Humingi ng paumanhin ang Department of Health (DOH) hinggil sa pagkaantala sa pagpapalabas ng arawang COVID-19 case bulletin.
Ayon sa ahensya, bunsod ito ng technical issues sa COVID kaya.
Dahil dito, mga 8:30 hanggang 9:00 ng gabi pa nila maipalalabas ang updated cases.
Sinabi naman ng DOH na sa sandaling maayos na ang problema ay ibabalik din nila sa dating oras na alas-4 ng hapon ang pagpapalabas ng updated case bulletin. —sa panulat ni Hya Ludivico
Muling magkakaroon ng pagtaas sa presyo ng produktong petrolyo sa Martes.
Ayon sa Unioil Petroleum Phillipines, posibleng tumaas ng P2.00 hanggang P2.10 kada litro ang presyo ng diesel habang P1.40 hanggang P1.50 naman sa kada litro ng gasolina.
Kabilang sa mga kumpanyang nag-anunsyo ng dagdag presyo ay ang Chevron Philippines Inc. Ocaltex, Flying V, Petron Corp., Pilipinas Shell Petroleum Corp. at Seaoil Philippines Inc., na magpapatupad ng price hike na P0.55 sa kada litro ng gasolina, P0.90 sa diesel at P0.95 sa Kerosene.
Ito na ang ika-6 na sunod na linggong magkakaroon ng oil price hike.—sa panulat ni Hya Ludivico
Nanganganib na mawala ang interes ng mga botante sa posibilidad ng pagsabak sa 2022 presidential elections ni Davao City Mayor at Presidential Daughter Sara – Duterte Carpio.
Ito, ayon kay political analyst, Professor Julio Teehankee, ay kung patuloy na bibitinin ni Mayor Sara ang publiko hinggil sa tunay na plano nito sa halalan.
Magugunitang inamin muli ni Pangulong Rodrigo Duterte na tatakbo sa pagka-Presidente ang anak bagay na itinatanggi ni Mayor Inday o wala itong malinaw na tugon.
Napanood na anya ng publiko ang ganitong uri ng laro sa eleksyon kaya’t kung i-su-suspense ay maaaring bumaba ang rating ng Alkalde at mapunta sa ibang kandidato na may solidong supporters.
Noong sabado ay naghain si Carpio ng Certificate Of Candidacy para sa re-election bilang Davao City mayor sa kabila ng pagiging frontrunner sa halos lahat ng national presidential pre-election surveys. — Sa panulat ni Drew Nacino
Pumasok na rin ang Bureau of Jail Management and Penology – Sorsogon sa online selling upang matulungan ang mga bilanggong makabenta ng kanilang gawang produkto.
Ilan sa mga ibinebenta ng mga preso sa facebook page ng BJMP–Sorsogon ang mga native product, wallet na gawa sa beads, baskets, tissue holder at face mask na kanilang mga ginagawa.
Dahil ilang dalawang buwan na lamang bago mag-pasko, gumagawa na rin sila ng mga parol na may iba’t-ibang hugis at kulay.
Ayon kay Inspector Rodolfo Verzosa, jail warden ng BJMP- Sorsogon, hindi na sila nagdalawang isip na pasukin ang online selling para tulungan ang mga nakakulong.
Naapektuhan anya ng pandemya ang kanilang pagbebenta kaya’t pinasok na rin nila ang online selling.
Mabibili ang mga nasabing produkto sa presyong 40 hanggang 950 pesos hindi pa kasama ang delivery fee habang karamihan sa kanilang customer ay mula pa sa Bulacan, Eastern Visayas, Masbate at Metro Manila. — Sa panulat ni Drew Nacino
Nilinaw ng Commission on Elections na mga kandidato sa ilalim ng isang political party o mag-kapartido lamang ang maaaring magpa-substitute.
Gayunman, inihayag ni Comelec Spokesman James Jimenez na walang karapatan sa substitution kapag ang isang kandidato ay tumakbong independent.
Ayon kay Jimenez, hanggang Nobyembre a-kinse lamang ang filing ng certificate of candidacy para sa substitution at sa nasabing petsa rin ang deadline ng withdrawal.
Pagkatapos aniya nito ay posible pa rin ang substitution subalit may pagbabago sa patakaran mula sa voluntary withdrawals.
Bagaman puwede ang voluntary withdrawal, iginiit ng Comelec official na mayroon dapat statement of withdrawal ang isang kandidato.
