FEATURES

Sa ikalawang pagkakataon, muling nakaagapay ng SMFI o SM Foundation Incorporated ang DWIZ sa pamamagitan ng programang Barangay 882, para ibalita ang medical missions nito para sa mga Pilipino sa kabila ng hamon ng pandemic.

Sa ikalawang pagkakataon, muling nakaagapay ng SMFI o SM Foundation Incorporated ang DWIZ sa pamamagitan ng programang Barangay 882, para ibalita ang medical missions nito para sa mga Pilipino sa kabila ng hamon ng pandemic. From left to right (Gilbert Perdez, Host, Brgy882 program, Ms. Connie Angeles, SMFI Executive Dir. for Health and Medical Programs, Ms. Neny Regino – PR consultant & Media Relations Director, SM Foundation Incorporated, Dr. Bless Bertos, Resident Physician, SMFI, & Mr. Marvin Estigoy – VP for Sales&Marketing, DWIZ 882/Home Radio 979)

Pinaigting ng SM Foundation Incorporated (SMFI) ang mga serbisyo sa mga medical health centers sa ilang komunidad sa bansa sa pamamagitan ng kanilang health and medical programs.

Ito ay sa kabila ng kakulangan ng healthcare facilities at services sa bansa na pinatindi pa ng kasalukuyang krisis sa COVID-19 pandemic.

Naglaan ang SMFI ng limang mobile clinics para tugunan ang diagnostic at services sa iba’t ibang komunidad.

Dahil dito, libreng makakakuha ng mga serbisyo tulad ng chest X-ray, ECG, ultrasound, urinalysis, bone density scanning, fasting blood sugar, random blood sugar, cholesterol determination, at dental services.

Ayon sa SMFI, umabot sa 1,535 medical mission ang naisagawa kung saan nasa 1,190,187 na indibidwal o pasyente ang natulungan ng naturang programa.

Nabatid na nagsimula ang kauna-unahang medical mission ng SMFI noong 2001.

Isang ten-wheeler truck na kargado ng 60 sako ng dumi ng manok ang nagdulot ng mabigat na daloy ng trapiko makaraang tumigild sa C-5 kalayaan sa Makati City.

Pumalya umano ang preno ng truck kaya’t nawalan na ng kontrol ang driver habang pumutok din ang isa sa mga gulong ng sasakyan.

Ayon sa MMDA, patungo sanang Baguio City mula sa San Jose, Batangas ang truck na magdedeliver ng mga dumi ng manok na gagamiting pataba.

Dahil sa bigat, natagalang alisin ang tumagilid na sasakyan at inabot ng anim na oras bago tuluyang naalis sa kalsada, dakong ala-7:00 ng umaga kahapon.

Makararanas ng water interruption ang ilang lugar sa Metro Manila at Bulacan sa August 7 at 8 dahil sa repair activity sa General Luis Street sa Barangay Nagkaisang Nayon, Quezon City.

Ayon sa Maynilad, mawawalan ng tubig simula alas-12:00 ng gabi habang alas-2:00 ng madaling araw ng August 8 ang; Libtong sa Meycauayan City;

Bagbaguin, Bignay, East Canumay, Gen. T. De Leon, Lawang Bato, Lingunan, Mapulang Lupa, Maysan, Parada, Paso De Blas, Punturin, Ugong, West Canumay sa Valenzuela.

Barangay 165, 166, Bagbaguin, Deparo, at Llano sa Caloocan City at Capri, Gulod, Nagkaisang Nayon, Nova Proper, San Agustin, Sta. Monica sa Quezon City.

Extended naman ang water interruption hanggang alas-4:00 ng madaling araw ng August 8 sa; Catanghalan sa munisipalidad ng Obando;

Arkong Bato, Balangkas, Pariancillo Villa, Bisig, Coloong, Dalandanan, Gen. T. De Leon, Isla, Karuhatan, Mabolo, Malanday, Malinta, Marulas, Maysan, Palasan, Parada, Pasolo, Polo, Poblacion, Rincion, Tagalag, Viente Reales, Wangwang Pulo sa Valenzuela.

Naghahanda na ang mga pampublikong ospital sa Quezon City kasunod ng naunang naitalang kaso ng monkeypox sa bansa.

Ayon sa lokal na pamahalaan ng QC, naglaan na ng mga isolation rooms ang mga ospital sa lungsod para sa mga tatamaan ng monkeypox.

Kabilang sa mga ospital na naghanda na ay ang Quezon City General Hospital, Rosario Maclang Bautista General Hospital, Novaliches district hospital.

Kung saan bukod ang mga kwarto ng mga pasyenteng suspected, probable, at may kumpirmadong kaso ng monkeypox.

Bukod pa rito, nakabuo na rin aniya ang QC health department  ng mga paraan para mapigilan, agarang matukoy, maihiwalay ang mga kaso, at masubaybayan ang posibleng kaso ng monkeypox.

Sumailalim na rin anila sa oryentasyon ang mga medical personnel kung saan itinuro sa mga ito ang mga  kinakailangang impormasyon tungkol sa virus, partikular  kung paano maiwasan ang pagkalat nito sa isang indibidwal, sambahayan, at komunidad.

Ibinabala ng Bangko Sentral ng Pilipinas (BSP) at pagtaas ng interest rates sa Pilipinas.

