HOT STORIES OF THE WEEK

Maaari pa ring gamitin ang mga lumang beep card para ipambayad ng pamasahe sa mga bus na pumapasada sa EDSA Busway.

Ito ang nilinaw ng Department of Transportation (DOTr) matapos magdulot ng kalituhan sa publiko ang ibinebentang “beep rides” cards ng ilang operator ng bus na dumaraan sa nasabing bus system.

Gayunman, sinabi ni Transportation Asec. Goddess Hope Libiran magkaiba ang beep card na ginagamit sa Metro Rail Transit (MRT) at Light Rail Transit (lrt) sa “beep rides” na ibinebenta ng ilang bus operator.

Salig aniya sa inilabas na kautusan ng Land Transportation Franchising and Regulatory Board (LTFRB), may kalayaan ang mga bus operator na mamili ng kanilang automated fare collection system (AFCS) providers basta’t maipatutupad ang cashless payments sa mga pampublikong transportasyon.

Pero iginiit ni Libiran na mahigpit na tinututulan ni DOTr Sec. Arthur Tugade na pasanin ng mga commuter ang bayad sa sistema kaya’t dapat aniyang libre lamang ang card at tanging load o pamasahe lamang ang dapat na bayaran ng mga sumasakay ng bus.

Inihain na ng National Bureau of Investigation (NBI) sa tanggapan ng Ombudsman ang mga reklamong graft at malversation laban sa mga matataas na opisyal ng Philippine Health Insurance Corporation (PhilHealth).

Ito’y may kaugnayan sa naungkat na anomalya sa state health insurer partikular sa interim reimbursement mechanism (IRM).

Kabilang sa mga inireklamo ng NBI sa Ombudsman sina dating PhilHealth President at CEO Ricardo Morales, EVP at COO Arnel De Jesus, Senior Vice Presidents na sina Renato Limsiaco Jr, Israel Francis Pargas at limang iba pa.

Una nang ibinunyag ng mga testigo na aabot sa P15-B pondo ng PhilHealth ang nilimas umano ng mga tiwaling opisyal ng nasabing ahensya ng pamahalaan.

Naglabas na ang Department of Trade and Industry (DTI) ng listahan ng mga industriya o negosyong papayagang mag-operate sa full capacity sa ilalim ng general community quarantine (GCQ).

Batay sa memorandum circular ng DTI, maaari nang magdagdag ng operational capacity ang mga negosyong kinabibilangan ng mining & quarrying; ilang financial services tulad ng money exchange, insurance, reinsurance, lending companies, at non-compulsory pension funding; legal & accounting; management consultancy activities; architecture & engineering activities; technical testing & analysis; scientific & research development; at advertising & market research.

Maaari na ring isagad ang kapasidad ng operasyon ng mga nasa hanay ng computer programming, publishing & printing services, tulad ng film, music, at TV production.

Samantala, puwede na ring magdagdag ng kapasidad ang ilang negosyo tulad ng recruitment & placement agencies kasama ang overseas employment; photography services, industrial, graphic, & interior design; wholesale & retail trade ng mga motor vehicles, motorcycles, at bicycles, kasama na rito ang parts at components; at maging ang mga talyer o pagawaan ng mga motor vehicles, motorsiklo, at bisikleta, gayundin ang vulcanizing shops, battery repair shops, auto repair shops, at car wash.

Saklaw din naman ng kautusan ang mga mall at commercial centers na mayroong non-leisure business activities at mall-based non-leisure wholesale at retail establishments gaya ng hardware stores; clothing & accessories; bookstore o school  office supplies stores; infant care supplies; pet shops, pet food & pet care supplies; IT, communications & electronic equipment; flower, jewelry, novelty, antique, at perfume shops; toy stores [pero dapat sarado ang mga playgrounds at amusement areas]; music stores; art galleries [selling purposes]; at firearms & ammunition trading establishment.

