HEADLINES

Posibleng mahirapan ang International Criminal Court (ICC) na mailabas ang katotohanan sa anti-illegal drug campaign ng administrasyong Duterte.

Ito’y ang inihayag ni presidential spokesperson Harry Roque, sakaling hindi magkaroon ng kooperasyon ang mga nasa likod ng umano’y paglabag sa karapatang pantao ay mahihirapang makakalap ng ebidensya ang mga prosecutor ng ICC.

Samantala, tiniyak ni Roque na kapag natapos ang naturang imbestigasyon ng Department of Justice (DOJ) ay kanila itong isasapubliko.

Magugunitang sinabi ng Malakanyang na walang hurisdiksyon ang ICC sa Pangulo dahil noong 2019 ay umalis na ang bansa sa Rome Statute na nagtatag ng ICC na walang aasahang kooperasyon ang mga prosecutor ng ICC mula sa ating panig.

Makakatanggap ng hazard pay ang mga empleyado ng Manila City hall matapos pirmahan ni Manila City Mayor Isko Moreno ang Ordinance No. 8779 kung saan, makakatanggap ng tig P500 kada araw ang bawat isang empleyado.

Ito ay bilang kapalit sa paggawa ng tungkulin ng mga empleyadong nagtatrabaho sa gitna ng enhanced community quarantine at modified enhanced community quarantine simula Marso 27, 2021 hanggang Mayo 14, 2021.

Sakop ng naturang ordinansa, ang mga regular, contractual, casual position na kawani ng city hall maging ang mga job orders na empleyado. — Sa panulat ni Angelica Doctolero

Sinabak sa puwesto ang 6 na mga pulis sa Pasay City matapos mapag-alamang pinalaya ang mga nahuling chinese national nanagmamaneho ng walang lisensya.

Kinilala ang 6 na mga pulis na sina, Major Crisanto Racoma, Lt. Noelson Garcera, SSGT. Johnvir Tagaca, Police Corporal Jayson Lunas, Jerson Bauzon At Christian Cadingan.

Ayon kay National Capital Region Police Office Director Major Gen. Vicente Danao Jr., ang mga pinalayang chinese ay nakuhanan din ng iba’t-ibang klase ng mga baril sa loob ng kanilang sasakyan.

Nabatid na ang mga sinibak na pulis ay pawang mga nakatalaga sa Pasay City Sub-Station-10 sa Mall of Asia (moa) na sasampahan ng kasong criminal obstruction of justice sa Pasay City prosecutor’s office.

Iniutos nadin ni Pasay Police Chief P/Colonel Cesar Paday-Os ang pagkumpiska sa mga service firearms ng mga sinibak na pulis. — Sa panulat ni Angelica Doctolero

Nilinaw ni Department of Health Undersecretary Spokesperson Dr. Maria Rosario Vergeire na naipamahagi na ng kanilang ahensya ang nasa P2.7 bilyong halaga ng undistributed medical supplies sa mga ospital sa bansa.

Ayon kay Vergeire ginagamit na ngayon ng mga pasyente ang mga supply na binili ng pamahalaan sa Pharmally at iba pang bansa.

Matatandaang sinita ni Senator Ping Lacson ang katiwalian ng kagawaran ng kalusugan kaugnay sa overstocking sa expired at near-expiration medicines na nagkakahalaga ng P2.7 billion kasama pa ang P2.2 billion pesos noong taong  2019. — Sa panulat ni Angelica Doctolero

Sasalain ng Commission on Elections (COMELEC) ang mga kakandidato para sa 2022 elections sa mga susunod na araw.
Ipinabatid ni COMELEC commissioner Rowena Guanzon, nasa kapangyarihan ng COMELEC kung isang panggulo o nuisance candidate ang isang kandidato.
Maaari rin aniya silang i-petisyon ng isang tao o isang grupo.
Paliwanag pa ni Guanzon, masasabing nuisance ang isang kandidato kung wala itong kakayahahang mangampanya nationwide o sa buong bansa gayundin ang mga hindi natural-born citizen.
Samantala, nilinaw ni Guanzon na walang limitasyon ang mga kandidato sa paghahain ng kandidatura kahit ilang beses na natalo sa mga nakalipas na halalan.

