HOT STORIES OF THE WEEK

Pormal nang inirekomenda ng Inter-Agency Task Force (IATF) kay Pangulong Rodrigo Duterte na isailalim na sa general community quarantine (GCQ) ang Metro Manila.

Ito mismo ang kinumpirma ni Interior Secretary Eduardo Año sa isang panayam, kung saan, inirekomenda ng IATF na isailalim na sa GCQ ang NCR sa darating na ika-1 hanggang ika-15 ng Hunyo.

Kasabay nito, inirekomenda rin aniya ng IATF na payagan nang magpatuloy ang operasyon ng mass transportation maliban sa mga jeepney, habang iminungkahi namang mag-operate ng 50% capacity ang mga bus.

Dagdag pa ni Año, posibleng magkaroon pa ng mga bagong anunsyo sa ika-15 ng Hunyo, ngunit sa ngayon ay ito aniya ang kanilang napagkasunduan.

Samantala, inaasahan namang humarap sa publiko si Pangulong Rodrigo Duterte mamayang gabi upang i-anunsyo ang kanyang desisyon hinggil sa anturang rekomendasyon ng IATF.

Sinuspinde ng World Health Organization (WHO) ang lahat ng clinical trials para sa hydroxychloroquine bilang potensyal na gamot sa coronavirus disease 2019 (COVID-19).

Ayon kay WHO Director General Tedros Adhanom, ang suspensyon ng clinical trials ay bilang pag-iingat matapos lumabas ang pag-aaral na mas malaki ang tyansang mamatay ang isang COVID-19 patient na ginagamot ng hydroxychloroquine.

Ang naturang gamot ay ginagamit na gamot sa arthritis.

Gayunman, maraming bansa ang bumili ng maramihan ng nasabing gamot matapos ihayag ng ilang public figures na kinabibilangan ni U.S. President Donald Trump na umiinom sila ng hydroxychloroquine.

Duda si Lt. General Guillermo Eleazar, hepe ng Joint Task Force COVID Shield sa report na ‘sex for pass’ na nangyayari sa mga checkpoints.

Gayunman, hindi anya nila inaalis ang posibilidad na mangyari nga ito kaya’t pinaiimbestigahan na ito sa PNP CIDG.

Sinabi ni Eleazar na wala naman silang natatanggap na ganitong report o reklamo maliban sa inilabas na report ng Rappler.

Makakatiyak anya ang publiko na mapaparusahan ang mga pulis na sangkot sa ‘sex for pass’ kung totoo ito, gayundin naman ang Rappler kung mapatunayang wala namang katotohanan ang kanilang report.

Kaya nga po napakahirap tanggapin din at hindi ko maisip na pagdating doon, para lang makapasok ay kailangang makipagtalik (…), saan niyo gagawin ‘yon at paano niyo gagawin ‘yon? So, these are the things that we have to consider pero just the same, lahat po ng mga bagay na ito ay very alarming kung totoo, kaya po gusto naming maimbestigahan,” ani Eleazar.

Kasabay nito ay nanawagan si Eleazar kung mayroon mang biktima ng ‘sex for pass’ na lumutang upang mabigyan sila ng hustisya.

Hindi po natin sinasarado ‘yung posibilidad, pero an gaming pakiusap doon po sa biktima, para maliwanagan lahat at hind imaging sanhi ng para bang dagok na naman sa aming organisasyon, kayo po sana ay lumutang, makipag-ugnayan sa sinumang kakilala niyo, or kung, sinasabi ko nga, sa Women and Children Protection Desk, at sinisigurado po naming ang inyong privacy pati na tin po ang confidentiality,” ani Eleazar. —sa panayam ng Ratsada Balita

Nagbigay ng ultimatum ang Pangulong Rodrigo Duterte sa  mga ahensya ng pamahalaan para mapauwi na sa kani-kanilang probinsya ang mga Overseas Filipino Workers (OFWs) na matagal nang tapos sa quarantine at nagnegatibo na sa coronavirus disease 2019 (COVID-19).

