin niyang makulong kaysa manirahan sa bahay nila, ‘yon pala, nagkaroon sila ng pagtatalo ng kaniyang asawa.

Ayon naman sa abogado ni Lawrence na sina Chekasha Ramsey at Catania, malinis at walang criminal record si Lawrence, isang mabuting ama, at may stable na relationship sila ng kaniyang asawa.

Pero nagbago ang lahat matapos isailalim si Lawrence sa isang quadruple bypass heart surgery noong 2015 dahil pagkatapos ng kaniyang operasyon, nakaranas umano siya ng depresyon.

Inakyat sa korte ang kaso ni Lawrence at hinatulan siya ng anim na buwang house arrest dahil iginiit ng kaniyang mga abogado na mayroon siyang health issues kaya wala itong posibilidad na muli niya itong gagawin.

Bukod dito, isinailalim din si Lawrence sa tatlong taon na supervised probation at 50 hours na community service.

Hindi lang ‘yan dahil inatasan din siyang magbayad ng $227 o mahigit 13,000 pesos sa bangkong kaniyang nilooban bilang danyos para sa mga naapektuhang empleyado na pinauwi matapos mangyari ang insidente at mayroon ding dagdag na $100 dollars o nagkakahalaga ng mahigit 5,000 pesos para sa crime victims fund.

Kaya kung may balak din kayong habang-buhay na takasan ang inyong misis ay pag-isipang mabuti dahil imbes na papabor sa inyo ang plano, baka bumaliktad ito bigla.

Ikaw, isa ka rin ba sa mga lalaking ayaw na ayaw makasama ang asawa sa iisang bubong? O ikaw ‘yong tipo ng lalaki na ayaw mawalay sa asawa?

Palaging payo sa atin ng ating mga magulang na dapat humanap tayo ng magiging katuwang sa buhay para mayroon tayong kasamang humarap sa hamon ng buhay pero kakaiba ang lalaking ito mula Africa dahil ikinulong niya ang kaniyang sarili para wala siyang makasalamuhang babae.

Kung bakit ito ang kaniyang naging desisyon? Eto.

Isang lalaki mula sa Rwanda, Africa na si Calixte Nzamwita na noo’y 71-anyos ang gumawa ng isang desisyon na labis na nakaapekto sa kaniyang buhay dahil pinili niyang mag-isang manirahan, habang-buhay.

Batay sa ulat, 16-taong gulang si Calixte nang simulan niyang gumawa ng 15-foot na bakod sa kaniyang bahay para i-isolate at ikulong ang kaniyang sarili.

Inamin ni Calixte na labis siyang nakakaramdam ng takot kapag nakakakita ng babae kung saan nakakaramdam umano siya ng panginginig at pagbilis ng tibok ng kaniyang puso dahilan para magtago siya sa loob ng kaniyang bahay.

Dahil dito, ipinaliwanag ng mga medical experts ang kondisyon ni Calixte ay tinatawag na gynophobia, isang phobia at anxiety disorder kung saan labis na pagkamuhi ang naramdaman ng isang tao sa mga kababaihan dulot ng opinyon mula sa isang tao o isang komunidad, na naka-impluwensiya sa kanilang pananaw.

Gayunpaman, kahit na mayroong takot sa mga kababaihan si Calixte, tinutulungan pa rin siya ng kaniyang mga kapitbahay lalo na pagdating sa pagkain.

Ayon sa isang babaeng kapitbahay ni Calixte, nagbibigay sila sa pamamagitan ng paglalagay ng pagkain o bagay sa butas ng kaniyang itinayong bakod o di kaya ay hinahagis nila ito.

Samantala, maaaring agapan ang ganitong kondisyon sa tulong ng mga mental health professionals na magbibigay ng payo kung paano ma-improve ang buhay na mayroon si Calixte.

Pero para kay Calixte, kuntento na siya sa buhay na mayroon siya dahil hindi niya rin alam kung paano mamuhay kasama ang isang babae.

Ikaw, gusto mo bang magkaroon ng katuwang sa buhay? O kuntento ka na sa pagmamahal na natatanggap mo mula sa iyong mga mahal sa buhay?

Kumakapit sa patalim ang mga taong matindi ang pangangailangan sa buhay kung saan sa mabilisang paraan na lang sino-solusyunan ang kanilang problema at hindi na lumalaban nang patas.

Pero kakaiba ang mga magnanakaw sa kwentong ito dahil naging pihikan ang mga ito sa kanilang ninanakaw.

Kung ano ang specific na bagay ang in-ispatan ng mga kawatan? Eto.