Ito ay matapos magpatupad ng 75 basis points ang US Federal Bureau upang mapabuti ang inflation sa buong mundo.

Ayon sa BSP, posibleng maapektuhan ng nangyari ang halaga ng piso na bahagya pa lang na nakakarekober matapos ang SONA ni Pangulong Bongbong Marcos.

Unang nagpatupad ng off-cycle na 75 basis points ang BSP matapos bumilis sa 6.1% nitong Hunyo ang inflation rate o yung bilis ng pagtaas ng presyo ng bilihin.

Nanawagan sa mga kabataan ang Cordillera Administrative Region’s (CAR) Regional Agricultural and Fishery Council (RAFC) na gamitin ang pagkamalikhain at ideyalismo sa pagbuo ng mga polisiya at rekomendasyon na magmo-modernisa sa sektor ng agrikultura at pakikinabangan ng mga magsasaka.

Ayon kay Ryan Palunan, ang pinakabatang RAFC chairperson sa kasaysayan ng Agriculture and Fishery Councils (AFCs), mahalagang makilahok, lumapit, at makipag-usap sa mga magsasaka ang mga kabataan upang makalikha ng mga akmang polisiya para sa mga ito.

“Ang naging taglay natin as youth is being idealistic. We voice out what we feel, but when we think of other things like agriculture, do we also voice it out? Like the problems of the farmers, sana may nakakarinig ng problema nila and translate it into policies,” pahayag ni Palunan.

Inamin ni Palunan na nakikita niya ang kanyang bagong papel ngayon bilang inspirasyon at hamon na magpursigi para sa ikauunlad ng pinaglilungkuran niyang sektor.

“I am young, inexperienced, and looking at the people around here, they have established farms and big agri-businesses. Naliliitan ako sa sarili ko. But when I look at the positive side, nasasabi ko sa sarili ko na one day, magiging gano’n din ako,” masayang sabi ni Palunan.

Kasabay nito, sinabi naman ni Philippine Council for Agriculture and Fisheries (PCAF) OIC Executive Director Liza Battad na pinahahalagahan ng konseho ang volunteer work ng AFC members, tulad ni Palunan, na naglalaan ng oras at pagsisikap para sa ikabubuti ng kanilang hanay.

“I truly believe that it is our AFCs at the national (National Banner Program Committees) and local (RAFC) levels who have the strongest of minds and hearts, especially at these trying times. They are the ones working in communities, helping other farmers and fishers recover during the most difficult times of the pandemic, natural disasters, and pressing agri-fishery-related issues and concerns through the crafting of significant policy and program recommendations. These, in turn, contribute to the economic recovery of our nation,” wika ni Battad.

Si Palunan, 25 taong gulang na magsasaka mula sa Baguio City, ay naitalaga noong Marso bilang RAFC Chairperson ng CAR’s Regional AFC para taong 2022.

Patay ang isang babae habang dalawa naman ang sugatan sa naganap na sunog sa isang residential area sa barangay Cembo, Makati City kaninang madaling araw.

Batay sa ulat, nasawi ang biktima matapos atakihin sa puso habang naputulan naman ng kamay ang isa sa mga nasugatan.

Nag-umpisa ang sunog dakong alas-3 ng madaling araw at pasado alas-4 ng madaling araw nang ideklara itong fire under control.

Aabot sa sampung pamilya ang nawalan ng tirahan dahil sa insidente.

Patuloy na inaalam ng Bureau of Fire Protection ang sanhi ng sunog.

Posibleng lumago pa sa 8% ang ekonomiya ng Pilipinas sa kabila ng mataas ng inflation at interest rates.

Ayon kay  Jonathan Koh, isang ekonimista, malaki ang magiging ambag sa paglago ng ekonomiya ng paggastos ng mga consumers at investment lalo’t nakakarekober na ang bansa sa pandemya.

Sa Agosto, muling magbubukas ang face-to-face classes sa bansa kaya sinabi ni Koh na malaking tulong rin ito kasabay ng nakakarekober nang sektor ng paggawa.

Sa unang quarter ng 2022, nakapagtala ang Pilipinas ng gross domestic product na 8.3%.

Dalawang dalagita ang nasawi makaraang anurin ng baha matapos ang malakas na pag-ulan sa Quezon City.

Dakong alas-12 kahapon ng hatinggabi nang matagpuan ng barker na si Jeffrey Fariñas ang hindi pa nakikilalang biktima sa Pasong Tamo Bridge 3 sa Mindanao Avenue, barangay Bahay Toro.

Naisugod pa sa Quezon City General Hospital ang biktima pero binawian din ito ng buhay.

Bagaman hindi pa nakikilala ang nasawi, isang Justin Mark Dimacal ang nagsabing live-in-partner umano nito ang 15 anyos na biktima pero hindi ito pinayagang makuha ang bangkay dahil tanging kaanak ang pinapayagan ng ospital.

Samantala, dakong alas-3 naman ng madaling araw kahapon, isang 15 anyos na babae rin ang narekober sa tabing-ilog sa Lorraine Street, Parkway Village, Barangay Apolonio Samson.

Kinumpirma ni Salvacion Napiri Peralta, na anak niya ang ikalawang biktima na natutulog kasama ang isa pang nasawing dalagita sa ilalim ng tulay sa barangay Culiat nang anurin ng baha bunsod ng malakas na ulan noong Sabado ng gabi.