FEATURES

Nagcra-crave ka ba ngayon sa burger?

Sa halagang P315,000, makakakain ka na ng burger na mayroong tunay na ginto!

Ito ang “The Golden Boy” ng Netherlands, ang pinakamahal na burger sa buong mundo ayon sa Guinness World Records.

Binubuo ang burger ng ilan sa mga pinakamahal na sangkap sa buong mundo, katulad ng A5 Japanese Wagyu beef para sa patty.

May palaman din itong king crab, white truffles, onion rings, Paleta Ibérico Bellota ham, at Beluga caviar.

Gawa naman ang sauce sa Kopi Luwak coffee at Macallan single malt whiskey.

At siyempre, hindi mawawala ang buns na nilagyan ng Dom Pérignon champagne at gold leaf.

Ayon sa chef na si Robbert Jan De Veen, mahalaga para sa kanila na maging masarap ang kanilang burger. Tiniyak nilang perpektong maghahalo ang five basic tastes dito na sweet, sour, salty, bitter, at savory.

Ika nga ng mga nakatikim na ng The Golden Boy, intense ang lasa ng nito.

Collaborating for social good in tech education. BingoPlus Foundation, represented by Digiplus Interactive chairperson Eusebio Tanco, BingoPlus COO Celeste Jovenir, and executive director Angela Camins-Wieneke, and SM Foundation, represented by trustee Harley Sy, executive director Debbie Sy, independent trustee Dr. Lydia Echauz, trustee Engr. Ramon Gil Macapagal, executive director for education programs Carmen Linda Atayde, and Senior Asst. Vice President for Scholarship Eleanor Lansang, sign a MOA to provide the youth from vulnerable communities access to quality tech education.

SM Foundation and BingoPlus Foundation have forged a partnership to provide technology education to youth from vulnerable communities.

The BingoPlus FutureSmart – SM Foundation Scholarship Program offers college education for students pursuing courses in Game Development, Software Engineering, and Data Science, with specialization in Web Development, Multimedia Arts and Design, and Information Technology.

The collaboration for social good grants full scholarships to 30 aspiring tech professionals starting in the 2024-2025 school year.

By providing this opportunity to deserving youth, the program aims to uplift the lives of Filipino families by nurturing the next generation of tech professionals in the Philippines and positively impacting the country’s IT industry in the coming years.

BingoPlus Foundation launched its FutureSmart program, believing and investing in the next generation of Filipino tech talents through education and scholarship programs. Meanwhile, the SM Foundation, founded by SM Group founder Henry Sy, Sr., established its Scholarship Program to support deserving students by providing access to higher education. To date, the SM Foundation has uplifted the lives of over 4,200 students nationwide.

To learn more about this social good collaboration, visit www.sm-foundation.org or www.digiplus.com.ph/bingoplus-foundation.

Upang makaiwas sa pagbabayad ng mahigit $100,000 o P5.8 million na child support sa kanyang dating asawa, ipinalabas ni Jesse Kipf mula sa Kentucky, USA na patay na siya.

Na-access ni Jesse ang death registry system ng Hawaii gamit ang login details na nakuha niya mula sa isang doktor. Dito, gumawa siya ng file upang maipasok ang sarili sa death registry system.

Siya rin mismo ang lumagda sa kanyang death certificate gamit ang digital signature ng doktor.

Inamin din ni Jesse na napapasok niya ang iba pang government websites at nagawa niyang ilista ang sarili bilang patay sa mga database nito.

Nahatulan siyang guilty ng computer fraud at identity theft at makukulong ng pitong taon.

Bukod pa sa pagbibigay ng child support sa kanyang dating asawa, kailangan niya na ring magbayad ng $79,000 o P4.6 million sa government agencies at maging sa iba pang private businesses na hinack niya.

Patunay ang kwento ni Jesse Kipf na ang pagtakbo mula sa obligasyon ay magdudulot lang ng mas malaking problema sa dulo. Kaya laging maging responsable, lalo na pagdating sa pamilya.

Tuwing February 14 o Araw ng mga Puso, marami sa atin ang naglalaan ng oras upang makasama ang ating pinakamamahal.

Ngunit sa Lima, Peru, iginugugol ng ilang fur parents ang kanilang Valentine’s Day sa pag-aasikaso sa kanilang mga alaga na ikakasal sa araw na iyon.

Naging tradisyon na kasi sa nasabing lugar ang pag-oorganisa ng mass weddings para sa mga aso.

Kaugalian na sa Peru ang kasalang bayan, partikular na tuwing Araw ng mga Puso. Ito ang naging inspirasyon ng mass dog weddings na nagbigay ng kakaibang twist sa naturang tradisyon.

Katulad ng kasal ng tao, naka-tuxedo at bow tie ang ilang groom na aso, habang naka-wedding dress naman ang bride nila. Ang iba naman, sinusuotan ng makukulay na damit.

