EXPLAINERS

Isang kwento ng Japanese man ang muling nagpatunay sa mga social media user na hindi dapat sila basta-bastang naniniwala sa lahat ng nakikita nila sa social media.

Kung ano ang ginawa ng lalaki, alamin.

Nag-trending sa isang social media platform ang babae na tinatawag na “Azusa” dahil sa kakaiba nitong hilig sa motorbikes bukod pa sa pagkakaroon nito ng napakagandang mukha na kapansin-pansin namang talaga.

Madalas na laman ng posts ni Azusa ay ang kaniyang selfies at ang pictures ng kaniyang motor. Dahil dito, hinangaan ng mga tao si Azusa at binansagan na “Japanese Goddess Biker” at “Beauty Iron Knight.”

Dahil sa paghanga ng mga tao kay azusa, nag-post na rin siya ng mga picture na ipinapakita ang iba pa niyang ginagawa bukod sa pagmomotor katulad na lang ng paglabas niya kasama ang kaniyang mga kaibigan at pagpunta sa salon.

Ngunit, mayroong isang pinost na litrato si Azusa na kung saan ay mayroong napansing kakaiba ang kaniyang followers. Sa nasabing picture ng kaniyang motor ay nahagip sa side mirror ang repleksyon ng isang matandang lalaki.

Matapos nito ay lumabas at nagsalita sa isang local TV show ang isang singkwenta anyos na lalaki na kinilalang si Zonggu at inamin na siya at si Azusa ay iisa at gumagamit lamang siya ng face-changing application.

Aniya, wala raw magkakainteres sa mga litrato ng isang middle-aged man at ng kaniyang motor kung kaya naman naisipan niya na gumamit ng face-changing app matapos mapansin na mas interesado ang mga tao sa kaniyang mga post bilang isang magandang babae.

Gayunpaman, naging mainit ang pagtanggap ng kaniyang followers sa kaniyang revelation at hanggang ngayon ay aktibo pa rin si Zonggu sa pagpo-post ng kaniyang edited photos.

Ikaw, napaniwala ka rin ba ng mga letrato ni Azusa?

Ang isa sanang masayang Christmas-themed stage play performance sa Canada, nauwi sa isang trahedya. Dahil ang isang aktor, biglang binawian ng buhay habang nagpe-perform.

Ang buong kwento, alamin.

Nitong Nobyembre a-bente kwatro sa Edmonton, Alberta, Canada, bigla na lamang nagkaroon ng medical emergency ang singkwenta’t nuwebe anyos na theater actor na si Julien Arnold.

Mula sa isang social media post ng punctuate theater kung saan ang asawa ni Julien na si Sheiny Satanove ay isang managing director, sinabi nito na pumanaw ang aktor habang nagpe-perform para sa “A Christmas Carol” sa citadel theatre.

Ayon sa isang report, sinubukan pa ng mga paramedic isalba ang buhay ni Julien ngunit binawian din ito ng buhay doon mismo sa teatro, kung saan hindi pa rin matukoy kung ano ang naging sanhi ng kamatayan nito.

Ayon sa isang pahayag ng Citadel Theatre sa kanilang social media account, ang kasalukuyang season ng “A Christmas Carol” ay idini-dedicate nila sa yumaong actor.

Si Julien ay isang beteranong aktor na gumanap na sa maraming stage plays katulad ng this Wizard of OZ, Beauty and the Beast, at “A Midsummer Night’s dream.”

Samantala, nagsagawa naman ang Punctuate Theatre ng fundraising activity para sa naulilang misis ni Julien na si Sheiny bilang tulong sa pagbabayad ng renta, groceries, at funeral services.

Ikaw, anong masasabi mo sa masalimuot na kwento na ito?

Talaga nga namang malayo na ang ating narating lalo na pagdating sa teknolohiya dahil hindi na lamang mga kitchenware at mga damit ang may taga linis, pati mga tao, sarili na ring washing machine.

Kung ano ang buong kwento, alamin.

