HEADLINES

Inanunsyo ng Philippine Sweepstakes Office (PCSO) ang isang maswertweng mananaya  mula sa Malvar, Batangas ang kauna-unahang milyonaryo ng lotto games ngayong Oktubre, 2021.

Ito’y ayon kay PCSO General Manager Royina Garma, na tumatagingting na P8, 910, 000 halaga ng jackpot prize sa mega lotto 6/45, na binola n itong biyernes ng gabi at napalanunan ng lucky bettor nang matagumpay na mahulaan ang six-digit winning combination na 09-13-29-30-10-19.

Pinayuhan naman ni Garma ang maswerteng mananaya na magtungo sa punong tanggapan ng PCSO sa Mandaluyong City dala ang dalawang valid id’s at winning ticket para makuha ang premyo. —Sa panulat ni Airiam Sancho

Nagsumite ng mensahe ang ilang environment groups kay Chairman Sheriff Abas ng Commission on Elections (COMELEC) hinggil sa pagkakaroon ng pro-environment measures para sa Eleksyon 2022.

Ayon kay Ecowaste Coalition President Eileen Sison, hinimok nila ang Comelec na magkaroon ng hakbang upang mapanatili at maprotektahan ang kapaligiran kontra sa nagkalat na mga basura, gayundin ang plastic pollution, climate change at COVID-19.

Batay sa mungkahi ng mga grupo, dapat na irequire ang mga indibidwal at grupo na tatakbo sa eleksyon na sundin ang Ecological Solid Waste Management Act.

Kinabibilangan ng mga Grupong Ecowaste Coalition, Greenpeace Philippines, Mother Earth Foundation, Zero Waste Philippines, Cavite Green Coalition, Interfacing Development Interventions For Sustainability, Oceana Philippines, NASSA/Caritas Philippines, and Urban Poor Associates ang mungkahing ito. —Sa panulat ni Airiam Sancho

Panatag ang Blue Ribbon Committee sa kaligtasan ng Pharmally Official Executive na si Krizle Grace Mago matapos mapunta ang kustodiya nito sa House of Representatives.

Ayon sa mga senador, natanggal ang kanilang pangamba matapos muling magpakita si Mago sa ginagawang pag-iimbestiga ng Blue Ribbon Committee.

Sa kabila nito, patuloy na pinagdarasal ng mga senador ang kaligtasan ni Mago at tuluyan nang maisiwalat ang buong katotohanan sa isyu ng pandaraya sa petsa ng mga face shield at iba pang medical supplies na binili ng pamahalaan sa kumpaniya ng Pharmally.

Samantala, nakikipag-usap narin ang senado sa Kamara para sa pagharap ng mga resource person sa susunod na imbestigasyon kung saan, mauuna ang lower house sa hearing sa darating na Lunes habang sa Martes naman isasagawa ang pagdinig sa Senate Blue Ribbon. — Sa panulat ni Angelica Doctolero

Arestado ang dalawang lalaki matapos makuhanan ng dalawang milyong halaga ng iligal na droga sa Caloocan City.

Kinilala ang mga suspek na sina William Perez, 39-anyos at Lea Aguilar, 30-anyos na nakuhanan ng mahigit tatlumpung gramo ng shabu kasama ng buy bust money na ginamit sa pakikipagtransaksiyon at pitong pirasong P1,000 boodle money.

Ayon kay Caloocan Police Chief Col. Samuel Mina Jr., nakatanggap sila ng report mula sa isang concerned citizen na may iligal na aktibidad sa nabanggit na lugar.

Dito na hinuli ang mga suspek na ngayon ay nahaharap sa kasong paglabag sa Republic Act 9165 o Comprehensive Dangerous Drugs Act of 2002. — Sa panulat ni Angelica Doctolero