EXPLAINERS

Isang magiting na guro ang nagpatunay na bukod sa pagbabahagi ng kanilang kaalaman sa mga estudyante ay mayroon din silang totoong malasakit at napapangatawanan din nila ang pagiging ikalawang magulang sa mga ito.

Ang dahilan kung bakit nag-iisa ang bata sa parents day? Eto.

Madalas ay nagsasagawa ng baccalaureate mass ang mga eskwelahan bago mag-martsa ang batch ng mga graduating students.

Katulad ng eskwelahan na ito na nagpamisa hindi lamang para sa mga estudyante pero pati na rin sa kanilang mga magulang dahil kasabay noon na ginanap ang parents day.

Pero kapansin-pansin ang isang babaeng estudyante na tila hindi alam ang gagawin at walang ideya kung saan pupunta nang sabihin ng teacher sa kanilang batch na “face your parents.”

Habang hawak ang isang bulaklak ay napaluha na lang ang estudyante dahil hindi katulad ng kaniyang batchmates, wala siyang kasamang magulang sa parents day.

Mabuti na lamang at to the rescue ang isa sa mga guro na si teacher Charlotte Mallo-Castro. Nilapitan niya ang estudyante, niyakap, at tumayo munang magulang mnito.

Ayon kay teacher Charlotte, bakas daw ang labis na kalungkutan sa mga mata ng bata. Biglaan din daw itong humagulgol nang yakapin niya at tila mayroong mabigat na nararamdaman.

Nagpasalamat naman daw ang tatay ng bata na si Edmar sa pag-comfort ni teacher Charlotte sa kaniyang anak.

Hindi raw nakarating si Edmar para um-attend sa parents dahil malayo ang lugar na pinagtatrabahuhan niya. Ang mga kapatid naman ng bata ay hindi rin nakadalo dahil nagtatrabaho ang mga ito sa Gensan, at ang lola naman nito na sasama sana sa eskwelahan ay sumama ang pakiramdam.

Aminado na naiyak si tatay Edmar sa lungkot nang makita ang video na nag-iisa ang anak niya, humingi rin siya ng pasensya pero understanding naman daw ang bata at alam nito na kumakayod ang kaniyang ama para sa mga pangangailangan nila.

Dagdag pa ni teacher Charlotte, mayroon din daw siyang natutunan sa nangyari at ‘yon ay ang mas malalim na importansya ng papel ng isang guro at hindi basta-bastang trabaho lang.

Sa mga graduating students diyan, pwede mo bang i-share kung ano ang memorable moments mo with your favorite teacher?

Sawa ka na ba sa mga classic flavors ng ice cream na mango, cheese, vanilla, o chocolate? Kung ganon, magkakainteres ka ba sa ilalabas ng isang brand mula sa U.S. na breast milk-flavored ice cream?

Kung ano ang kwento sa likod ng unusual flavor na ito, alamin.

Tatlong araw bago mag-April fools ngayong taon nang maglabas ng pasilip ang U.S. based baby brand na Frida ng kanilang bagong produkto na breast milk ice cream.

Kilala ang brand na ito sa kanilang mga baby must have products na malaki ang naitutulong sa mga magulang dahil napapadali nito ang pag-aalaga sa babies.

Pero nitong March 27 ay nag-post ang Frida sa kanilang social media account na may caption na, “Due in 9 months. Baby and postpartum products were just the appetizer. Now it’s time for dessert.”

Sa mahigit 200 comments sa video, ilan sa mga ito ay ang pag-aakala ng mga commentator na ang nasabing post ng Frida ay masyadong maaga para sa April fools day. Pero surprisingly, marami rin ang nagpahayag ng kanilang excitement at nagsabi na aabangan daw nila ang paglabas ng bagong produkto.

Sinabi sa video na ang dahilan kung bakit naisipan ng Frida na maglabas ng ganitong uri ng produkto ay dahil sa obsession nila na magpakain ng mga babies at habang dinedevelop ang isa pa nilang bagong produkto na breast pump, at higit sa lahat ay ang curiousity ng mga tao sa kung ano nga ba ang lasa ng breast milk.

Pero ang Frida ice cream ay hindi gawa sa tunay na breast milk dahil ipinagbabawal ito ng mga food regulator sa U.S., sa halip, ginamitan ito ng mga ingredients na maihahalintulad sa gatas ng ina katulad ng omega-3 na pampatalino, lactose for energy boost, protein, vitamins, at minerals.

