HEADLINES

As Metro Manila grapples with severe flooding caused by Tropical Cyclone Carina and the Southeast Monsoon, SM Foundation has activated its Operation Tulong Express (OPTE) to aid affected communities.

The capital region was placed under a state of calamity on Wednesday, with several areas in Metro Manila and nearby provinces submerged due to overflowing rivers and dam releases.

Responding to this, SM Foundation has begun distributing over 4,000 Kalinga Packs containing essential goods to hard-hit areas in Rizal province, including Angono, Masinag, San Mateo, and Taytay, as well as in Manila City and Quezon City.

The SM Group is set to expand its OPTE activation to other areas in need. Additionally, SM Supermalls have set up OPTE booths for community participation and are providing free overnight parking, WiFi, phone charging stations, and help desks in affected locations.

Inanunsyo ni First Lady Liza Araneta-Marcos na nakatakda nang buksan sa lalong madaling panahon ang isang presidential museum sa Baguio Mansion House.

Sa pasilip sa website na museums.gov.ph, makikita sa Malacañang Heritage Museum ang pitong galleries na nagtatampok sa artifacts at historical timelines ng mga naging presidente ng Pilipinas, kabilang na ang kasalukuyang pinuno ng bansa na si Pangulong Ferdinand Marcos Jr.

Bukod sa galleries, magkakaroon din ng souvenir shop para sa mga lokal at dayuhang turista ang Malacañang Heritage Museum.

Pagbibigay-diin ng Unang Ginang, layon ng naturang museo na hikayatin ang bagong henerasyon ng mga Pilipino na mahalin ang kanilang bansa.

Itinayo noong 1908 ang The Mansion na matatagpuan sa kahabaan ng Romulo Drive sa Baguio City.

Nauna itong nagsilbi bilang summer residence para sa American governors-general bago ang World War II. Sa kasalukuyan, nagsisilbi itong official summer residence ng pangulo.

Higit sa 25,000 na magsasaka sa Iloilo ang makikinabang sa dagdag at walang tigil na suplay ng tubig na dala ng Jalaur River Multipurpose Project Stage II (JRMP II).

Sa inagurasyon ng naturang proyekto ng National Irrigation Administration (NIA), ibinahagi ni Pangulong Ferdinand Marcos Jr. na sa tulong ng JRMP II, tataas ang produksyon ng bigas sa Western Visayas ng 160,000 metric tons kada taon.

Makapagbibigay rin ito ng 6.6 megawatts ng hydroelectric power na makatutulong naman sa suplay ng kuryente sa isla ng Panay.

Ang JRMP II ang pinakamalaking water reservoir project sa labas ng Luzon na may habang 80 kilometro at may service area na 31,840 hectares.

Naniniwala naman si Pangulong Marcos na higit nitong mapauunlad ang sektor ng agrikultura at maging ang ekonomiya sa rehiyon sa oras na makumpleto at maging operational ito sa susunod na taon.

PINANGUNAHAN ni Pangulong Ferdinand Marcos Jr. ang pagpapasinaya sa Mariveles-Hermosa-San Jose (MHSJ) 500 Kilovolt transmission line ng National Grid Corp. of the Philippines (NGCP) sa Bataan.

Sa kanyang speech, sinabi ni PBBM na sa sandaling maging operational na ang linya ay mas mapapalakas nito ang power transmission services hindi lang sa Region 3 kundi maging sa Metro Manila.

Kokonekta naman ang transmission line sa iba pang proyekto sa Bataan gaya ng Battery Energy Storage System sa Limay na napasinayaan noong nakaraang taon at Bataan-Cavite Interlink Bridge.

Ang MHSJ 500 Kilovolt (kV) ay ginastusan ng P20.94 bilyon at inaprubahan ng Energy Regulatory Commission (ERC).

Ayon kay Pangulong Marcos, bahagi ng proyekto ang mahigit 275.6 circuit kilometers na overhead lines na mayroong 395 towers at 2 bagong substations.

Ang MHSJ transmission line ay may kabuuang transmission capacity na 8,000 megawatts (MW).

“This way, we can meet our increasing energy demand, encourage technological advancements, and produce more employment opportunities for our people,” ayon sa Pangulo.

Samantala, ipinagmalaki naman ni NGCP President Anthony Almeda na nasa 59 million households at iba pang power consumers ang magbebenepisyo sa MHSJ bilang backbone facility na magpapatatag pa ng power transmission services sa Luzon.

“This critical backbone provides a new high voltage link capable of transmitting a total of 8,000MW of power from power plants in Bataan and Zambales,” ani Almeda.

Kasabay nito, nagpasalamat din si Almeda kay Pangulong Marcos bunsod ng commitment nito na mapahusay pa ang imprastruktura sa bansa na naging dahilan upang makumpleto ang ilang NGCP big-ticket projects sa nakalipas na 12 buwan, kabilang ang Mindanao-Visayas Interconnection, Cebu-Negros-Panay 230kV Interconnection, at ang bagong 500kV line sa Bataan.

“Marami na pong nagawa ang NGCP, at marami pa kaming gagawin para makatulong na maiangat ang ekonomiya ng bansa. Asahan n’yo po na kaisa ng gobyerno, lagi kaming nakahandang tumulong at sumuporta,” pahayag pa ni Almeda.