Ayon kay Presidential Spokesman Harry Roque, isang linggo ang ibinigay ng pangulo sa Department of Labor and Employment (DOLE), Department of Health at Overseas Workers Welfare Administration (OWWA) para isagawa ang kanyang direktiba.

Bilin anya ng pangulo, maaaring gamitin ang mga resources ng pamahalaan at lahat ng transportasyon upang mapauwi na ang mga OFWs.

Ipinag-utos na rin anya ng pangulo na palawakin ang PCR testing sa ibang lugar upang diretso na sa kanilang lalawigan ang mga uuwing OFWs at doon na isalang sa COVID-19 test at quarantine.

Tinatayang 24,000 OFWs ang sinasabing nananatili sa quarantine facilities sa Metro Manila kahit tapos na sa kanilang quarantine at COVID-19 test.

May napaulat pang nagpakamatay na dahil sa matinding depression.

Ang mahigit 30 flights ng ating mga kababayan na OFWs na papauwi sa kani-kanilang mga bahay. Unang ara wpa lamang po ito. Ang gma kababayan na OFWs sa Luzon ay inihatid naman sakay ng bus at ‘yung iba naman po ay sa barko,” ani Roque.

Nilinis ni House Speaker Alan Peter Cayetano ang Malakanyang sa isyu ng pagbawi at pagbasura ng Kamara sa panukalang batas na magbibigay ng provisional franchise sa ABS-CBN.

Ayon kay Cayetano, hindi kailanman makikialam sa mga aktibidad ng ibang sangay ng pamahalaan si Pangulong Rodrigo Duterte.

Higit na aniya sa usapin ng pagbibigay ng prangkisa sa media network na natatanging karapatan lamang ng lehislatura.

Iginiit ni Cayetano, patas ang Pangulo at hindi nito dinidiktahan ang kongreso sa usapin kung pagkakalooban o hindi ng prangkisa ang ABS-CBN.

Binigyang diin naman ni Cayetano na kanila pa ring ipatatawag ang National Telecommunications Commission (NTC) at Office of the Solicitor General (OSG) para pagpaliwanagin kaugnay ng kautusang nagpapasara sa network.

Mananatili pa rin bilang hepe ng National Capital Region Police Office si Major General Debold Sinas sa kabila ng kinasangkutang kontrobersiya dahil sa ginanap na birthday celebration nito.

Ito ang inihayag ni Pangulong Rodrigo Duterte sa pagpupulong kasama ang mga miyembro ng Inter-Agency Task Force on Emerging Infectious Diseases (IATF-EID), kagabi.

Ayon kay Pangulong Duterte, wala siyang planong palitan sa puwesto si Sinas dahil wala rin siyang nakikitang mabigat na dahilan para sibakin ito.

Sinabi ng Pangulo, kailangan niya si Sinas sa kasalukuyang trabaho nito.

Ako ‘yung ayaw na malipat siya, he is a good officer, he’s an honest one hindi niya kasalanan kung may mangharana sa kanya sa birthday at yung mga may sabi na nakikita na walang mask syempre may mga merienda yan, may pagkain alangan namang kainin nila pati yung mask, tatangalin talaga nila kainan yun, hindi ako sang-ayon pinag-aralan ko ying merits saka demerits, kailangan ko yung tao mas kailangan ko yung tao dito sa trabaho niya,” ani Duterte.

Mananatili sa enhanced community quarantine (ECQ) hanggang sa Mayo 31 ang Metro Manila, Laguna at Cebu City.

Gayunman, sa anunsyo ni Presidential Spokesman Harry Roque, magiging modified ECQ ang ipatutupad sa NCR, Laguna at Cebu City.

Ibig anyang sabihin ng modified ECQ ay unti unti na ring bubuksan ang ekonomiya at papayagan nang magbukas ang ilang manufacturing at processing plants.

Gayunman, sinabi Roque na limitado lamang ang operasyon ng mga ito sa 50%.

Dahan-dahan rin anyang bubuksan ang transportasyon para sa mga manggagawa ng mga magbubukas na industriya.

