HOT STORIES OF THE WEEK

Sisimulan na ang rehabilitasyon ng Manila Bay sa linggo, Enero 27.

Mahigit limang libong tao ang inaasahang makikiisa sa iba’t ibang aktibidad ang gagawin sa pangunguna ng DENR o Department of Environment and Natural Resources.

Kabilang dito ang mangrove planting sa Navotas City at clean–up drive sa Bacoor, Cavite, Obando, Bulacan at Gua- Gua Pampanga.

Bukod sa DENR, inaasahang dadalo din sa mga aktibidad ang mga opisyal ng Department of Tourism, Department of Interior and Local Government at iba pang ahensya ng gobyerno.

It’s all systems go as we launch the intensified rehabilitation of Manila Bay on Sunday, January 27.#BattleForManilaBay#ManilaBAYanihanpic.twitter.com/tjdGOLMWa6

— DENR (@DENROfficial) January 24, 2019

Business establishment na walang sewarage treatment plant, papangalanan

Nakatakdang ilabas ng Department of Environment and Natural Resources ang listahan ng mga establisyementong nagpapadumi sa Manila Bay.

Ayon sa ahensya, kanilang papangalanan ang mga business establishment na walang sewerage treatment plant at direktang nagtatapon ng dumi sa dagat.

Una nang tinukoy ni Pangulong Rodrigo Duterte ang ilang malalaking hotel sa paligid ng Manila Bay na siyang mga pangunahing pollutants.

Habang pansamantala na ring ipinasara ang Manila Zoo para isailalim sa rehabilitasyon matapos na mapag-alaman na direktang itinapon ang mga maruming tubig sa estero na dumadaloy naman sa Manila Bay.

Kinasuhan na ng NBI o National Bureau of Investigation si dating Customs Commissioner Isidro Lapeña at limampung iba pa kaugnay sa pagpasok sa bansa ng magnetic lifters na umano’y may mga laman na iligal na droga.

Nahaharap si Lapeña ng tig–dalawang bilang ng paglabag sa anti–graft and corrupt practices act at mga kasong administratibo na dereliction of duty, grave misconduct dahil sa kabiguan nito na kasuhan ang mga consignee, importer at broker ng dalawang magnetic lifters na hinihalang may shabu sa port of manila at apat pang magnetic lifters na natagpuang walang laman sa Cavite.

Tinatayang nasa labing tatlong bilyong piso ang halaga ng iligal na droga na pumasok sa bansa na itinago umano sa naturang mga magnetic lifters.

Kasama rin sa kinasuhan ang iba pang opisyal ng BOC at mga negosyante dahil sa pagkakaroon umano ng sabwatan sa nabanggit na shabu shipment.

Nirerespeto ng Pangulong Rodrigo Duterte ang desisyon ng nakararaming residente ng Sulu na huwag maging bahagi ng Bangsamoro Autonomous Region in Muslim Mindanao (BARMM).

Sinabi ni Presidential Spokesman Salvador Panelo na kinikilala ng pangulo ang resulta ng plebisito sa Sulu.

Hindi naman aniya itinuturing na banta si MNLF founder Nur Misuari sa naging tagumpay ng plebisito matapos na maraming lugar sa mindanao ang nagpahayag ng yes votes.

Niratipikahan na ng Autonomous Region on Muslim Mindanao (ARMM) ang Bagsamoro Organic Law o (BOL).

Ito ay batay sa statement of votes (SOV) ng mga probinsyang sakop ng ARMM.

Lumabas sa SOV na pirmado ng ARMM Regional Plebiscite Board of Canvassers ang mahigit isang milyong boto para sa “yes” habang halos 200,000 naman ang para sa “no”.

Ito ay resulta ng mga boto mula sa Maguindanao, Lanao del Sur, Sulu, Basilan at Tawi-Tawi.

Isinusulong ng BOL ang pagbuo ng autonomous political entity na Bangsamoro Autonomous Region na papalit sa kasalukuyang ARMM.

Nuong july 26, 2018 nang nilagdaan ni Pangulong Rodrigo Duterte bilang batas ang BOL ngunit kinakailangan pang dumaan ito sa plebisito.

Tiniyak ng Malakanyang na walang magiging problema kung popondohan ng China ang CCTV project ng Department of Interior and Local Government (DILG).

Ito’y kasunod ng mga pangambang ipinahayag ng ilang senador gaya ni Senador Ralph Recto na nangangambang malagay sa alanganin ang kaligtasan ng pilipinas dahil sa “Safe Philippines Project” ng DILG.

Ayon kay Presidential Spokesman Salvador Panelo, hindi hahayaan ni Pangulong Rodrigo Duterte na makompromiso ang seguridad sa mga lugar na lalagyan ng surveillance project.

Dagdag pa ni Panelo, may kapangyarihan ang pangulo na i-veto o kontrahin ang proyekto kung makitang alanganin ito o magdudulot ng panganib sa marami.

Sa ilalim ng nasabing proyekto, lalagyan ng surveillance camera ang pampublikong lugar sa Metro Manila at Davao City.

Ikinagalak ni Pangulong Rodrigo Duterte ang naging resulta ng plebesito para sa Bangsamoro Organic Law (BOL).

Ito ay kahit na tinatally palamang ng Commission on Elections (Comelec) ang official result ng naging plebesito.

Sa isang summit sa Pasay City, sinabi ng pangulo na isang hakbang ito papalapit sa pinakaasam na kapaypaan sa Mindanao.

Sa partial result ng Comelec, bumoto ng yes ang Cotabato City habang no vote naman sa Sulu At Isabela City sa Basilan.

Kaugnay nito, sinabi ng pangulo na dapat na tutukan ang western side ng Mindanao kung nasaan ang Sulu na balwarte ni MNLF Chairman Nur Misuari na hayagang tumututol sa BOL.

Mas mataas pa sa inaasahang 85 porsyento ang bilang ng mga boto sa idinaos na unang araw ng plebisito kaugnay sa Bangsamoro Organic Law (BOL).

Ipinabatid ito ni Commision on Elections Comelec Spokesman James Jimenez sa gitna na rin nang patuloy na canvassing of votes sa ibang lugar kung saan ginanap din ang plebisito.

Ayon sa Comelec, nasa halos tatlong milyong rehistradong botante sa mga lugar na sakop ng plebisito ang bumoto sa mahigit 9,000 presinto na tinipon sa  halos 2,000 voting center sa mga rehiyong tinukoy bilang bahagi ng panukalang Bangsamoro Region.

Isinagawa ang plebisito nuong Lunes sa mga lugar na sakop ng ARMM, Isabela City sa Basilan at Cotabato City.

Idaraos naman sa February 6 ang ikalawang araw ng plebisito sa ilang lugar sa Lanao del Norte maliban sa Iligan City at anim na bayan sa North Cotabato.