Tiklo ang isang babae matapos makuhanan ng mahigit 10 milyong pisong halaga ng ilegal na droga sa ikinasang buy bust operation sa Caloocan City.
Ayon sa awtoridad, nasabat sa suspek ang nasa 1,600 na gramo ng hinihinalang shabu na nakasilid sa iba’t ibang sukat ng plastic bag.
Nabatid na halos isang linggo nang tinitiktikan ng pulisya ang suspek bago ikinasa ang naturang operasyon.
Kasong paglabag sa Republic Act 9165 o Comprehensive Dangerous Drugs Act of 2002 ang kinakaharap ng suspek.
Tumaas noong Abril ang cash remittances ng mga Overseas Filipino Workers (OFWs) sa Pilipinas.
Ayon sa Bangko Sentral ng Pilipinas (BSP), lumago sa 2.395 billion dollars ang ipinadadalang pera ng mga OFWs.
Kumpara ito sa 2.305 billion dollars sa kaparehong panahon noong 2021.
Ang expansion ng cash remittances ay dahil sa mataas na halagang ipinapadala ng mga land-based at sea-based workers.
Mula ito sa mga bansang United States, Saudi Arabia, Japan, Taiwan at Singapore.
I sha-shutdown na ngayong araw ang Microsoft Browser na Internet Explorer.
Magugunitang inanusiyo ito ng Microsoft noon pang May 2021, matapos ang 27- taong serbisyo ng web browser.
Gayunman, gagana pa rin ang Internet Explorer-based websites at mga application ng Microsoft hanggang 2029.
Taong 2013 huling inilabas ng Microsoft ang version ng nasabing browser.
Asahan na sa susunod na buwan ang pagtaas sa presyo ng bigas bunsod ng walang puknat na pagsirit sa presyo ng produktong petrolyo at abono.
Ayon sa Philippine Rice Research Institute (PHILRICE), hindi malayong tumaas ang presyo ng bigas sa mga pamilihan dahil nasa P3.13 centavos ang posibleng maging patong sa presyo ng palay.
Nabatid na nasa P19 ang farmgate price ng palay kung isasama ang gastos sa drying, milling, at transportation kung saan, magiging doble ang retail price ng bigas.
Sa naging pahayag ni Outgoing Agriculture Secretary William Dar, dapat ibalik ang NFA rice sa merkado sakaling dagdagan ang budget ng National Food Authority, pero prayoridad parin dapat na maibenta ito sa mga benepisyaryo ng 4PS.
Isang maganda at masayang umaga ang hatid ng PHILHEALTH Group sa kanilang pagbisita sa Aliw Broadcasting Corporation at Insular Broadcasting System, Incorporated partikular sa mga studio DWIZ 882 AM at Home Radio 97.9 FM.
Pinangunahan ni PHILHEALTH Vice President for Corporate Affairs Group Dr. Shirley Domingo ang grupo sa kanilang studio visit na kauna unahan sa isang media organization.
Kabilang din sa mga bumisita sa DWIZ at Home Radio sina:
OIC Division Chief Servillano Medina, Ms. Pinky Aragones – Head, Media and Advertising Team ..Ms. Glo Pactores, PR Officer B at Ms. Dianna Marie Chua, PR Officer I
Layon ng hakbangin na mapalakas pa ang ugnayan ng DWIZ at Home Radio at PHILHEALTH para sa kapakanang pang kalusugan ng mga Pilipino sa anumang oras at pagkakataon.
Ang PHILHEALTH Team ay malugod na tinanggap ng ilang opisyal ng Aliw Broadcasting Corporation tulad nina Mr. Marvin Estigoy, Vice President for Sales and Marketing, Ms. Ana Cansino – HR&Admin Manager, Mr. Braggy Braganza – Station Manager, Home Radio, Mr. Tito Encarnacion, Sales Manager, Ms. Rochen Francisco, Senior Account Executive, DWIZ Anchor/Writer Drew Nacino at DWIZ News Director Judith Estrada-Larino.
Patay ang isang miyembro ng Manila Traffic and Parking Bureau (MTPB) makaraang atakehin sa puso habang kasama ang isang 13 anyos na babae sa loob ng motel sa Tondo.
Hindi na humihinga nang maabutan ng isang hotel staff at rumespondeng pulis ang biktimang si Robert Sarcos, 46 anyos, may-asawa at residente ng Inocencio Street, Tondo, Maynila.
Ayon sa Manila Police District-Station 2, huling nakitang buhay ang biktima nang mag-check in sa Meaco Hotel sa kanto ng Antonio Rivera at Tayuman Streets kasama ang dalagita na umano’y isang estudyate at residente rin ng Tondo.
Dakong alas-12:20 ng madaling araw noong Linggo ay nagpasaklolo umano ang dalagita sa hotel desk staff, subalit pagdating sa kuwarto ay hindi na humihinga ang biktima kaya agad itong ini-report sa pulisya.
Nasunog ang isang residential area ng 21st UP Garden sa Barangay San Vicente, Quezon City, kagabi.