Taong 1970 nang ilabas ng Sanyo Electric Company na ngayon ay kilala na bilang Panasonic Holdings Corporation ang pinakaunang human washing machine sa Osaka Kansai Expo.

Nagre-release ito ng malalaking air bubbles na siyang maglilinis sa katawan ng taong gumagamit nito at may kakayahan din na mag-massage sa pamamagitan ng plastic balls.

Marami ang nakasaksi sa launching nito kabilang na si Yasuaki Aoyama na nasa grade 4 lamang noong panahon na ‘yon.

Hanggang sa pagtanda ay bitbit ni Yasuaki ang paghanga sa nakitang machine, at ngayon ay naghahanda na rin siya para sa launching ng bagong bersyon nito at sinabi sa Japanese media na ito ay magsisilbing legacy mula sa naunang bersyon.

Ilalabas ito sa Science Co., isang kumpanya na dalubhasa sa paggawa ng bathtubs at showerheads kung saan siya ay nagsisilbi bilang chairman.

Ang makabagong human washing machine ay tinatawag na “Miari Ningen Sentakuki” na maglalabas ng milyong maliliit na microscopic bubbles upang linisan ang katawan ng user.

Mayroon din itong sensor na kayang basahin ang pulso at biological data ng tao upang timplahin ang temperatura ng tubig. Bukod pa riyan, gagamit din ito ng ai upang matukoy kung kalmado o excited ang gumagamit, at kaya ring mag-project ng mga litrato upang i-set ang mood nito.

Umaasa naman ang Science Co. Na umabot ng isang libong katao ang makakasubok sa kanilang human washing machine na ilalabas sa Osaka Kansai Expo na gaganapin sa April 2025.

Ikaw, gugustuhin mo rin bang gumamit ng human washing machine?

Aakalain mo na ba na minsan sa buhay natin ay may naitalang pinakamahal na saging na nagkakahalaga ng 6.2 million U.S. Dollars? ‘Yan ang art piece ng isang italian artist na si Maurizio Cattelan na kamakailan lang ay nag-viral.

Ang kwento sa likod nito, alamin.

Nitong mga nakaraang araw ay nag-viral sa social media ang isang saging na naka-duct tape sa pader. Sa unang tingin ay mapapaisip ka dahil hindi ito kalimitang nakikita sa pang araw-araw.

Pero huwag i-ismolin ang saging dahil tunay ngang hindi ito tipikal kumpara sa mga saging na kinakain natin dahil sa presyo nito na 6.2 million U.S. Dollars lang naman.

Kung bakit ito umabot sa ganoon kataas na halaga ay dahil isa itong art piece ng artist na si Maurizio Cattelan na nakilala dahil sa kaniyang humorous artworks na ibinenta kamakailan sa isang auction ng Sotheby’s sa New York.

Ang duct-taped banana artwork na tinatawag na “Comedian” ay una na palang nakita noong 2019 sa Art Basel Miami Beach Fair at naging most instagrammed work pa, at nakabenta na noon ng tatlong editions sa halagang 120,000 hanggang 150,000 U.S. Dollars.

Ngunit sa katatapos lamang na auction, nagsimula ang bidding sa 800,000 U.S. Dollars hanggang sa umabot na ito ng 5.2 million U.S. Dollars at may kasama pang buyer’s premium o ang fee na binabayaran ng winning bidder.

Ang nakabili naman ng controversial artwork ay ang trenta’y kwatro anyos na si Justin Sun na founder pala ng isang cryptocurrency platform na “Tron.”

Sa isa namang pahayag, sinabi ni Sun na nirerepresenta ng nabili niyang artwork ang koneksyon ng sining, memes, at cryptocurrency, at naniniwala siya na magiging parte ito ng kasaysayan.

Sa katunayan, para ma-experience ang kakaibang art na ito, kinain nito ang mismong artwork.

Ikaw, anong masasabi mo sa kakaibang artwork na ito?

Sa isang pambihirang pagkakataon, natuldukan ang paghahanap ng mga pulis sa isang lalaking apat na buwan nang wanted matapos itong mahulog sa kisame ng isang bahay.

