EXPLAINERS

Kung sa tingin niyo ay mga aso at mga matsing lang ang mga hayop na matatalino, nagkakamali kayo, dahil kung patalinuhan lang din naman ang pag-uusapan, may laban din pala ang mga baboy diyan. Katulad na lang ng mga biik sa kwento na ito na hindi nagpasindak sa pananakot ng kanilang amo.

Kung ano ang ginawa ng mga biik, eto.

Sa isang video mula sa teacher at negosyante na si Marx Barquilla, makikita ang halos sampung mga biik sa kanilang pigpen na nagkukumahog sa pagtakbo.

Paano ba naman kasi, niloloko sila ni Marx na kung sino ang gumalaw sa mga ito ay lulutuin.

Ang mga biik, bigla tuloy tumigil sa pagtakbo at talaga ngang hindi gumalaw na mistulang nanigas sa kinatatayuan nila.

Ayon kay Marx, naisipan niya raw videohan ang mga alaga niyang biik nang magtakbuhan ang mga ito pagkarating niya sa babuyan.

Paliwanag niya, nakikiramdam sa posibleng panganib ang mga baboy kapag tumitigil ang mga ito sa pagglaw.

Pinatunayan naman ito ng wildlife veterinarian na si Dr. Romulo Bernardo at sinabing tatlo ang nagiging reaksyon ng mga baboy sa tuwing may panganib, ‘yan ay ang paglaban, pagtakas, at pagpapatay-patayan o hindi paggalaw.

Dagdag pa niya, bago kumilos ay pinag-iisipan muna nang maigi ng mga baboy kung ano ang gagawin nilang hakbang.

Aniya, ang kadalasang response ng mga biik katulad ng mga alaga ni Marx ay ang mag-freeze. Natututo rin daw ang mga baboy sa pagre-react base sa mga salita at galaw na nakikita nila sa kanilang paligid.

Samantala, para sa mga concerned sa mga kakatwang biik, don’t worry dahil sinabi ni marx na hindi pa naman daw kakatayin ang mga ito dahil kailangan pa silang palakihin.

Sa mga may alagang baboy diyan, bukod sa pagpapanatili sa kalusugan ng mga ito, hinahasa niyo rin ba ang kanilang pag-iisip?

Sabi nga nila, kapag tumatanda ka na, dapat palagian mong dala ang mga i.d. mo kapag lalabas ng bahay. Pero ang lalaking ito sa France, hindi lang basta-bastang lumalabas ng bahay kundi nagmamaneho pa! Partida, wala itong dalang lisensya sa loob ng halos tatlong dekada.

Kung ano ang kinahinatnan ng lalaki, eto.

Isang araw habang nagsasagawa ng routine traffic stop ang mga pulis sa Rhone, France, isang sasakyan ang pinahinto ng mga ito para sa expired technical inspection.

Pero dahil sa offense na yan, sunud-sunod nang naungkat ang mas marami pang violations ng driver.

Ayon sa Tarare Police, nang busisihin nila ang mga papeles ng driver ay napag-alaman na walang insurance ang sasakyan nito.

Ang pinakamalala pa sa lahat, wala pala itong lisensya simula pa noong 1997.

28 taon na pala itong nagmamaneho nang walang lisensya matapos itong ma-revoke nang mahuli na nagmamaneho nang nakainom.

Gayunpaman, tila hindi man lang nabahala ang lalaki dahil ayon sa kaniya, walang saysay ang pagkuha ng mandatory insurance o pagsasailalim sa technical inspections ng kaniyang sasakyan kung wala naman siyang lisensya.

Sa mga nagmamaneho riyan, sigurado ka ba na dala mo ang lisensya mo bago ka maglakwatsa?

Totoo nga naman na masakit ang ma-betray, lalo na ng sarili mong pamilya o kaibigan. Pero ang lalaking ito mula sa Las Piñas, ipinagkanulo mismo ng kaniyang girlfriend! Paano ba naman kasi, marami palang nakaabang na kaso laban dito.

Kung ano isinagawang plano ng babae, eto.

Makikita sa isang video na kinuhanan sa isang kalsada sa Las Piñas City ang isang lalaki na bumaba sa tapat ng isang convenience store mula sa sinasakyan nitong MC Taxi.

Kikitain sana ng lalaki ang kaniyang girlfriend sa nasabing lugar pero bigla na lang nagdatingan ang mga myembro ng PNP Highway Patrol Group na kakuntsaba na pala ng babae at saka ito pinosasan at dinala sa camp crame.