Papayagan naman ang substitution matapos ang naturang petsa hanggang hatinggabi ng election day sa involuntary withdrawal o kung namatay o nadiskuwalipika ang isang kandidato. — Sa panulat ni Drew Nacino
Tinatayang isandaang katao ang tineketan ng Pasay City Police dahil sa paglabag sa safety protocol makaraang dumagsa at lumangoy sa Manila Bay.
Kabilang sa mga nagtampisaw ang mga bata sa bahagi ng Diokno Boulevard, dakong tanghali, kahapon.
Ayon sa Pasay City Police, halos hindi nasunod ang social distancing nang datnan nila ang mga tao sa naturang lugar na hindi agad napansin dahil natatakpan ng isang quarantine facility.
Pinagiba rin ang ilang barung-barong na napag-alamang tinitirhan ng ilang mangingisda mula Cavite. — Sa panulat ni Drew Nacino
Handa ang Department of Justice o DOJ na makipag-ugnayan sa Philippine National Police o PNP sa pagsasagawa ng regular na imbestigasyon sa mga drug war cases.
Ito ang inihayag ni Justice Chief Menardo Guevarra upang makita kung lehitimong isinagawa ang imbestigasyon kontra droga.
Dagdag ni Guevarra, posibleng magsanib puwersaang DOJ at NBI o National Bureau of Investigation para sa pagsasagawa ng regular na imbestigasyon sa hinaharap ukol sa illegal na droga.
Isiniwalat ito ni Guevarra matapos na mapag-alaman ng DOJ panel na tumutok ang PNP sa administrative accountability sa 52 drug war cases na kasalukuyang binubusisi.
”no comment”
Ito ang naging tugon ni Davao City Mayor Sara Duterte matapos tanungin hinggil sa kanilang tandem ni Senator Christopher “Bong” Go.
Una nang sinabi ni Pangulong Rodrigo Duterte na magtatambal sa pagkapangulo at bise presidente ang kanyang anak na si Mayor Sara Duterte ang si Sen. Bong Go ngunit hindi naman ito itinanggi o kinumpirma ng alkalde.
Magugunitang, noong sabado naghain ng Certificate of Candidacy o CoC si Inday Sara bilang re-electionist sa pagka alkalde ng Davao City kung saan ang magiging vice mayor nito ay ang kanyang kapatid na Baste Duterte.
Mas bumaba pa ang reproduction number ng Covid-19 sa National Capital Region o NCR plus 8.
Ayon kay OCTA Fellow Dr. Guido David, kahapon, October 2 ay bumagal pa sa 0.83 ang antas ng hawaan ng Covid-19 sa NCR mula sa 0.98 na naitala noong nakaraang linggo.
Dahil dito, sa pagtataya ng OCTA, posible pang bumaba ang maitatalang reproduction number sa rehiyon sa ikatlong linggo ngayong buwan.
Mababatid na ang reproduction number ay tumutukoy sa pupwedeng mahawaan ng isang indibidwal na positibo sa virus.
Samantala, sa kaparehong pag-aaral ng grupo, naitala naman ang pinakamataas na reproduction number sa Davao City na nasa 0.89, sinundan ng Pampanga at Rizal na may 0.85.
Nasa 0.74 naman ang reproduction number sa Batangas; 0.70 sa Bulacan; 0.68 sa Laguna; 0.66 sa Cebu City at 0.63 sa Cavite.
Sa huli, nagpaalala ang OCTA research sa publiko na sumunod pa rin sa umiiral na health protocols kontra Covid-19.
Aabot na sa animnapu’t dalawang milyon ang mga botanteng nakapagrehistro na para sa 2022 national at local elections.
Ito’y base sa pinakahuling datos ng Commission on Election o Comelec kahapon.
Sinabi ni Comelec Spokesperson James Jimenez, ang bilang ng nagpa-reactivate ng kanilang rehistro ay nasa higit walong daang libo habang na sa mahigit limang milyon naman ang mga bagong botanteng nagparehistro .
Posible aniyang madagdagan pa ito matapos palawigin ng ahensya ang voter registration hanggang sa a trenta ng Oktubre.
Sa ngayon, patuloy ang paghahain ng Certificate of Candidacy o CoC ng mga kakandidato sa susunod na halalan.
Samantala, nanawagan si Comelec Commissioner Rowena Guanzon sa publiko na samantalahin ang pinalawig na voter registration para sa karapatang bumoto.