At katulad ng kasal ng tao, makakakuha rin ng marriage certificate ang mga aso na tinatakan nila gamit ang kanilang paws.

Ayon sa organizer ng mass dog wedding, layon ng ganitong event na magbigay ng awareness sa pagiging responsible pet owners.

Espesyal din ang event na ito dahil ipinagdiriwang dito ang araw ng pagmamahalan at pagkakaibigan.

Sa edad lamang na dalawang taon, natutunan na ni Zhang Xinyang mula sa China ang mahigit isang libong Chinese characters sa loob ng tatlong buwan.

Nasa primary school siya sa edad na apat. Makalipas ang dalawang taon, nasa fifth grade na siya.

Ipinasok si Zhang sa high school at dumeretso ng third year noong nine years old. At pagtungtong ng 10 years old, tinagurian siya bilang pinakabatang university student sa China.

Dahil sa kanyang katalinuhan, maraming umasang magiging maganda ang kinabukasan ni Zhang. Ngunit ngayong 28 years old na siya, wala na siyang ibang ginawa kundi tumambay at umasa sa suporta ng kanyang mga magulang.

Bago pumasok bilang Ph.D. student sa Beijing University of Aeronautics and Astronautics (ngayon ay Beihang University) sa edad na 16, sinabihan ni Zhang ang kanyang mga magulang na bilhan siya ng sariling apartment sa Beijing. Kung hindi, titigil siya sa pag-aaral.

Aniya, gusto ng mga magulang niya na mag-aral siya sa Beijing, kahit wala naman siyang sariling tirahan doon.

Hirap na ang mga magulang ni Zhang na pag-aralin ang kanilang anak, kaya imposibleng makabili pa sila ng apartment.

Gayunman, ayaw nilang abandonahin nito ang kanyang pag-aaral. Gaya ni Zhang, gifted child rin ang kanyang ama, pero hindi nito natupad ang kanyang mga pangarap dahil sa kakulangan sa pera.

Dahil gusto nilang ibigay ang lahat para sa anak, umupa sila ng apartment sa Beijing at sinabi kay Zhang na binili nila ito.

Ngunit nag-backfire ang plano nila dahil ngayon, hindi na nga nag-aaral o nagtratrabaho si Zhang, sila pa ang ipinagbabayad nito ng renta.

Ayon kay Zhang, pinilit siya ng mga magulang niya na tuparin ang kanilang mga pangarap. Plinano na nila ang kanyang buhay, kahit iba naman ang kanyang gusto.

Dagdag pa niya, ang mga magulang niya pa ang may utang sa kanya dahil ang apartment na bibilhin dapat para sa kanya, nagkakahalaga na ngayon ng $1.4 million.

Hati naman ang opinyon ng mga netizen sa kwentong ito. Ang ilan, pinupuna ang pagiging arogante at kawalang respeto ni Zhang sa kanyang mga magulang; habang para naman sa iba, babala ito sa mga magulang na masyadong pinipilit ang kanilang mga anak sa halip na hayaan na lamang silang i-enjoy ang kanilang kabataan.

Maraming mga Pilipino ang nagtratrabaho bilang call center agents. May kalakihan man ang kanilang sahod, kapalit naman nito ang stress na nararamdaman nila sa halos araw-araw na paninigaw sa kanila ng galit na customers.

Alam ng mga kumpanya ang pinagdadaanan nila, kaya ang ilan sa kanila, nagpapatupad ng stress management programs katulad ng meditation at therapy para sa kanilang mga ahente.

Ngunit iba ang naisip na solusyon ng SoftBank, isang Japanese company na lumikha sa isang artificial intelligence (AI) filter na layong gawing mahinahon at kalmado ang galit na boses ng customers sa telepono.

Tatlong taon binuo ng SoftBank ang voice filter na mayroong dalawang stages. Una, ide-detect ng AI ang galit na pananalita. Sunod itong gagamitan ng acoustic tools upang gawing mas natural at magalang ang tono.

Napalitan man ang boses, hindi babaguhin ng AI ang mga ginamit na salita ng customers; kaya makakarinig pa rin ang call center agents ng mga insulto at mura—sa malambing na paraan nga lang.

Ayon sa developer ng AI filter na si Toshiyuki Nakatani, nilikha nila ang emotion suppression system upang maprotektahan ang mga ahente mula sa harassment.

Sa ngayon, wala pang anunsyo ang SoftBank kung kailan nila ipagagamit ang AI filter sa call centers; ngunit may filter man o wala, dapat laging maging magalang at maunawain tuwing makikipag-usap sa mga ahente dahil malaking tulong ito upang mapagaan ang kanilang trabaho at maging ang kanilang kalooban.

Karamihan sa atin, itinuturing nang bahagi ng pamilya ang mga alaga nating hayop.

Ganito ang trato ng isang ama sa kanyang pit bull na karga-karga ito habang namamasyal. Ngunit ang kanyang sariling anak, naglalakad lang!

