HEADLINES

Naglatag ng mga panuntunan ang Bangko Sentral ng Pilipinas (BSP) para muling makabalik sa operasyon ang social media platform na Lyka.

Sinabi ng BSP na dapat ay mismong Lyka ang mag rehistro bilang Operator of Payment System (OPS) sa halip na ang marketing arm nitong digital spring marketing and advertising incorporated.

Kasunod na rin ito nang paninindigan ng BSP sa inisyung cease and desist order nitong Hulyo 23 laban sa digital spring na dapat ay mismong Lyka/til at hindi digital spring ang mag rehistro bilang OPS sa BSP.

Tinukoy ni BSP Deputy Governor Mert Tangonan na isang piloto ang OPS na siyang personal na magkakaruon ng lisensya para patunayan ang galing nito sa pagpalipad ng isang eroplano.

Magugunitang ang Lyka ay ginagamit ng users nito para magbigay ng gift cards sa pamamagitan ng electornic modes o gems bilang pambayad o pambili.

“Out” na sa 2022 Presidential Race si Davao City Mayor Sara Duterte-Carpio.

Ayon ito sa Pangulong Rodrigo Duterte na naniniwalang mayruon pang malaking oportunidad na naghihintay sa kanyang anak lalo aniya’y bata pa naman ito.

Sinabi ng Pangulo na totoo si Mayor Sara sa pasyang muling kumandidato bilang Alkalde ng lungsod.

Samantala ..inihayag ng Pangulo na last minute ang pagtakbo ni Senador Ronald Bato Dela Rosa dahil walang ulo ang PDP-Laban sa pinakamataas na National post.

Naniniwala ang Pangulo sa kakayahan ni Bato at mas mabuti aniyang isang military man ang mamahala sa bansa.

Bumuhos ang pagbati kay Veteran Journalist Maria Ressa matapos itanghal na Nobel Peace Prize Awardee sa taong ito matapos igiit ang Press Freedom sa ilalim ng Duterte administration.

Ayon sa Foreign Correspondents Association of the Philippines (FOCAP), ang panalo ni Ressa ay panalo rin ng Press Freedom Advocates ng bansa.

Binigyang diin naman ng National Union of Journalist of the Philippines (NUJP) na ang nasabing award ni Ressa ay magsisilbing inspirasyon sa iba pang mamamahayag na inaatake ang kalayaan sa pagsasalita.

Nagpaabot din ng pagbati kay Ressa maging sina UN Secretary General Antonio Guterres, dating US Secretary of State Hillary Clinton at Nobel Laureate Malala Youzafzai.

Sinabi ni Guterres na ang award ni Ressa ay pagkilala sa mahalagang papel ng journalists at pagpapagana ng mga efforts para sa isang Free, Independent and Diverse Media.

Pinuri ni Clinton si Ressa sa nakayanang tila pressure ng Duterte administration dito at paglaban sa pagpapakalat ng mga maling impormasyon sa Facebook.

Inihayag naman ni Yousafzai na malaking karangalan ang paglaban ni Ressa sa pagsusulong ng press freedom na dapat aniyang ituloy kasabay ang hamon sa mga lider na palakasin ang social systems.

Maging sina Canadian President Justin Trudeau at us President Joe Biden ay nagpaabot din ng pagbati kay Ressa maging sa kapwa Nobel Peace Prize Awardee na si Dmitry Muratov ng Russia.

Sumakabilang buhay na kaninang umaga si Commission on Human Rights (CHR) Chairperson Jose Luis Martin “Chito” Gascon.

Sa kanyang post sa Facebook, sinabi ni Miguel Gascon, kapatid ng opisyal na COVID-19 ang ikinamatay nito.

Si Gascon ay CHR Chairman simula pa nuong 2015 matapos italaga ng dating Pangulong Noynoy Aquino at nakatakdang mag tapos ang termino sa May 2022. —sa ulat ni Jaymark Dagala (Patrol 9)

Umalma si Manila Mayor Isko Moreno sa mga panawagan sa social media na pag atras niya sa 2022 Presidential Elections.

Iginiit ni Moreno na karapatan niyang tumakbo sa eleksyon dahil umiiral naman ang demokrasya sa bansa.

Tinawanan na lamang ng Alkalde ang nag trending na #withdrawisko at nagbiro pang tila pinawi withdraw ang kaniyang sahod.

Tiyak na muling mabubuhay ang ekonomiya ng bansa.

Binigyang diin ito ni Presidential Adviser for Entrepreneurship at Go Negosyo Founder Joey Concepcion matapos pasalamatan ang gobyerno sa pakikinig sa mga panawagang luwagan ang guidelines sa full vaccinated individuals.

Kasunod na rin ito nang inilabas ng IATF na bagong testing at quarantine protocols sa full vaccinated international passengers mula sa green at yellow list countries na pagsailalim sa RT PCT test at kaagad pauuwiin kapag nag negatibo at sa bahay na lamang magku quarantine sa loob ng limang araw.

Sinabi ni Concepcion na ang nasabing hakbang ay magandang pamasko na rin sa mga Pilipino.

Hindi na papayagan ng Commission on Election (COMELEC) na magpalit ng political party ang mga nakapaghain na ng Certificate of Candidacy.

Ito ang binigyang-diin ni COMELEC spokesperson James Jimenez, hindi na puwedeng magpalit ng political party ang isang kandidato lalo na’t tapos na ang filing ng COC.

Paliwanag pa ni Jimenez, kailangan umano i-withdraw ng kandidato ang kaniyang Certificate of Nomination and Acceptance (CONA) sa dating party at maghain ng panibagong CONA sa COMELEC.

Ngunit dahil tapos na aniya ang paghahain ng COC na may CONA, ang pagtutuunan na ng pansin ay yung substitution na hanggang 15 ng Nobyembre.

Nakaamba ang taas singil ng Meralco sa kuryente ngayong buwan.

Ayon sa Meralco, tatlong sentimo ang dagdag sa kada kilowatt hour kung saan katumbas nito ay anim na pisong dagdag sa Oktubre billing na kumokonsumo ng 200 kilowatt hour na ordinaryong kustomer.

Habang 14 na piso naman ang kumokonsumo sa 500 kilowatt hour.

Sinabi ng Meralco na ang rate adjustment ay dulot ng mataas na transmission charge.

Samantala, ito na ang ika-pitong sunod na buwan na nagtaas ng singil sa kuryente ang Meralco mula nuong Abril.

Asahan rin na may dagdag singil sa kuryente sa susunod na buwan dahil sa maintenance shutdown ng Malampaya plant.

Inihayag ng Health Department na walang kasiguraduhan kung patapos na talaga ang laban ng Pilipinas sa banta ng delta variant sa bansa.

Nilinaw ni Health Undersecretary Maria Rosario Vergeire na sa sampung nagpositibo sa COVID-19, siyam dito ang dinapuan ng delta variant.

Masasabi lamang na nakokontrol na ang pagkalat ng naturang virus kung bumababa na ang mga kaso at napuputol na ang chain of transmission o hawaan ng variant.

Sa ngayon aniya, ang nakikita pa lamang ng kagawaran at pagbaba ng mga kaso sa Maynila at ilang mga lalawigan.