HOT STORIES OF THE WEEK

Walang dagdag na kaso ng COVID-19 o clustering of cases na na-monitor ang OCTA Research Group, isang linggo makalipas ang 2022 National and Local Elections.

Ito ayon kay Professor Guido David, Fellow ng OCTA Research bagamat mayruong mga maliliit na pagsirit ng impeksyon na nawala rin naman.

Sinabi ni David na wala pang maituturing na sustained increase ng COVID-19 mula sa mga naganap na campaign rallies na nagsimula noong Pebrero.

Wala pa aniya silang na o obserbahang clustering of cases ng COVID-19 bagama’t may mga nagsasabing maghintay ng dalawang linggo para malaman kung may epekto nga ba ang campaign period sa kaso ng COVID-19.

Dapat na isama ng bagong administrasyon sa unang ika-100 araw nito ang patuloy na COVID-19 vaccination drive.

Ito ang iminungkahi ni National Task Force (NTF) Against COVID-19 Medical Adviser Dr. Ted Herbosa sa isa sa mga pinakamahalagang gagawin ng papasok na administrasyon.

Iginiit din niya na ang magandang COVID-19 situation sa bansa ay dahil sa vaccination effort ng pamahalaan.

Hangad naman ni Herbosa na maipagpatuloy at maabot ang target na mabakunahan ang 90 million population at dapat na makatanggap ng booster dose.

Halos 74% na ng Certificate of Canvass (COCs) ng mga boto para sa presidential at vice presidential race ang natanggap na ng senado.

Ayon sa Senate Public Relations and Information Bureau (PRIB), kaninang 7:11 ng umaga, 128 COCs o 73.99% na ang nai-deliver sa mataas na kapulungan.

Mula ang mga COC sa Quezon Province, Isabela, Mountain Province, Lapu-Lapu City, Davao Del Norte, General Santos City, Sultan Kudarat at North Cotabato.

Samantala, natanggap na rin ng Senado ang mga COC ng Overseas Absentee Voting (OAV) mula sa India, Lebanon at Italy.

Walang gustong personal na tumestigo sa ilang reklamo ng vote buying noong nakaraang halalan.

Ayon kay COMELEC Commissioner Aimee Ferolino, nakatanggap ng mahigit isang libong mensahe ang Anti-Vote Buying Task Force na ‘Kontra Bigay’ sa pamamagitan ng Facebook at email pero marami sa mga alegasyon ang walang ebidensya.

Dahil dito, hindi aniya maaaring magsagawa ng imbestigasyon ang COMELEC.

Samantala, ilan sa mga mensahe ay nagpahayag lamang ng pagkadismaya sa eleksyon o “mang-insulto” sa poll body.

Hindi na talaga napigilan ang pag akyat din ng presyo ng bigas sa pagsirit ng halaga ng langis sa world market.

Ayon ito kay Cathy Estavillo, Spokesperson ng Grupong Bantay Bigas ay nanatili o hindi na rin umusad sa 12 pesos ang farm gate price ng butil ng palay.

Sinabi sa DWIZ ni Estavillo na matinding sakripisyo na ang ginagawa ng mga magsasaka para lamang makapagbigay ng maayos na butil sa hapag kainan.

Tila imposible na rin aniya ang nakasaad sa Republic Act 11203 o Rice Liberalization Law na mapababa sa 25 pesos ang kada kilo ng bigas.

Natutuwa ang Alliance of Concerned Teachers (ACT) sa hakbangin ng COMELEC para madagdagan ang honoraria ng mga nagsilbi nitong nakalipas na eleksyon.

Sinabi ng ACT na makatuwiran ang pahayag ng COMELEC na target nitong maglabas ng 20 million pesos para sa dagdag honoraria ng mga guro kapalit na rin anito ng hindi matawaran pagod nila nitong halalan.

Positibo naman ang Teachers Dignity Coalition (TDC) na hindi na paghihintayin ng COMELEC ang mga guro at kaagad nang ibibigay ang nasabing dagdag benepisyo.

Abiso sa mga motorista!

Magpapatupad ng rollback ang ilang kumpanya ng langis bukas, araw ng Martes.

Sa magkakahiwalay na anunsyo, sinabi ng Pilipinas Shell Petroleum Corp. at Seaoil Philippines Inc., na may bawas presyo na apatnapung sentimo sa kada litro ng gasolina, P3.10 sa kada litro ng diesel, at P2.10 sa bawat litro ng kerosene.

Ipatutupad rin ng Cleanfuel ang kaparehong halaga maliban sa kerosene na wala sila.

Ala sais bukas ng umaga epektibo ang nasabing price adjustment maliban sa Cleanfuel na magpapatupad ng bawas presyo dakong alas 8:01 ng umaga.

Sa datos ng Department of Energy, umabot sa P22 kada litro ang itinaas sa presyo ng gasolina, P34.50 sa kada litro ng diesel, at P29.75 sa kada litro ng kerosene.

Tutol si Senior Citizens Party-list Representative Rodolfo Ordanes na buwagin ang party-list system sa bansa tulad ng nais ng Pangulong Duterte.

Subalit nilinaw ni Ordanes na pabor siyang masuri ang sistema at kung mayroong sapat na basehan ay maisulong ang reporma.

Katuwiran ni Ordanes, kapag binuwag ang Partylist system, madedehado ang marginalized sector ng lipunan dahil mawawalan sila ng representasyon sa mababang kapulungan ng kongreso tulad niya na kumakatawan sa mga nakakatandang populasyon ng bansa.

Tinukoy din ni Ordanes ang mga isinulong niyang panukala sa kamara tulad nang pagtatatag sa National Commission of Senior Citizens at ang P1-K buwanang pensyon sa mga Indigent senior citizens partikular sa mga mahihirap na senior citizens at ang tanging patunay lang na kailangan ay wala silang regular na pinagkakakitaan.

Sa huling datos tinatayang may P12-M senior citizens sa bansa at kalahati sa mga ito ang walang pensyon.

Nag-concede na sa mayoral race si Mayor Pedro Zayco ng Kabankalan City, Negros Occidental.

Sa isang pahayag, hinimok ng alkalde ang mga mamamayan na suportahan ang mga bagong opisyal ng siyudad.

Pinasalamatan rin nito ang kabankalanons sa ibinigay nitong oportunidad sa kanya at maging sa suportang iginawad ng mga ito sa kanyang administrasyon.

Mababatid na natalo si Zayco ni Benjie Martabu Miranda sa May 9 polls, makaraang makakuha ito ng 36,889 votes habang si Zayco naman ay mayroong 36,611 votes lamang.

Good news sa fur parents!

Pinapayagan na ring makasakay ng MRT-3 ang ilang domesticated animals tulad ng mga Aso at Pusa.

Paalala ng pamunuan ng MRT-3 sa mga mananakay, dapat na nakasuot ang mga ito ng diaper at nasa enclosed pet carrier na hindi lalagpas sa  2 ft by 2 ft.

Isang alagang hayop lamang kada pasahero ang maaaring isakay at hindi rin maaaring pakainin ang mga ito habang nasa biyahe.

Hindi rin dapat nito punan ang upuang nakalaan para sa ibang pasahero at kinakailangang sagutan ng pet owners ang waiver form na nagsasaad na walang anumang pananagutan ang MRT-3 sa anumang pagkawala o pinsala dulot ng pagsakay ng alagang hayop sa tren.