Halos P28 billion na halaga ng tulong pinansyal at serbisyo ang ipinamahagi ni Pangulong Ferdinand Marcos Jr. sa Timog Katagalugan.

Sa kanyang talumpati sa Cavite, sinabi ni Pangulong Marcos na naglabas ang administrasyon ng P9.9 billion para sa Philippine Rural Development Plan na magsusulong sa moderno at climate-smart agriculture at fishery sector sa rehiyon.

Namigay naman ang Department of Social Welfare and Development (DSWD) ng P11.23 billion na ayuda para sa mga benepisyaryo ng Pantawid Pamilyang Pilipino Program (4Ps), senior citizens, at iba pang lubos na nangangailangan; habang nagkaloob ang Technical Education and Skills Development Authority (TESDA) ng mahigit P28 million na halaga ng scholarship.

Dagdag pa rito, nagpaabot ng tulong ang Department of Trade and Industry (DTI), Commission on Higher Education (CHED), at iba pang ahensya ng pamahalaan sa rehiyon.

KAHIT maituturing na isang positibong hakbang ang dagdag na P35 sa minimum wage sa Metro Manila ay hindi ito sasapat para sa araw-araw na gastusin ng mga manggagawa.

Giit ni Atty. Filemon Ray Javier, tagapagsalita ng Trabaho Partylist, isinaalang-alang din ng National Capital Region-Regional Tripartite Wages and Productivity Board sa pagppasya sa wage hike ang kakayahan ng mga employer.

Sinabi ni Javier na sa mga susunod na dagdag-sahod, dapat ay sapat na para sa mga nagtatrabaho, at “sustainable” o mapapanatili at masusuportahan ng mga employer at nagnenegosyo.

Mas mainam din aniya kung magkakaroon ng regular at napapanahong pagsusuri at pagdaragdag sa minimum wage rates.

Subalit maliban sa wage increase, sinabi ng Trabaho Partylist na marami pang hakbang na kailangang gawin ng gobyerno para sa kapakanan ng mga manggagawa.

Kamakailan, sinabi ng grupo na hindi dapat nakadepende lamang sa dagdag-sahod para matugunan ang mga pang-araw-araw na pangangailangan ng mga pamilyang Pilipino.

Binigyang-diin na kinakailangan na madagdagan at mapabuti pa ang mga non-wage benefits, kagaya ng health insurance, pagbibigay ng regular na training at job upskilling, at pagpapalawig ng paid leaves at flexible working arrangements para sa mga manggagawang higit na nangangailangan nito.

Naging matagumpay ang paglulunsad ng P29 rice program ni Pangulong Ferdinand Marcos Jr.

Ito ang binigyang-diin ni Department of Agriculture (DA) Assistant Secretary Genevieve Guevarra.

Ayon kay ASec. Guevarra, tuwang-tuwa ang mga benepisyaryo ng naturang programa dahil nabigyan sila ng pagkakataon na makabili ng dekalidad na bigas sa murang halaga.

Matatandaang inilunsad kamakailan ang rice program ni Pangulong Marcos sa sampung Kadiwa stores sa Quezon City, Marikina, Taguig, Caloocan, Valenzuela City, at Bulacan.

Iniaalok ang P29 per kilong bigas sa vulnerable sectors o sa mga lubos na nangangailangan, kabilang na ang senior citizens, persons with disabilities (PWDs), at solo parents.

Kaugnay nito, kinilala ni La Union 1st District Rep. Francisco Paolo Ortega V ang malaking tulong ng programa ni Pangulong Marcos sa ekonomiya at lipunan. Aniya, sumasalamin ito sa pangako ng administrasyon sa pagharap sa inflation at pagbibigay ng agarang tulong sa mga nangangailangan.

Nauna pa rito, nangako si Pangulong Marcos na gagamit ang pamahalaan ng makabagong teknolohiya upang matiyak ang matatag na suplay ng bigas sa bansa sa abot-kayang halaga.

Mainit na tinanggap ni Pangulong Ferdinand Marcos Jr. si Vatican Secretary for Relations with States and International Organizations Archbishop Paul Gallagher sa Malacañang bilang bahagi ng limang araw na pagbisita ng Vatican official sa Pilipinas.

Sa kanyang courtesy call, ipinaabot ni Archbishop Gallagher ang pagbati ni Pope Francis kay Pangulong Marcos at sa sambayanang Pilipino.

Aniya, nagpapasalamat si Pope Francis sa mga Pilipino para sa kanilang mga kontribusyon sa Simbahang Katolika, hindi lamang sa bansa kundi pati na rin sa buong mundo.

Ipinahatid din ni Pangulong Marcos ang kanyang malugod na pagbati sa Santo Papa, habang binigyang-diin niya ang masigla at matibay na relasyon sa pagitan ng Pilipinas at Holy See na itinatag mula pa noong 1951.

Sa usapin naman ng kinakaharap na isyu ng Pilipinas sa pinag-aagawang teritoryo sa West Philippine Sea, nanawagan si Archbishop Gallagher sa pagkakaroon ng mapayapang solusyon at pagsunod sa international law.