Ang buong kwento, alamin.

Mayroong warrant of arrest ang bente-anyos na si Deario Wilkerson sa kasong first-degree murder and reckless endangerment matapos masangkot sa isang insidente noong April 2 sa Memphis, Tennessee.

Ayon sa ulat ng Shelby County District Attorney’s Office, nadiskubre ang nangyaring krimen habang rumeresponde sa tawag ng isang residente ang Memphis Police nang makarinig ng putok ng baril.

Matapos noon ay natagpuan na lamang ang katawan ng biktima na si Troy Cunningham sa gilid ng kalsada na mayroong tama ng bala sa likurang bahagi ng ulo.

Nakita sa isang CCTV footage kung paano inatake at hinamon ni Wilkerson ng away si Cunningham, habang ang dalawang lalaki na bumaril sa biktima ay tumakas agad. Nakita pa na lumapit si Wilkerson sa katawan ng yumao at mayroon pang pinulot bago tuluyang lumisan.

Nito lamang buwan ng Mayo 2024 nang maaresto ang mga lalaking kasama ni Wilkerson at doon na rin siya nagkaroon ng warrant of arrest.

August 26 nang may makapagsabi naman sa mga otoridad na naghahanap kay Wilkerson na huli itong natagpuan sa 1400 block sa N. Merton, Memphis.

Agad na pinuntahan ng mga kapulisan si Wilkerson sa bahay na pag-aari ng kaanak nito ngunit bigo sila na makita ang lalaki.

Pero ilang sandali bago lisanin ng mga otoridad ang bahay ay bigla na lamang sumulpot si Wilkerson matapos mabutas ang kisame at mahulog ito mula sa attic na kaniyang pinagtataguan at doon na tuluyang natuldukan ang paghahanap dito ng mga otoridad at ang simula ng pagharap nito sa patung-patong na kaso.

Ikaw, anong masasabi mo sa pambihirang paraan ng pagkakahuli sa lalaki?

Sa panahon ngayon, hindi na lamang man’s best friend kung ituring ng mga tao ang kanilang mga alagang aso kundi anak na rin! Kung kaya naman ganoon na lamang ang naging reaksyon ng isang Brazilian dog breeder habang nasa isang flight layover sa Istanbul Airport nang hindi niya makita ang kaniyang mga alaga.

Kung ano ang buong pangyayari, alamin.

Sa isang nag-viral na video sa social media, makikita at maririnig ang isang lalaki na nakilalang si Joao Paulo de Costa na nagsisisigaw, umiiyak, at nagwawala sa isang airport sa Istanbul, Turkey.

Maririnig na paulit-ulit na hinahanap ni de Costa ang kaniyang apat na aso dahil gusto niya raw makita ang mga ito. Makikita pa na humiga na ito sa sahig ng airport at tuluyang nag-breakdown dahil sa pagka-dismaya na makita ang kaniyang mga alaga.

Ang rason kung bakit nasa airport si de Costa pati na rin ang kaniyang mga alagang aso ay dahil sumali ang mga ito sa isang beauty contest na ginanap sa Pilipinas.

Habang nasa layover sa Istanbul, nadiskubre ni de Costa na cancelled ang kaniyang connecting flight papuntang Switzerland dahil sa overbooking, kung kaya naman sinabi niya sa help desk na gusto niyang makita ang kaniyang mga aso, ngunit hindi ito pinahintulutan ng mga staff dahil kinakailangang manatili lamang ang mga aso sa aircraft.

Dahil sa komosyon, lumapit ang mga airport police at ipinahanap sa airline ang mga aso.

Nang mahimasmasan ay sinabi ni de Costa na kumalma lamang siya nang makita na niya ang kaniyang mga aso, at sa isa namang social media post ay sinabi niya na mabilis na naresolba ang naging problema sa airport at sila ay ligtas na nakarating sa Switzerland.

Ikaw, ganito ka rin ba mag-alala sa iyong furbabies?