Ayon sa mga otoridad, suspek ang lalaki sa isang uri ng carnapping modus na tinatawag na “rentangay”.

Ang siste, magrerenta ng mga sasakyan ang lalaki at hindi na ibabalik pa sa may-ari.

Bukod pa riyan, mayroon pa palang ibang mga warrant ang suspek dahil naman sa carnapping, illegal posession of firearms, at paglabag sa anti-fencing law.

Sinabi naman ng suspek na maaaring natakot ang kaniyang girlfriend na madamay sa mga isinagawa niyang krimen kung kaya ito na mismo ang nagsumbong sa mga pulis.

Guilty din ang lalaki sa paggamit ng ipinagbabawal na gamot at personal pa itong inamin. Pero aniya, sasailalim na raw sana siya sa rehab.

Samantala, nanawagan pa ang lalaki sa mga nabiktima niya na iurong ang reklamo laban sa kaniya at sinabing ibabalik niya ang kinuha niyang motor kung papayag ito.
Ikaw, anong naramdaman mo sa kwentong betrayal na ito? Nainis ka ba o mas natuwa pa?

Madalas ay nagdadala ng underwater cameras ang mga diver para i-showcase at i-document ang kanilang diving experiences at skills. Pero ang babaeng ito, napahamak at hindi inaasahang nagwakas ang buhay matapos balikan ang kaniyang camera na nahulog sa dagat.

Ang buong kwento, eto.

Mayo a-dos nang sumali sa isang diving tour ang 30-anyos na si Zhang Xiaohan kasama ang labindalawa pang mga indibidwal sa kakaban island na matatagpuan sa East Kalimantan, Indonesia.

Ayon sa mga ulat, 30 meters ang lalim ng sinisid ng grupo at nang papaahon na sana ang mga ito matapos ang tatlumpung minuto ay tsaka naman nabitawan ni Zhang ang kaniyang GoPro camera.

Binalaan pa umano si Zhang ng isa sa mga tour guide na huwag nang balikan ang camera pero nagpumilit pa rin ang babae.

Makalipas ang ilang sandaling paghihintay ay hindi na umahon pa si Zhang kung kaya naghiwalay na ang mga tour guides para hanapin ito ngunit bigo sila na makita ang babae.

Matapos nilang i-report ang pagkawala ng turista ay isang joint search and rescue team ang ibinuo para hanapin ang babae.

Ayon sa Operations Chief ng Local Marine Search Agency na Basarnas na si Endrow Sasmita, natagpuan kinabukasan si Zhang sa lalim na 87 meters at agad na dinala sa ospital para sumailalim sa forensic medical examination.
Samantala, napag-alaman mula sa social media users na si Zhang ay isa palang experienced diver na mayroong divemaster certification.

Sa mga mahilig sa extreme sports diyan, mas mag-iingat na ba kayo ngayon matapos marinig ang kwento na ito?

Alam naman nating lahat na nakaka-badtrip ang mapagbintangan sa kasalanan na hindi naman natin ginawa. Pero paano pa kung hindi ka lang basta-bastang napagbintangan, kundi nahuli rin? Ganyan ang sinapit ng isang lalaki nang dahil lang sa maling pagkaka-spell sa kaniyang pangalan.

Kung nakalaya ba ang lalaki, eto.

Taong 2023 nang makatanggap ng tawag ang mga pulis ng tawag mula sa isang boat owner na mayroon daw nagtatangkang magnakaw sa kaniyang bangka.

Sa kaparehong oras ay tumawag din sa mga pulis ang inaakusahan dahil natatakot daw ito sa ikinikilos ng boat owner.

Dahil dito ay nalito ang phone dispatcher at naisulat ang pangalan ng akusado bilang Mark with a ‘K’, sa halip na Marc with a ‘C’.

Nang imbestigahan ng mga pulis ang insidente, hindi na nila nagawang suriin pa ang personal information ng akusado at napag-alaman na mayroon itong public transportation smartrider o ‘yong card na ginagamit para sa cashless payment na hindi naman niya pag-aari.

Inaretso ng mga pulis ang nasabing lalaki dahil sa umano’y pagnanakaw ng boat at smartrider card.

Nagtagal ng isang gabi ang lalaki sa kulungan bago napatunayan na wala siyang kinalaman sa insidente at tuluyang pinalaya.

Sa kasamaang palad muling naaresto ang lalaki pagkalipas lang ng ilang buwan dahil nakita ng mga pulis ang litrato niya na nakadikit sa arrest warrant ng kaniyang tukayo.

