FEATURES

Pinuri ng Civil Aviation Authority of the Philippines (CAAP) ang katapatan at professionalism ng isang tagalinis ng airport sa Misamis Oriental.

Hindi kasi ito nagdalawang-isip na isauli ang napulot na bag na naiwan sa Laguindingan Airport.

Ang nasabing bag, may laman palang P50,000!

Batay sa ulat, naiwan sa arrival area ng paliparan ang bag bandang alas siyete ng umaga.

Nang makita ng airport cleaner na si Joshua Bustamante ang bag, agad niya itong ipinagbigay-alam sa pamunuan ng paliparan upang mahanap ang may-ari nito.

Nakuha naman ng babaeng may-ari ng bag ang kanyang gamit at pera makalipas ang halos dalawang oras.

Ayon kay CAAP Area Center 10 Manager Engr. Job De Jesus, ipinakita ni Joshua ang pinakamataas na pamantayan ng katapatan at paglilingkod na itinataguyod ng kanilang ahensya.

Likas na matapat at mabuti ang mga Pilipino, ngunit sa kasamaang palad, hindi natin ito napahahalagahan at unti-unti itong nawawala.

Gayunman, may mga taong katulad ni Joshua na pinipiling gumawa ng mabuti at magpakita ng integridad na dapat nating tularan sa pang-araw araw nating buhay.

Isang lalaki ang hinarang ng custom officers sa immigration control point sa pagitan ng Hong Kong at Shenzhen, China.

Nang inspeksyunin ang lalaki, dito tumambad sa mga awtoridad ang higit 100 buhay na ahas na nakatago sa kanyang pantalon!

Ayon sa ulat ng China Customs, sinubukan ng lalaki na makalusot sa border ng Shenzhen mula sa Hong Kong upang ipuslit ang iba’t ibang uri ng ahas.

Inilagay ng lalaki ang mga ahas sa sealed drawstring bags at isiniksik ito sa mga bulsa ng kanyang pantalon.

Karamihan sa mga narekober na ahas ay non-native species o hindi likas na matatagpuan sa China, katulad ng milk snakes at corn snakes.

Hindi na bago sa custom officers sa China ang ganitong modus.

Noong nakaraang taon, isang babae ang hinarang ng mga awtoridad dahil sa kakaibang hugis ng kanyang dibdib. Nang suriin, nadiskubreng may mga buhay na ahas palang nakaipit sa kanyang bra!

Ilang araw lamang bago ang insidenteng ito, isang lalaki naman ang nahulihan ng anim na ahas na ibinalot sa isang medyas.

Isa ang China sa pinakamalaking animal trafficking hubs sa mundo. Dahil dito, mahigpit nilang ipinatutupad ang kanilang biosecurity and disease control laws at sinisikap na sugpuin ang ilegal na kalakalan ng mga hayop.

Mahalagang tandaan na ang pagpasok ng mga hayop na hindi likas sa isang lugar ay magdudulot ng malubhang pinsala sa kalikasan. Sa pamamagitan ng striktong regulasyon at pagpapatupad sa mga batas kaugnay rito, maiiwasan ang malalang epektong nito.

Saan aabot ang P10 mo?

Sa Quezon City, makabibili ka na ng ulam at kanin, makatutulong ka pa sa pag-aaral ni Yuan Aaron Villamil!

Viral ngayon sa social media ang “Pastil Journey” ni Yuan, isang incoming 2nd year college na nag-aaral ng kursong Civil Engineering.

Pumasok si Yuan sa isang private college bilang scholar.

Gayunman, 1st sem pa lamang ay nawalan na siya ng scholarship dahil bumagsak siya sa isang subject na kinuha niya noong kasagsagan ng pandemya.

Sa kasamaang palad, hindi na siya nakapag-aral sa sumunod na school year dahil may balance pa siya sa kanyang tuition fee.