Inihayag ng Food and Drug Administration (FDA) na nasa edad na 18 taong gulang hanggang 30 ang nahahawaan pa rin matapos maturukan ng dalawang dose ng bakuna.
Base sa inilabas na datos ng FDA, nasa 90% ang mga nagkakaroon pa rin ng COVID-19 sa kabila ng fully vaccinated na umano ang mga ito.
Sinabi ni FDA director general Eric Domingo, na kahit nabakunahan na kontra COVID-19, patuloy na sumunod sa mga ipinatutupad na health protocols upang maiwasan ang pagkalat ng virus sa bansa.
Bukod dito, isa na rin sa dahilan kung bakit nangyayari ito ay karaniwang sa mga nasa edad na ito ang lumalabas at nakakasalamuha ng iba.
Bagama’t wala namang naitatalang namamatay sa mga nakakumpleto ng bakuna sa naturang edad, maaari nilang mahawa ang mga nakatatanda lalo na ang mga taong may comorbidity.

Ipinaliwanag ng Department of Health (DOH) ang mababang score ng Pilipinas sa Nikkei Asia COVID-19 recovery index.
Sinabi ni Health Undersecretary Maria Rosario Vergeire, noong mga panahon na sinuri at isinagawa ang analysis ng naturang survey. Nasa kalagitnaan ang Pilipinas ng pananalasa ng delta variant.
Dagdag pa ni Vergeire, ang programa sa pagbabakuna ng gobyerno ay naapektuhan rin ng pagtaas ng impeksyon dahil na rin sa mga kumakalat na variant sa bansa.
Noong Setyembre sa nangulelat ang Pilipinas sa global coronavirus recovery index kung saan mula sa 121 bansa, lumagpak sa 121st spot ang Pilipinas mula sa 120th rank noong Agosto 31 habang pumalit sa 120th ang Vietnam.
Kabilang sa pinagbatayan ng naturang survey ay ang mababang vaccination rate ng bansa kung saan 30% pa lamang ng populasyon ang nababakunahan.

Sinagot ng Department of Health (DOH) ang alegasyon hinggil sa mahigit P3-B undistributed medicine.
Ito’y matapos sabihin ni senator Panfilo Lacson na mayroong sindikato sa likod ng overstocking sa expired at near-expiration medicines na nagkakahalaga ng P2.7-B kasama ang P2.2-B noong 2019.
Ayon kay health undersecretary Maria Rosario Vergeire, isinumite na nila sa senado ang kanilang paglilinaw ukol dito at naipatupad na rin ang rekomendasyon ng Commission on Audit.
Sinabi pa ni Vergeire, na naibigay na sa mga ospital ang mga naturang gamot at nakuha na rin ng mamamayang Pilipino.

Bumaba sa 30 barangay na lamang sa lungsod ng Maynila ang nasa ilalim ng granular lockdown.
Batay sa datos na inilabas ng Manila Police District-Public Information Office (MPD-PIO) chief police captain Philipp Ines, aabot na lamang sa 35 barangay ang nakasailalim sa granular lockdown.
Aabot sa 40 barangay ang apektado sa naturang lockdown kung saan sakop nito ang area ng MPD Station 1 hanggang Station 10.
Dahil dito, nagbawas na rin ng mga naka-deploy na tauhan ang MPD sa mga barangay na naka-lockdown kung saan mula sa 200 na pulis, nasa 118 na lamang ang nagbabantay dito.
Samantala, nanawagan naman ang MPD sa mga apektadong residente na maging maunawain at makiisa sa mga ipinatutupad na hakbang ng pamahalaan upang mapigilan ang pagkalat ng COVID-19 sa bansa.

Ipinaliwanag ni vice president Leni Robredo kung bakit kulay pink ang kanilang napiling kulay para sa campaign color sa halip na kulay dilaw.
Ayon kay Robredo, sumisimbolo ang kulay pink sa protest pagbabago kung saan ito rin ang napiling kulay ng kanyang mga taga-suporta.
Bukod dito, sinabi rin ni Robredo na nais niyang palawakin pa ang pakikipag-alyansa sa ibang grupo.
Dagdag ni Robredo hindi ito kumandidato sa pagka-Pangulo para sa partido, kundi para pag-isahin ang lakas ng sambayanan.
Samantala, pinaliwanag naman ni Robredo kung bakit si Sen. Francis Kiko pangilinan ang kanyang napiling runningmate sa pagka-bise presidente.
Ipinabatid ni Robredo na malakas na ang karanasan ni Pangilinan bilang mambabatas, aktibista at food security kaya naniniwala ito na magagampanan ni Pangilinan ng mabuti ang pagkabise presidente ng bansa.