Muling pinalaya ang lalaki matapos niyang sabihin na dati na rin siyang naaresto nang wala naman siyang kasalanan.

Sa huli, nagsagawa ng complaint ang Western Australian Corruption and Crime Commission laban sa mga naging aksyon ng WA Police na siya namang umamin sa naging kasalanan nila at sinabing tatlo sa mga pulis nito ang nakatanggap ng sustained managerial outcomes o parusa.

Ikaw, anong aksyon ang gagawin mo kung ikaw ang maakusahan sa kasalanan na hindi mo naman ginawa?

Ano ang una mong iisipin kapag nalalaman mo na kakailanganing mag-emergency landing ng eroplanong sinasakyan mo? Paano pa kapag nalaman mo na lalapag pala kayo sa lugar kung saan maraming mapanganib na hayop? Ganyan ang sinapit ng mga pasahero ng isang eroplano sa Bolivia na tiniis ang presenya ng mga buwaya sa loob ng halos dalawang araw.

Kung nakaligtas ang mga pasahero, eto.

Isang oras nang nasa ere ang isang maliit na eroplano mula sa Baure, Bolivia na patungo sana sa Trinidad, Bolivia nang magkaroon ito ng technical issue.

Dahil dito, napilitan ang eroplano na mag-emergency landing at pabaliktad na lumapag sa isang swamp na pinamumugaran ng mga buwaya.

Ayon sa piloto ng eroplano na si Pablo Andres Velarde, nanatili raw ang mga buwaya sa layong 3-4 meters mula sa pinag-landing-an ng eroplano ngunit hindi naman daw sila nilapitan ng mga ito at ang nakikita niyang dahilan ay ang tumagas na gas sa tubig mula sa eroplano.

Sa loob ng halos dalawang araw, ang naisalba lang daw nilang cassava flour ang nagsilbi nilang survival food at nanatili silang nakatayo sa ibabaw ng eroplano.

Sa tulong ng isang mangingisda, nakaligtas ang mga na-stranded na tatlong babae, isang piloto, at isang bata sa pamamagitan ng ipinadalang helicopter.

Samantala, sinabi naman ng isa sa mga pasahero na si Mirtha Fuentes na labis silang nagpapasalamat sa piloto dahil sa tulong ng bilis nito na mag-isip ng paraan ay nakaligtas sila at tanging mga pasa lang ang tinamo.

Ikaw, ano ang magiging diskarte mo kung sakali na ikaw ang malagay sa kaparehas na sitwasyon?

Mga gang members na responsable sa pagkamatay ng mga kaanak ng isang tindera sa haiti, ginantihan at pumanaw sa paraan na hindi nila inaasahan.

Ang buong kwento ng paghihiganti na ito, alamin.

Isang kilalang tindera ng empanada o pâtés kung tawagin sa Haiti ang namigay ng libreng empanada sa apatnapung myembro ng gang na Viv Ansanm sa Kenscoff District bilang pasasalamat niya sa mga ito sa pagprotekta sa kanilang lugar.

Pero hindi ito isang charity act mula sa hindi pinangalanang babae. Dahil hindi lingid sa kaalaman ng mga gang members na mayroon palang nakahalong industrial insecticide rito.

Hindi nagtagal matapos kainin ang mga empanada, nakaranas ng labis na pagsakit ng tiyan at pagsusuka ang mga gang members at tuluyang binawian ng buhay bago pa mabigyan ng medical assistance.

Sa halip na magtago, ang tindera mismo ang nagdala sa kaniyang sarili sa mga otoridad at inamin ang ginawang panglalason sa mga gang members.

Ayon sa tindera, ginawa niya lang naman daw ito bilang ganti para sa kaniyang mga kaanak na namatay dahil sa nasabing gang.

Matapos ang insidente ay nasunog ang bahay ng babae pero mabuti na lamang ay nakalipat na ito ng tirahan bago pa mangyari.

Samantala, wala pang naiulat kung ang tindera ba ay mahaharap sa kaukulang reklamo dahil sa isinagawang massacre.

Sa mga mapang-api diyan, kilalanin niyo muna ang mga binabangga niyo at baka magulat na lang kayo kapag bigla kayong ginantihan ng mga ito.

Madalas ay hindi nagbabayad, hindi sumisipot, o hindi totoong bumibili ang mga bogus buyer na nae-encounter ng mga online seller. Pero ang isang tindero na ito, hindi lang bogus ang naging customer kundi nambubugbog at nagnanakaw pa.

