HEADLINES

Inihayag ng Philippine College of Physicians o PCP na kasalukuyan nang hinaharap ng Pilipinas ang fourth wave ng COVID-19.

Sinabi ni PCP President Dr. Maricar Limpin na kung isasama ang unang outbreak sa bansa noong Abril, maituturing na pang-apat na wave na ang nararanasan ng bansa ngayon.

Binase rin umano niya ang pahayag mula sa isang article kung saan sinasabing nakaranas ng first wave ang bansa noong April 2020.

Habang naranasan naman umano ang pangalawang wave noong Hunyo hanggang Agosto 2020, at ika-3 wave noong Abril 2021.—sa panulat ni Hya Ludivico

Inanunsyo ni Los Baños Mayor Antonio Kalaw na nagpositibo siya sa COVID-19.

Ayon sa Alkalde, pansamantalang sarado ang kanyang opisina at naka-quarantine ang kanyang mga staff at naging close contact.

Bagaman walang nararamdamang sintomas ng COVID-19 sa ngayon, itinalaga ni kalaw si Vice Mayor Josephine Sumangil-Evangelista bilang Officer-In-Charge habang siya’y naka-quarantine mula Setyembre 19 hanggang Oktubre 2.

Pinaalalahanan naman ng Alkade ang mga residente na maging maingat at sumunod sa minimum health protocols.—sa panulat ni Hya Ludivico

Nagpositibo sa sakit na COVID-19 ang aabot sa 500 mga nurse sa lalawigan ng Ilocos, Sur.

Ayon sa head ng Ilocos Sur Medical Society na si Dr. Jun Tagorda, aabot sa 10 doktor ang tinamaan ng COVID-19 habang ang iba naman ay mga nurse.

Dagdag pa ni Tagorda, nakakaranas ngayon ng moderate o severe symptoms ang mga health workers na tinatamaan ng nakakahawang sakit.

Samantala, umabot naman sa tatlong libo ang aktibong kaso at patuloy paring tumataas ang COVID-19 cases sa lalawigan.

Humiling naman ang mga nurse na higpitan ang quarantine restriction o isailalim sa Enhance Community Quarantine ang lalawigan ng Ilocos, Sur.

Sa ngayon, problemado ang mga LGUs dahil nagkukulang ang mga beds sa ilang mga ospital maging ang mga community isolated units o quarantine units sa lugar.—sa panulat ni Angelica Doctolero

 Welcome sa DEPED ang pasya ni Pangulong Rodrigo Duterte na payagan ang pilot implementation ng limitadong face-to-face classes sa mga low risk area.

Ayon kay Education Secretary Leonor Briones, isang magandang senyales ang pagbabalik ng limitadong face-to-face classes sa sektor ng edukasyon sa gitna ng COVID-19 pandemic.

Nasa isandaang pampublikong paaralan at dalawampung pribadong paaralan anya ang target para sa pisikal na klase.

Nilinaw naman ni briones na iba ang face-to-face na konsepto ngayon sa face-to-face na noon lalo’t ini-schedule ito nang husto at mahigpit na imomonitor maging ang kilos ng mga estudyante.

Ang class size sa limitadong face-to-face classes ay may kapasidad lamang na 12 hanggang 20 mag-aaral sa loob ng apat na oras.

Naka-depende naman ang pagsisimula ng pilot limited face-to-face classes sa paghahanda ng Local Government Units  at pahintulot ng mga magulang.—sa panulat ni Drew Nacino

Dagsa pa rin sa mga tanggapan ng COMELEC ang mga nais magparehistro at makaboto sa 2022 national elections, 10 araw bago matapos ang voter registration.

Kabilang sa dinumog ang COMELEC Office sa Arroceros, Maynila kung saan lahat ng nakapila ay may bitbit na mga dokumento para sa registration.

Tiniyak naman ng COMELEC na nasusunod ang health protocols sa kanilang mga tanggapan.

Nilinaw din ng poll body na bawat distrito ay may mga sariling patakaran gaya ng pagbabawal sa mag-walk-in at limitadong slots bilang pagtalima sa COVID-19 health protocol.—sa panulat ni Drew Nacino

Nananatili sina Senator Cynthia Villar at Manny Pacquiao bilang pinaka mayamang sa Senador batay sa kanilang 2020 Statement of Assets, Liabilities and Net worth o SALN.

Nangunguna si Villar na may P3.87 bilyong net worth na sinundan ni pacquiao sa P3.18 bilyon hanggang noong Disyembre 2020.

Pangatlo si Senate President Pro Tempore Ralph Recto na may P581 milyon na sinundan ni Senate Majority Leader Juan Miguel Zubiri na may P220.7 milyon.