Isang lalaki sa Bradenton, USA ang arestado matapos nitong gamitin ang pagkakakilanlan ni Elon Musk para makasabat ng milyun-milyong halaga ng pera mula sa isang matanda.

Kung paano ito nangyari, alamin.

Inaresto ang lalaking kinilalang si Jeffrey Moynihan sa mismo niyang tirahan dahil nakapang-scam lang naman siya ng $250,000 o may katumbas na 14.7 million sa Philippine Peso.

Kung paano niya ito nagawa? Nagpanggap lang naman siyang si Elon Musk sa isang senior citizen na kinaibigan niya sa social media nitong nakaraang taon.

Napadalas ang pag-uusap ng dalawa at dahil sa pagpapanggap niya bilang ang pinakamayamang tao sa buong mundo, napapayag niya ang matanda na mag-invest sa kaniya raw negosyo.

Ayon naman sa police department ng Bradenton, ipinapakita raw ng financial records ng biktima na nag-transfer siya ng $250,000 sa isang account na pagmamay-ari ni Moynihan at sa kaniyang mga negosyo na Jeff’s Painting and Pressure Washing, LLC.

Ang asawa ng biktima ang naunang maghinala nang malaman mula sa bangko na ang kanilang account ay nagsagawa ng malalaking transaksyon.

Iginiit ng suspek na maski siya ay isa lang ding biktima dahil ginamit siya upang makapang-scam.

Samantala, nakakalap pa ng proweba ang mga otoridad na si Jeffrey ay nagpapanggap din pala bilang ang aktor na si Johnny Depp at ang singer-songwriter na si Lionel Richie ngunit hindi tiyak kung ginamit niya rin ang mga ito para mang-scam. May posibilidad din daw na mayroong kasabwat sa krimen si Moynihan.

Gayunpaman, nahaharap ngayon sa kasong grand theft si Jeffrey Moynihan.

Ikaw, mahuhulog ka rin ba sa ganitong patibong kung ikaw ang malalagay sa ganitong sitwasyon?

Papansinin at pauunlakan mo ba sa’yong tirahan ang lalaking ito sa Japan na mayroong kakaibang paraan upang maghanap ng matutulugan?

Kung ano ang ginawa ng lalaki, alamin.

Isang 33-anyos na lalaki sa Japan na kinilalang si Shuraf Ishida ang mayroong kakaibang gawain dahil araw-araw lang naman siyang tumatayo sa mga matataong lugar habang hawak ang isang placard na may nakasulat na “Please let me stay over tonight.”

Kung bakit niya ito ginagawa? Iyon ay dahil naglilibot pala sa Japan si Ishida dala-dala lamang ang kaniyang backpack.

Matapos grumaduate ng college ay nagtrabaho si Ishida upang mag-ipon ng pera, at iniwanan ang trabaho sa edad na 28 upang mag-travel.

Bagama’t kakaiba ang kaniyang pamamaraan, mayroong mga mabubuting loob na nagpatuloy kay Ishida sa kanilang mga tahanan at kadalasan daw sa mga ito ay ‘yong mga mag-isang naninirahan at nangangailangan ng kausap.

Sa mga bihirang pagkakataon na walang pumapansin sa kakaibang gimmick ni Ishida ay kinokontak niya na lang ang mga taong nagpatuloy na sa kaniya noon.

Ang ilan dito ay kinukunsidera na siyang kaibigan matapos nilang magkwento ng mga sikreto at pinagdaanan kay Ishida na siya namang nakikinig lamang at hindi nagpapakita ng empathy at hindi rin nagbibigay ng words of encouragement, bagkus ay nagtatanong lang ito sa mga tinatawag niyang “Homeowners.”

Sa interview kay Ishida ng isang local media, sinabi nito na para sa kaniya, ay wala siyang utang sa mga nagpapatuloy sa kaniya at mayabang man daw pakinggan, gusto lamang daw niya ng kaunting kasiyahan.

