HOT STORIES OF THE WEEK

Duda ang isang digital expert kung cloning o hacking ang nangyayaring pagdami ng duplicate accounts sa facebook.

Ayon kay Art Samaniego, Technews Editor ng Manila Bulletin, maaaring isa itong uri ng bug na resulta ng ilang pagbabago na kamakailan lamang isinagawa ng facebook.

Kumbinsido rin si Samaniego na wala itong kinalaman sa political issues tulad ng kampanya para ibasura ang anti-terror bill dahil kasama na mga naglipana ngayong duplicate account ang FB page ng mga kilalang kakampi ng administrasyon.

So, ibig sabihin nito hindi lang ang mga taong against sa anti-terror bill ang naaapektuhan nito, malawakang problema ito so, kung hacking man ‘to dapat nating isipin na yung mga hackers hindi namimili ng anong relihiyon po, anong political belief mo, ano ang gender mo so, lahat tayo nito pwedeng maging vulnerable sa hacking na nangyayari nito,” ani Samaniego.

Pinayuhan ni Samaniego ang mga gumagamit ng facebook na tiyakin na lamang na secured ang kanilang FB account upang makaiwas sa disgrasya kung sakali mang cloning nga o hacking ang nangyayayari ngayon.

So, una nating dapat gawin i-secure ang ating mga facebook accounts natin para ma-secure yun kung naka-privacy setting may mga pwedeng gawin dun halimbawa, password authentification at nandun yun mapipili mo saka pwede mo makita kung sino naka-log in sa account mo at i-log out mo yun kung hindi mo kilala ang mga yun,” ani Samaniego. — Panayam mula sa Ratsada Balita.

Inatasan ni Pangulong Rodrigo si Health Secretary Francisco Duque III na bumuo ng bagong grupo na mangangasiwa sa pamamahagi ng tulong pinansyal sa mga health care workers na tinamaan ng coronavirus disease 2019 (COVID-19).

Ito aniya ay upang matutukan at matiyak ang mabilis na distribusyon ng nararapat na tulong sa mga nagkasakit at nasawing health care workers.

Ayon kay Pangulong Duterte, kanyang binibigyan ng mandato si Duque na pumili ng mga taong bubuo sa nabanggit na bagong team.

Sinabi ng Pangulo, hindi kinakailangang galing sa Department of Health o sa tanggapan ng kalihim ang mga kukunin nitong tauhan, basta’t ang mahalaga aniya ay tapat ang mga ito at matitiyak na matatanggap ang pondo ng mga nararapat na benepisyaryo.

Sa kabila ng naantalang pamamahagi ng tulong pinansiyal sa mga health workers na naapektuhan ng COVID-19, dinipensahan naman ni Pangulong Duterte si Duque sa mga kritiko.

And just imagine 2 months tapos yung Secretary yung binubugbog araw-araw kasi wala siyang gawa, sino palang pagawain ni Duque dito? Yung pagawain niya yung Department of Health hindi yung Bureau of Fire, saan pala siya maghingi ng tulong. Where do we get the resources both money and human workers there? Sa kanyang opisina, 2 buwan this is totally unacceptable to me,” ani Duterte.

Kumpiyansa si Defense Secretary Delfin Lorenzana na magiging maayos na ang pangangasiwa sa mga magbabalik bansang Overseas Filipino Workers (OFW’s) at seafarers sa mga susunod na araw.

Sa briefing kasama si Pangulong Rodrigo Duterte, sinabi ni Lorenzana na kanila nang napagkasunduan ng mga kalihim ng DOLE, DILG at National Task Force on COVID-19 na hanggang limang araw na lamang dapat ang pinakamatagal na pananatili sa metro manila ng mga uuwing OFW’s.

Ayon kay Lorenzana, nakahanda na ang kanilang ipatutupad na sistema para sa mga magbabalik bansang OFW’s at seafarers gayundin ang mga COVID-19 testing facilities sa iba’t-ibang bahagi ng Metro Manila.

Dagdag ni Lorenzana, napagkasundo rin nilang limitahan ang bilang ng mga darating sa bansang OFW’s kada araw para maiwasang maulit ang pagkaka-stranded ng mga ito tulad nang nangyari noong nakaraang buwan.