Huminto muna siya sa pag-aaral upang magtrabaho, hanggang sa naisipan ng kanyang tiyo na magbenta sila ng pastil sa halagang P10. Kumita siya rito ng P150 kada araw.

Sa kalaunan, naisipan ni Yuan na simulan ang kanyang sariling negosyong, “Pastil for My Tuition” upang matulungan na rin ang kanyang ina na isang single parent.

Alas sais pa lamang ng umaga, inihahanda na niya ang ibebentang pastil. Kada araw, nakauubos siya ng 100 servings.

Naging mabunga ang pagsisikap ni Yuan dahil kamakailan lang, nabayaran na niya ang balance sa kanyang tuition fee. Nakabili na rin siya ng laptop na magagamit niya sa pasukan.

Sa ngayon, nagbebenta pa rin siya ng pastil at iniipon niya ang kinikita rito para naman sa kanyang allowance.

Tunay ngang naging inspirasyon si Yuan sa maraming kabataan. Naging patunay siya na sa pamamagitan ng sipag at tiyaga, makakaya nating abutin anuman ang ating ninanais.

The 2013 Zamboanga siege threw the education of about 140,000 elementary students into disarray. Schools in DepEd Region IX’s Zamboanga Central District bore the brunt of the conflict, finding themselves at the epicenter of the chaos.

Amidst the turmoil, Zamboanga Central School-SPED Center, then divided into two schools, opened its doors and stood as a haven for displaced Zamboangueños.

School Property Custodian Joseph Bernardo recounts that the school utilized every facility–from classrooms to covered court–to accommodate and provide comfort to those forced out of their homes.

“Hindi namin pwede iwanan ‘yung mga tao na nawalan ng bahay,” Bernardo opened. “Mahalaga po ito sa amin lalo na po dahil ang mga mag aaral din po namin ay kabilang sa mga lumikas noon. Masakit para sa amin kung maiiwan ang mga bata at hindi makapag aral.”

“Binuksan noon ang school, at naging shelter kami ng mga residente ng nawalan ng tirahan. Ginawa rin itong learning area. Inaccommodate rin ng paaralan ang mga mag aaral mula sa mga karatig na lugar kagaya ng Sta. Barbara at Rio Hondo Elementary Schools habang patuloy po naming inaccommodate ang dati na naming estudyante,” he recounted how the school adapted to the needs of the community to provide a sense of normalcy and hope to a community in turmoil.

Despite the influx of displaced families and other challenges, Bernardo shared that they prioritized the well-being of the learners. The school continued to hold classes for its students and catered to pupils from other affected schools in the area.

“Nagkaroon kami ng morning at afternoon shift para pagkasyahin ang oras at siguraduhin na hindi madi-disrupt ang pag aaral ng mga estudyante. Dahil dito, natulungan din namin ang mga estudyante ng mga ibang eskwelahan at mga pamilyang nawalan ng tirahan,” he added.

Building a school, providing renewed hope

As the school was packed beyond what they could normally handle, Teacher Minette Jaro recalled how some teaching materials got lost in all the confusion. Many books that had been lent out were never returned. The crowded conditions and disorder made it hard to keep track of school supplies.

She said that as they slowly recovered from the wounds of the past, the SM Foundation’s support helped restore hope. In 2019, the social good arm of the SM Group built a well-equipped school building.

“Nagkaroon po kami ng dedicated classroom kung saan magkakaroon ng hands on learning experience sa Home Economics ang mga estudyante. Kumpleto po ang i-dinonate ng SM Foundation na comfort rooms and instructional materials. Bilang teacher, natulungan po ako nitong mapadali ang aking pagtuturo,” she smiled.

Over a decade after the conflict, Principal Lepidaptera Villanueva said the SM Foundation didn’t only allow them to rise, but also innovate and adapt to the needs of more members of the community.

It enabled them to fulfill their mandate to provide inclusive education. While catering to persons with disabilities, the school can accommodate more students, including 500 students from the Badjao tribe.