Samantala, panglima naman si Senator Ramon “Bong” Revilla Junior, 179.9 milyon; Sonny Angara, 150.8 milyon; Franklin Drilon, 106.8 milyon; Grace Poe, 101.3 milyon;

Sherwin gatchalian, 91.2 milyon; Vicente Sotto III, 85.6 milyon; Pia Cayetano, 84.5 milyon; Richard Gordon, 77.5 milyon; Lito Lapid, 74.9 milyon;

Francis Tolentino, 59.8 milyon; nancy binay, 59.7; Panfilo Lacson, 58.3 milyon; Aquilino “Koko” Pimentel, 37.2 milyon; Imee Marcos, 36.2 milyon;

Ronald “Bato” Dela Rosa, 34.3 milyon; Joel Villanueva, 33 milyon; Francis “Kiko” Pangilinan, 23.9;  Bong Go, 22.2 milyon; Risa Hontiveros, 16.7 milyon habang pinaka-mahirap si Senador Leila De Lima na may P9.5 milyon net worth.—sa panulat ni Drew Nacino

Nananatili si Senator Manny Pacquiao sa selection process ng opposition coalition na 1Sambayan.

Ito’y sa kabila ng pagtanggap ni pacquiao ng nominasyon ng Partido ng Demokratikong Pilipino-Laban bilang Presidential candidate ng kanilang partido.

Ayon kay 1Sambayanan Convenor at dating CHR Chairperson Etta Rosales, noon pa naman nila nakausap si Pacman at nagpahayag ito ng kahandaang makipag-dayologo.

Nakipag-dayalago na rin anya sa kanila sina Vice President Leni Robredo at Manila Mayor Francisco “Isko Moreno” Domagoso.

Samantala, inihayag ni Rosales na dapat pa ring linawin ng COMELEC kung sino ang kikilalanin sa dalawang PDP-Laban faction bago pa ang 2022 national elections.—sa panulat ni Drew Nacino

Nagsagawa ng protesta ang mga madre at staff ng St. Scholastica’s College sa Maynila kasabay ng paggunita ng ika-49 na anibersaryo ng deklarasyon ng martial law.

Gamit ang maliliit na bell at iba pang pampaingay ay nanawagan ang mga madre at mga personnel na itigil na ang korapsiyon sa bansa.

Bukod pa dito, dala-dala din nila ang mga placard na may nakasulat na “tumindig laban sa tiranya,” at “no more Duterte-Marcos in 2022.”

Patunay lamang ito na hindi nagugustustuhan ng publiko ang serbisyong ginagawa ng administrasyong Duterte.

Ayon sa ilang mga madre, bukod sa pagnanakaw ng pondo ay hindi din maayos ang pagtugon ng gobyerno sa gitna ng pandemiya.

Umaasa ang mga madre at tauhan ng eskwelahan na masusolusyunan at matututukan ang problema sa patuloy na pagtaas ng kaso ng COVID-19, pagdami ng mga nagkakasakit at kakulangan ng pondo pagdating sa pamamahagi ng ayuda.—sa panulat ni Angelica Doctolero

Nanawagan ang Filipino Nurses United o FNU na magkaroon ng mass hiring sa mga nurse ang pamahalaan matapos mabawasan ng 20 hanggang 40% ang required manpower sa mga health facility.

Bukod pa dito, sumisikip narin ang espasyo sa loob ng mga ospital dahil sa dami ng mga nagpopositibo.

Ayon kay FNU President Maristela Abenojar, patuloy na tumataas ang bilang ng COVID-19 cases sa bansa kung saan, pagod na pagod na ang mga nurse dahil sa sobrang oras ng kanilang serbisyo.

Dagdag pa ni Abenojar, matagal nang nagtitiis ang mga health workers sa maliit na pasahod ng gobyerno.

Panawagan ni Abenojar sa pamahalaan, itaas ang sahod at huwag abusuhin ang mga health care workers.—sa panulat ni Angelica Doctolero

Hindi pa pinapayagan ng DEPED ang mga estudyanteng nasa junior high school o grades 7 hanggang 10 sa pilot testing ng limitadong face-to-face classes.

Kabilang na rito ang 95 public elementary school, limang public senior high school at dalawampung private elementary schools.

Nilinaw ng DEPED na pinayagan lamang ang limited face-to-face classes sa mga low-risk area o mga lugar na may mababang kaso ng COVID-19.

Tatagal lamang ng dalawang buwan ang pilot implementation ng face-to-face classes.

Sa datos ng kagawaran, mahigit 47K ang public schools habang nasa 13K ang private schools sa buong bansa. —sa panulat ni Drew Nacino