According to Sec. Bello meron pang mga 42,000 siguro ang gagawin namin nila Sec. Galvez at Sec. Año ay kontrolin na natin yung pagdating, siguro 1,200 a day kung medyo lumuwag luwag pa 1,500 to 2,000 and then para mabilis ang ating processing,” ani Lorenzana.

Maliban sa mga balik bansang OFW’s at seafarers, inaasahan din ni Lorenzana ang pagdating ng mga Filipinong turista, estudyante at mga dayuhang permanent resident ng Pilipinas na naipit sa ibang bansa.

Aniya, kabilang ito sa kanilang mga aasikasuhin bagama’t hindi sasagutin ng pamahalaan ang pagsasailalim ng mga ito sa COVID-19 testing pagbalik sa Pilipinas.

Pero seperate sila dun sa OFW dahil yung OFW and seafarers tayong sasagot sa kanilang mga testing yung overseas Filipino na babalik ay sa kanilang gastos yun at asahan ninyo nitong darating na araw ay maayos nitong yung processing ng mga OFW’s,” ani Lorenzana.

Patuloy ang pagkalap ng Department of Interior and Local Government (DILG) sa pangalan ng mga opisyal ng barangay na isinasangkot sa anomalya sa pamamahagi ng social amelioration program (SAP).

Sa pulong kasama si Pangulong Rodrigo Duterte, sinabi ni DILG Secretary Eduardo Año na nasa 155 mga barangay captain at iba pang opisyal ang kanila nang inimbestigahan.

30 aniya sa nabanggit na bilang ang nai-refer na sa Ombudsman para makasuhan dahil sa sa anomalya sa distribusyon sa pinansiyal na ayuda sa ilalim ng SAP.

Ayon kay Año, kabilang sa mga inireklamo ay ang mga opisyal ng barangay na nakatanggap ng pinansiyal na ayuda ang kanilang asawa, anak, at iba pang mga kaanak.

Kasi yung lahat ng nakatanggap ay ipinoposte namin yung kanilang mga pangalan sa mga barangay halls para makita ng mamamayan kung sino talaga yung mga nakatanggap at dito lumabas na yung mga kamag-anak, asawa, myembro ng pamilya ng kapitan na hindi naman dapat tumanggap. So, lahat ng ito kakasuhan namin sapagkat labag sa batas yung kanilang ginawa,” Año.

Samantala, iniulat naman ni Año na halos 99% nang tapos ang pamamahagi sa unang tranche ng SAP.

Habang inihahanda na rin ng DSWD ang pamamahahagi ng ikalawang tranche kung saan uunahin ang limang milyong pamilya na hindi nakatanggap sa unang trance.

4,940,311 names na ang nai-submit ng ating LGU’s, sila yung bibigyan ng priority at nakahanda na din naman sa 2nd tranche, tutulong ang Armed Forces saka yung Philippine National Police sa pagdi-distribute at ang gagamitin naman karamihan dito ay ATM payment scheme kaya baka mas madali ang pagpapatupad ng 2nd trance,” Año.

Pag-aaralan pang maigi ni Pangulong Rodrigo Duterte ang anti-terrorism bill.

Ito ang inihayag ng Malacañang ngayong lagda na lamang ng pangulo ang hinihintay para maging ganap na batas na ang naturang panukala.

Paliwanag ni Presidential Spokesperson Harry Roque, bagama’t sinertipikahang ‘urgent’ ng pangulo ang naturang panukala, hindi aniya nangangahulugan na agad din niya itong pipirmahan.

Ani Roque, subject for final review pa ang naturang panukala upang makatiyak umano ang pangulo na alinsunod ito sa konstitusyon.

Kasabay nito, nilinaw ni Roque na walang kaugnayan ang anti-terrorism bill sa suspensyon ng terminasyon ng visiting forces agreement (VFA) ng Pilipinas at Estados Unidos.

Tinaningan ng Pangulong Rodrigo Duterte hanggang sa Hunyo 9 ang mga opisyal ng gobyerno para ibigay na ang nararapat na cash assistance sa health workers na tinamaan ng coronavirus disease 2019 (COVID-19).

Sa ilalim ng Bayanihan to Heal as One Act (BAHO) ang pamilya ng mga nasawing health workers dahil sa COVID-19 ay dapat tumanggap ng P1-M habang P100,000 naman ang dapat ibigay sa sa kada isang health worker na nagkasakit dahil sa nasabing virus.

