FEATURES

Isang 15 taong gulang na dalagita ang sumailalim sa mahigit 100 beses na plastic surgery para lamang maging kamukha ang manikang si Barbie.

Kinilala ang dalaga na si Xiao Z Na Na o mas kilala sa kaniyang mga fans online bilang Little Z Nana na mayroong milyong-milyong followers sa social media.

Naglaan ang dalaga ng maraming pera at oras para maging kamukha niyo sa Barbie, kung saan, sumailalim siya sa iba’t- ibang operation procedure sa mukha at katawan.

Gayunpaman, marami sa kaniyang fans ang nabahala sa resulta ng kaniyang histsura matapos sumailalim sa maraming operasyon.

Alam niyo ba na kilala bilang isa sa “powerful wonders” ang Aloe Vera.

Ang Aloe Vera ay nakatutulong bilang isang moisturizer, skin soother, kung saan nilalabanan nito ang pagkakaroon ng acne.

Maliban dito, nagpapabagal din ito sa pagkunot at nagpapabuti rin ito ng balat ng katawan.

Ayon sa pag-aaral ang gooey substance ng Aloe Vera ay mayroong 99% na tubig, may vitamins, antioxidants, minerals at amino acids.

Nakakalunas din ito laban sa panunuyo, pagbabalat ng balat at pangangati.

Umabot na sa 53.27 billion pesos ng maternity benefits ang na-release o nabayaran ng Social Security System (SSS).

Ayon kay SSS president at CEO Michael Regino, nasa 1.91 million na miyembro ng SSS mula taong 2016 hanggang 2021 ang nabigyan ng benepisyo kasabay ng implementasyon ng Republic Act No. 11210 o Expanded Maternity Leave Law sa ilalim ng administrasyong Duterte.

Sa ilalim ng naturang batas, ang mga bagong panganak ay magkakaroon ng dagdag na leave credits kung saan, mula 60 araw na paid leave para sa normal delivery at 78 days para naman sa cesarean section delivery, ay gagawin na itong 105 days paid leave.

Pinag-aaralan na ng Pilipinas ang pagpapataw ng buwis sa carbon.

Ito ay para malabanan ang climate change kasabay ng pag-ipon ng pondo para sa Adaptation at Resiliency Projects.

Ayon kay Department of Finance Secretary Benjamin Diokno, isa ang Carbon Tax sa mga panukalang ihahain sa 19th Congress para masolusyunan ang climate change sa pamamagitan ng pagkontrol sa paggamit ng plastic.

Ang nasabing Fiscal Consolidation Plan ay ipinasa ng administrasyong Duterte sa administrasyong Marcos na posibleng maisabatas sa 2025.

Nagsimula nang humupa ang baha sa Barangay Hulong Duhat, Malabon City.

Ito ay matapos ang ilang linggong pagbaha dahil sa pag-apaw ng tubig sa ilang kabahayan at bakuran.

Dahil sa nangyari, nagsimula nang maglinis sa kani-kanilang bakuran ang mga residente.

Sa ngayon, may ilang kalsada na lang ang may baha pero hindi na ito tataas pa sa gutter.

Idineklara nang special non-working holiday ngayong araw sa Pasig City.

Ayon sa Pasig City LGU, pinagtibay ng malakanyang ang direktiba bilang pakikiisa sa 449 na kaarawan ng Pasig.

Dahil dito, walang pasok sa lahat ng antas ng paaralan gayundin sa trabaho.

Pero kung papasok sa trabaho, makatatanggap sila ng karagdagang 30% sa kanilang arawang sweldo.

Iiral din ang ‘No Work No Pay’ Policy para naman sa mga manggagawang hindi papasok sa nabanggit na araw.

Tumaas nang bahagya ang bilang ng mga kaso ng COVID-19 sa Pateros.

Ayon kay Pateros Mayor Miguel “Ike” Ponce III, nag zero COVID-19 cases sila nuong mga nakalipas na araw subalit mayruong naitalang siyam na kaso ang lungsod sa kasalukuyan na pawang asymptomatic.

Ipinabatid ni ponce na dalawa sa mga COVID-19 patients ay nasa isolation facility na dahil sa takot na makahawa sa mga kasambahay samantalang ang pito naman ay naka home quarantine.

Kasabay nito, inihayag ni Ponce na tuluy tuloy ang pagturok nila ng COVID-19 booster doses sa kanilang lungsod.

Dead on the spot ang isang babae matapos mabangga ng van sa Shaw Boulevard, Mandaluyong City.

Kinilala ng Mandaluyong City Police ang biktimang si Emelour Aquino, 21 anyos.

Ayon sa pulisya, naglalakad sa kalsada si Aquino kasama ang dalawang kaibigan nang mahagip ito ng van at tumilapon pa ng ilang metro.

Naaresto ang 21 anyos na driver ng van at na-inquest at mahaharap sa kasong reckless imprudence resulting to homicide.

Pursigido naman ang pamilya Aquino na ituloy ang kaso laban sa suspek.

Nagpakasal sa manika ang isang babae sa Brazil dahil matagal na itong walang karelasyon.

Kinilala ang babae na si Meirivone Rocha Moraes.

Umabot na nga sa puntong sisihin ng babae ang kanyang ina dahil hanggang sa ngayon ay wala pa ring nanliligaw sa kanya.

To the rescue naman ang nanay nito at ginawan siya ng life-sized na manika o ragdoll na pinangalanang “Marcelo”.

Na-love at first sight pa raw si Moraes sa manikang si Marcelo at pinakasalan ito. Nagkaroon ng bonggang kasalan ang dalawa at dinaluhan ng 250 na bisita.

“‘He is a man I always wanted in my life. Married life with him is wonderful. He doesn’t fight with me, he doesn’t argue and he just understands me,” ang pahayag ni Moraes.

“Marcelo is a great and faithful husband. He is such a man and all women envy him.” dagdag na pahayag ng babae.

Nagbunga ang kanilang pagmamahalan ng isang maliit na manika na pinangalanan namang “Marcelinho”.

Limang lugar sa National Capital Region (NCR) ang isinailalim ng Department of Health (DOH) sa moderate risk dahil sa patuloy na pagtaas ng COVID-19 cases.

Kabilang dito ang lungsod ng Pasig, San Juan, Quezon City, Marikina at Pateros.

Batay sa DOH, isinasailalim sa moderate risk ang isang lugar kung ito ay makitaan ng positive two-week growth rate sa bilang ng COVID-19 cases at Average Daily Attack Rate (ADAR) na nasa 6 average cases per day sa kada 100,000 populasyon.