Para masagot na ang curiosity ng mga tao, finormulize rin ang ice cream na ito para maging kasing-lasa ng tunay na breast milk.

Samantala, kahit na pumutok na ang balita sa mga netizen at siyam na buwan pa ang hihintayin bago lumabas ang breast milk ice cream na ito, maaari na raw mag pre-order ang mga interesado na sumubok ng bago.

Ikaw, susubukan mo ba ang flavor na ito kung magkakaroon ka ng pagkakataon?

Lahat naman yata tayo ay sasang-ayon na ang weekends o ang dalawang araw na maiksing pahinga sa trabaho ay hindi talaga sapat para makapag-recharge ng katawan at lalo na ng isip. Kaya nga siguradong mapapa-sana all ka na lang sa Japan dahil magkakaroon na sila ng tatlong araw na pahinga sa trabaho pero para solusyunan ang kanilang declining birth rate.

Ang buong detalye ng kwento, eto.

Ngayong buwan, makatatanggap ng good news ang mga government workers sa Japan dahil magsisimula na ang kanilang 4-day work week regime.

Pero hindi lang ito para makapagpahinga at magkaroon ng work-life balance ang mga empleyado, kundi para na rin masolusyunan ang bumababang birth rate sa kanilang bansa.

Ayon sa Governor ng Tokyo na si Yuriko Koike, sa bagong implementasyon na ito ay magkakaroon ng tatlong araw na pahinga mula sa trabaho ang mga empleyado para siguruhin na hindi na kakailanganin pang mamili ng mga ito sa pagitan ng kanilang career at pamilya.

Dahil sa ilang taon nang mababa ang fertility rate sa Japan, nanghikayat na ang gobyerno sa mga lokal na magpakasal at magkaanak na.

Bukod pa riyan ay magkakaroon din ng bagong policy na kung saan ay magkakaroon ng option ang mga magulang na mayroong anak na nasa grade 1 hanggang grade 3 na mag-clock out nang maaga sa trabaho para magkaroon ng quality time kasama ang kanilang mga pamilya.

Pero bago pa ang Japan ay nauna nang sinubukan ng Iceland ang effectivity ng nasabing initiative at pagdating ng 2022 ay halos kalahati ng workforce ay ginawa nang mas maigsi ang kanilang work schedule.

Sa magandang resulta na napatunayan nito mas nagiging productive ang mga empleyado ay nagsunud-sunod na ang iba’t ibang mga bansa na i-adopt ang 4-day workweek regime katulad ng Denmark, Iceland, Germany, at Belgium.

Ikaw, napa-sana all ka na lang din ba nang marinig ang kwento na ito?

Malaking bagay ang makatanggap ng academic scholarship, kung kaya nga labis itong pinaghihirapan ng ibang estudyante. Pero ang lalaking ito mula sa Bukidnon, nakakuha ng royal scholarship sa ibang bansa matapos patulan ang isang biro.

Kumusta na kaya ngayon ang masipag na estudyante? Alamin ang kaniyang kwento.

Kasagsagan ng COVID-19 pandemic matapos grumaduate ni Angelo Fernandez Virgo sa senior high school sa Central Mindanao University o MSU nang pabiro siyang i-tag ng kaniyang kaibigan sa isang post tungkol sa royal scholarship for asean students.

Pinost daw ng isang professor mula sa MSU ang link kung saan makikita na nag-o-offer ng full scholarship sa Engineering at Technology courses ang Suranaree University of Technology o SUT na mayroong memorandum of understanding sa MSU noon.

Mayroon nang inaasahang scholarship si Angelo mula sa Department of Science and Technology o DOST para sa pag-aaral niya ng college sa Bukidnon pero napaisip si Angelo na subukang mag-apply sa royal Thai scholarship.

Matagumpay na naipasa ni Angelo ang mga exams, requirements, at interviews kung kaya napabilang siya sa mga estudyante na nakatanggap ng scholarship. Dahil dito, natupad ni Angelo ang pangarap niya na mag-take ng civil engineering course.

Sa pamamagitan ng financial help mula sa kaniyang mga kaibigan, sponsors, at mentors, natuloy si Angelo sa Thailand para sa isang once in a lifetime opportunity.

Hindi raw naging madali ang mga unang buwan ni Angelo dahil humarap siya sa mga challenges katulad ng language barrier at homesick, pero nagawa niya itong lampasan sa tulong ng mga kasama niyang Filipino scholars.