Sa viral video, makikitang tumawid ang tatlo sa kalsada at patuloy na naglakad sa sidewalk. Maya-maya pa, nakasunod na sa kanila ang isang babaeng tinutulak ang isang stroller na may lamang malaking karton.

Pinaniniwalaan ng mga netizen na siya ang ina ng bata.

Naging diskusyon sa comments section ng original video ang family priorities dahil ayon sa ilang netizen, imbes na kargahin o isakay sa stroller ang bata, pinaglakad lamang nila ito.

Sa kabila nito, mas marami ang humanga sa ama at sumang-ayon na dapat lang kargahin ang pit bull dahil mainit ang kalsada at sensitive ang paws ng mga aso. Nakasapatos umano ang bata kaya protektado ang mga paa nito.

Komento ng iba, hawak naman ng ama ang kamay ng bata at kung mapagod ito, pasasakayin din sa stroller.

Naipakita ng video na hindi lamang alaga, kundi mahalagang miyembro ng pamilya, ang ating fur babies. Dapat din natin silang bigyan ng wastong pag-aaruga, proteksyon, at pagmamahal na animo’y kadugo natin sila.

Kahit diabetic at sakitin na, hindi pa rin mapilit ng mga doktor ang 70-anyos na si Roberto Pedreira mula sa Bahia, Brazil na uminom ng tubig.

Sa halip, soft drinks lamang ang iniinom niya araw-araw!

50 years nang hindi umiinom ng tubig si Roberto. Nang tanungin kung bakit, ang sagot niya lamang: ayaw niya nito.

Noong maospital siya dahil sa COVID-19, binigyan niya ng mahigpit na instruction ang mga doktor at nurse na cola lang ang iinumin niya.

Kumalat sa social media ang care chart ni Roberto at akala ng karamihan, biro lamang ito.

Ayon sa kanyang apo na si Joao Victor, kahit sino naman ay hindi maniniwala rito, ngunit kinumpirma niyang totoo ito.

Bukod sa diabetes, mayroon na ring heart problems si Roberto. Gayunman, hindi ito sapat na dahilan para sa kanya upang tigilan ang pag-inom ng soft drinks. Nakikipagtalo pa nga siya sa mga doktor tuwing sinasabihan siyang uminom ng tubig!

Pagdidiin ni Roberto, hindi siya natatakot na mamatay. Aniya, nanalo na siya sa buhay dahil 70 years old na siya.

Hindi man mapagsabihan na uminom ng tubig, ibinahagi ni Joao na iniingatan naman ng kanyang lolo ang sarili nito. Regular itong nagpapa-check up at iniinom ang mga gamot na inirereseta sa kanya ng mga doktor.

Kaugnay nito, nagbabala naman ang nutritionist na si Greice Furlanetto Arraes na hindi maaaring maging pamalit sa tubig ang soft drinks dahil mayaman ito sa sugar, additives, at calories na nagpapataas sa risk ng diabetes at iba pang mga malalang sakit.

Kung magkakaroon ng pelikula ang buhay ng babaeng ito mula sa Barranquilla, Colombia, posibleng maging titulo nito ay “Lina and the Seven Old Men”.

Mayroon kasing pitong karelasyon si Lina at lahat sila, mga lolo na!

Matapos makaranas ng ilang nakadidismayang romantic relationships sa mga lalaking kaedad niya, na-realize ni Lina na makukuha niya lamang ang hinahangad na emotional at financial stability kung mga pensiyonado na ang makakarelasyon niya.

Napansin niya kasi kung paano siya landiin ng kanyang matandang kapitbahay, kahit may asawa na ito.

Naisip niyang mas desirable siya sa mga senior citizen dahil gagawin umano nila ang lahat upang magkaroon ng relasyon sa mas nakababatang babae.

Kaya naman sinimulan niyang pumunta sa mga parke at iba pang mga lugar kung saan tumatambay ang mga lolo.

Hindi nakuntento si Lina sa isang nobyo, kaya naghanap pa siya ng makakarelasyong matanda—hanggang sa umabot sila sa pito. At lahat sila, tinutustusan ang dalaga!

Kilala ng mga lolo ang isa’t isa. Sa katunayan, pinag-aagawan pa nila ang atensyon at pagmamahal ni Lina.

Ngunit para kay Lina, itinuturing niyang negosyo at hindi romantic relationship ang kanilang polyamorous arrangement. Aniya, kung sino ang magbibigay ng mas maraming pera, siya ang magiging katabi nito sa pagtulog.

Marami naman ang hindi natuwa sa ginagawa ng dalaga at naniniwalang dapat siyang makulong dahil sa pananamantala sa mga matatanda.

Gayunman, may ilan ding humanga sa resourcefulness at “katalinuhan” umano ni Lina dahil nakaisip siya ng madaling paraan upang makaahon mula sa kahirapan.