Sinabi ni Presidential Spokesman Harry Roque na ibinaba ng pangulo ang Hunyo 9 deadline matapos makarating sa malakaniyang na hindi pa naibibigay ang nasabing cash assistance.

Ipinabatid naman ng Department of Health (DOH) na pino-proseso na ang pamamahagi ng P1-M na death benefit para sa mga nasawing health workers na ang mga pamilya ay nakausap na ng mga otoridad at pinagsusumite na lamang mga kinakailangang dokumento.

Sinuspinde ng Pilipinas ang pagkalas nito sa Visiting Forces Agreement (VFA) sa pagitan ng Amerika.

Ito ang inianunsyo ni Foreign Affairs Secretary Toeodro Locsin sa kanyang Twitter account kung saan, nakasaad na sinususpinde ng Pilipinas ang naturang kasunduan sa pagitan ng Amerika sa loob ng 180-araw o katumbas ng anim na buwan.

I issued this diplomatic note to the US ambassador. It has been received by Washington and well at that. The Note is self-explanatory and does not require comment except from me. The abrogation of the Visiting Forces Agreement has been suspended upon the President’s instruction. pic.twitter.com/BXqzyNpOty

— Teddy Locsin Jr. (@teddyboylocsin) June 2, 2020

Ang naturang hakbang, ani Locsin, ay batay sa naging kautusan ni Pangulong Rodrigo Duterte.

Kasunod nito, nagpalabas naman ng pahayag ang Amerika kung saan nakasaad na malugod nitong tinatanggap ang naturang desisyon.

BASAHIN: Desisyon ng Pilipinas na suspindihin ang pagkalas sa VFA, welcome sa Amerika | via @USEmbassyPH https://t.co/CSCShVmeQw

— DWIZ Newscenter (@dwiz882) June 2, 2020

Sa pahayag na ipinalabas ng US Embassy, umaasa rin aniya sila na magpapatuloy ang kooperasyon hinggil sa seguridad sa pagitan ng Amerika at Pilipinas.

Samantala, magugunitang ipinag-utos ni Pangulong Duterte ang pagkalas sa VFA makaraang ipawalang-bisa ang U.S. visa ni Senador Ronald “Bato” Dela Rosa.

Nakapailalim na ang Metro Manila sa general community quarantine (GCQ) simula ngayong Lunes, unang araw ng Hunyo, taong 2020.

Ito’y matapos ang dalawang buwan na pag-iral ng enhanced community quarantine (ECQ) sa kalakhang Maynila.

Sa ilalim ng GCQ, niluwagan na ang mga quarantine restriction at magbubukas na muli ang mga industriya sa iba’t ibang sektor.

Ang pagsasailalim sa GCQ ng Metro Manila mula ika-1 hanggang ika-15 ng Hunyo ay batay sa naging rekomendasyon ng Inter-Agency Task Force for the management of Emerging Infectious Diseases.

Pinaboran rin ito ng mga alkalde sa Metro Manila sa paniniwalang kailangan nang magsimulang bumangon ng ekonomiya ng bansa na lubos na naapektuhan ng coronavirus disease 2019 (COVID-19) pandemic.

Sasailalim na sa general community quarantine (GCQ) ang Metro Manila simula sa Hunyo 1.

Ito ang inanusyo ni Pangulong Rodrigo Duterte matapos ang dalawang buwang lockdown para maiwasan ang pagkalat ng COVID-19 sa bansa.

Maliban sa kalakhang Maynila, isasailalim na rin sa GCQ ang Regions 2, 3, 4A, Pangasinan, Albay at Davao City.

Sa ilalim ng GCQ maaari nang magbalik operasyon ang halos lahat ng industriya maliban na lamang sa mga leisure at amusement services.

Hinikayat ng Malacañang ang mga umano’y biktima ng “sex for pass” scheme ng mga pulis na lumutang at ikanta ang mga salarin.

Ginawa ni Presidential Spokesperson Harry Roque ang panawagan sa gitna na rin ng alegasyon laban sa ilang miyembro ng Philippine National Police (PNP) pero wala namang nagreklamo laban sa mga ito.

Una nang nabunyag na nagbibigay ng quarantine pass ang ilang pulis na nakatalaga sa quarantine checkpoints kapalit ng pakikipagtalik sa mga ito.

Giit ni Roque, dapat lumutang ang mga biktima at magreklamo sa Women and Children Protection Office ng PNP.