Marami naman ang pumuna kay Ishida at inakusahan na umaasa lamang sa kabutihan ng ibang tao sa halip na magtrabaho, ngunit ipinagtanggol naman ito ng isang babae, dahil nakakatulong umano si Ishida na ma-overcome niya ang kaniyang mga pasanin sa buhay.

Samantala, bagama’t nababawasan na ang kaniyang ipon, wala raw balak si Ishida na bumalik sa trabaho at mag-iipon na lamang para ma-maintain ang kaniyang lifestyle.

Ikaw, anong masasabi mo sa kakaibang gimmick na ito?

Pangarap ng bawat magulang na ma-witness ang kasal ng kanilang mga anak, katulad na lang ng ama ng isang bride na ikinasal noong February ngayong taon na sinikap pa ring makadalo sa kasal ng kaniyang anak kahit na may iniinda itong sakit.

Kung ano ang buong kwento, alamin.

Sa ginanap na kasal ng bride na si Daren Tuazon nitong February 17 ay natupad ang pangarap ng kaniyang ama na si Danilo na maihatid siya sa altar.

Sa isang pahayag, ikinuwento ni Daren na palagi raw nagtatanong ang kaniyang daddy tungkol sa kasal at excited na raw itong makita ang mga apo na nakasuot ng amerikana at damit pang-flower girl, dahil siya ang bunso at nag-iisang anak na babae.

Ayon kay daren, pabalik-balik na raw sa ospital ang kaniyang daddy Danilo dahil sa sakit nito sa puso bago naging bedridden noong disyembre nitong nakaraang taon.

Ilang araw naman bago ang kaniyang kasal ay muling dinala sa ospital ang ama at labis daw ang pag-aalala ng kanilang pamilya, ngunit sa isang pambihirang pangyayari ay naging maayos ang vital signs nito kung kaya naman nakasama pa ito sa simbahan.

Ganoon na lamang ang pasasalamat ni daren dahil kahit nawala na ang kaniyang ina noong 2020 ay nakasama pa rin ang kaniyang ama sa malaking milestone sa kaniyang buhay.

Pagdating naman sa araw ng mismong kasal ay natupad ang pangarap ng kaniyang daddy danilo dahil naihatid nito si daren sa altar habang sakay ito ng stretcher.

Ngunit sa kasamaang palad ay pumanaw si Danilo makalipas lang ang ilang linggo nang ikasal si Daren.

Ayon sa bride, mapayapang namaalam ang kaniyang daddy at lubos siyang nagpapasalamat sa kaniyang pamilya at understanding at hands on na asawa.

Humingi naman ng gabay si Daren at nagpasalamat sa lahat ng sakripisyong ginawa nito para sa kanilang pamilya.

Ikaw, anong masasabi mo sa nakakaantig na kwento na ito?

Maniniwala ka ba na dahil sa isang alahas ay isang lalaki ang nakaligtas sa isang tiyak na kamatayan?

Kung paano ito nangyari, alamin.

Ipinakita sa isang post ng Commerce City Police Department sa kanilang official social media page ang mga litrato ng isang metal necklace na nababalot ng dugo at kapansin-pansin din ang yupi rito na may nakabaon palang maliit na piraso ng bala ng baril.

Kung bakit? Iyon ay dahil ang lalaking nagmamay-ari pala ng kuwintas ay napasubo sa isang away sa isa pang lalaki na nauwi sa pamamaril dito.

Pero sa isang pambihirang pagkakataon, sa halip na mabaril sa leeg ang lalaki ay ang kwintas niya ang tinamaan ng bala.

Ayon sa post, ang nasabing kuwintas ay may lapad na ten millimeters at ito ang rason kung bakit nakaligtas ang biktima at nagtamo lamang ng puncture wound mula sa tama ng .22 caliber bullet.

Sinuri naman ng otoridad ang kwintas at lumalabas na may posibilidad na ito ay gawa sa matigas na alloy dahil ang purong silver ay maaaring tagusan ng bala dahil sa lambot nito.

Samantala, arestado naman ang suspek at nahaharap sa kasong attempted homicide.

Ikaw, anong masasabi mo sa pambihirang pangyayari na ito?