Ayon kay DTI Secretary Ramon Lopez, pinapayagan na rin nila ang full operation ng mga nasa hanay ng Public at private construction projects.

Hanggang pitumpu’t limang porsiyento naman ang pinapayagang operasyon ng mga barbershops at salons.

Samantala, hanggang 24 oras na ang dine-in, take-out, at delivery services ng mga food establishments.

Lusot na sa Senate Committee on Justice and Human Rights ang panukalang batas na naglalayong itaas sa 16 na taong gulang ang age of sexual consent mula sa kasalukuyang 12 sa statutory rape.

Sa pagdinig ng komite, nagmosyon si Senate Majority Leader Juan Miguel Zubiri na aprubahan na ang panukala para maisalang sa plenary debates at sinegundahan naman ni Senadora Imee Marcos.

Ayon kay senate committee on justice and human rights Chairman Richard Gordon, isasaayos ang panukalang batas sa technical working group para magawan na niya ito ng committee report.

Oras na maging ganap na batas ito, ituturing nang statutory rape na may parusang hanggang reclusion perpetua ang pakikipagtalik ng adult o edad 21 pataas sa hindi pa sumasapit sa edad na 16.

Sinabi ni Zubiri, sa pamamagitan aniya ng panukala, mapipigilan ang pagsasamantala sa mga kabataan gayundin ang tumataas na kaso ng teenage pregnancy.

Samantala, iminungkahi nina Senadora Risa Hontiveros at Marcos na lagyan ng Romeo and Juliet clause ang panukala kung saan wala magiging criminal liability kung parehong menor de edad ang nagniig maliban na lang kung pinuwersa ang biktima.

Ibinasura ng mga kongresista ang alok ni House Speaker Alan Peter Cayetano na magbitiw sa puwesto bilang pinuno ng Kamara.

Sa kaniyang manifesto sinabi ni Anak Kalusugan Representative Mike Defensor na tutol siya sa offer of resignation ni Cayetano na sinegundahan naman ni Bulacan Representative Jonathan Alvarado.

Wala namang tumutol sa tanong ng presiding officer na si Deputy Speaker Raneo Abu kung mayruong hindi sumasang ayon sa manifestation ni Defensor.

Gayunman hiniling ni Defensor na magkaruon ng nominal voting na kinontra ni Surigao Representative Robert Ace Barbers.

Sa botong 184 yes, 1 no at 9 abstain hindi tinanggap ang offer of resignation ni Cayetano na nagsabing hindi siya indispensable bilang pinuno ng Kamara.

Ang pagbibitiw ni cayetano ay kasunod na rin nang girian nila ni Marinduque Congressman Lord Allan Velasco sa usapin ng house speakership.

Sinabi ni Cayetano na sa pulong nila ng Pangulong Duterte hiniling nitong sa Disyembre na isagawa ang pagpapalit ng speaker na hindi pinaboran ni Velasco na naggigiit na sa October 14 na ang pagpapalit ng liderato ng Kamara.

Maging si Buhay Partylist Representative Lito Atienza na supporter ni Velasco ay hindi bumoto pabor resignation ni Cayetano dahil sa October 14 pa ito dapat mag-resign.

Congressman Velasco to the President thst he is ready. I think the best time to prove it is now kung gusto mo ng September 30  sige. If our colleagues want you today ikaw na, let him show that he can pass the budget on time but more than let him show it is a great budge. ani Cayetano

Tinutulan ng mga kongresista ang pagbibitiw sa pwesto ni House Speaker Alan Peter Cayetano.

Sa kaniyang manifestation, inihayag ni anakalusugan Rep. Mike Defensor ang kaniyang pagtutol sa pagbibitiw ni Cayetano bilang pinuno ng Kamara.

Sinegundahan naman ito ni Bulacan Rep. Jonathan Alvarado at wala namang tumutol sa tanong ni Deputy Speaker Raneo Abu  kung mayroong hindi pabor sa manifestation ni Defensor.