Ayon sa Bureau of Fire Protection (BFP), nag-umpisa ang sunog bandang alas-9 ng gabi at dakong 9:38 ng gabi nang ideklara itong fire out.
Ayon sa mga otoridad, ang naiwang kandila ang tinitingnang sanhi ng insidente.
Wala namang napaulat na nasawi o nasugatan dahil sa sunog, ngunit tinatayang lima hanggang sampung pamilya ang naapektuhan nito.
Nananatili ngayon ang naturang mga pamilya sa isang simbahan sa UP Bliss.
Sugatan ang pitong indibidwal makaraang mabangga ang kanilang sinasakyang jeep sa Barangay Doña Imelda, Quezon City, kagabi.
Batay sa paunang imbestigasyon ng mga otoridad, nabangga ng SUV na minamaneho ng isang Chinese national ang likurang bahagi ng pampasaherong jeep na nakatakda sanang mag-u-turn.
Dalawang pasahero ang tumilapon dahil sa lakas ng impact ng pagbangga.
Sinabi naman ng driver ng jeep na sasagutin ng nakabangga ang gastos sa pagpapagamot ng mga nasugatang indibidwal at maging ang pagpapaayos ng jeep.
Nasabat ng mga otoridad sa dalawang suspek ang apat na kilo ng hinihinalang shabu matapos ikasa ang operasyon sa isang grocery store sa Barangay Napindan, Taguig City.
Kinilala ang dalawang suspek na si alyas “Relasco” at alyas “Kyla” na tumanggap ng package sa nabanggit na lungsod.
Ayon sa mga otoridad, nagkakahalaga ng dalawamput pitong milyong piso ang mga nakumpiskang iligal na droga.
Nahaharap ngayon sa reklamong Republic Act 9165 o paglabag sa Comprehensive Dangerous Drugs Act of 2002 ang mga inarestong suspek.
Maaring isang advantage ang pagmu-mutitasking lalo na sa mundo ng negosyo. PERO alam niyo ba na may masamang epekto ang madalas na pagmu-multitask?
Nababawasan nito ang pagiging produktibo at pagiging “efficient” ng isang tao o empleyado. Hindi maiiwasan ang multitasking lalo na kung DEMANDING si bossing. ‘Yung tipong hindi pa tapos ang unang utos mayroon na agad kasunod…tinalo pa yata ang “Ten Commandments” ni Moses.
Narito ang bad side effects ng multitasking:
LACK OF FOCUS
Halimbawa, habang may kausap ka sa telepono at nagbabasa ng email at nagsusulat ng kung ano-ano… ‘yan ang multitasking. Nawawalan ka na ng focus sa isang bagay – at ang epekto? Nababawasan ang kalidad ng trabaho dahil sa kawalan ng concentration. Madalas din ang pakiramdam na sobrang pagod kahit wala namang natapos na matinong trabaho—ang lahat ng ‘yan ay dahil sa pagmu-multitasking.
Solusyon: Unahin ang pinakamahalaga o ‘urgent’ na trabaho.
MEMORY IMPAIRMENT
Maari ring maging makakalimutin ang isang tao o empleyado nang dahil sa pagmu-multitask. Dahil sa patong-patong na trabaho hindi na nagpa-function ng maayos ang utak. Hindi na nito alam kung ano ang dapat unahin at ‘di na rin nito alam ang mahalagang trabaho sa hindi. Ayon sa pag-aaral noong 2009 ng Clifford Nass Ph.D. at ng Stanford University, sinuri nila ang mga participant na nagmu-multitask at karamihan sa mga ito ay mas inuuna ang hindi naman mahalagang bagay o impormasyon at kapansin-pansin din ang pagiging distracted ng mga ito.
Solusyon: Seek help, humingi ng tulong sa katrabaho kung kinakailangan.
TUMATAAS ANG STRESS LEVELS
Sunod-sunod na utos ng boss samahan pa ng nakakairitang katrabaho (kung napangiti ka, I’m sure relate ka)…sino nga naman ang hindi mai-stress? Stress can lead to burnout, madalas din nakararamdam ng katamaran ang isang tao o empleyado dahil dito. Mahirap talagang gawin ang mga activities o trabaho ng sabay-sabay. Hindi ka magiging produktibo kung patuloy mong gagawin ito. Malaki rin ang magiging epekto sa kompanya kung less productive ang isang empleyado. Mawawalan ng kalidad ang trabaho, hihina ang kita at malulugi pa ang negosyo. Maaring mag-resign ang mga empleyado at maipasa ang kanilang mga gawain sa mga naiwan nilang kasamahan. Hustle at magastos nga naman para sa kompanya kung maraming obrero ang magsisi-alis sa trabaho.
Solusyon: Prayers…Meditate…Smile kahit walang rason.
Marami talagang challenges sa isang workplace, isa na nga riyan ang pagmu-multitasking, bawasan o iwasan ito dahil maaring makasama ito sa utak at kalusugan ng tao. Tandaan na isa lang ang buhay ng tao, hindi ito parang video game na hulugan mo lang ng piso ay buhay na ulit ang ‘character’ mo. —sa panulat ni ANGELO BAIÑO