“Itong school building donated by the SM Foundation ay malaking tulong. Kahit na increasing ang enrollment sa aming paaralan, walang nagka-klase sa covered court o sa ilalim ng puno sapagkat lahat ay may dedicated classrooms.”

As one of the city’s oldest public elementary schools, Zamboanga Central School-SPED Center has gone above and beyond. Since the siege, it hasn’t only been a place for learning, but a true second home. The school is among the 108 school buildings built by SM Foundation, aiming to create a conducive environment for learning that will enable the youth to perform better in school and inspire teachers to become more effective.

Mula pa noon, nagsilbi na bilang magulang para kay Jay Mark Espartero ang kanyang lolo at lola.

Kaya naman matapos ang kanyang pinakahihintay na graduation, agad siyang nagtungo sa sakahan, kahit suot pa ang kanyang toga, upang yumakap at magbigay-pugay sa kanyang mga pinakamamahal.

Siyam na buwang gulang pa lamang si Jay Mark nang iwan ng kanyang mga magulang sa pangangalaga ng kanyang lolo at lola sa Governor Generoso, Davao Oriental.

Kwento ng binata, naranasan niya dating pumasok sa paaralan nang walang baon. Nahirapan ding makapagbayad ang kanyang lolo at lola para sa kanyang exam.

Kaya pangako niya sa sarili, magtatapos siya ng pag-aaral at maghahanap ng magandang trabaho para sa kanyang pamilya.

At ngayon, unti-unti nang natutupad ang mga pangarap ni Jay Mark dahil nagtapos na siya sa kursong Bachelor of Science in Business Administration, Major in Financial Management sa Davao Oriental State University kamakailan.

Sa kasamaang palad, hindi nakadalo sa graduation ang kanyang lolo at lola dahil hirap na silang bumiyahe.

Gayunman, sila ang unang hinanap ni Jay Mark pagkauwi nito. Nang malamang nasa sakahan ang kanyang lolo at lola, agad siyang pumunta rito, hindi alintana ang putik at ang suot niyang toga, upang magpasalamat sa kanilang pagsisikap at sakripisyo para makapagtapos siya ng pag-aaral.

Mensahe ni Jay Mark para sa mga katulad niyang nakararanas ng hirap, hindi hadlang ang mga pagsubok upang makamit ang pangarap; basta’t magpursigi lamang hanggang sa maging matagumpay.

Google recently announced a significant upgrade to NotebookLM, its AI-powered research and writing assistant. This upgraded version, powered by the latest advancements in Google AI’s Gemini 1.5 Pro technology, is now available in over 200 countries and territories worldwide.

Developed by Google Labs, NotebookLM is an AI-powered research and writing assistant designed to help people navigate complex information and generate insights from them. NotebookLM uses cutting-edge AI technology to provide users with a comprehensive and user-friendly research and writing experience.

“We’re thrilled to bring this powerful upgrade of NotebookLM to a global audience,” said Steven Johnson, Editorial Director at Google Labs. “With Gemini 1.5 Pro’s capabilities, NotebookLM empowers users to unlock insights and make connections across a vast range of documents. We’re excited to see how users worldwide leverage it for their unique needs.”

Since its introduction, NotebookLM has aimed to empower users to explore complex information, identify connections within data, and accelerate the writing process. This upgrade delivers a range of new features designed to further enhance these capabilities:

●        Expanded source compatibility: NotebookLM now accepts a wider variety of source materials, including Google Slides files and website URLs, alongside existing support for Google Docs, PDFs, and text files.

●        Enhanced fact-checking: Inline citations seamlessly link users to the supporting text within their uploaded sources, enabling effortless verification of AI-generated responses and deeper exploration of original content.

●        Streamlined information access: The new Notebook Guide provides a high-level understanding of uploaded materials by converting them into user-friendly formats like FAQs, briefing documents, or study guides.