Ngunit hiniling pa rin ni Defensor na magkaroon ng nominal voting kung saan nagkaroon ng resulta na 184 yes, 1 no at 9 abstain.

Iginiit ni Vice President Leni Robredo na hindi dapat masakripisyo ang kalidad ng edukasyon dahil na rin sa kawalan ng access sa blended learning ngayong may pandemya sa COVID-19.

Ito ang dahilan kaya’t iminungkahi ni Robredo sa Department of Education DepEd na ipatupad ang face-to-face classes sa mga lugar na walang naitatalang COVID-19 transmission.

Ayon sa Pangalawang Pangulo, hindi dapat ipilit ang modular learning sa lahat kung gagastos lamang ang mga magulang lalo’t mainipis ang apat na bilyong piso para sa distance learning na inaprubahan sa Bayanihan 2 Act.

Sa ilalim ng distance learning, mangangailangan ng laptop, internet connection at printed modules ang mga estudyante at guro.

Magsasagawa ng talumpati sa United Nations sa kauna-unahang pagkakataon ang Pangulong Rodrigo Duterte simula nang manungkulan siya noong 2016.

Ayon kay Presidential Protocol Robert Borje, sa susunod na linggo itinakda ang pahayag ng pangulo hinggil sa paninindigan ng Pilipinas para sa general debate ng UN General Assembly na nagsimula ng 75th Session nito noong isang linggo.

Ang pangulo ay una nang kinatawan sa nasabing event ng foreign secretaries ng bansa mula 2016 hanggang 2019.

Ang event ay gagawing virtual o online para makaiwas sa coronavirus disease 2019 (COVID-19).

Inaasahang makikiisa ang iba pang world leaders sa general debate na nakatuon sa pandaigdigang pagkakaisa para tugunan ang pandemya.

Magsasalita rin ang pangulo hinggil sa usapin ng US China tensions sa South China Sea na ang bahagi ay kini-claim ng Pilipinas.

Kumpiyansa si Senate President Vicente “Tito” Sotto III na darami pa ang listahan ng mga kakasuhang opisyal ng Philippine Health Insurance Corporation (PhilHealth).

Ito’y sa sandaling matapos na aniya ang ginagawang imbestigasyon ng Department of Justice (DOJ) hinggil sa kaliwa’t kanang katiwalian sa nasabing ahensya.

Sa panayam ng DWIZ kay Sotto, sinabi nito na kanilang sisikaping maipasok sa board of directors ng PhilHealth ang chairman ng Insurance Commission.

Una nang isinulong ni Sotto na gawing chairman of the board ng PhilHealth si Finance Sec. Carlos Dominguez subalit tumanggi ito.

Sagot ata ni Sec. Dominguez is ‘pass’, kapag pinasa namin yun may magagawa ba siya, um-oo ang Presidente ganun talaga. Meron na nga pala kaming idadagdag, suggestion ni Sen. Drilon magbabawas kami sa 11 member ng board hahanap kami ng isa dun na hindi masyadong mahalaga ipapalit namin yung Chairman ng Insurance Commission,” ani Sotto.

Sakaling makalusot na ang isinusulong nilang panukala na gawing chairman ng PhilHealth ang finance chief, idinagdag ni Sotto na aamiyendahan din nila ang batas na sumasaklaw dito para bigyang kapangyarihan na makaboto sa mahahalagang desisyon.

Hindi ko alam kung panahon ko yung nailagay ‘yon, nung ako’y nandyan sa Senado pero dinadamay ko na yung sarili ko. Isipin mo nailagay namin non-voting yung chairman? Kailan nangyari yun, 13 sila o 11 ba sila? Kaya  nga odd number ‘yon para kapag  may tie yung chairman yung magbe-break ng tie, bakit nilagay ninyong non-voting?,” ani Sotto. — panayam mula sa Usapang Senado.