Sa ilalim ng modified ECQ, limitado ang movement ng tao para sa pagkuha ng essential services and work. Ang pagkakaiba, bubuksan natin unti-unti ang ekonomiya magkakaroon ng operasyon ang piling manufacturing at processing plants up to a maximum of 50%, magkakaroon din tayo syempre dahil may mga pasok na ang ilang industriya sa modified ECQ, ng kaunting limited transportation services, suspendido pa rin ang lahat ng klase sa lahat ng antas ,” ani Roque.

Samantala, general quarantine ang ipatutupad sa iba pang bahagi ng Luzon, Region 2, Region 3 maliban sa Angeles na kailangan pang i-asses sa May 14 at Region 4-A maliban sa Cavite na isasalang rin sa assessment.

GCQ rin ang Region 7 sa Visayas, Regions 9,11 at 13 sa Mindanao.

Samantala, tinanggal na sa quarantine enhanced man o general sa mga sumusunod na lugar.

Region 1, Region 4-B, Region 5 maliban sa Albay at Legaspi City na isasalang pa sa assessment sa May 14, Regions 6, 8, 10, 12 at BARMM.

Now, lahat ng mga probinsya, mga highly urbanized city, yung mga independent component cities na na-characterized as low, moderate at high risk; low yung green, moderate yung yellow, at ang high risk ay pula may appeal the classification to the IATF screening and validation committee with the concurrence of the regional IATF,” ani Roque.

Bumoto ang lahat ng mayors ng National Capital Region (NCR) na ilagay na sa general community quarantine (GCQ) ang NCR.

Gayunman, sinabi ni Parañaque City Mayor Edwin Olivares, chairman ng Metro Manila Council, nagkakaisa rin sila na pwede lamang itong gawin kung masusunod ang kanilang kondisyon.

Kailangan anyang manatili sa lockdown ang mga barangay na mayroong mataas na kaso ng COVID-19.

Kung hindi aniya papayag ang Inter Agency Task Force (IATF), papasok ang ikalawa nilang rekomendasyon na manatili sa enhance community quarantine (ECQ) ang NCR hanggang May 30.

Samantala, ang ikatlo aniya nilang rekomendasyon ay ipaubaya na lamang sa IATF ang desisyon kung hanggang kelan tatagal ang GCQ sa NCR sakaling aprubahan ito.

Pero gusto na rin nating tumakbo ang economy natin, pero hindi naman nating pwedeng i-sacrifice yung ating inumpisahan para ating ma-flatten yung curve so, kaya nga yung mga barangay na meron tayong new cases i-lockdown natin siya,” ani Olivares. — panayam mula sa Ratsada Balita.

Tila naghugas kamay si House Speaker Alan Peter Cayetano sa usapin ng pagpapatigil ng operasyon ng ABS-CBN Network matapos mapaso ang prangkisa nito.

Binatikos din ni Cayetano ang aniya’y pang-aagaw ng National Telecommunications Commission (NTC) at Office of the Solicitor General (OSG) sa kapangyarihan ng kongreso na magkaloob ng prangkisa.

Ayon kay Cayetano, trinaydor ng NTC ang lahat matapos itong magpalabas ng cease and desist order laban sa ABS-CBN Network.

BASAHIN: House Speaker Alan Peter Cayetano sa pag-shutdown ng broadcast operation ng ABS-CBN: pic.twitter.com/JrcEZat8yx

— DWIZ Newscenter (@dwiz882) May 8, 2020

Ito ay sa kabila aniya ng pangako ng ahensiya sa pagharap nito sa legislative hearing, legal na opinyon mula sa Department of Justice (DOJ), resolution ng senado at makailang pagtitiyak sa kongreso ng pagpapalabas ng provisional authority.

Sinabi ni Cayetano, malinaw na sumuko ang NTC sa aniya’y panggigipit ni Solicitor General Jose Calida kaya ito nagpalabas ng cease and desist order.

Kaugnay nito, tiniyak ni Cayetano na gagawin ng House of Representatives ang kanilang trabaho sa pamamagitan ng pagsasagawa ng patas, masusi at komprehensibong pagdinig hinggil sa franchise renewal ng ABS-CBN.