Nitong nakaraang buwan lang, matagumpay na nakapagtapos si Angelo ng college sa tulong ng scholarship na inendorso mismo ng royal family ng Thailand na si Princess Maha Chakri Sirindhorn.

Bukod pa riyan, nabigyan ulit ng isa pang scholarship si angelo na One Research One Grant o OROG para sa Master of Engineering na siya ang pinakaunang Filipino recipient.

Ikaw, handa ka rin bang sumugal sa ibang bansa at harapin ang kalakip nitong challlenges para sa mas magandang kinabukasan?

Sino ba naman ang ayaw magbakasyon, lalo na sa isang malaki at magandang cruise ship at kasama pa ang kasintahan? Yan lang naman sana ang gusto ng isang teenager mula sa Michigan pero dahil hindi siya isinama sa pagbabakasyon sa barko, naisipan niyang magpakalat na lang ng fake bomb threat.

Ang mas malalim na dahilan ng binata para gawin ito, eto.

Kalalayag pa lang ng Carnival Sunrise Cruise ship mula sa Miami, Florida patungo sa Jamaica nang makatanggap ang Carnival Cruise lines ng email na nagsasabing mayroong bomba sa nabanggit na barko.

Dahil sa pangamba para sa mga pasahero ay agarang sinuyod ng U.S. at Jamaican Coast Guard ang mahigit isang libong kwarto sa barko.

Nagpatuloy sa paglalayag ang barko pero na-trace ng FBI kung sino ang nagpadala ng email at napag-alaman na nagmula ito sa 19-anyos na si Joshua Darrell Lowe.

Ayon sa mga otoridad, naninirahan si Joshua sa bahay ng kaniyang girlfriend kasama ang pamilya nito sa Muskgeon County.

Pero ang dahilan ng binata para magpakalat ng peke at nakakatarantang balit? ‘Yon ay dahil nagpunta raw pala ang kaniyang girlfriend at ang pamilya nito sa cruise ship at iniwanan siya sa bahay para bantayan ang mga alagang hayop ng mga ito.

Matapos ma-trace si Joshua, sinabi ng mga otoridad na umamin naman daw ito na siya nga ang nagsend ng fake bomb threat email at nagawa niya lang daw ‘yon para pigilan ang pamilya na mag-cruise nang hindi siya kasama.

Nagbigay naman ng paalala ang special agent in charge ng FBI sa Michigan na si Cheyvoryea Gibson na ang mga bomb threat ay hindi biro lalo na at sineseryoso ng fbi ang mga life threatening events, at sinuman ang magsasagawa ng ganitong stunt ay mahaharap sa karampatang parusa.
Samantala, pinatawan naman ang lalaki ng limang buwang pagkakakulong ngunit binabaan ito ng walang buwan matapos sumulat sa judge kung saan humingi ito ng tawag at nangako na aakuin niya ang responsibilidad sa ginawa niya.

Kung ikaw ang nasa sitwasyon ng lalaki, papayag ka rin ba na hindi makasama sa bakasyon para magbantay?

Mabenta sa mga Pilipino ang love stories na kung saan ang isa sa magkasintahan ay magkakaroon ng pansamantalang amnesia ngunit sa huli ay magkakatuluyan din. Pero para sa isang magkasintahan sa Canada, hindi lang ito basta plot ng isang movie dahil minsan nila itong naging realidad.

Kung ano ang kinahinatnan ng magkasintahan, eto.

Kung pamilyar kayo sa pelikulang the vow, kaparehong-kapareho noon ang love story nila Laura Hart Faganello at ng kaniyang mister na si Brayden Faganello mula sa Canada.

Si Laura kasi, nagkaroon ng brain injury matapos mabagsakan ng malaking pole sa ulo habang naghahanda para sa isang event.

Nangyari ito siyam na buwan lang ang nakararaan matapos silang ikasal ni Brayden.

Nang magising si Laura, inakala niya raw na 17-anyos pa lang siya at hindi niya rin naaalala si Brayden at lahat ng memories na mayroon siya kasama ito.

Dahil sa mga nawalang memories, tila nag-back to zero si Laura dahil kinailangan niya raw ulit pag-aralan kung paano magbasa, magsulat, at magsalita.

Bukod pa riyan, nahirapan din siyang tanggapin ang katotohanan na ikinasal siya sa isang lalaking hindi niya naman kilala, ngunit binigyan ito ni Laura ng pagkakataon at kinilala muna si Brayden. Hindi naman nagtagal ay nahulog din ang loob niya sa lalaki.