●        Multimodal understanding: Using Gemini 1.5 Pro’s multimodal capabilities, NotebookLM can now answer questions and reference images, charts, and diagrams within Google Slides and Docs. Relevant image citations are automatically included as supporting evidence.

New users can easily get started with NotebookLM by creating a notebook and uploading relevant documents for their project. Users can then read, take notes, ask questions, organize ideas, or have NotebookLM automatically generate summaries like study guides or tables of contents. Most importantly, uploaded source materials are never used to train the model, ensuring user privacy.

Try out NotebookLM’s powerful features for free by going to https://notebooklm.google.com.

Ayon sa mga eksperto, tatagal ng walo hanggang 21 na araw ang isang tao nang hindi kumakain; habang tatlong araw lamang nang walang tubig.

Ngunit ang babaeng ito mula sa Ethiopia, sinasabing 16 na taon na siyang hindi kumakain o umiinom!

Siya si Muluwork Ambaw, 26-anyos.

Ayon kay Muluwork, 10 taong gulang siya nang mawalan na lamang bigla ng ganang kumain. Mula noon, hindi na raw siya kumakain o umiinom ng kahit ano.

Sa una, nagsisinungaling pa siya sa mga magulang at sinasabing kumain na siya kahit hindi naman. Sa kalaunan, inamin din niya ang sitwasyon.

At dahil hindi siya kumakain o umiinom, hindi na niya kailangang magbanyo, maliban na lamang kung maliligo.

Dahil sa kanyang kondisyon, sumailalim siya sa iba’t ibang medical tests sa Ethiopia. Lumabas sa findings ng mga doktor sa isang ospital sa Addis Ababa na walang laman ang kanyang mga bituka.

Maging ang prime minister ng Ethiopia ay ipinadala si Muluwork sa Dubai para sa karagdagang pagsusuri, ngunit ayon sa babae, wala talaga silang nakitang mali sa kanya.

Bagama’t walang pumapasok na sustansiya sa katawan, maayos ang kalusugan ni Muluwork. Nananatili siyang malakas at nagagampanan ang pang-araw araw niyang gawain bilang ina at asawa.

Thankful naman si Muluwork sa kanyang kakaibang kondisyon. Aniya, ipinagkaloob ito sa kanya ng Diyos at maluwag niya itong tinatanggap.

Gaya ng inaasahan, hati ang opinyon ng mga netizen sa kwento ni Muluwork. Marami ang naniniwala, marami rin ang nagdududa.

Ayon nga sa isang vlogger, posibleng isa siyang superhuman—o kaya naman ay “super liar”.

Katulad ng pangkaraniwang araw, pumasok si Rajesh Kumar Shinde sa kanyang trabaho sa isang bangko sa Uttar Pradesh, India.

Lingid sa kanyang kaalaman, dito niya gugugulin ang mga huling sandali ng kanyang buhay.

Sa video na kuha ng CCTV, makikitang nakaupo si Rajesh at abalang nagtatrabaho sa kanyang laptop.

Ilang sandali lamang, napahawak siya sa kanyang mukha at biglang nawalan ng malay.

Inaatake na pala si Rajesh sa puso!

Hindi agad nakita ng kanyang mga katrabaho ang nangyari, ngunit nang mapansin nila ito, agad silang naalarma.

Sinabuyan nila si Rajesh ng tubig sa mukha at tinangkang painumin. Sinubukan din nila itong i-CPR (cardiopulmonary resuscitation).

Nang hindi pa rin nag-respond, isinugod na siya ng mga katrabaho niya sa ospital, ngunit idineklara ring dead on arrival.

Si Rajesh ay nasa 30-anyos lamang.

Isa ang heart disease sa mga pangunahing dahilan ng pagkamatay sa India ayon sa Ministry of Health and Family Welfare.