Labis na ikinaalarma ng mga otoridad sa London ang pagtaas ng kaso ng phone theft pero tila mas nakaka-alarma ang modus ng mga kawatan dahil pinipili ng mga ito ang kanilang ninanakaw.

Batay sa salaysay ng isa sa mga nanakawan na si Mark, habang nasa labas siya ng kaniyang pinagta-trabahuan, bigla na lang umano hinablot ng lalaking nakasakay ng e-bike ang kaniyang cellphone.

Sinubukan niya pa itong habulin pero dahil sa bilis ng takbo ay hindi niya na ito nahabol pa.

Pero natigilan daw si Mark nang mapansin niyang huminto ang mga kawatan habang sinusuri ang kaniyang cellphone at bigla na lang itong hinagis sa gilid ng daan bago umalis.

Nakuha raw ulit ni Mark ang kaniyang cellphone pero nakaramdam siya ng rejection at naapakan daw ang kaniyang ego dahil sa naging asta ng mga kawatan.

Sa iba pang insidente, ayon naman kay Simon na nanakawan din ng telepono, kinausap umano siya ng isang lalaki sa daan at tinanong kung gumagamit ba siya ng music app.

At nang inilabas daw ni Simon ang kaniyang cellphone, bigla na lang umano naglakad palayo ang kaniyang kausap at narinig niyang sinabi sa kasabwat nito na “phone’s dead, not iPhone”

Dahil sa insidente, napansin ng mga otoridad na dumami ang bilang ng mga nanakawan na iOS users kumpara sa mga android users.

Ayon naman sa isang cybersecurity advisor na si Jake Moore, tina-target ng mga kawatan ang iPhone dahil mas mataas ang halaga nito kumpara sa android at pwede nila itong ibenta sa presyong gusto nila.

Ikaw, mao-offend ka ba dahil hindi tinuloy ng magnanakaw na nakawin ang cellphone mo? O magpapasalamat ka na lang?

Puso at pagmamahalan ang umiral tuwing araw ng mga puso pero kabaliktaran ang nangyari sa isang paaralan sa Florida dahil sa nakakabinging putok ng baril na narinig sa buong school campus.

Imbes bulaklak ang pupuno sa bawat sulok ng paaralan, dugo ang dumanak dahil sa mga nasawing buhay pero kagaya ng mga kwento sa pelikula na mayroong bida, hindi nagpahuli ang isang estudyante na iligtas ang kaniyang mga kaklase dahil sa shooting incident sa kanilang paaralan.

Kung anong katapangan at kabayanihan ang ginawa ng lalaki? Eto.

Isang madugong insidente ang nangyari sa Majory Stoneman Douglas High School sa Parkland, Florida noong February 14, 2018 na ikinasawi ng 14 na estudyante at tatlong school staff.

Batay sa imbestigasyon, umalingawngaw ang putok ng baril sa building 12 ng paaralan kaya agad nagsitakbuhan ang mga estudyante para magtago sa isang classroom pero bago nila ito nagawa ay naabutan sila ng gunman na si Nikolas Cruz.

Pero labis na ikinabigla ng mga estudyante ang ginawa ni Anthony Borges na noo’y 15-anyos pa lang, dahil hinarang niya ang kaniyang katawan sa pinto ng classroom para mailigtas ang kaniyang mga kaklase.

Ayon sa salaysay ng kaniyang bestfriend na si Carlos Rodriguez, nabaril ng apat na beses si Anthony sa likod at sa paa.

Bago isugod sa ospital si Anthony, nagawa pa umano nitong tawagan ang kaniyang ama na si Royer Borges at sinabi na may bumaril sa kaniya.

Matagumpay na nailigtas si Anthony matapos siyang sumailalim sa 9 na surgeries dahil sa tindi ng tinamong pinsala ng kaniyang katawan.

Samantala, ang suspek na si Nikolas ay naharap sa life sentence imprisonment at ipinagbabawal din ng gobyerno na gamitin ang kwento ni Nikolas at Anthony para i-rpoduce at gawing movie o libro ng kahit anong media company.

Bukod dito, pumayag din si Nikolas na i-donate ang kaniyang katawan sa siyensa at maging organ donor sa institusyon na mapipili ni Anthony.

Ito ang ginawang settlement ng mga otoridad at abogado ng pamilya ni Anthony para tiyakin ang hustisya at ang kapakanan ng teenager.

Sa kasalukuyan, patuloy na nagpapagaling si anthony sa kaniyang post-traumatic stress disorder dahil sa insidente.

Ikaw, hindi ka rin ba magdadalawang-isip na iligtas ang mga tao sa paligid mo sa oras ng kapahamakan?