Kung ano ang kinahinatnan ng seller, eto.

Isang araw ay nakipagkita ang isang lalaking online seller sa kaniyang customer para personal na i-deliver ang inorder nitong jacket.

Dino-double check umano ng customer ang jacket para tingnan kung mayroon itong issues. Pagkatapos ay bigla na lang nitong sinuntok sa ulo ang seller.

Hindi pa riyan nagtapos ang pananakit ng customer dahil nagpaulan pa ito ng mga suntok nang matumba na sa semento ang seller dahil sa pagsubok na makatakbo papalayo.

Pero matapos manakit ay bigla na lang naglakad ang lalaki papalayo sa pinangyarihan ng insidente kasunod ang isang lalaki na isa umanong lookout.

Mabuti na lamang at nakuhanan sa CCTV ang insidente kung kaya agad na natukoy ng mga pulis ang suspek pero nang puntahan ito sa kanilang bahay ay nasa trabaho raw ang lalaki ayon sa kaniyang pamilya.

Samantala, patuloy na pinaghahahanap ng mga otoridad ang suspek. Maaari rin daw itong maharap sa reklamong pagnanakaw at desidido rin ang biktima na magsampa ng kaso dahil sa tinamo nitong slight physical injuries.

Sa mga online seller diyan, sa paanong paraan ba kayo nakakasiguro na hindi bogus ang buyer niyo?

Madalas ay hindi nagbabayad, hindi sumisipot, o hindi totoong bumibili ang mga bogus buyer na nae-encounter ng mga online seller. Pero ang isang tindero na ito, hindi lang bogus ang naging customer kundi nambubugbog at nagnanakaw pa.

Kung ano ang kinahinatnan ng seller, eto.

Isang araw ay nakipagkita ang isang lalaking online seller sa kaniyang customer para personal na i-deliver ang inorder nitong jacket.

Dino-double check umano ng customer ang jacket para tingnan kung mayroon itong issues. Pagkatapos ay bigla na lang nitong sinuntok sa ulo ang seller.

Hindi pa riyan nagtapos ang pananakit ng customer dahil nagpaulan pa ito ng mga suntok nang matumba na sa semento ang seller dahil sa pagsubok na makatakbo papalayo.

Pero matapos manakit ay bigla na lang naglakad ang lalaki papalayo sa pinangyarihan ng insidente kasunod ang isang lalaki na isa umanong lookout.

Mabuti na lamang at nakuhanan sa CCTV ang insidente kung kaya agad na natukoy ng mga pulis ang suspek pero nang puntahan ito sa kanilang bahay ay nasa trabaho raw ang lalaki ayon sa kaniyang pamilya.

Samantala, patuloy na pinaghahahanap ng mga otoridad ang suspek. Maaari rin daw itong maharap sa reklamong pagnanakaw at desidido rin ang biktima na magsampa ng kaso dahil sa tinamo nitong slight physical injuries.

Sa mga online seller diyan, sa paanong paraan ba kayo nakakasiguro na hindi bogus ang buyer niyo?

Pagnanakaw gone wrong! Talaga nga namang hindi nagtatagumpay ang mga taong may masamang pinaplano. Katulad na lang ng lalaking ito mula sa Brazil na magnanakaw sana, pero agad-agad na kinarma.

Kung ano kinahinatnan ng kawatan, eto.

Sa isang video, makikita ang dalawang lalaki na naglalambitin sa isang cell tower sa Manaus, Brazil. Sa unang tingin ay aakalain na nagwa-wall climbing lang ang mga ito pero ang totoo, isa itong rescue operation para sa isang kawatan.

Tirik na tirik pa ang araw nang akyatin ng lalaki ang nasabing tower para sana magnakaw ng mga kable at ibenta ang mga copper nito.

Pero matapos nitong akyatin ang tower na may taas na 40 ft., hindi na ito nakababa.

Kung kaya ang mga rumespondeng pulis na nakatanggap ng report na nagsasabing mayroong kahina-hinalang lalaki sa tower ay humingi na ng tulong sa mga bumbero para maibaba ang kawatan.

Ayon sa mga bumbero, noong una ay hindi raw pumayag ang lalaki na sumama sa mga bumbero pero sa huli ay pumayag din ito na magpa-rescue matapos kausapin ng mga opisyal.

Samantala, ligtas namang naibaba ang lalaki at agad na pinosasan ng mga pulis at idineretso sa presinto.

Sa mga may binabalak na masama diyan, isip-isip muna lalo na at digital na ngayon ang karma.