Para kay laura, hindi man daw bumalik ang dati niyang mga alaala at feelings para kay Brayden, nakagawa naman daw siya ng bagong memories kasama ito at pinili niya rin daw na mahalin ang lalaki.

Kung kaya nang muling mag-propose ang lalaki ay hindi na nag-atubili pa si Laura na um-oo kay brayden sa ikalawang pagkakataon. Sinabi pa ni laura na nagpapasalamat siya sa panibagong buhay at bukas na haharapin niya kasama si Brayden.

Kung ikaw ang makararanas ng kaparehong kwento, gugustuhin mo bang balikan pa ang nakaraan mo o ipagpapatuloy mo na lang ang bagong buhay mo?

Ngayong graduation season, hindi lang ang mga estudyanteng matagumpay na nakapagtapos ng kanilang pag-aaral ang cinecelbrate kundi pati na rin ang kanilang mga magulang na matyagang itinaguyod ang kanilang pag-aaral. Katulad na lang ng proud dad na ito na pinuri ng mga netizen dahil sa sipag at tyaga nito sa kabila ng kaniyang kondisyon.

Ang buong kwento, eto.

Kabilang sa mga kumakalat na graduation videos ngayon sa social media ay ang nag-viral na video ng isang tatay na may polio simula pa noong kaniyang pagkabata na um-attend sa graduation ng kaniyang mga anak.

Sa video, makikita ang tatay na si Jonatahan Bueno na inaalalayan ng isang school staff habang umaakyat ito sa stage kung nasaan ang kaniyang anak na si Janella na nagtapos ng grade 10.

Kinaantigan ng mga netizen ang maigsing tagpo ng mag-ama kung saan yumuko si Janella para masuotan siya ng kaniyang tatay ng medal.

Marami naman ang pumuri kay Janella dahil sa magandang asal nito sa kaniyang tatay. Dahil bukod daw sa proud dad na si Jonathan, nakikita ng mga netizen na proud din si Janella sa kaniyang tatay.

Pero bukod sa bagong graduate, cinongratulate rin ng mga netizen si Jonathan dahil sa kabila ng sitwasyon nito ay napagtapos niya ang kaniyang mga anak sa pag-aaral at mayroon pang magandang pag-uugali.

Samantala, double celebration pala ang ginanap na graduation sa pamilya Bueno dahil magkasabay na nagtapos si Janella at ang kaniyang kapatid na si John Mark na tutuntong na ng kolehiyo.

Ikaw, isa ka rin ba sa mga grumaduate ngayong taon? Kung ganon, ano ang kwentong graduation mo?

Ang pagmamartsa at pagtanggap sana ng diploma ng isang babaeng estudyante sa Maguindanao, hindi na matutuloy pa kahit kailan matapos itong aksidenteng bawian ng buhay habang papunta sana sa kaniyang graduation practice.

Ang buong kwento, eto.

Dahil graduation season na, sunud-sunod nang nagsusulputan ang iba’t ibang mga kwento ng pagtatapos ng mga estudyante, kadalasan ay masaya o di naman kaya ay emosyunal ang mga ito.

Pero ang kwento na ito ng isang babae mula sa Barangay Balungis, Pagalungan, Maguindanao na ga-graduate na sana ay hindi na matutuloy pa.

Habang papunta kasi ang hindi pinangalanang estudyante sa kaniyang graduation practice, tinangay ito ng malakas na agos ng tubig sa ilog na kaniyang tinatawiran.

Sa pamamagitan ng search and rescue operations, natagpuan ang wala nang buhay ng babae makalipas ang ilang oras.

Sa halip na mag-celebrate dahil sa educational achievement sana ng dalagita, napalitan ito ng lungkot at pangungulila ng kaniyang pamilya.

Excited pa man din daw ang babae, lalo na at ilang araw na lang ay magtatapos na sana siya.

Samantala, nagbigay naman ng paalala ang kanilang lgu na magdoble ingat sa pagtawid sa ilog lalo na sa tuwing umuulan.

Ikaw, ano ang masasabi mo sa nakapanghihinayang na kwento ng dalagitang ito?

