Pumalo na sa mahigit 3M ang nationwide tally ng COVID-19.
Ito’y matapos makapagtala ng 225 kung saan bahagyang tumaas ang aktibong kaso ng virus sa 2, 441 mula sa 2,334 noong Huwebes.
Nasa 117 naman ang naitalang bagong COVID-19 recoveries kung saan umakyat na sa 3, 628, 217 ang kabuuang bilang ng gumaling sa sakit.
Samantala, umakyat na sa 60,456 ang nasawi sa COVID-19 matapos madagdagan ng isa kahapon.
Nagsagawa ang ilang personnel ng Department of Public Works and Highways (DPWH) at ilang ahenisya ng pamahalaan ng ocular inspection sa National Museum.
Ito’y kasunod ng nalalapit na panunumpa ni President-elect Ferdinand “Bongbong” Marcos Jr., sa a -30 ng Hunyo bilang ika-17 Pangulo ng Pilipinas.
Inikot ng mga tauhan ng DPWH na pawang miyembro ng Inauguration Committee ang labas at loob ng National Museum partikular sa Old Legislative Building.
Siniguro rin ng Inauguration Committee na maayos ang mga itinayong platform, at mga lugar na pagpu-pwestuhan ng mga dadalo sa panunumpa President-elect Marcos Jr.
Samantala, una nang nag-abiso ang pamunuan ng National Museum na pansamantalang isasara ang National Museum of Fine Arts na magsisimula sa Lunes, June 6 hanggang July 4 bilang paghahanda at pagsasaayos ng Inauguration Committee.
Nadetect ang unang dalawang kaso ng Omicron subvariant na BA.5 sa dalawang taong mula sa Central Luzon.
Ayon kay DOH Undersecretary Maria Rosario Vergeire, walang naitalang travel history ang mga naturang pasyente maliban sa pagpunta sa kanilang polling precinct sa Metro Manila.
Ani Vergeire, agad na naghiwalay ang mag-asawa matapos makaranas ng ubo at sipon at ngayon ay asymptomatic at nakarecover na rin.
Dagdag pa ni Vergeire, mayroong dalawangg close contacts ang naturang mga pasyente kung saan patuloy na nag-a-isolate matapos magpositibo ang isa sa mga ito sa virus.
Matatandaang, nuong nakaraang buwan ay nakapag-ulat ang DOH ng unang omiCron BA.4 subvariant sa isang Returning Filipino mula sa Middle East.
Inihayag ni Customs Assistant Commissioner Vincent Maronilla na nakabalik na sa pre-pandemic level ang revenue collection ng Bureau of Customs (BOC).
Dagdag ni Maronilla, dahil mas mataas na ang target collection ng BOC para sa taong ito, kumpara noong 2019, na hindi pa tumatama ang pandemiya sa bansa.
Maliban aniya rito, mas mataas rin ang nakulekta nilang revenue sa unang limang buwan ng 2022, kumpara sa unang limang buwan ng 2019.
Magugunitang na sa kasalukuyan, nasa higit P322-B na ang naku-kulekta ng Customs.
Hindi pa inirerekomenda ang pagtuturok ng booster shot kontra COVID-19 sa mga indibidwal na may comorbidities at iba pang sektor .
Ito ang binigyang diin ni Department of Health Undersecretary Maria Rosario Vergeire kung saan sa ilalim ng Emergency Use Authorization, ang second Booster shots ay para lamang sa mga senior citizen, healthcare workers, at immunocompromised na indibidwal.
Ani Vergeire, wala pang nakukuhang rekomendasyon para mabigyan pa ang ibang sektor ng populasyon.
Nasa 631 na ang kaso ng Leptospirosis na naitala mula Enero hanggang a- 7 ng Mayo.
Inihayag ng Health Department na ang naturang bilang ay mas mataas ng 6% kumpara sa mga naiulat nuong nakaraang taon.
Nakapagtala naman mula March 13 hanggang April 30 ng mahigit 300 kung saan mas mataas ng 193% kumpara nuong nakaraang taon.
Nakitaan naman ng pagtaas ng Leptospirosis ang Cagayan Valley, Bicol Region, Western Visayas, Eastern Mindanao at Car mula April 10 hanggang May 7.
Samantala nagpaalala naman ang DOH sa publiko na iwasan ang naturang sakit sa pamamagitan ng pagiwas sa baha.
Malabong maging pandemic ang monkeypox virus.
Ito ay ayon kay Department of Health (DOH) Undersecretary Maria Rosario Vergeire kung saan mismong ang World Health Organization (WHO) ang nag-anunsiyo umano nito.
Samantala, nilinaw rin ni Vergeire na ang monkeypox ay madaling maiwasan kaya walang dapat ikabahala ang publiko.
Una nang sinabi ng kagawaran na patuloy pa rin ang pagtuklas ng bakuna ng mga eksperto kontra monkeypox.
Pinapayuhan din ang mga may sintomas nito na agad na mag-isolate at magpa-konsulta sa doktor.
Dismayado ang Land Transportation Franchising and Regulatory Board (LTFRB) kasunod ng reklamo ng ilang driver at operators na hindi pa nababayaran sa ilalim ng Service Contracting Program o Libreng Sakay ng naturang ahensya.
Ayon kay LTFRB Executive Director Cristina Cassion na kahit nade-delay ng isa o dalawang linggo ang sahod, ay regular naman sila anya nagbabayad sa mga nasabing driver.
Sa katunayan aniya ay sa loob ng pitong linggo, ay nakapaglabas na ang LTFRB ng kabuuang P2.9-B.
Giit ni Cassion, na walang katotohanan na hindi nagbabayad ang LTFRB sa mga driver.
Naniniwala ang Department of Information and Communications Technology (DICT) na dapat magkaroon ng mas malakas na Digital Police at Digital National Bureau of Investigation (NBI) ang bansa.
Ito ay ayon kay DICT Secretary Ivan John Uy, na layon nitong labanan ang mga online scammer na laganap na ngayon.
Ani Uy, mayroon namang mga pagsasanay ang law enforcement agencies subalit kailangan pang mapaghusay at pumili ng mga tamang taong gagawa nito.
Kasunod nito, naniniwala si Uy na malaking hamon sa papasok na administrasyon ang pagsawata sa isyu ng Cybercrimes.
Tumatanggap pa ang Philippine Health Insurance Corp. (PHILHEALTH) ng mga healthcare facilities na magiging bahagi ng Konsulta Package providers ngayong 2022.
Ayon kay PHILHEALTH President at CEO Atty. Dante Gierran, sa pamamagitan nito, masisigurong patuloy na lalawak ang access ng mamamayan sa Konsultasyong sulit at tama (Konsulta) Package na siyang primary care benefit ng state health insurer.
Ang accreditation sa Konsulta Package providers ay alinsunod na rin sa Republic Act 11223, o Universal Health Care (UHC) Act.
Para makapagpa-accredit, pinapayuhan ang mga Health facilities na magsumite ng kaukulang requirements sa pinakamalapit na Local Health Insurance Office (LHIO).