HEADLINES

Nanindigan ang Philippine National Police o PNP na sila’y apolitical o walang dapat kilingan ngayong panahon ng halalan.

Ito’y ayon kay PNP Chief P/Gen. Guillermo Eleazar kasabay ng pagpapaalala nito sa mga pulis na iwasan ang mga post sa social media na magbibigay bahid sa kanilang pangalan bilang ogranisasyon.

Nakasaad aniya sa umiiral na PNP Memorandum Circular, dapat walang kinikilingan ang sinumang pulis at hindi rin dapat sila mangampaniya sa sinumang kandidato maging ito man ay social media account ng PNP o kahit sa personal nilang account.

Sakaling mapatunayang nakikisawsaw ang mga pulis sa  pulitika ay kakastiguhin ng PNP at mahaharap sa kaukulang parusa.

Kasabay nito, hinikayat din ni Eleazar ang mga pulis na samantalahin ang pinalawig na pagpapatala para sa mga botante upang magampanan din nila ang karapatang makaboto.—ulat mula kay Jaymark Dagala ( Patrol 19)

Nanganganib na numipis ang supply ng isda sa bansa dahil sa nalalapit na close fishing season.

Nakatakda namang mag-angkat ang Department of Agriculture ng nasa 6K metrikong toneladang isda ngayong taon.

Ayon kay Bureau of Fisheries and Aquatic resources Director Eduardo Gongona, bahagi ito ng kanilang preparasyon sa close fishing season.

Ito ang panahon kung saan kaunti ang nahuhuling isda na kadalasang nagaganap mula Nobyembre hanggang Pebrero.

Kabilang anya sa mga aangkatin ang galunggong, matambaka, tulingan at iba pa.

Pinayuhan naman ni Gongona ang publiko na bumili na lamang muna ng alternatibong isda tulad tilapia, bangus at imported na galunggong.—sa panulat ni Drew Nacino

Bumaba ang birth rate sa Pilipinas taliwas sa Projection ng Commission on Population and Development (POPCOM) na darami ang isisilang na sanggol dahil sa COVID-19 pandemic.

Sa datos ng Philippine Statistics Authority, umabot lamang sa 1, 516,042 ang narehistro sa kanila noong isang taon.

Ito na ang pinaka-mababang birth rate sa nakalipas na 35 taon o simula noong 1986 kung saan nakapagtala lamang ng 1, 493, 995 births.

Sa preliminary report ng PSA, nakapagtala rin ng pinaka-mababang bilang ng ikinasal sa nakalipas na dalawang dekada, matapos umabot lamang 240,183 ang nagpakasal noong isang taon kumpara sa 431,972 noong 2019.

Ayon kay Undersecretary for Population and Development Juan Antonio Perez III, dahilan ng mababang birth rate ang kaunting bilang ng ikinakasal, mga babaeng ayaw munang magbuntis ngayong may pandemya at pagdami ng mga gumagamit ng modern family planning methods.

Malaki anya ang epekto ng COVID-19 pandemic sa desisyon ng mga mag-asawa at karamihan sa mga ito ay nagpasya munang i-delay ang pagkakaroon ng dagdag na anak dahil na rin sa lumalaking gastos sa ospital, bilihin at iba pa. —sa panulat ni Drew Nacino

Bakunado na halos lahat ng mga miyembro ng  Armed Forces of the Philippines (AFP).

Ayon kay AFP Surgeon General Col. Fatima Claire Navarro, fully-vaccinated na kontra COVID-19 ang 73% ng 140,000 members ng sandatahang lakas.

Dahil sa pagdating ng mga bakuna, inaaasahang mababakunahan na ang 93% hanggang 96% ngayong oktubre o sa susunod na buwan.

Target din ng AFP na maabot ang 100% vaccination status sa disyembre ngayong taon.—sa panulat ni Hya Ludivico

Dapat nang ikonsidera ng gobyerno na ibaba sa alert level 3 o 2 ang status sa Metro Manila dahil sa patuloy na pagbaba ng COVID-19 cases.

Ayon kay Presidential Adviser for Entrepreneurship Joey Concepcion, sapat ng batayan ang downward trend sa COVID-19 cases upang ibaba ang alert level status sa National Capital Region.

Sa kanyang opinyon, maaari na ring ibaba sa 50% ang capacity at muling buksan ang iba pang business establishment tulad ng mga sinehan at wellness center.

Naniniwala si Concepcion na kung luluwagan ang restrictions ay mas maraming negosyong makababangon ngayong 4th quarter ng taon.

Samantala, nakatakdang magtapos ang implementasyon ng alert level 4 sa NCR sa Biyernes, Oktubre 15. —sa panulat ni Drew Nacino

Bakunado na halos lahat ng mga miyembro ng  Armed Forces of the Philippines (AFP).

Ayon kay AFP Surgeon General Col. Fatima Claire Navarro, fully-vaccinated na kontra COVID-19 ang 73% ng 140,000 members ng sandatahang lakas.

Dahil sa pagdating ng mga bakuna, inaaasahang mababakunahan na ang 93% hanggang 96% ngayong oktubre o sa susunod na buwan.

Target din ng AFP na maabot ang 100% vaccination status sa disyembre ngayong taon. —sa panulat ni Angelica Doctolero

Muling haharap ang OCTA research group sa pagpapatuloy ng pagdinig ng House Committee on Good Government and Public Accountability, ngayong araw.

Ito’y upang siyasatin ang qualifications, research methodologies, partnership at composition ng OCTA.

Ang naturang kumite ay pinamumunuan ni Diwa Partylist Rep. Michael Edgar Aglipay habang mangunguna sa hearing si Deputy Speaker Bernadette Herrera-Dy ng Bagong Henerasyon partylist.

Sa naunang pagdinig, kinuwestyon ng mga mambabatas ang credentials ng OCTA at ginagamit nitong paraan upang ma-predict ang COVID-19 trends sa bansa.

Binatikos din ng mga kongresista ang sobra umanong laking projections ng OCTA at paghahasik ng takot sa publiko.—sa panulat ni Drew Nacino