Ika nga nila, kaniya-kaniyang trip lang ‘yan at walang pakialamanan. Pero ang lalaking ito sa China, kakaiba ang trip. Kung ang iba ay madaling-madali na hubarin ang kanilang maruruming damit pagkatapos ng mahabang araw sa labas ng bahay, ang lalaki na ito mula sa China, sinisinghot muna ang kaniyang gamit na medyas bago ito labhan.

Kung ano ang naging resulta ng trip na ito ng lalaki, eto.

Nakatanggap ang southwest hospital of the army medical group ng isang pasyente na nagdesisyong magpa-checkup dahil sa pagkakaroon ng bloodshot eyes o labis na pamumula ng mga mata.

Pero bago pa ‘yan maranasan ng lalaki ay hindi raw muna siya pinatulog ng kaniyang persistent cough kahit na umiinom naman daw siya ng gamot.

Dahil dito ay nagsagawa ang mga doktor ng CT Scan at MRI at doon nadiskubre sa kanang bahagi ng kaniyang baga ang mga sintomas ng severe infection.

Matapos nito ay sumailalim naman ang lalaki sa bronchoscopy kung saan napag-alaman na mayroon na pala itong fungal lung disease dulot ng aspergillus infection.

Katulad ng kadalasang ginagawa ng mga doktor, kinausap nila ang lalaki at tinanong ang kaniyang medical history at kung ano ang nakikita nitong rason para magkaroon ng impeksyon.

Doon na sinabi ng lalaki ang nakaugalian niya na pagsinghot sa kaniyang maruming medyas. Isang middle-aged office worker ang lalaki at sa tuwing uuwi raw ito galing sa trabaho, inaamoy niya muna ang kaniyang gamit na medyas bago pa ito labhan.
In-examine naman ng mga doktor ang maruming medyas ng lalaki at ayon sa deputy director ng Department of Respiratory Medicine ng nasabing ospital na si Lao Hu, ang mga medyas daw ay isa sa mga kagamitan na posibleng pamugaran ng fungus dahil sa pagkakakulob sa loob ng sapatos at matagal na pagkakasuot dito.

Dagdag niya pa, maaari raw dumaan sa ilong o bibig ang fungi at pumasok sa lower respiratory tract ng tao kapag inamoy nito ang medyas na mayroong fungus.

Samantala, na-discharge naman na sa ospital ang lalaki dahil sa tulong ng mga epektibong anti-fungal medications.

Ikaw, pwede mo bang i-share kung ano ang pinaka-weird na habit mo?

Talaga namang kaniya-kaniyang gimmick ang mga tao ngayon para lang makapandaya at makalikom ng easy money. Katulad ng isang babae sa Spain na lagpas isang dekadang nagpanggap na hindi nakakapagsalita para lang kumita ng pera sa pension.

Kung ano ang kinahinatnan ng babae, eto.

Isang araw noong 2003 sa Andalucia, Spain, habang nagtatrabaho ang isang babae sa isang grocery story ay bigla na lang daw itong inatake ng customer na naging rason para mag-develop at ma-diagnose ito ng post-traumatic stress disorder o PTSD.

Dahil dito ay pinagkalooban ng Social Security ng permanent disability pension ang babae na nanggagaling sa isang insurance company dahil work-related daw ang kaniyang kaso.

Makalipas ang 16 na taon ay nagsuspetsa ang nasabing isnurance company nang i-review nila ang medical records ng babae at napansing wala namang record na hindi ito nakakapagsalita kung kaya nanghingi na sila ng tulong sa ibang doktor at isang psychologist ang nagsabi na posibleng mayroong fraud na nangyayari.

Matapos nito ay nag-hire na ng private detective ang insurance company at doon nadiskubre na normal naman pala itong nakakapagsalita. Bukod sa nakita nito ang babae na nakikipag-usap sa mga nanay sa labas ng eskwelahan at sumasali pa sa mga zumba classes, kinausap din mismo ng private detective ang babae at nagkunwaring nagtatanong ng direksyon papunta sa isang department store.

Gamit ang mga video recorded na ebidensyang walang speaking disability ang babae, dinala ng insurance company sa korte ang kaso kung saan napatunayan na hindi na nila kinakailangang bigyan ng pensyon ang babae. Sinubukan din umapela ng babae dahil nalabag daw sa recorded video ang kaniyang constitutional rights ngunit binasura ito ng korte.

Samantala, mayroong malaking tyansa na magsampa ng reklamo ang insurance company laban sa babae.

Sa mga nagpapanggap diyan para lang makapanlamang, alam niyo ba na walang lihim na hindi nabubunyag?