Bagama’t kadalasang matatanda ang nagkakasakit sa puso, tumataas na ang bilang ng mga taong may edad 40 pababa na namamatay dahil sa heart attack.

Ayon sa mga eksperto, dulot ito ng kakulangan sa ehersisyo, hindi wastong pagkain, at stress sa trabaho.

Isang paalala ang trahedyang sinapit ni Rajesh na sadyang maikli lamang ang buhay at hindi natin alam kung kailan ito magwawakas; kaya’t mahalagang bigyang-pansin ang ating kalusugan at magpahinga upang maiwasan ang ganitong insidente.

Bilang pagsisikap na pataasin ang national birth rate sa Japan, maglulunsad ang pamahalaan ng Tokyo ng sarili nitong dating app.

Layon ng “Tokyo Futari Story” app na paramihin ang couples o futari sa bansa kung saan mas pangkaraniwan na ang pagiging single o hitori.

Bago makapag-sign in, kailangan munang mag-submit ng documents ang users na nagpapatunay na sila ay legally single.

Common sa regular dating apps sa Japan ang paglalagay ng sahod, ngunit ire-require sa Tokyo Futari Story app ang pagpasa ng tax certificate slip upang malaman ang annual salary ng user.

Bukod rito, sasailalim pa sa interview ang user upang kumpirmahin ang identity nito.

Pipirma rin sila sa isang liham kung saan nakasaad na handa silang magpakasal.

Hindi na bago para sa mga munisipalidad sa Japan na mag-organisa ng matchmaking events dahil sa patuloy na pagbaba ng birth rate sa magkasunod na walong taon.

Sa katunayan, noong 2023 naitalang higit pa sa doble ang bilang ng mga namatay kumpara sa mga isinilang sa Japan.

Para sa Tokyo City Hall, “gentle push” lamang ang kanilang app upang makahanap ng partner ang mga residente.

May ilan mang interesado dahil tila mas ligtas sa dating app na dinevelop mismo ng kanilang pamahalaan, marami rin ang nag-aalinlangan kung dapat ba itong paggastusan gamit ang tax ng taumbayan.

Bandang alas-siyete ng umaga noong June 11, 2024, napansin ng ilang residente ng isang village sa Andhra Pradesh, India ang palutang-lutang na katawan ng isang lalaki sa lawa.

Noong una, hindi nag-panic ang mga residente. Ngunit makalipas ang limang oras, napansin nilang hindi pa rin kumikilos ang lalaki kahit sigawan na nila ito. Dito na sila natakot at tumawag ng mga pulis dahil ang akala nila, patay na ang lalaki.

Agad na rumesponde ang mga pulis, maging ang emergency medical services team na mayroong 108 personnel, upang i-rescue ang lalaki.

Maging ang mga awtoridad ay kumbinsido na wala nang buhay ang lalaki. Ngunit nang marekober nila ang katawan, bigla itong bumangon!

Tila naalimpungatan ang lalaki at nagtaka kung bakit maraming taong nakapalibot sa kanya.

Ang ilang residente at awtoridad, natawa na lamang sa nangyari.

Nang mahimasmasan na, ipinaliwanag niya sa mga pulis na sampung araw na siyang nagtratrabaho sa isang granite quarry kung saan tumatagal ng 12 oras ang kanyang shift kada araw.

Kaya sa kanyang day-off, napagdesisyunan niyang uminom ng alak upang makapag-relax.

Dahil sa sobrang pagod at init ng panahon, lumangoy muna siya sa lawa; ngunit dahil sa kalasingan, unti-unti na siyang nakatulog. Sa lalim ng kanyang pagkakahimbing, hindi na niya namalayan ang nangyayari sa paligid niya.

Marami man ang natawa sa insidenteng ito, naging paalala ito sa atin sa kahalagahan ng pahinga. Kaya kung pagod ka na, magpahinga ka muna—sa ligtas na paraan nga lang.